|
وبهذا يعلن وفاة الحزب الشيوعي في السودان
|
بعودة زعبمه من الاراضي المقدسة وحجا مبرورا وذنبا ومغفورا بان الله
وعدم تقديم مرشحين لاتحاد جامعة الخرطوم لاول مرة في تاريخه
اخذ دورته لنصف قرن من الزمان وانتهى سنة 2011
|
|
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: البقى يتلقى العزاء في كولادرو و ارلندا ولندن ما في الصين ولا كوبا |
يا دكتورة سلام
ماركس نفسه سيد الاسم عاش قسما كبيرا من حياته ومات ودفن في لندن ,
والشيوعية نشأت في بريطانيا ووطنت اقدامها قبل سنوات عديدة جدا من ظهورها في الصين وكوبا, بل وحتى روسيا,
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
د. نجاة زولك دا مات من زمن ليس بالقريب وهم أنفسهم بينشدو القصيد بقولهم ديل نحن القالو خلاص متنــا ..
النسخة الموجودة دا هى ليست للحزب الشيوعى السودانى بل هى :
الحزب الاجتماعى الديمقراطى السودانى
وتشوفــى كلامــى دا ( وإن غداً لناظره لقريب )
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: فدياس نجم الدين)
|
Quote: هاجم الشيخ عبد الحافط من اسماهم دعاة العلمانية ، الذين أطلّوا برأسهم من جديد، في هذه الأيام ، على حد قوله. وقال إمام وخطيب مسجد كلية الطب إن الأحزاب السودانية ، حتى الكبيرة منها تخلّت عن طرح الشريعة الإسلامية. وفجّر الشيخ قنبلة من العيار الثقيل، حينما قال: الحزب الشيوعي، هو الحزب الوحيد الذي أكد على تطبيق الشريعة.. حيث كشف مولانا عبد الحافظ عن لقاء نادر تمّ بينه وبين سكرتير الحزب الشيوعي السوداني، محمد إبراهيم نقد.. والذي أكد على أنهم يقبلون بالتطبيق الحقيقي والعملي للشريعة في حياة السودانيين بعيداً عن المزايدات السياسية |
اعلاه ورد على موقع الراكوبة نقلا عن الوطن نقلا عن امام مسجد كلية الطب عنه انه قال ان نقد قال الذي قرأتموهوا اعلاه وعلى حسب كلام الاصوليين هذا شهادة آحاد ولا يؤخذ بها الا ان يقر السيد نقد انه فعلا التقى الامام وانه قال له كذلك مخرج اصولي للشيوعيين لووووول
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: Abuobaida Elmahi)
|
من المؤسف حقا لم يتابعوا التاريخ السياسي السوداني, هل تتذكرون عندما اعدم نميري قيادة الحزب فى يوليو 1971 , وملاحقة امنه مع مخبارات دول لملاحقة الشيوعيون والديمقراطيين, وماذا صرح بعد ذلك , هل نسيتم عندما قال نميري انه قضى على الحزب الشيوعي السوداني تماما من السودان ,هل تعلمون ان بعد ثلاثة اسابيع من اعدام قيادة الحزب اجتمعت اللجنة المركزية واختارت الأستاذ نقد سكرتيرا عاما للحزب وتصعيد بعض الزملاء لشغل اماكن الشهداء, نذكركم طالما ان هنالك قوى اجتماعية سودانية موجودة والحزب يعبر عنها طبعا بالضرورة لاتوجد أى قوة لا فى السماء أو الأرض أن تحرر شهادة وفاة للحزب الشيوعي السوداني من ممارسة نشاطه السياسي فى الواقع السوداني اللهم الا فى( كيبورد سودانيزاونلاين)
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عصام دهب)
|
الاشتراكية الإسلامية
الإسلام ... المستقبل لهذا الدين!! نعم الإسلام دين يجد القبول يومياً وعلى أعلى المستويات الاجتماعية في القارات السبعة...
قبولاً أخاف منه حتى السكان غير المسلمين في تلك القارات ...
لقد آن أوان البعث الإسلامي - وليس البعث العربي - مرة أخرى وعلى مستوى العالم ...
كل الشواهد تدل على اندياح الإسلام و تمدده وانتشاره في العالم اليوم ...
فهو دين ترتضيه الفطرة السليمة ويؤيده العلم الحديث بكل ما وصل إليه من تطور ...
ومن يرفض الإسلام ... يظلم نفسه و حزبه و جماعته و دولته و قارته...
من يرفض الإسلام ... يسبح عكس التيار ... تيار النهضة الإسلامية والبعث الإسلامي الذي انتظم كافة أرجاء المعمورة ....
وسوف لن يجد لنفسه وحزبه وجماعته ودولته وقارته أي موطئ قدم على سدة الحكم والحكام... بل سوف يكون تابع وليس قائد ...
فالقيادة والريادة للأفراد والجماعات والأحزاب والدول مرتكزة على العودة إلى الإسلام المتصالح مع نفسه والآخرين ....
والآخرين هم بلا شك عالم غير المسلمين .... فالوصول إلى صيغة توافقية معهم أصبح ضرورة ملحة للنهوض بواجبات الحكم والسلطة في بلدان العالم الإسلامي اليوم... وإلا فلا وصول لسلطة أو حكم...
فالاسلام المتطور ضرورة اليوم من أجل التواصل مع الغرب والشرق معاً ...
والإسلام الاشتراكي الذي ندعو إليه هو الصيغة التوافقية المطلوبة اليوم بين عالم الرأسمالية المتوحشة وعالم الشيوعية الملحدة التي لا تقيم للإسلام وزناً...
ندعو إلى اشتراكية الإسلام وليس عروبة الإسلام ..
فعوربة وقومنة الإسلام زمناها ولى ... كما ولى زمان الشيوعية الملحدة والاشتراكية الملحدة...
وكما سوف يولى زمان الرأسمالية المتوحشة – كما جسدها النظام الحاكم الآن في السودان – و التي تجعل المال دولة بين الأغنياء فحسب ... وتقذف بالمزيد من الفقراء إلى قارعة الطريق كل يوم.....
الإسلام ضرورة حياتية وعقلية وروحية ... لا يمكن تخطيه على الأقل في عالمنا الإسلامي - والسودان جزء من هذا العالم الإسلامي - لا يمكن تجاوزه و المرور به دون التوقف عنده ...
أجزم أن المسلمين السودانيين اليوم لن يتقبلوا أبداً فرد أو أسرة أو مجموعة أو حزب - داخل السودان - يؤسس بتجاهل الإسلام ... بل وإنكار دوره في الحياة ... وبالتحديد عندما يريد ذلك الفرد أو الأسرة أو المجموعة أو الحزب أن يعتلي سدة الحكم في السودان..............................والتاريخ شاهد.
إذن ضرورة التركيز على اشتراكية الإسلام والاعتراف بدور الإسلام في السودان هو منصة الانطلاق لتكوين الفرد والأسرة والجماعة والحزب ....بل الدولة والعالم ....
اشتراكية الإسلام هذه هي ما نفتقده اليوم في السودان...
في وقت يشهد السودان فيه ميلاً نحو الرأسمالية واقتصاد السوق الحر وسياسات الإفقار المتعمد والتجويع الإجباري ... في حين تقوم أقلية من رأسمالي المسلمين باكتناز المال بل وجبايته من أي مصدر وإعمال أدوات السلطة من أجله ... وانفاقه في البذخ والتباهي ... تحت ظل حكومة تدعي الإسلام ... أصبحت هي السمة البارزة اليوم في السودان وهي ما يقف خلف كل المشاكل الاقتصادية والاجتماعية والنفسية والاجتماعية والسياسية التي ألمت بالسودان... وأدت إلى حمل السلاح واقتلاع الحقوق من مركز السلطة في الخرطوم.............................
(إذا انتقل الفقر إلى بلد قال له الكفر احملني معك)
(وما اغتنى غني إلا بفقر فقير)
(وليس منا من بات شبعان وجاره جائع إلى جنبه وهو يعلم)
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: بعودة زعبمه من الاراضي المقدسة وحجا مبرورا وذنبا ومغفورا بان الله
وعدم تقديم مرشحين لاتحاد جامعة الخرطوم لاول مرة في تاريخه
اخذ دورته لنصف قرن من الزمان وانتهى سنة 2011 |
ما علاقة عودة نقد من الحج وما علاقة الحج نفسه بموات الحزب ؟؟ وهل الحزب الشيوعى محصور فى جامعة الخرطوم ليكون عدم بروز مرشحين فيها وفاة للحزب ؟؟ انتى لو حقيقة بتستاهلى حرف (الدال) القدام اسمك كان الواجب ان تقدمى نقد حقيقى وتسلسل احداث ورؤية حقيقية لكى تعلن وفاة حزب لم يموت حين عمل فيهم نميرى مجازره وحين طوردت كوادره طوال سنوات وسنوات ... لعلمك يا نجاة (حافى كدة) : من يظن ان الافكار تموت هو الميت لك الرحمة يا اختى
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
الاسم الاول جوزيف ...ويستمر نضال القوى الديمقراطية ...وعاش نضال شعبنا
من رحلوا ..رحلوا لجروف الوطن ..لانجاب اخرين.....هم ملح الارض.... هم التقاوى النابتة .....هم رئة الفقراء والكادحين ....الحق لايموت ..لايموت
التحية لكل شهداء الشعب السودانى والمجد والخلود لشهداء الديمقراطية والسيادة الوطنية والتقدم الاجتماعى......ودمك فينا يا جوزيف ..لن تموت
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: معاوية عبيد الصائم)
|
Quote: غاب جوزيف ...للراحة ......وحضر جوزيف واستلم وردية ....كدى شوفى سعاد دى ....وقااار وهمة ...مدهشة
...........
التحية للبواسل ........ويستمر النضال ....والاسم التانى جوزيف سادى الوردية |
والله اتلومت يا شخص سعاد حااااااااااااف كدة ؟؟؟ بلد فيها على كرتى وزير خارجية ورمضان احمد السيد عامل ماجستير ونجاة دكتورة تكتب لينا سعاد حاااااااااااااف ولا حتى ماجسطير
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
Quote: وعدم تقديم مرشحين لاتحاد جامعة الخرطوم لاول مرة في تاريخه |
هذه المعلومة غير صحيحة، وتدس دساً كأنها من المسلمات حتى تمر الفكرة المركزية للبوست (وفاة الحزب الشيوعي السوداني) مرور الكرام، هذا أسلوب كيزاني أصيل.
أنا شخصياً كنت عضواً في الحزب الشيوعي السوداني والجبهة الديمقراطية بجامعة الخرطوم، وكنت مرشحاً عن الجبهة الديمقراطية في قائمة التجمع الوطني الديقمراطي (الذي كان يضم إلى جانب ج. د جبهة كفاح الطلبة وطلاب حزب الأمة وطلاب الحزب الاتحادي الديمقراطي ومؤتمر الطلاب المستقلين والجبهة الوطنية الأفريقية) في العام 1992م. وكنت مندوباً للجبهة الديمقراطية في اللجنة السياسية التي تمثل قيادة ذلك التحالف، بعد قراءة لواقع الجامعة حينها قررت اللجنة السياسية وبالإجماع وفي اجتماع عقد في داخلية تهراقا بمجمع الوسط حتى الساعات الأولى من الصباح، قررت الانسحاب من الانتخابات ودعم قائمة الطلاب المحايدين وتوجيه عضوية تنظيمات ذلك التحالف بالتصويت لصالح الطلاب المحايدين وبالفعل فعلنا وانتصرت القائمة (قائمة الطلاب المحايدين) وسلطة مجرمي الحرب في قمة قمعها. وجاء رئيس الاتحاد طبيب الأسنان عضو المنبر دهـ حاتم المهدي وسكرتارية مهندس الكومبيوتر وعضو المنبر دهـ أسامة محمد إدريس والسكرتارية الاجتماعية كانت لصالح الأستاذ المحامي حاتم الفاضل وهو عضو بهذا المنبر أيضاً، التحية لهم ولأبي ذر عمر النور واليسع عبد المنعم وغيرهم. وليس لأسباب من شاكلة حجة نقد أو انسحاب من انتخابات تموت أو تولد الأحزاب، ذلك جدل معرفي واسع في علم السياسة لا يمكن ابتسارهـ بهذه الطريقة الفطيرة والمسطحة فكرياً بل والمغرضة أيضاً.
طريقة رخيصة لدس الأخبار الملفقة.
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: معاوية عبيد الصائم)
|
يا أحمد خليل كدي نحكي ليك النكتة دي زمان كدا في متطرفين مصريين قاموا كتلو ليهم وزير إسمه رفعت المحجوب واحد مسطول جاء في الغرزة وقال: سمعتوا الخبر؟؟؟ الواد رفعت المحجوب كتلوه ورد عليه واحد: لا حول ولا قوة إلا بالله، من إمتي الكلام دا؟؟ رد النهاردة وكمان شوية تاني قام في الجماعة سمعتوا الخبر؟؟؟ الواد رفعت المحجوب كتلوه ورد عليه نفس الواحد: لا حول ولا قوة إلا بالله، من إمتي الكلام دا؟؟ رد النهاردة وبكرة جاء المسطول في الغرزة وقال سمعتوا الخبر الخبر؟؟؟ الواد رفعت المحجوب كتلوه ورد عليه نفس الواحد: لا حول ولا قوة إلا بالله، من إمتي الكلام دا؟؟ ردأمبارح رد عليه المسطول التاني هو مستقصدنه ولا أيه؟؟؟؟
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: معاوية عبيد الصائم)
|
يا أحمد خليل كدي نحكي ليك النكتة دي زمان كدا في متطرفين مصريين قاموا كتلو ليهم وزير إسمه رفعت المحجوب واحد مسطول جاء في الغرزة وقال: سمعتوا الخبر؟؟؟ الواد رفعت المحجوب كتلوه ورد عليه واحد: لا حول ولا قوة إلا بالله، من إمتي الكلام دا؟؟ رد النهاردة وكمان شوية تاني قام في الجماعة سمعتوا الخبر؟؟؟ الواد رفعت المحجوب كتلوه ورد عليه نفس الواحد: لا حول ولا قوة إلا بالله، من إمتي الكلام دا؟؟ رد النهاردة وبكرة جاء المسطول في الغرزة وقال سمعتوا الخبر الخبر؟؟؟ الواد رفعت المحجوب كتلوه ورد عليه نفس الواحد: لا حول ولا قوة إلا بالله، من إمتي الكلام دا؟؟ ردأمبارح رد عليه المسطول التاني هو مستقصدنه ولا أيه؟؟؟؟
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
د نجاه الحزب الشيوعي مات يوم ان تفكك الاتحاد السوفيتي بل احسب انه مات قبل ذلك وبالتحديد يوم ان فاز بثلاث مقاعد في برلمان الانتفاضه التي يتمشدق الشيوعيون بانهم صناعها نقد وعز الدين علي عمار وجنوبي في مقاعد الخريجين كان ذلك كل حصادهم قبل ثلاث عقود لو قدر لك اليوم ان تبحث عن شيوعيين في محيطك الضيق ستكون كمن يبحث عن ابره في كومه قش ولو قدر لهم ان يخوضوا اي انتخابات وبدون اي خج فلن ينالوا من اصوات الشعب المسلم الا الفتات وحتى هذا اشك ان ينالوه ماتبقي لهم رجال وصلوا ارزل العمر متعلقين بنظريه باليه وبضع شباب يرون في لبس الجنز المتسخ واطلاق الشعر وتبني الافكار الغريبه نوع من التميز والتفرد واناشيد واشعار الحق انها اجمل ما يملكون لكنها لا تكفي لكسب الاصوات ولا المؤيدين
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: فدياس نجم الدين)
|
Quote: د نجاه الحزب الشيوعي مات يوم ان تفكك الاتحاد السوفيتي بل احسب انه مات قبل ذلك وبالتحديد يوم ان فاز بثلاث مقاعد في برلمان الانتفاضه التي يتمشدق الشيوعيون بانهم صناعها نقد وعز الدين علي عمار وجنوبي في مقاعد الخريجين كان ذلك كل حصادهم قبل ثلاث عقود لو قدر لك اليوم ان تبحث عن شيوعيين في محيطك الضيق ستكون كمن يبحث عن ابره في كومه قش ولو قدر لهم ان يخوضوا اي انتخابات وبدون اي خج فلن ينالوا من اصوات الشعب المسلم الا الفتات وحتى هذا اشك ان ينالوه ماتبقي لهم رجال وصلوا ارزل العمر متعلقين بنظريه باليه وبضع شباب يرون في لبس الجنز المتسخ واطلاق الشعر وتبني الافكار الغريبه نوع من التميز والتفرد واناشيد واشعار الحق انها اجمل ما يملكون لكنها لا تكفي لكسب الاصوات ولا المؤيدين |
تحليل سليم يستحق صفقة بدليل اننى قابلت معاوية الصايم قبل اسبوع وكان لابس جنز متسخ ومطلق الشعر (جبت لينا الكلام يا معاوية )
غايتو بلدنا دى فيها جنس حاجات
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
هشام عباس دي ركشة جديدة في خط بيان ولا شنو؟
يازو ل مقوم نفسك فوق شنو؟
بعدين ما دام بوق شاتم جديد عايزين بالله حاجات جديدة دكتوراه دي قتلت من الاستخدام..
امانة ما مات وشبع موت وبقى بس الضفيرات الخرباشات حية وهذه آخر ما تموت حيث انها اصلا تعيش في ذلك الجسم لانهاوجدت حاجاتها اولا ثم انتمت نوع تظليل وكدا.
هاك البالونة دي..
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
ود الصائم وهشام
ياخ إنشااااااااا الله إنتو كويسين
ياخ مضيعين زمنكم ساكت في جنس نقاش زي دى لا بودي ولا بجيب بنسمع فيهو من عشارات السنين ، بعدين زي ما سبقني هشام وهو متين كان في فكر بموت حتى لو كان خطأ - خلي يكون فكر بنادي بحقوق الضعفاء والحرية والعدل والديمقراطية.
هسي أنا لو كان عندي رأي في الحزب الشيوعي من حيث العقيدة (ملحدين مثلاُ) لما أسمع إنو في مسؤول في الحزب مشى الحج أفرح ولا أقول حزبو مات؟؟؟؟ سؤال على جنبة كدا لو سمعنا إنو عمر البشير ولا الترابي ترك الصلاة معنا كدا الإسلام مات وراح فيها؟؟؟؟؟
لك ولي ضيوفم ألف تحية وسلام
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: نورالدين بابكر بدري)
|
Quote: هشام عباس دي ركشة جديدة في خط بيان ولا شنو؟
يازو ل مقوم نفسك فوق شنو؟
بعدين ما دام بوق شاتم جديد عايزين بالله حاجات جديدة دكتوراه دي قتلت من الاستخدام..
امانة ما مات وشبع موت وبقى بس الضفيرات الخرباشات حية وهذه آخر ما تموت حيث انها اصلا تعيش في ذلك الجسم لانهاوجدت حاجاتها اولا ثم انتمت نوع تظليل وكدا.
هاك البالونة دي.. |
يا د/ نجاة
سلام
معقولة إنتي الكاتبة الكلام الفوق دا
دا كلام شماشة عديل كدا
أنا الراجل دا ما بقدر أقولوا
بالغتي في (هاك البالونة دي)
دا شنو يا نجاة
إنتي متأكدة إنو الباسورد دا ما عند واحد شاب صغير في العشرينات أو أقل
أنا غايتو محتار شديد من اللغة دي
دا راندوق يا مرسي؟
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: فدياس نجم الدين)
|
الأخ فايز سلامات ومودة
يا زول ان ما مسكت فينا نحنا حنمسك فيك
الاخ فدياس تحايا واحترام
Quote: ودالقاضي الليبرالي ده اخير منو الشيوعي لو ما اخاف الكضب اقول رواد دار نادي التاج الامدرماني اكتر من عضويته |
لا اعلم كم هو عدد رواد نادي التاج الامدرماني لهم مني التحية وكل الاحترام مع ذلك صحيح ان عدد عضويتنا بسيط مقارنة مع المهام الكبيرة التي وضعناها امام عاتقنا كحزب وهذة معضلة علينا مواجهتها؛ وان كنت اظن انها بالارادة الصلبة والعمل المثابر ستحل دون شك؛ فالبدايات دائما صعبة
وكما تعلم فإن اليافع يكبر ولكن الهرم لا يصغر .. وهذه قوانين الطبيعة والاجتماع
لك الاحترام
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: فايزودالقاضي)
|
Quote: بختكم ياشيوعيين بعد ده تقفلوا اى بلف وتقوموا اى مظاهرة وتقيد الحادثة ضد ميت ...
اها الجماعة تركوا وصية ولا نمسك في اللبرالي بعد ده ؟!! |
فايز اخوى ديل ما مضمونين يكتلوك وكت عايزين ولما تحصل مصيبة يبعثوك حى من جديد
الوصية تلقاها عند البعثيين
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عفاف ابوكشوه)
|
يعني يا عفاف عايزة ليك خطاب صفوي متعالي ولا شنو؟
ما قلت ليكم انا ما عايزة ابقى "غدوة" لاي زول
الرش دا كلو ما بيغير الحال
الدكتوراهات المضروبة دي بس عند اعضاء الحزب الشيوعي ما غيرهم
بس راجعوا التأريخ بالذات الناس العينوهم ايام التمكين في جامعة الخرطوم..بعد فصل الرجعين ناس بروف عبد الله الطيب وخاصة ناس كلية الاقتصاد..
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عمار محمد ادريس)
|
Quote: وبهذا يعلن وفاة الحزب الشيوعي في السودان |
غايتو لو ده حصل يا دكتورة حتحسي بفراغ رهيب .. حياتكـ كلها محصورة في معاداة الشيوعين فلو بقي مافي شيوعين حالتكـ حتبقي أصعب من أسه ..
عليكـ الله بعد جبت أجل الشويعيين شوفي لينا طريقة للمريخاب ديل .. عذبونا عذاب الله أكبر
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: خالد عبد الله محمود)
|
Quote: سلامات د نجاة والمتداخلين الاعزاء لقد لفت نظري العنوان الغريب لكن عندما اطلعت علي محتوي البوست دهشت بل ذهلت من اللغة والالفاظ التي تكتب بها الدكتورة نجاة والتي يفترض ان تكون اللغوة والمفردات التي تخاطب بها القراء
لغة تعبر عن درجة الدكتوراه التي تحملها
كما ينبقي ان تكون غدوة لطلاب الجامعات الذين
تخاطبهم وتحاضرهم باعتبار ان الاستاذ يمثل بالنسبة لهم رافد من روافد المعرفه والاستنارة ولا يستقيم الظل والعود أعوج ولا يوجد اي مبرر لاستخدام لغه او الفاظ تققل من هيبة الاساتذه وهل يعقل ان يكةن للدكتورة منهجين في المخاطبه ؟ في قاعة المحاضرات لغة محدد للتخاطب وعبر الفضاء الاسفيري لغة أخري اليست هذه ازدواجية في المعايير ؟ ام كما يقال كل اناء بما فيه ينضح يمكن ان نخلتف او نتفق في كل ما يتعلق بالشأن السياسي السوداني لكن باحترام بعضنا البعض ودون ان نفسد السياق العام في الخطاب السياسي والاجتماعي والثقافي مداخلتي متعلقة بالخطاب السياسي ةليست للرد علي محتوي البوست وهذا ما لزم توضيحه نأمل أن يرتقي اسلوب الحوار الفكري والسياسي والاجتماعي والثقافي والديني الي اعلي الدرجات لتستفيد منه الاجيال المتعاقبه جيلا بعد جيل ونخلص الي خطاب ولغة مشتركه تعبر عن تطلعات وأمال كافة السودانيين واختلاف الرأي لايفسد للود قضية ونواصل الحوار مودتي عفاف ابوكشوه صحفية وناشطة سياسية وحقوقية ومهتمة بترقية الخطاب السياسي |
استاذة عفاف .......سلام
لما قلت ليكم الما بقول لي يابروف مابرد عليه استكترتوا على اللقب.. شفتوا الدكاترة كيف؟ قادر الله!! الحكاية كلها القاب ساكت ، حليل الدكتوراة الكانت بتنعكس على حاملها ادب وتأدب ورقى وسلوك وممارسة،،،
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: صديق الموج)
|
والله الحال لدكتورة بيان ( نجاة )
يعبر عن محبة للحزب الشيوعي وقلبها مع اهله
لانها غير مشغولة حتي بالاصلاح لحزب النجاة وحزب الرحمن المؤتمر الوطني مشرع الاديان
كل الهم والطرق لاصلاح الحزب الشيوعي واحياء فروعه ومركزه وبرامجه واستعادة عافيته
علي اعضاء الحزب الشيوعي من الرجال والنساء شكر دكتورة نجاة لان هذا اعلان واعلام لحياة الحزب
التحية للدكتورة وللحزب الشيوعي
ويا ريت لو كل واحد منا تخصص له في حزب او رابطة او تجمع وحركات ومنظمات مجتمع مدني
كان انصلح الحال
عاش نضال الحزب الشيوعي وعاش نضال الشعب السوداني
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: Sabri Elshareef)
|
Quote: يعني يا عفاف عايزة ليك خطاب صفوي متعالي ولا شنو؟
ما قلت ليكم انا ما عايزة ابقى "غدوة" لاي زول
الرش دا كلو ما بيغير الحال
الدكتوراهات المضروبة دي بس عند اعضاء الحزب الشيوعي ما غيرهم
بس راجعوا التأريخ بالذات الناس العينوهم ايام التمكين في جامعة الخرطوم..بعد فصل الرجعين ناس بروف عبد الله الطيب وخاصة ناس كلية الاقتصاد.. |
غايتو يا نجاة (حافى كدة) انا معاكى قلبا وغالبا (غالبا دى عشان انتى دكتورة تلقى ليكى حاجة تمسكى فيهازى غدوة ) انا مقتنع انك عندك دكتوراة فى العلوم السياسية بدليل نظريتك الاولى (انا ما كوزة لكن اعارض المعارضة) والنظرية التانية (الموات بعد الحج ) عشان كدة انا بقترح ليك اقتراح من حسع : جهزى ليك نظرية سريع وختى احتمال سقوط الكيزان ووصول المعارضة للحكم والنظرية دى تقومى تقلبى فيها المعادلة يعنى بدل (انا ما كوزة لكن اعارض المعارضة) خليها (انا ما معارضة لكن كنت بعارض المعارضة اللى بقت ما معارضة وبعارض الكيزان اللى انا ما كنت منهم لكن بعارض معارضيهم ) .. بى كدة انا اضمن ليك من حسع انتى واحمد زويل فى سرج واحد
تخريمة : قلتى لى الشيوعيين هم المعاهم دكتوراة مضروبة ؟؟ طلعوا خونة لكن بالله انا لافى معاهم السنين دى كلها ما لقيت لى (دال) واحد يقعد قدام اسمى فى زمن الدكتوراهات المضروبة دى
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
اذا كانت نجاة او( بيان) سابقا مقتنعة ان الحزب الشيوعى مات فلماذا شاغلة نفسها بيه ليل مع نهار لدرجة ان كل كتاباتها عن الحزب للشيوعى ?هل خوف ام عقدة الله اعلم. يحج يصلى ماشغلك لانها علاقة خاصة بين الرب وعبده ولا الواحد لازم يؤخذ صكوك الغفران منك ومن الكيزان لدخول الجنة!
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
نجاة سلامات
طبعا انتي عارفه اني حجيت اكثر من مره فلا اري في ذلك مشكله وبصراحه في السعوديه سكنت جنبنا اسره (انقاذيه ) ورمضان علي الابواب فبدا يتحدثو عن الصيام والعقاب والحساب وباب الريان --الخ باعتبار اننا ملحدين وما بنصوم --في الاسبوع الاول من الشهر الكريم اول من قابل الدكتوركانت تلك الاسره يشتكي --شنو الكلي قامت علي لزوم الافطار --تصوري
اما عن موضوع نقد وجيتو من الحج معقوله يا نجاة صدقتي الجماعه ديل
يا زوله كنا قاعدين معاهو في العيد بس الظاهر نقد بين ليهم في عرفات والحرم او الجماعه جاتم الهلوسه --الشافي رب العالمين
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
هشام عباس ما خائفة الا تطلع لينا نـوائلـــــــــــــاصر ولا هنـــشروقــــــــادي ولا مراويد ولاي اي حاجة من حاجاتم هنا متعددة الاسماء
دكتورة ما تشوفي لينا طريقة مع الاسماء المتتنافية دي لازم الحزب يرجع لكتاب اصلاح الخطأ ويشوف ناسو المتفلتين الفضائح ديل
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: قلتى لى الشيوعيين هم المعاهم دكتوراة مضروبة ؟؟ طلعوا خونة لكن بالله انا لافى معاهم السنين دى كلها ما لقيت لى (دال) واحد يقعد قدام اسمى فى زمن الدكتوراهات المضروبة دى |
دي بتعتمد على سنك كم ولافي مع منو؟
كدي شاور كبارك في ناس جابوا كتب قالو الفوها وطلع كذب وفي ناس جابوا شهادات دكتوراه مضروبة من قبيل الاستعجال الثوري ولحق المولد الاحمر وفي ناس اجتهدوا ترجموا بحوث اخرين وقدموها على انها بحوثهم وتم اكتشافهم في الفايفا حقتهم شوف ليك اي ديناصور يحيجك بيهم.. وبالله ما تنسى يكلموك عن كلية الاقتصاد جامعة الخرطوم وتحويلها الى كلية اقتصاد اشتراكي جابو منو ورفدو منو
ما بزعل الا لما يجي زول عمرو 10 سنة يغالط..
انده لينا حد كبير نكلمو .
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: سلامات يا دكتورتنا العزيزة
هل نفهم من ذلك ان نقد لم يذهب الى الحج ودي دعاية كيزان؟
مع التحية والاحترام وطرفكم عنقريب |
يا جماعة مصيبة شنو اقصد دكتورة شنو دى انتى بعدما قررتى عودة نقد من الحج وبنيتى معادلتك على حج نقد واعلنتى وفاة الحزب بناء على هذا الحج جاية فى المداخلة العشرمية تتاكدى اخيرا هل ذهب نقد ام لا ؟؟؟ طيب نقول نقد ما مشى الحج هل ننتظر معادلتك تتغير !!!! يعنى لو لقيتى نقد ما مشى الحج حترجعى تحيي لينا الحزب ولة خلاص مات وشبع موت ومافى طريقة للبعث من جديد ؟؟ كل ما نقول البلد دى يمكن تمشى لقدام نلقى دكاترة ماسكين رجلها جنس دكاترة
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
Quote: دي بتعتمد على سنك كم ولافي مع منو؟
كدي شاور كبارك في ناس جابوا كتب قالو الفوها وطلع كذب وفي ناس جابوا شهادات دكتوراه مضروبة من قبيل الاستعجال الثوري ولحق المولد الاحمر وفي ناس اجتهدوا ترجموا بحوث اخرين وقدموها على انها بحوثهم وتم اكتشافهم في الفايفا حقتهم شوف ليك اي ديناصور يحيجك بيهم.. وبالله ما تنسى يكلموك عن كلية الاقتصاد جامعة الخرطوم وتحويلها الى كلية اقتصاد اشتراكي جابو منو ورفدو منو
ما بزعل الا لما يجي زول عمرو 10 سنة يغالط..
انده لينا حد كبير نكلمو . |
لا .. نحنا كبارنا مافاضين لامثالك عشان كدة بيرسلونى انا الشافع دة اقزقز معاكى وطبعا انا الشافع دة ما طالبتك تحكى لى شمارات بيوت البكاء فلان جاب وقبضوه وعلان طالع الشجرة نزلوه وفرتكان سرق منقة الجيران انا سألتك انتى سؤال : لقيتى الدكتوراة بتاعتك دى مجدوعة فى ياتو حلة عشان نلحق السوق ؟؟ بس عايزين اجابة اما فلان وفرتكان ديل لما تجيبى اساميهم وجرائمهم يقدروا يواجهوك انا اسع دايرك انتى تواجهينى عشان ما تفكى لينا نظريات غريبة هنا وتعملى فيها رايحة آل دكتورة آل
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
سلام يا دكتورة
والله قدر ما مسكت نفسي ما قدرت غايتو لو واصلت متابعة بوستاتك دي حتتحقق فيني نبؤة عمر البشير والضحك يشرطني المشكلة الواحد في زمن الهم والغم دة بقى مدمن لي عواراتك دي
غايتو الله يديك الصحة والعافية ويخليك للزينا ديل
الفاتحة
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: معاوية عبيد الصائم)
|
Quote: ازم الحزب يرجع لكتاب اصلاح الخطأ ويشوف ناسو المتفلتين الفضائح ديل |
ثم طالبت الدكتورة العظيمة الحزب الميت مسبقاً بفعل حج زعمه الصحيح وغير المزعوم (بعد استفسار الدكتورة احسان فقيري ) طالبت بانها سوف تلغي تحرير شهادة الوفاة شريطة ان يرجع الحزب الي وثيقة اصلاح الخطاء ...........وكلمة وثيقة هذه دلالة علي ان للدكتورة اطلاع وثيق علي وثائق الحزب ............وكان هذه الوثيقة قد امليت علي الحزب الميت من الخارج ........ وعلي فكرة اسم الوثيقة اصلاح الخطاء والعمل وسط الجماهير .........وهي ليست وثيقة سرية ......وهي مكتوبة من القائد عبدالخالق محجوب ، ولم ينل عليها دجة ماجستير ولا دكتوراة ولا حتي مزعومة أو ملفقة ........وموجودة في الاسواق . ولذلك لزم التنبيه والله لو طلع الزول ده حج ..........يكون حاجة كويسة ...........ولو ماحج شكلو اتلوم مع الكيزان ديل
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: يا زوله كنا قاعدين معاهو في العيد بس الظاهر نقد بين ليهم في عرفات والحرم او الجماعه جاتم الهلوسه --الشافي رب العالمين
|
مدد يا سيدي نقد .. مدد
--------
كحاج، اؤكد انني لم ار الحاج نقد، وسط الزملاء الحجاج .. الا يكون شافوهو أهل الحضرة و المجاذيب غايتو .. و دا مقام رفيع على عوام الحجاج كمان!
يا مشرف
قتل الهر .. و صدرت الجرائد بعنواين:
لم يقتل .. لكن توفاه الاجل
"وا هراهـ!!"
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: قيقراوي)
|
غايتو شوفى عينى دى ..يشهد الله شفت ديل فى الحج
قيقا ابراهيم النعمة عبد العزيز الكنزى محمد عبدالله محمد عبد الرحمن وناصر الليندى واخرون ناس حج (سرى)
وديل اهل المرحوم طال عمرو... اهلوا دم ولحم وسالتهم وقلت انتوا .. حاجين ......... يا مندحرين
نط ابراهيم النعمة ..... قال لى ..لالا...حاجى قيقا بس نحن شغالين ..وكمان يا معاوية عبيد...خدمة الحجاج (تهمة لا ننكرها..وشرف لا ندعيه).....
الغريبة انا مكتبى جنب الجمرات (صدفة ساااااى) مقابل مخيم كيزان الحج السياحى...الغريبة.فاتحة ساى ما شالوها مع مع ودلاد المرحوم ده....الله يرحمو ويحسن اليه.....
خالص التعازى لولاد وبنات المرحوم..... طه فى كندا ووخدر فى هولندا..وعصام فى سويسرا محل الساعات..والشبح الاسمو ابوعبيدة ..ع قول د نجاة..وخضر فى السودان وخالد عبيد وزوجته رقية عبيد فى استراليا...وهشام عباس المعروف بكانو وين وناصر المحسى ..والمشرف ..واخوانهم الما اشقاء ..عفاف واحسان وعاطف
معا..لدعم هولاء الايتام ...نقبل الله
الدوام لله والبقاء للمؤتمر اللاوطنى
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
صديقتي نجاة..حبابك مالك ياخي بقيتي زي قريبتي امونة( المدعوه امنة مختار).. تجليها و هي مقنطرة ياخي (وين عهد الكبك اب شلاخات)؟؟ المهم.. ما يجمعني بيك ..محبة المدعو الحزب الشيوعي السوداني..و الغريبة طوالي عافصين لينا..التقول ما اخترعوا فكرة الإلتحام الجماهيري و الذي منو.. المهم..وصيتي ليك.. ما ظني الحزب الشيوعي هو نقد و بس (ياخي لو كنت شيوعي كان طالبت بفصل نقد عن الحزب عشان الجماهير تعرف ليها صرفة)..! لكن بيني بينك.. واجعني قصة انتخابات جامعة الخرطوم دي..شيوعيين شنو البتحالفوا مع المؤتمر الشعبي ( بيني و بين نفسى قاعد افتش ليهم مخرج..و اقول المصايب بتجمع المصابينا)..!! ياخي الحزب الشيوعي السوداني الكحيان ده يا نجاة.. لو مات معناتو بتموت معاهو حاجات كتيرة خلاص.. اولها قوانين العمل في السودان (على بالحلال لو ما الحزب الشيوعي السوداني.. القوانين دي ما قامت ليها قايمة)..!.. الناس ديل واصلين خلاص..كن بقوا حيكومة و كن بقوا معارضة..ومشكلتهم الأزلية انهم بيدافعوا عن الما بيقدر يدافع عن نفسو..!! ياخي زول يقول يقول ليك ( الإسلام في خطر)..و زول يقول ليك (تعال نفكر في علاقات الإنتاج)..؟ منو الأحق بالحياة؟..و زول يقول ليك ( امشي كاتل عشان الإسلام و العروبة)..و زول يقول ليك (فكر في الثروة العندك شوف منو الشاهلها منك).. منو فيهم الأحق بالحياة..؟!! الناس ديل فيهم حاجات كويسة يا نجاة,, نقد يحج ولا يقعد يوقد تقابة الشيخ الياقوت..تب ما عندنا بيهو شغلة.. لكين الحق حق..ولا مو هيك؟..
كبر (مركب مكنة مغفل نافع..فيها مشكلة يعني؟)
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: شوفت "السكلي" عل المات ومكفن دا كيف يا عزيزي القارئ؟
اصبر شوية حتنزل الاسماء الخفية التانية وديل عليهم اغتيال الشخصية
باستخدام التلميحات البطالة |
يا زولة قولى بسم الله تلميحات بطالة شنو كمان ؟؟؟ اطمنى لا لينا قضية بانتى مين ولا نحنا ناس مبتذلين عشان نلمح فيك او عليك بنتكلم فى حدود نظريتك المبهرة يمكن نستفيد ونقوم نكتل لينا كم حزب ونحكم البلد دى لكن شايفك طالعة فوق شديد قلتى لى اغتيال شخصية هى وينا الشخصية عشان يغتالوها ؟؟ معقولة واحد يفكر يغتال حاجة ما شايفا ...
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عفاف ابوكشوه)
|
Quote: ديل انحنا القالو متنا وقالو فتنا وقالو للناس انتهينا
نحن ملح الارض لن نموت ولن نقوت ولن نتيتم |
ما عارفة ليه اتذكرت نشيد ما بالشعارات يا مايو....... الخ الخ
Quote: áوحتي علي مستوي اللقاءات التي كانت تتم بدعوه من المؤتمر الوطني ببيت الضيافة لقادة المعارضه في وقت ( الزنقات ) قبل وبعد مذكرات التوقيق التي اصدرها اوكامبو |
اها بالله في حاجات ذي دي بتحصل؟
ياخي مؤتمر وطني ولا اي حجاة ما عندي اي دخل بيهم الناس ديل اصحابكم واحبابكم وقاعدين في برلمانهم ما تلصقيهم فوقي بالله تكذبوا الكذبة وتصدقوها,,
Quote: والان فليكن الحديث بالوثائق والمستندات وليس عبر الاتهامات التي تبث جزافا في الهواء الطلق |
اوعى بس يكون دا تعليق عن الدكتوراهات المضروية والكتب التي لم تكتب مادام بتحبي التوثيق عايزاك تسالي اي ديناصورشيوعي تقولي ليه منو من الزعماء بتاعين الحزب جاب كتاب قال انه الفو وطلع الكلام دا ماصاح؟ واساليه من من الشيوعين الدكتوراه حقتول مضروية لو قاليك لم يسجل التاريخ اي حادثة ذي دي ودا مجرد كلام في الهواء تعالي راجعة هنا قولي لي الكلام دا ما حصل ابدا وليك علي اجيب ليك الاسم واسم الكتاب والمؤلف الاصلي قصرتا معاك؟
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: قيقراوي)
|
Quote: بالضرورة لاتوجد أى قوة لا فى السماء أو الأرض أن تحرر شهادة وفاة للحزب الشيوعي السوداني من ممارسة نشاطه السياسي فى الواقع السوداني |
الا يعتبر هذا الكلام تعديا علي المعتقدات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عمر صديق)
|
Quote: الا يعتبر هذا الكلام تعديا علي المعتقدات
|
ليس دفاعاً عن الشريف .. لكن
كدي اقرأ الكلام كويس
Quote: قوة لا فى السماء أو الأرض أن تحرر شهادة وفاة
|
هل تقصد قوة في السماء تحرر شهادة!؟
العبارة مستخدمة للمبالغة ساي -سودانياً- لكني لا اظن ان الزميل متولي قصد (إله) مثلاً بدليل فعل تحرير شهادة وفاة .. تعالى الله علواً كبير .. اذ لا يجوز عليه الحدوث!
هذا ما يبدو لي عليه الامر .. و ما يلزمني من تنزيه الله سبحانه و الله اعلم بالنوايا
-------
قريت مداخلة د. احسان بانو نقد كان معيد في السودان!؟
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: Rawia)
|
الرهط الكريم
يا جماعة د. نجاة عندها (بقج غبائن) ضد المعارضين بشكل عام، والحزب الشيوعي بشكل خاص، خلوها تنفس عن غبنها وحقدها دل، ما تجو ناطين كل مرة وصارفين لينا حبر إسفيري (طبعاً اقصد الشيوعيين).
يعنى يا شيوعييين خليكم اذكياء د. نجاة (بتدور فيكم) لأنها عندها مشكلتها الشخصية مع الحزب الشيوعي، عشان كده ما حتشوفوا نقد موضوعي ولا علمي، لكن حتشوفوا نوعية الكلام الفطري الما موضوعي ولا علمي من شاكلة إنو الحزب إنتهي عشان سكرتيرو العام مشى الحج، لأنو لمن تكون المشكلة شخصية فلن يكون هناك وجود للموضوعية.
د. نجاة
واصلي خليكي حريفة، بعدين شايفك بقيت حرفية (في عدم الموضوعية واللاعلمية) وبرضو قادرة على إثارة غضب الرفاق، هيع عفيت منك، بس كترى لين من عدم الموضوعية واللاعلمية دي (إنعل ابو العلم ذاتو في هيك حالات).
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: Rawia)
|
Quote: لكن بيني بينك.. واجعني قصة انتخابات جامعة الخرطوم دي..شيوعيين شنو البتحالفوا مع المؤتمر الشعبي ( بيني و بين نفسى قاعد افتش ليهم مخرج..و اقول المصايب بتجمع المصابينا)..!! |
كبر يا صديق
لا يوجد تحالف ابدا كل ما فى الامر ان ج د قررت تاييد طلاب مستقلين نزلوا بقائمة مستقلة و جاء بعدها الشعبى و لحسابات تخصه و ايد نفس القائمة ج د رات وفق تحليلها عدم جدوى التحالفات القائمة و لو تحالفت لكان اولى ان تتحالف مع من يقاربونها فكريا فى قائمة (التحالف)
مع مودتى
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عوض محمد احمد)
|
Quote: هذا وقد لقى المرحوم حتفه حجاً حتى الموت !! |
يكتبو ليهو في خشم الباب: موتآ مشكورا و حتفآ مبرورا؟؟
يا شباب المرحوم ده مات و شبع موت , في رأيي نرفع الفراش ده و نمشي نشوف أشغالنا , الأحياء أولى المرحوم كان ما بقصر معاهم, و شايف ناس معاويه و هشام قصة الشاى و الغديات الملح دى عجبتم... تانى ما نسمع زول يقول لينا مات ... جننا و جن البعاعيت
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: esam gabralla)
|
Quote: يا جماعة د. نجاة عندها (بقج غبائن) ضد المعارضين بشكل عام، والحزب الشيوعي بشكل خاص، خلوها تنفس عن غبنها وحقدها دل، ما تجو ناطين كل مرة وصارفين لينا حبر إسفيري (طبعاً اقصد الشيوعيين).
يعنى يا شيوعييين خليكم اذكياء د. نجاة (بتدور فيكم) لأنها عندها مشكلتها الشخصية مع الحزب الشيوعي، عشان كده ما حتشوفوا نقد موضوعي ولا علمي، لكن حتشوفوا نوعية الكلام الفطري الما موضوعي ولا علمي من شاكلة إنو الحزب إنتهي عشان سكرتيرو العام مشى الحج، لأنو لمن تكون المشكلة شخصية فلن يكون هناك وجود للموضوعية. |
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: عماد حسين)
|
Quote: كبر يا صديق
لا يوجد تحالف ابدا كل ما فى الامر ان ج د قررت تاييد طلاب مستقلين نزلوا بقائمة مستقلة و جاء بعدها الشعبى و لحسابات تخصه و ايد نفس القائمة ج د رات وفق تحليلها عدم جدوى التحالفات القائمة و لو تحالفت لكان اولى ان تتحالف مع من يقاربونها فكريا فى قائمة (التحالف)
مع مودتى |
عجبني التبرير يا كبير
نحنا خلينا اسع كلامك دا مقنعك انت؟ ما حيتحالفوا مع من يقربونهم فكريا عشان المشكلة الاخيرة والانقلاب بتاع الاتحاد داك ولانه بصراحة كدا مافي زول بثق فيهم عشان يتحالف معهم موش حناسة يعني ولا اختيار غصب عديل كدا تم لفظهم تماما ولو نزلو في اي قائمة اصواتهم ما حتصل 50 صوت
يا حليل زمان وايام زمان المرحوم كان نشيط خلاس.. قال رأت وفق تحليلها قال تحليلها دي جاي من الحلال ولا شنو (زول مدردق)
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: يا حليل زمان وايام زمان المرحوم كان نشيط خلاس.. قال رأت وفق تحليلها قال تحليلها دي جاي من الحلال ولا شنو (زول مدردق) |
أها آلشوايعة
إقتنعوا بعدم الموضوعية والعلمية ولا نخلي الدكتورة تصرف ليكم تاني من (النقد الحديث)
غايتو يا دكتورة عدم موضوعيتك عينة، كتري ليهم من جنس دا حتي يصبح الشفيع خضر مؤذناً بجامعٍ ما.
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: هشام عباس)
|
والله تمام يا دكتورة الأيام دي في اجازة جيت على الدوحة والاسبوع الجاي بكون في السودان مستمتع بالعطالة وبوستاتك المن النوع أبوكديس ولو ما خايفك تزعلي وتمسخي علينا المتعة بي كلام العوارة الما ظريفة بتاع عشان شايفني مرة داير تخوفني وملاحقني تتمسخر فيني داك لكنت تشرفت بالمقولبة معاك مع انو كلامك كلو مسخرة وما ممكن الرد عليهو الا بالمسخرة بتصري انو الواحد ما يسخر منو
بعيداً عن عوارتك الفي البوست دة والبوستات السابقة واللاحقة النحن موعودين بيها
أتمنى لك وللأسرة الكريمة الصحة والعافية وانشاء الله أبداً ما تشوفي شر وتسلمي يا دكتورة
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: بشرى محمد حامد الفكي)
|
Quote: إقتنعوا بعدم الموضوعية والعلمية ولا نخلي الدكتورة تصرف ليكم تاني من (النقد الحديث) |
النقد "الحديس" ياخي ما تبوظ لي بوستي بالله خلينا نضقل شوية بآل شيوع ديل ما عارفة ليه اذكرت الكلام البقوليك قبل تقتل الثعبان تسلم عليه وتقوليه انصرف في سلام اكان ما انصرف تفجخ ليه راسو بيكون ثعبان بالجد
اسع دحين انصرف في سلام
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
قرقرقرقرقررقرر عديل كدا يا راااااااجل انا برضو العويرة؟
كدي بكل حيدة اقرا ما تكتبه انت واعمل مقارنة وريني كان انا ام اي كيو تلاتة دجتات دجت ينطح دجت دا عالميا وفي الاسكيل الشايقي في مرحلة نجاضة السرور
انت بتكون شنو؟ مرحلة دلااهة العدو ولا كيف؟ حبوبة بت حسين رحمها الله قالت نحمدك يا ربي لا اديتني في اساسقي الشين ولا العوير حبوبة دي تبيعك في طرف السوق وتجي صادة
يعني اسع قاعد متجدع في قطر وبعد كم فترة حتجدع في السودان ما يقبضوك يجي زول ينزل بوست يقول قبضوك بسببي واني امنجية ودردقتك عشان توريني خط السير حقك ذي ما عمل واحد عبيط قبل كدا وصدق الكذبة..
النكلم تمبس انه في ناشط جاي جمهورية الخرتيت عشان يفرح.
آل عوارة آل
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: حبوبة بت حسين رحمها الله قالت نحمدك يا ربي لا اديتني في اساسقي الشين ولا العوير حبوبة دي تبيعك في طرف السوق وتجي صادة |
الله يرحم حبوبة بت حسين ويبشبش الطوبة اللى تحت راسها بس قبل ما ترحل كان تكلمك انو : العوارة بعد الدكتوراة زى المراهقة بعد سن الياس
حاجة شينة
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
Quote: و شايف ناس معاويه و هشام قصة الشاى و الغديات الملح دى عجبتم |
منتظر تقسيم الورثة ...وتقسيم قروش الكشف.. انشاء الله امرق بعجلة المرحوم طيب ..الذكرله الرحمة والمغفرة محمد سليمان كرور مرشح الحزب المرحوم ............فى الدائرة 48 ..........وللا بنبر سعودى دراج البيقعد بيهو فى ميدان عقرب
لانو بصراحة ....الحياة بقت صعبة وصعيبة فى السودان الفضل
مفروض الواحد يشوف دباااااارة لنفسو .....وانا عايز حقى الشرعى ...
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: محمد الزبير محمود)
|
ألاخت الدكتورة نجاة تحية طيبة أولا نسأل الله تعالى ان يتقبل من الحاج نقد وان يتجاوز عنه ويختم له بالصالحات وان تكون خاتمته داعيا الى الله . ثانيا: الحزب الشيوعي السوداني لم يمت الآن ، الحزب الشيوعي السوداني ولد ناقصا كالطفل الخديج ، ورقد طوال الفترة السابقة في العناية المركزة ، وظل يتنفس في المجتمع السوداني برئة واحدة والأخرى مجمدة في موسكو ، أضحى باهتا كنبات الظل لا نام ولا قام . الشيوعية نظريا فشلت وعمليا تلاشت مع إنهيار الإتحاد السوفييتي. الشيوعية اصبحت من مخلفات الماضى وهي لا تعدو ان تكون مجرد فندق فكري لدعم ما تبقى من الفكر العلماني والأفكار المناهضة للشريعة ومتى ما وجد صاحبها فيزا للهجرة الى بلاد الامبريالية او دول الخليج ركل الشيوعية وراء ظهره وتتبع دروب الرزق. الشيوعية بضاعة كاسدة ومعلبات انتهي تاريخها ولا تصلح حتى في المتاحف ، بضاعة كسدت حتى فسدت وجارت ثم بارت و خارت. الحزب الشيوعي السوداني وعى الدرس جيدا بعد حادثة حله وطرد نوابه من البرلمان في اواخر الستينات وبمساهمة ودعم قوي من السيد الصادق المهدي بعد حادثة ما يسمى بشوقي وهو معتوه شيوعي خاض في عرض السيدة عائشة رضى الله عنها فتحرك الغيورون من المسلمين مطالبين بحل الحزب الشيوعي وطرد نوابه من البرلمان وهذا ما حدث مما قاد الشيوعيين للقيام بإنقلاب مايو ثم ما لبثوا أن عاثوا في الأرض فسادا وانقلبوا على النميري بشهادة نقد حسب ما اوردت من صحيفة الميدان فبترهم النميري وإنقلب السحر على الساحر . جاء في موقع الحزب الشيوعي السوداني: http://www.midan.net/scp/?page_id=49
Quote: تأسس الحزب الشيوعي السوداني عام 1946م . عقد الحزب خمسة مؤتمرات عامة. الاول في اكتوبر 1950 والثاني في اكتوبر 1951- والثالث في فبراير 1956، وكان تقريره الرئيسي يحمل العنوان 10 أعوام من نضال وتبني برنامج (تعزيز الاستقلال والديمقراطية والسلم)، والرابع في اكتوبر 1967 ، وناقش وثيقة (الماركسية وقضايا الثورة السودانية) والخامس عقد بعد أكثر من اربعين سنة. كما عقد الحزب مؤتمرين تداوليين ، أولهما عام 1949 والثاني عام 1970. شارك الحزب في كل الانتخابات تقريباً : في انتخابات 1953 وكسب مقعداً واحداً في دوائر الخريجين ، وفي عام 1958 لم يكسب ولا مقعداً واحداً، وفي العام 1965 كسب 11 مقعداً في دوائر الخريجين وفي العام 1968 كسب مقعدين وفي العام 1986 كسب ثلاثة مقاعد
|
ولنا ان تسأل هل هذه نتيجة ئؤهله لخوض إنتخابات مدرسة إبتدائية ؟؟؟ الا تعنى هذه النتيجة ان الشعب السوداني قد لفظهم الي مزبلة التاريخ ومنذ البداية ؟؟؟ أربعين عاما من النضال والنتيجة 17 مقعد ؟؟؟ أين ومتى وصل الشيوعيون الى الحكم عن طريق الشعب في العالم العربي او الإسلامي ؟؟؟ ما هو وزنهم الآن في مصر ، تونس ، ليبيا ، المغرب ، تركيا ؟؟؟ صفر كبييييييييييييييييييييييييييير وأخيرا يتحول الى حزب يتمسح بالثيوقراطية ويتسول في موائد الدين والأخلاق ، جاء في موقعهم:
Quote: (الدولة المدنية) لا تتخذ موقف اللامبالاة تجاه مظاهر التفسخ والانحلال في المجتمع ، ولا تسمح بأن يتحول المجتمع الى خمارة أو ماخور ، أو أن ينحدر الشباب الى مهاوى الضياع. لكن أدواتها الأكثر أهمية لضمان ذلك ليس القانون والمحاكم وشرطة النظام العام ، حسب النهج الذي ظل يتبعه نظام (الانقاذ) ، إنما التربية الثقافية والسياسية بواعز الدين والاخلاق ومثال القدوة الحسنة في الأسرة والمجتع ودور العلم ، ثم من بعد ذلك ، وليس قبله بأي حال ، واعز القانون وعقوباته !!!
|
ما شاء الله ، حزب ثيوقراطي رجعي ، اي دين واي أخلاق ، وبأفيون الشعوب ؟؟؟ هل سيرضى ماركس عن هذا الكلام في قبره ؟؟؟ حاورت زملاء المنبر من الشيوعيين في بوست الأخ بدر الدين إسحق ، الحزب الشيوعى الاسلامى السودانى ( قراءات فى الماركسية السودانية ) فتحنا الكثير من المحاور والأسئلة ، ولم أجد الرفاق هناك كثيرا !!! مع الأسف تأرشف البوست ، أتمنى ان تسمحي لنا لنواصل هنا فالعنوان مناسب والرفاق حضور !!! تحياتي
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: محمد الزبير محمود)
|
ما زالت الدكطرة تكضب وتتحرى الكضب .. ومصرة على إن هنادى هى شروق ..وشروق هى هنادى .. !! هنشروقادى قال ...يا لتقل دم الإلقاب ومطلقتها ..
Quote: مالك ياخي بقيتي زي قريبتي امونة( المدعوه امنة مختار).. تجليها و هي مقنطرة ياخي (وين عهد الكبك اب شلاخات)؟؟ |
المدعو كبر محامى الشيطان ..ما تتلصق فينى لو سمحت .. قريبتك من وييين كمان ؟!
كان أنا بجليها وهى مقنطرة ..ما كنت شايل إسمى وحايم بيهو بين البوستات ....:)
____________
معليش / نسينا نشيل الفاتحة فى المرحوم يا جماعة ..للمرة المليون .. البركة فيكم .
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: AMNA MUKHTAR)
|
Quote: النقد "الحديس" ياخي ما تبوظ لي بوستي بالله خلينا نضقل شوية بآل شيوع ديل ما عارفة ليه اذكرت الكلام البقوليك قبل تقتل الثعبان تسلم عليه وتقوليه انصرف في سلام اكان ما انصرف تفجخ ليه راسو بيكون ثعبان بالجد
اسع دحين انصرف في سلام |
النقد الحديس من النوع ابو كديس
وعاش التعليم في السودان
ولتحيا عدم الموضوعية واللاعلمية
نرفع (كباكتنا تحية وسلام)
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: الصادق اسماعيل)
|
Quote: زى المراهقة بعد سن الياس |
بالجد نفسكم بقى ضيق شديد في بوست واحد بس تصلو لدي بعد شوية يجي بعاتي من البعاعيت المدكنة من زمن الرخصة
ويدعي بيان بترسل لي رسائل غرامية دا طبعا لو ما هشام دا ذاتو جا قال كدا وهو حيخسر شنو زول نكرة ظهر فجأة بنشاط مكنة قوة 40 حصان..
لامونة الكضابة ليه ما جيتي فتحتي بوست عشان يرجعو شروق بعد بكري اكتشف التنافي وسود لونها ليه تخلي صاحبتك تقتل منبريا ؟ بالجد يا امونة انت زولة مسكينة تجب عليك المحنة ياخي..
الحزل الشيوعي مات دماغيا من يوم شهناديـروق بقت عضو لجنة مركزية
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
سلامات يا محمد من يقنع الديك بأنه الحزب مات وشبع موت في بلدو؟
المشكلة كلها في الناس المستخدمة الحزب كان كبرتكس لعمل حاجات شينة شديد لا يقبلها الناس ذي الما عنده فتيلة يعمل الحد حيلة
اها في ناس ما عندها اخلاق وعصابية وبتلقى في الاحزاب الذي الشيوعي دا ضالتها
اسع بيكونوا اتحيروا حيبرروا لما يفعلونه من قذف اعراض وتاليف قصص في خلق الله باسم الدفاع عن الحزب شنو؟ حيطلعواالاقريشن والعصابية دي كيف؟؟؟ عشان كدا بيجو يستميتو انه المات واتكفن حي يرزق يخلوه ذي البو يغشوا روحهم بيه ويضللوا الناس بيه.. لكن هيهات هيهات بعد لفظوا تماما من اي تحالف في الانتخابات وبذلك نستعد لمرحلة جديدة ما فيها الحزب الشيوعي.. شايفة الايام دي بقة ناس البرتكس ماخدين المعارضة منصة اطلاق نار على الناس بعد عرفو ان الحزب انتهي... الله ينجينا من السايكوبتات السايبرية كان معارضة كان شيوعية
| |
|
|
|
|
|
|
Re: وبهذا يعلن وفاة الحزب الشيوعي في السودان (Re: د.نجاة محمود)
|
صباح الخير يا دكتورة
تعرفي مع انو كل البتكتبيهو ممتع جداً ومسلي لكن أمتع حاجة روحك المعنوية العالية يعني فكرة انوانتي بتعلمي في عمل عظيم وبتنقدي الحزب الشيوعي وبتضقلي بي عضويتو وبتكتبي في كلام عندو قيمة
وروحك المعنوية دي لو تعلمي ميزة عظيمة تتميزين بها من دون خلق الله وهذا ما يجعلني معجباً بكتاباتك فسيري وعين الله ترعاك وضقلي بآل شيوع ديل
الفكرة التانية العايزة توصليها بطفولة متناهية فكرة انك مهمة ومستهدفة شنو كمان خط سيرك ولمان يقبضوك يقولو انا القبضتك وما بعرف شنو كدة أنا قلت ليك قبل كدة أنا بختلف مع أي زول بيقول عليك كوزة ولا عندك ارتباطات مع امن ولا غيرو وقلت ليك انتي ساي ودي المفردة الوحيدة البتعبر عنك ساي ساي نومي قفا لو قبضوني انتي اصلا ما بيكون عندك دخل في الموضوع وعلى العموم اقبضوني دي ما واردة
رعاك الله
| |
|
|
|
|
|
|
|