|
كتب الكاتب الفاتح جبرا المتوفرة بمعرض الدوحة
|
|
 Re: هذه التجربة جديرة بالتطبيق. كهرباء مجان..فيديو (Re: بشير أحمد)
|
سلام دكتور بشير
اليوتيوب ما شغال عندي في المكتب :( عشان كدة ما حاقدر افيدك
Quote:
موتور بخطين كهرباء
مولد كهربائي ثلاثة خط
|
الموتور شغال بشنو ؟
هناك قاعدة ذهبية ادونا ليها في المدرسة (الطاقة لا تفني ولا تستحدث من العدم)
اذا ملتزم بما بين القوسين الفوق ديل اي شي ممكن بعد ذلك
غايتو ما داير احبطك
ممكن يكون في طاقة رخيصة
لكن مجان دي ما اظن في
| |
 
|
|
|
|
|
|
|
|
Re: هذه التجربة جديرة بالتطبيق. كهرباء مجان..فيديو (Re: محمد عبد الماجد الصايم)
|
يا عمك ود البشرى طلع بيشوف قناة الجزيرة في العربية بتاعتو لووووول
| Quote: أنجز يا بشير يا عمكـ! |
ينجز شنو في غير حضور المهندزين ياعمك
انتو قايلو مقال في جريدة ولا اذاعة ولا حقنة بتاعة مرض سمير لووول
بشير الموضوع تاجلو لغاية بالليل :)
او يجي واحد من الزملاء البشوفو اليوتيوب ده ويديك النجيضة
meanwhile google for (the first law of thermodynamics)x
الموضوع لو بتكلم عن quantum physics نتمنى يجيك محمد قرشي يديك النجيضة نحن ناس بتاعين Classical Physics
| |
|
|
|
|
|
|
|
|
|
Re: هذه التجربة جديرة بالتطبيق. كهرباء مجان..فيديو (Re: محمد عبد الماجد الصايم)
|
ود الصايم
تحياتي؛؛؛
إنت برضو البتاع مقفّل عليكم اليوتيوب؟مساكين والله
الحمدلله نتنسّم عبق الحرية ....يسقط البتاع
والله الفكرة دي من زمان في راسي كنت بفتش عن مراوح لطاقة الرياح
لقيت الجماعة شغالين من دقنو وأفتلو
زي بطارية العربية تنقُر سِلف بس وتجدعها في اقرب زبالة .
غايتو..
كهربجية البورد نايمين
نشوف رايم شنو .
| |
|
|
|
|
|
|
|
|
Re: هذه التجربة جديرة بالتطبيق. كهرباء مجان..فيديو (Re: بشير أحمد)
|
تحياتي يا بشير، الموضوع ليس موضوع مولد يغذي نفسه بالكهرباء كما تظن أنت لأن ذلك مستحيل حسب القانون الثاني للثرموديناميك، المولد المعروض ليس مولد عادي بل هو حسب ما يزعمون مولد تزيد كفاءته عن الواحد الصحيح طبعا كفاءة جميع الآلات المعروفة تقل عن الواحد، ولكن هذه الآلات المزعومة تستمد طاقتها من نقطة الصفر وطاقة نقطة الصفر معروفة فيزيائيا ولكن لم يتم استغلالها بنجاح حتى الآن ولذلك يمكن أن يكون أصحاب الفيديو صادقين أو كاذبين، الدولة العظمى ترفض تسجيل براءة اختراع لمثل هذه الأجهزة بحجة أنها غير ممكنة، لكن من الواضح أن ظهو مثل هذه الأجهزة سيؤدي لتوقف الطلب عن النفط وحيث أن العملة الرئيسية في تجارة النفط هي عملة الدولة العظمى فانتشار هذه التكنولوجيا سيؤدي لانهيارها لذلك من الطبيعي ألا يسمحوا بها، وإذا صدقنا نظرية المؤامرة هذه فهناك دول كثيرة خارجة عن سيطرة الدولة العظمى ومع ذلك لم يتمكن علماؤها من صنع مثل هذه الأجهزة مما يثير الشك بأن الموضوع ليس سوى نصب واحتيال!
| |
|
|
|
|
|
|
|
|
|
Re: هذه التجربة جديرة بالتطبيق. كهرباء مجان..فيديو (Re: بشير أحمد)
|
تحياتي بشير
معليش مفروض نجيك راجعين بس مشاغل
محمد عثمان تحياتي
| Quote: حسب القانون الثاني للثرموديناميك، |
القانون الاول للثيرمودايناميك يقول (الطاقة لا تفني ولا تستحدث من العدم)
والقانون الثاني يتحدث عن تحول الطاقة الى اشكال اخرى energy conversion
واعتقد على حسب اخر معوماتي ان هذين القانونين still valid
نرجعلك يا بشير
المشكلة ان الطاقة التي تاخذها من مصدر الكهرباء لادارة الموتور تستهلك في
1- الهدر داخل الموتور نفسه وهذه تسمى motor losses ودي عادة لتسهيل الحسابات بنعتبرها Negligible ودي عادة بتتراوح على حسب كفاءة الموتور والمواد المستخدمة في تصنيعه من 1% الى 10%
المتبقي وده الاهم هو ما تستخدمه لادارة المولد يللا تعال شوف البحصل شنو
المولد نفسو بيحصل فيهو هدر بنفس الطريقة اعلاه فلو مثلا الموتور بتاعك طاقته 100 كيلووات
انت مثلا باحسن الاحوال ممكن تاخد منو طاقة حركة بتاعة 95 كيلو وات
يبقي مولدك مفروض طاقتو ما تكون اعلى من 90 كيلووات تعمل حساب اللوسس البتحصل فيهو
يبقي انت حتاخد من المولد طاقة بتاعة 90 كيلوات يللا العملية مربوطة بحاجة مهمة جدا وهي استمرلاارية مصدر الطاقة بالنسبة للموتور والمولد
فلما تفصل الموتور من الكهرباء الموتور ما حيقيف طوالي حيكون شغال بحاجة اسمها (Self momentum (inertia بس دي بتعمد على الحمل اللهو مشغلو يعني ممكن يقيف بعد شوية لو مشغل ليهو حمل عالي زي ما بيحصل لما العربية تقطع بنزين بتمشيك شوية حت تقيف لكن لو دست فرامل او لاقاك مرتفع العربية بتقيف اسرع
بجيك راجع تاني
| |
|
|
|
|
|
|
|
|
|
Re: هذه التجربة جديرة بالتطبيق. كهرباء مجان..فيديو (Re: محمد إبراهيم علي)
|
لك التحية أخي محمد إبراهيم علي ولعل الأخ بشير يقتنع بقولك ويوفر على نفسه التعب ولا لوم عليه فهو غير متخصص في هذا المجال، لكن المصيبة أن يأتي خريج هندسة بزعم أنه تمكن من تحويل محرك السيارة العادية وجعلها تعمل بالماء وتنشر إحدى الصحف السودانية الخبر مشفوعا بصورة المهندس المخترع وينقله أحد الإخو للبورد فأرد عليه أنا بما يشابه الرد السابق، وهو ما حدث قبل أشهر! طبعا إضافة جهاز تحليل كهربائي للسيارة ليستخرج الهيدروجين من الماء ثم يقوم بتشغيل السيارة به هو نفس الفكرة أعلاه ولكن بطريقة مختلفة وهي بالطبع تخالف القانون الثاني للثرموديناميك والقانون الأول أيضا! الحمد لله أنه لايزال في السودان مهندسين!
هذا فيما يخص المولد العادي، أما المولدات التي تستخرج طاقة نقطة الصفر أو ما يسمى بالـ over-unity devices فأتمنى أن يبحث فيها أمثالكم من المتخصصين في السودان . طبعا أول من صنع مثل هذا المولد هو المهندس الصربي العبقري نيكولا تسلا الذي لازالت أوراقه حتى الآن مضروب عليها أقصى درجات السرية رغم مرور أكثر من نصف قرن منذ وفاته، حيث قام بتشغيل سيارة ذات محرك كهربائي بدون بطارية بل بمجموعة من الملفات والمقاومات قام بتجميعها أمام الصحفيين في صندوق وتجد تفاصيل القصة هنا العجيب أنه لم تبق أي نسخة من الصحف التي نشرت الخبر حينها:
http://electricandhybridcars.com/index.php/pa...teslaautomobile.html
وأشهر من يبحث في هذا الموضوع هو الدكتور توماس بيردن الذي يؤكد أنه نجح في صنع عدة مولدات وهذا موقعه:
http://cheniere.org/toc.html
| |
|
|
|
|
|
|
| |
بشير أحمد
محمد إبراهيم علي
محمد عبد الماجد الصايم
فيس بوك
تويتر
انستقرام
يوتيوب
بنتيريست