|
عاوز اعـرس...
|
وجاهز جنس جهوزية والله ..بس العوجة انو ماعندى قروش..!
|
|
|
|
|
|
|
|
Re: عاوز اعـرس... (Re: مُحَمَّدٍ عِوَضٌ احْمَدُ)
|
طيب المشكلة الاساسية عشان الواحد عشان دينو يبقى كامل الدسم انو مافى لالوب..! وفى بلدنا وبعيد عن القصص الرومانسية للمسلسلات المصرية -اذا ما عندك قروش ابوك ذاتو ما بهبب ليك, وح يفضل كل مرة يقول انو لوكان عارفك بتقعد الوكت ده كلو بدون زواج ماكان خسر فيك حق الطهارة..يعنى ح تفرحونا متين ياخ..؟ ما تتحركو شوية..! شدو حيلكم.. قبل تجو تغنو بعدين راح الميعاد..وزمانى راح..!
| |
|
|
|
|
|
|
Re: عاوز اعـرس... (Re: مُحَمَّدٍ عِوَضٌ احْمَدُ)
|
Quote: وجاهز جنس جهوزية والله |
Quote: ماكان خسر فيك حق الطهارة |
وانت جاهزيتك شنو اااللخو وكت ماعندك قروش?مطهر وحالق ?
واحد زي حالتك دي جا لي اهلو قال ليهم داير يعرس وماعندو قروش ابوه قال ليه سوي ليك (عري )(بكسر العين* ) نشيلك منهن.. العري دي لي ناس البندر معناها اضنين اوايدين القفه قال ليهم شيلوني بطيخيه ساااي
| |
|
|
|
|
|
|
Re: عاوز اعـرس... (Re: عثمان محمد كرار)
|
Quote: وانت جاهزيتك شنو اااللخو وكت ماعندك قروش?مطهر وحالق ?
واحد زي حالتك دي جا لي اهلو قال ليهم داير يعرس وماعندو قروش ابوه قال ليه سوي ليك (عري )(بكسر العين* ) نشيلك منهن.. العري دي لي ناس البندر معناها اضنين اوايدين القفه قال ليهم شيلوني بطيخيه ساااي |
حبابك يا عثمان تصدق حلقتا امبارح دى..بى تلاتة جنيه كاملة..!
_________________________
والله اول مرة اسمع كلمة (عرى) ..وللعلم انا مخذوق لا بقيت ود مدن حقيقى ولا ود بلد بالجد
| |
|
|
|
|
|
|
Re: عاوز اعـرس... (Re: صبري طه)
|
لا يا صبرى عايز يورينا انه مقطع :)))))))))))))))))))))))))
بهزر يا محمد ما تزعل الله يرزقك العروس الصالحه والذريه الطيبه
| |
|
|
|
|
|
|
Re: عاوز اعـرس... (Re: رانيه محمد الشيخ)
|
.!Quote: وجاهز جنس جهوزية والله ..بس العوجة انو ماعندى قروش..! |
وهى القروش مشكله فى العرس الزمن ده ؟ بعدين انت قلت جاهز يعنى تأشر بس
بعدين انت ماسمعتهم بغنو
سيد الكارو تعال ,, نزل العندك تعال ,,, تعال بالعندك تعال ابوى بسندك تعال
وخت لي شخيت تحت ابوى بسندك دى ,,,,
كدى راجع ماسنجرك تكون جاتك عروض
| |
|
|
|
|
|
|
Re: عاوز اعـرس... (Re: منال)
|
Quote: وهى القروش مشكله فى العرس الزمن ده ؟ بعدين انت قلت جاهز يعنى تأشر بس بعدين انت ماسمعتهم بغنو سيد الكارو تعال ,, نزل العندك تعال ,,, تعال بالعندك تعال ابوى بسندك تعال وخت لي شخيت تحت ابوى بسندك دى ,,,, كدى راجع ماسنجرك تكون جاتك عروض |
ازيك يامنال .. مع انى قلت بينى وبين نفسى..ما ح اتكلم عن القروش تانى..اصلو لو فكرت فيها كتير ما بتجيك..وبعدين المداخل للثراء او للحياة بشكل كريم ومعقول..فى السودان شئ يعرفه الثعالب فقط..واخوك من قبيلة الدجاج..! اصلن اى حاجة عندنا هنا تخص الحصول على رفيقة طيبة وحنونة صعبة شديد..شوفى اول من تفكر تحب تلقا الاغنية دى شغالة وش فى الاذاعة..و تسمع فى طرب عالى : ما قلنا ليكـ الحب طريق محفوف صعاب وانت لسه فى اولو ما رضيت كلامنا و مشيت براك اهو دا العذاب اتحمله يا قلبى قالوا الحب عذاب وافراحه حافيها الالم قى ظله ما بنخشا المسير فى صفاهو ما بنفقد عشم اها ده اول مشهد....مليون واحد بيقولو ليك اخد حذرك يازول..الحب ده هنا كلام كلام فارغ وكبكبة ديمعات فى الفاضى..جيب قروش وتعال ..تعرس افروديت ..ذاتا.. وبعدين ما اظن ابوها ممكن يسند فى الوضع الحالى فى البلد..البيت فى السودان بقى زى العنقريب الا يشيلوهو اربعة !
| |
|
|
|
|
|
|
Re: عاوز اعـرس... (Re: رانيه محمد الشيخ)
|
.!Quote: وجاهز جنس جهوزية والله ..بس العوجة انو ماعندى قروش..! |
وهى القروش مشكله فى العرس الزمن ده ؟ بعدين انت قلت جاهز يعنى تأشر بس
بعدين انت ماسمعتهم بغنو
سيد الكارو تعال ,, نزل العندك تعال ,,, تعال بالعندك تعال ابوى بسندك تعال
وخت لي شخيت تحت ابوى بسندك دى ,,,,
كدى راجع ماسنجرك تكون جاتك عروض
| |
|
|
|
|
|
|
Re: عاوز اعـرس... (Re: منال)
|
Quote: وجاهز جنس جهوزية والله ..بس العوجة انو ماعندى قروش..! |
سلامات سلامات محمدامرك مقضي تب بس كن جادي ورسل لي تلفونك في الخاص من طق طق لي السلامة عليكم ماعندك مشكلة اركز بس ماتخزلني يالمتداخلين الزول دة امرو مقضي
| |
|
|
|
|
|
|
Re: عاوز اعـرس... (Re: باسط المكي)
|
صاحبنا الاسمو مشكل
هههههههههههه والله مش كان عرسته ما ياهو انا قدامك بكري اب صلعة رفع لي بوست عرس الا كان تشوف ليك بوردابية من هنا حتى يرفعوا ليك البوست وبعدين وقت ما عندك قروش كرّب الحنكــ يا معلم فله مفعول السحر .... بنات حوا كلهن عندهن اضان زي حقت منال دي وسميييييييييييعااااااااااات .......... والله صحي
| |
|
|
|
|
|
|
Re: عاوز اعـرس... (Re: الامين موسى البشاري)
|
Quote: صاحبنا الاسمو مشكل
هههههههههههه والله مش كان عرسته ما ياهو انا قدامك بكري اب صلعة رفع لي بوست عرس الا كان تشوف ليك بوردابية من هنا حتى يرفعوا ليك البوست وبعدين وقت ما عندك قروش كرّب الحنكــ يا معلم فله مفعول السحر .... بنات حوا كلهن عندهن اضان زي حقت منال دي وسميييييييييييعااااااااااات .......... والله صحي |
| |
|
|
|
|
|
|
Re: عاوز اعـرس... (Re: الامين موسى البشاري)
|
Quote: هههههههههههه والله مش كان عرسته ما ياهو انا قدامك بكري اب صلعة رفع لي بوست عرس الا كان تشوف ليك بوردابية من هنا حتى يرفعوا ليك البوست وبعدين وقت ما عندك قروش كرّب الحنكــ يا معلم فله مفعول السحر .... بنات حوا كلهن عندهن اضان زي حقت منال دي وسميييييييييييعااااااااااات .......... والله صحي |
اهلين يا بشارى قلت ليا بس على قول المتبنى -الله يرحمو- لا خَيْلَ عِندَكَ تهديها وَلا مالُ فليسعد ِ النُّطْقُ إنْ لم تُسعِدِ الحالُ البودابيات الهنا ما شاء الله 99% منهن متزوجات..واى واحدة فيهن تلقاها ختاها ليك صورة شفــُعا قبال اسمها.. كلمو بكرى ده يركز لينا على تنويع التسجيلات
| |
|
|
|
|
|
|
Re: عاوز اعـرس... (Re: osman righeem)
|
Quote: عادل عمل تلفون قال احصلك اكلمك
عشان ما تقول ما كلموني |
سلامات ياعمدة عادل ما بقصر اصلو..اكتر زول حاسس بي حالى ..وعنو ما بنستغنى كلو كلو الله يديهو العافية
| |
|
|
|
|
|
|
Re: عاوز اعـرس... (Re: باسط المكي)
|
Quote: سلامات سلامات محمدامرك مقضي تب بس كن جادي ورسل لي تلفونك في الخاص من طق طق لي السلامة عليكم ماعندك مشكلة اركز بس ماتخزلني يالمتداخلين الزول دة امرو مقضي |
ما أظنو* يركز
ـــــــــ * إن بعض الظن إثم
| |
|
|
|
|
|
|
Re: عاوز اعـرس... (Re: باسط المكي)
|
Quote: سلامات سلامات محمدامرك مقضي تب بس كن جادي ورسل لي تلفونك في الخاص من طق طق لي السلامة عليكم ماعندك مشكلة اركز بس ماتخزلني يالمتداخلين الزول دة امرو مقضي |
تسلم يا باسط وده الكلام الصاح..ارسل ليك تلفونى مافى مشكلة مع انى تاوقت على بروفايلك ولقيتك Single برضو.
| |
|
|
|
|
|
|
Re: عاوز اعـرس... (Re: رانيه محمد الشيخ)
|
Quote: لا يا صبرى عايز يورينا انه مقطع :))))))))))))))
بهزر يا محمد ما تزعل الله يرزقك العروس الصالحه والذريه الطيبه |
وينك يارانيا؟ مشتاقين كتير...
ياخ عارفك بتهزرى.مافى شك
| |
|
|
|
|
|
|
Re: عاوز اعـرس... (Re: صبري طه)
|
Quote: يعني عايز تورّينا إنّك بالغ ؟ |
البوست ده والفيهو اهم علامة من علاماتو غايتو يا صبرى يقع فى ايدك العدو ان شاء الله
| |
|
|
|
|
|
|
Re: عاوز اعـرس... (Re: صلاح حمد)
|
Quote:
مُحَمَّدٍ عِوَضٌ احْمَدُ |
ودالعوض سلامات يالأخو ممكن تدخلنا معك في التشكيله دي.... أنا جاهز تب بس ماعندي حق المدنبس نتمني موت الخميس معاك؟؟ بوست طلب الطلب.. مودتي شــــــــــــــطة
| |
|
|
|
|
|
|
Re: عاوز اعـرس... (Re: خالد أحمد شطة)
|
Quote: ارسل ليك تلفونى مافى مشكلة مع انى تاوقت على بروفايلك ولقيتك Single برضو |
محمدعوض خلينا في المهم موضوعك اهموعجبتني فيك الصراحة والوضوح حبابك اخ عزيز وكلنا ولا د بقعة المهدي
| |
|
|
|
|
|
|
Re: عاوز اعـرس... (Re: باسط المكي)
|
Quote: محمدعوض خلينا في المهم موضوعك اهموعجبتني فيك الصراحة والوضوح حبابك اخ عزيز وكلنا ولا د بقعة المهدي
|
يديك العافية يا باسط ومع انو جذورى الاصلية من دامر المجذوب الا امدرمان ياها المكان الأتربينا واتعلمنا فيهو وبعدين فى امور العرس دى اهم حاجة الوضوح. وبعدين ممكن الزول يكضب فى اى حاجة وما تنكشف ألا الوضع المالى
| |
|
|
|
|
|
|
Re: عاوز اعـرس... (Re: باسط المكي)
|
Quote: محمدعوض خلينا في المهم موضوعك اهموعجبتني فيك الصراحة والوضوح حبابك اخ عزيز وكلنا ولا د بقعة المهدي
|
يديك العافية يا باسط ومع انو جذورى الاصلية من دامر المجذوب الا امدرمان ياها المكان الأتربينا واتعلمنا فيهو وبعدين فى امور العرس دى اهم حاجة الوضوح. وبعدين ممكن الزول يكضب فى اى حاجة وما تنكشف ألا الوضع المالى
| |
|
|
|
|
|
|
Re: عاوز اعـرس... (Re: خالد أحمد شطة)
|
Quote: ودالعوض سلامات يالأخو ممكن تدخلنا معك في التشكيله دي.... أنا جاهز تب بس ماعندي حق المدنبس نتمني موت الخميس معاك؟؟ بوست طلب الطلب.. مودتي |
اهلين يا شطة ندخلك طوالى ياخ. لكن المدنبس ده شنو؟
| |
|
|
|
|
|
|
Re: عاوز اعـرس... (Re: صلاح حمد)
|
Quote: الإبن/ محمدعوض ربنا يتم ليك ولينا بالسلامة، وتظهر أسماءنا عاليا في هذا المنبر فرحا، بوست ظريف ودمه خفيف |
اللهم آمين بس انتا معانا ليه؟ اوع تكون عاوز تدبل.. خليك زول موحد ياخى..التوحيد مافى زيو
| |
|
|
|
|
|
|
Re: عاوز اعـرس... (Re: مُحَمَّدٍ عِوَضٌ احْمَدُ)
|
المحترم ودالعوض حبابك عشره زمان الأهل بيدونا قرش ونص للفطورنحن أولاد الخارجيه. ياحبيب القرش رغيفه مدوره كراع بعير عديل ومحشية طعمية. والتعريفه للمدنبس (نوع من الفول المنجط ومقلي بالرماد) لووجدت لأخوك فرقة ماتقصر مع تشكيلتك ؟؟ طوالي الماسنجر . مودتي شـــــــــطة
| |
|
|
|
|
|
|
Re: عاوز اعـرس... (Re: خالد أحمد شطة)
|
Quote: المحترم ودالعوض حبابك عشره زمان الأهل بيدونا قرش ونص للفطورنحن أولاد الخارجيه. ياحبيب القرش رغيفه مدوره كراع بعير عديل ومحشية طعمية. والتعريفه للمدنبس (نوع من الفول المنجط ومقلي بالرماد) لووجدت لأخوك فرقة ماتقصر مع تشكيلتك ؟؟ . |
سلامات يا شطة الظاهر انا طلعت حنكوش خالص حتى الفول المدمس ما اعرفو..؟ فى جزء من اهلنا بقولو عليهو المروره- ماعارف اشكلها طبعاً
| |
|
|
|
|
|
|
Re: عاوز اعـرس... (Re: محمد هاشم ابوزيد)
|
Quote: اوعي تقول مشيت الحلاق تاني بالعديل والزين |
حلاق شنو ياخ الظاهر تانى ح نحتاج لى تظبيط الرأس من جوه وبس بره ما فضل فيهو حاجة.فى صلعة حدها الضهر كمان..!
| |
|
|
|
|
|
|
Re: عاوز اعـرس... (Re: محمد هاشم ابوزيد)
|
Quote: المشاهدات 990و الردود 46 التاريخ 30-11-11, 09:47 AM بواسطة مُحَمَّدٍ عِوَضٌ احْمَدُ |
الاخ محمد عوض
بعد المشاهدات دي كلها .... و كمان الردود اعلاه ...
و ما حلوا ليك مشكلتك ..... و الله الناس ديل اتلوموا تب
و الله لو عندنا تمشي ليك لاقرب شايب في الحلة
تقول ليه كلامك ده قبال ما تقوم تلقي عقد ليك
الداير يلحق العقد ما يلحق ....
امشي الميناء البري و اركب ليك اي باص متجه جنوبا
لما ترجع ... صدقني بترجع طابق ليك حاجة كدة
ولا ..... عليك بصالح عبده .... اكيد بتلقي عنده الحل ....
| |
|
|
|
|
|
|
Re: عاوز اعـرس... (Re: adam alamar)
|
Quote: الاخ محمد عوض بعد المشاهدات دي كلها .... و كمان الردود اعلاه ... و ما حلوا ليك مشكلتك ..... و الله الناس ديل اتلوموا تب و الله لو عندنا تمشي ليك لاقرب شايب في الحلة تقول ليه كلامك ده قبال ما تقوم تلقي عقد ليك الداير يلحق العقد ما يلحق .... امشي الميناء البري و اركب ليك اي باص متجه جنوبا لما ترجع ... صدقني بترجع طابق ليك حاجة كدة ولا ..... عليك بصالح عبده .... اكيد بتلقي عنده الحل |
adam alamar سلامات.. ناس البورد ديل مافيهم الا زول واحد دق صدرو اخونا باسط المكى قال ليا زورنى فى الخاص ولسه ما شفتا حاجة غايتو بمناسبة الاتجاه جنوباً حكى لى احد الاصدقاء انو قريب ليهو مشى على تلك النواحى. بعد ما قنع من بنوت الخرطوم وماشاء الله لما شاف العروسه الجابها معاهو. اتخلع قال ليهو شنو يازول الروعة دى؟ العريس: والله ناس طيبين ورجال. وما طالبونى بى اى حاجة كتيرة. هسه البت دى كلها ما كلفتنى اكتر من اتنين مليون! صاحبنا طوالى نطـا قال ليهو اسمع اربحك فيها مليون..!!
| |
|
|
|
|
|
|
|