|
Re: ## حبيب نورا .. حل ضيفاً على الإمارات ,, فمرحباً به ## (Re: ناجية مصطفى)
|
Quote: الأبن العزيز حبيب
أمنياتى لك باقامة طيبة بين أخوانك بورداب الامارت
ونتمنى ان نراك فى الدوحة قريبا انشا الله
ويا ناس الامارات ابقوا عشرة على الولد حبيب نورة
عشان نورة ما تزعل منكم
تحياتى للجميع وما بتقصروا
ولكم عظيم الود والتقدير |
ماما ناجية كيفنك ياخ والله فرحت شديد بي طلتك السمحة دي ربنا يخليك يارب واتمني اننا نتلاقي قريبا
لكِ جزيل الشكر يا غالية
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: Osman Musa)
|
Quote: عزيزنا حبيب نورة سلامات يازول طوالي شر الغيمة خيمة علي دبي وارتاح وصادق أجمل الغابات وصادق غصنها الفواح . يا حبيب نورة دبي دي خليها تكون ليك ملاذا من شتا الأيام . زي ما قال : رسول الشعر محجوب شريف . أسمع كلامي . وبالتوفيق أنشاءالله |
الحبيب عثمان موسي ياخ والله مشتاقين شديد وينك ياخ من ايام الشدر الكبار ما شفناك؟
انا حالياً في ابوظبي لكن باكر دغش بكون في دبي وبالفعل البلد كلها سمحة ونضيفة وبت حلال
تقول لي شنو وتقول لي منو هههههههههههههههههههه
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: Osman Musa)
|
Quote: يا حبيب نورة دبي دي خليها تكون ليك ملاذا من شتا الأيام . زي ما قال : رسول الشعر محجوب شريف . أسمع كلامي . وبالتوفيق أنشاءالله .. تحياتي عزيزي عبدالكريم |
** الأخ عُثمان موسى.. ** سلام وصباحك خير.. ## دبى أصبحت ملاذ لكل شعوب العالم ,, عشان كدا سموها :- دُبى دار الحى.. دبى دانة الدنيا.. ** التحايا لك.. (ودام الود بيننا)
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: حبيب نورة)
|
Quote: يا نوفل شنو ياخ اسي الواحد يشيل ليهو صندوق سجائر بينسون واللا شنو كشف الحال دا |
حبيب نوره دا من جاء الخرطوم عمل ازمة في السجاير لحدي ناس حجار باعوا المصنع ذاتو هههههههه
مشتاقين يا نعمات ياخ ... اها الضحيه ما معانا هنا ؟
شايفك حجيت في مسجد الشيخ زايد .. ما تجيب سيرة الالوان دي هههههه
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: عبدالدين سلامه)
|
Quote: أستاذنا / عبدالكريم تحياتي وشكرا على الاحاطة مرحب بيك حبيب نوره ... والبلد كلها بترحب بيك وفرحانه بيك ... إلى الملتقى |
** الإعلامى ود سلامه.. ** سلام ومساءك خير.. ## عايزين همتكم مع حبيبنا حبيب نوره فى عملية التغطيه الإعلاميه عند حضوره لدبى ..
Quote: تخريمه :- مولانا ... يوم الجمعة لازم نتقابل وأنا حأجي النادي ... المهم بيننا التلفون |
** ياخوى أنا يومى فى النادى بعد التاسعه والنصف مساءاً ,, مُُبرمج زى حـــمـــار الــحــواشـــه.. (ودام الود بيننا)
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: طارق الكوتش)
|
Quote: وياريت التنسيق ياناس دبى لنلتقى به و نسعدبحضوره الباهى |
** الباشمهندس طارق الكوتش. ** سلام وصباحك خير.. ## اولاً :- حمداً لله على سلامة العوده..
Quote: ( قهوة الفنانين يوم الخميس او الجمعة الجايه كيف ؟ ) |
** إقتراح وجيه أُثنيه ,, وليكن الخميس إذا تواجد حبيب نورا ,, الجُمعه تدشين الروايه بأبوظبى.. (ودام الود بيننا)
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: طارق الكوتش)
|
Quote: برنامج دبى و الامارات الشمالية : اليوم اللقاء الاول مع حبيب نورا القهوه الشعبية الشارقة - بعد صلاة العشاء مباشرة - - مؤكد |
##DONEQuote:
واللقاء التانى قهوة الفنانين دبى - الجُمعه- 08:30 م. - مؤكد. |
** مؤكد على حسب إتفاق الأمس بالقهوه الشعبيه..
Quote: اللقاء التالت - السبت القادم - تدشين الرواية - كما ذُكر اعلاه النادى السودانى دبى - بعد صلاة العشاء - مؤكد |
## مُــــؤكــــد.. ** الباشمهندس طارق الكوتش .. ** ســـلام...
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: عبد الله كسلا)
|
تحياتى مولانا عبد الكريم،، وكل بورداب الامارات الاكارم،،
التحية لكم وانتم تحتفلون بقدوم الروائى عضو البورد حبيب نورا .. ويا ليتنى كنت معكم.. ولن انسى فيض كرمكم ابان زيارتى الاخيرة لدبى فى رمضان الفائت فالامارت مليئة بسودانيين متميزين خاصة الاخوة البورداب والذين سعدت بلقائهم الخاطف فى الافطار السنوى .. والتحية للاخ خالد درق متمنيا ان يكون بالف صحة وعافية.. والحقيقة اخوتى بورداب الامارات تحسدون على تجمعكم الراقى والذى اتمنى من الله ان يديمه بينكم.. فانتم اهل كرم وصفوة نشهد لكم بما لمسناه منكم ..
تحياتى العميقة لكل بورداب الامارات وخالص امنياتى باقامة طيبة لحبيب نورا..
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: عبد الله كسلا)
|
ياخ إنتو ناس أحلا من العسل !
في زمناً بقت فيه المودة ضل ضحي الزول ما بلحق ياخد ليه جمة فوق عنقريب هبابي؛ إلا ويلقي أجلها تمّ لقيتكم والله أحلا من العسل طيبين وسمحين ومنجمّين وبتبقوا للزول أهل من قولة سلام . كانت جلسة سمحة وكورنيش الشارقة جمبنا راقد مستريح منسدل تماماً منساب وفرحان كيف الضحكة كانت جلسة تخلع من الزول توب مغايسو جيتكم ولقيتكم أجمل من الدغش الرويان مطرة؛ وأنضف من النيل الغسل إيدينو من إبريق الغيم .
وما بين طُرّة وكتابة ضاعت حروف وصابني السكات عذراً كنتم اجمل من كلماتي
أشكركم جميعاً وأتمني أن نلتقي مجدداً وتشرفت كتير بيكم
أشوفكم حلم؛ عشم ممدود قدح كسرة؛ حلم بنوتة بالسترة كلام ناساً حنان بالحيل ولي قدام
شكرن كتيرن !
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: Haytham Abdulaziz)
|
Quote: مولانا عبدالكريم كيف الحال عساك طيب..... للأسف يا مولانا... اليوم معاي ضيوف وما ح اقدر اكون معاكم.... إعتذاري للجميع.... |
** العزيز هيثم.. ** صباحك خير.. ** إفتقدناك ,, وكانت لمه محضوره بالزعيم أبو رغيم ومولانا عادل سمير وأخونا مُعتصم محمد صالح "ابونون" وبقية العقد الفريد من البورداب ,, ** على أمل اللقاء اليوم السبت الساعه الثامنه م. بالنادى السودانى - دبى, (ودام الود بيننا)
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: عبد الله كسلا)
|
كانت أمسية محضورة كما يقولون .. شرفنا فيها الزعيم عثمان رغيم والأخ الصديق الهميم معتصم محمد صالح (نستا) وصديقه وزميل مهنته الأخ أحمد (ضيف الأمسية) .. ومولانا عادل سمير .. والأخ الأستاذ عزالدين عثمان .. ونفر كريم من بورداب الإمارات ..
وأترككم مع الصور لتعبر لكم عن فرحة بورداب الإمارات بزيارة الأديب الشاب حبيب نورة
ونبدأ بالزعيم عثمان رغيم .. ونستا (ابو نون) .. معتصم محمد صالح
حبيب نورة والشيشة ..
ضيف الأمسية الأخ أحمد .. والأخ المستشار عبد الكريم .. والشيشة
الأخ المستشار مولانا عادل سمير .. والشيشة
| |
|
|
|
|
|
|
Re: ## حبيب نورا .. حل ضيفاً على الإمارات ,, فمرحباً به ## (Re: عبدالكريم أحمد الامين)
|
مساء الأمس تمَّ تدشين رواية "الحب من طرف ثالث" للروائي الشاب يسن سليمان "حبيب نورة"، وذلك بالنادي السوداني بدبي .. كان الحضور أقل مما هو متوقَّع وربما يعود السبب لمبارة الهلال الترجي التونسي .. عموماً شرف اللقاء سعادة الريس عمر على حسن .. وقام والأستاذ عبد الدين سلامة .. بتقديم حبيب نورة للحضور من خلال التحدث عن الرواية والجوانب التي تناولتها .. ثم أعطيت الفرصة للروائي الشاب ليتحدث عن روايته فتحدث عنها بإيجاز .. ولخَّص فكرتها والجوانب التي تناولها فيها .. ثم أتيحت الفرصة للحضور لإبداء آرائهم في الرواية .. وملاحظاتهم عنها .. وقد تحدث بعض الحضور وأشادوا بالرواية .. وقد كانت هنالك إستفسارات وتساؤلاتٍ لدى البعض .. وقد أجاب حبيب نورة على كافة الأسئلة التي تمَّ طرحها من الحضور ..
أمنياتنا للروائي الشاب حبيب نورة بدوام النجاح والتميز .. وهو مشروع لروائي فذ نتمنى أن نراه من بين كبار الروائين الذين يمثلون السودان في المحافل الأدبية الدولية
| |
|
|
|
|
|
|
|