كتب الكاتب الفاتح جبرا المتوفرة بمعرض الدوحة
|
رسالة Forward وكمان CC من مريخي متعصب عن هلالاب في المنبر
|
الرسالة ارسلها مريخابي من قراء المنبر وشكله من المتابعين اليوميين لدرجة انه حافظ كل شخصيات المنبر وميولاتهم السياسية والرياضية والاكلية .. الرسالة عجبتني وقلت انشرها لانه جاب اسماء شخصيات هلالية عجبني ليها...
اليكم الرسالة ..
( سيدي لقيت ايميلك في برفائل المنبر و اصلاً كنت متابع كتاباتك من زمان انت و مجموعة معينة بحرص دائما اقرأ كلامكم و اجتهدت اجتهاد كبير عشان القي عضوية في سودانيز لكن ما لقيت رغم اني راسلته السيد المهندس بكري ابوبكر اكثر من مرة بس اهو نصينا نكون من القراء ..... و عايز اشارك تحديدا ببوست عن كورة القدم و تحديدا في موضوع مريخ هلال ديل .طبعا اخوك مريخابي علي السكين .......... انا متابع جيد للمنبر و بعرف الاخوات والاخوان فيهو و بعرف كلامهم في السياسة و بعرف مواقفهم و افكارهم برضو و صراحة لله بلقي الحق في موضع السياسة دي دائما معاكم انتو ......... انتو المعارضين للنظام و حجتكم قوية و واضحة بس دائما وسطكم في ناس بيفقدوكم قوة الحجة و المنطق لكن رغم كدا الحكومة دي ما عندها اي شي يستر عورتها زي ما بقولو غير البجاحة و قوة العين و عدم الحياء رغم انو الحياء بقولو من الايمان بس غايتو الله في و ليهم يوم...
اها بخصوص معرفتي للمنبر و بوست كورة مريخ هلال يوم سرحته معاكم و مع معرفتي بيكم قمته اتخيلته كالاتي :- اتخيلت ولاني مريخابي انو ناس الهلال ديل شايفنكم زي اليهود جد جد و شايفين نجمتكم دي سداسية و بكرهوكم من جوووه قلبهم يلا لما يجو يحاججوكم اول شي بستدعو صورة كفار غير و بستدعو اليهود بتاعين قريظة ديك و يجي عمر الفاروق بفلهمتو دي و بانو عامل فيها منقطه بجي طوالى متبني ليك شخصية صهيب الرومي (صهيب لانو رومي و متعلم و الروم بلد حضارة ومعرفه) و يجي يشبكم اصلا شنو وفصلا ايه و كلامو الطويل و عريض الدائما بكتبو عشان يطلع التاني ما عندو حاجة و ما عارف حاجة نهائي . شويتين و يجي ناطي علاء تمبس و متنكر ليك في شخصية عمرو بن العاص (عمر كان داهية و بتاع تكتيك و كان من ابرز الشباب الشفوت قبل الاسلام) و يدور في الناس لا اصلا ختطتكم و تيمكم و توزيعكم للكورة ما صاح وبعديها يخش ليكم في كلام التفاتيح و الشفتنه . فجاة ينط ليك محمد البشري ودا كمان خليهو ساكت عندو عدة شخصيات من عصر الاسلام بيلبسه ليكم و يجي يقابلكم كصهاينة و عامل فيها قاري تاريخ اللاهوت بتاع المريخ كمان مرة يعمل ليك فيها سيف الله المسلول خالد بن الوليد و مرة يعمل ليك فيها ياسر و عمار (ده ساعت الهلال يكون معصور بتلقاهو دخل في الشخصيتين ديل و ضنبو بقي رقيق) و مرة بتلقاهو عامل فيها أسامة بن زيد و قائد الحملة ضد المريخ . وسط ديل في خليل خليل دا حكاية براهو الزول دا بحب الهلال و عامل فيها معتدل في التشجيع وما عندو موقف ضد المريخ شديد لكن هو بالجد موية من تحت تبن و بتلاقهو مرات كتيرة جدا جدا مدور مع امية ان غزت يغزو ليك معاهم زي الما حاصل حاجة و بذكرني ليك عصر الاسلام شخصية معينة نسيت اسمه حاليا . يقوم تاني يجي طارق الكوتش ودا حكاية قايمة بذاتها عامل فيها هو عمر بن الخطاب و عامل فيها بفرق ما بين الحق و الباطل و هو في الاصل ما عندو غير الشماته و ياريتو لو شماته مقعده شماته ساي ..... و هو طالما عامل فيها فاهم وعارف ما يمشي يفيد هلالو الهله ده (هلالو الهله دي نبذه ب المناسبه لو سربعتها) . زمان كان في واحد من ناس السعودية (بنين) اسمو معتصم اها دا كمان هلالابي من العصر الاول للاسلام متشدد تنظيم قاعده رسمى اظنو عامل فيها ابو ذر الغفاري و ماشايف في الهلال دا زول غيرو ابدا و ساعة يقوم علي المريخ بقوم قومة جهاد رسمي . اما محمد عادل و لانو زول صبي و حديث سن فموضوع مع المريخ دا زي موضوع علي بن ابي طالب مع الكفار رسمي و شعبي . ........النمازج كتيرة بس دائما بالجد بشوف هلالاب منبركم ديل قايمين في المريخ و شايفنو ليك دولة اسرائيل رسمي و شعبي و الدليل علي كدا انو متعجبين كيف في ناس بتشجع المريخ و هم بينسو او يتناسو انو المريخ دا لما اتعمل لسه مافي زول يفكر في حاجة اسمها هلال و دائما زي الشفع لاعبين معانا جوه ضمايرهم لعبة مسلمين و كفار و ما فاضل ليهم الا يقولو انحنا هلالنا هداك فوق ميضنة الجامع انتو نجمتكم وين في الجامع . وسط ديل في شلة غايتو جد جد ما عارف اصنفهم و سط الكورجة دي كيف ناس عباس و ناس ياسر بناوي و معتصم جبلابي و خالد عبد الله . غايتو نحنا المريخاب ديل الايام دي لو تراجي مصطفي قالت مريخابية ياهو الغطست حجرنا بريمنا رضينا بيهو بس تراجي دي ياريت لو مريخابية تعمله ام غمتي و تسكت بيها برانا ما ناقصين و المجاهدين ديل فوق راسنا.
بالله انسانا منهم و قول ليهم يوم الجمعة دا اها يوم المسلمين يلا اكتلونا و ارتاحو . شكرا ليك ياخ اخوك وليد(كابوس)
|
|
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: صبري طه)
|
Quote: يا فايز عليك الله أعمل ليهو Reply وقول ليهو كراهيتهم لينا ما وصلت لي درجة إنو نراهن بحلاقة شنباتنا عشان يطيروا من البطولة الإفريقية ... |
رسلت ليهو كلامك .. قال ليك الشنب من علامات الرجولة في الشرق وحلاقته مهينة للرجل في ثقافتنا لذلك راهن بيهو الصفوة ود القاضي ليبرهن ان الهلال اكثر هواناً من حلاقة شنب ودالقاضي ... شفت كيف ؟!!
( شفت كيف ؟) دي من عندي للامانة ..
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: فايزودالقاضي)
|
Quote: رسلت ليهو كلامك .. قال ليك الشنب من علامات الرجولة في الشرق وحلاقته مهينة للرجل في ثقافتنا لذلك راهن بيهو الصفوة ود القاضي ليبرهن ان الهلال اكثر هواناً من حلاقة شنب ودالقاضي ... شفت كيف ؟!!
( شفت كيف ؟) دي من عندي للامانة .. |
ما مُشكلة قول ليهو نحن لأنو شنباتنا غالية علينا ما قاعدين نرميها في علم الغيب كدة ساي ...
بالمناسبة دي يا ود القاضي رأيك شنو تحلف بي شنبك وتقول: والله أحلق شنبي لو المريخ بكرة ما جا
ـــــــــــــــــ شفت كيف ؟ دي ماركة مسجلة
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: abas)
|
Quote: فجاة ينط ليك محمد البشري ودا كمان خليهو ساكت عندو عدة شخصيات من عصر الاسلام بيلبسه ليكم و يجي يقابلكم كصهاينة و عامل فيها قاري تاريخ اللاهوت بتاع المريخ كمان مرة يعمل ليك فيها سيف الله المسلول خالد بن الوليد و مرة يعمل ليك فيها ياسر و عمار (ده ساعت الهلال يكون معصور بتلقاهو دخل في الشخصيتين ديل و ضنبو بقي رقيق) و مرة بتلقاهو عامل فيها أسامة بن زيد و قائد الحملة ضد المريخ |
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: ابراهيم محمد الحسن)
|
Quote: غايتو نحنا المريخاب ديل الايام دي لو تراجي مصطفي قالت مريخابية ياهو الغطست حجرنا بريمنا رضينا بيهو بس تراجي دي ياريت لو مريخابية تعمله ام غمتي و تسكت بيها برانا ما ناقصين و المجاهدين ديل فوق راسنا |
اها كده خسرت داعم اساسي للعضوية ...وكمان لو ربنا اكرمك بالعضوية غايتو الا تطلب فصلك بعد العضوية فتراجي بتحاسب باثر رجعي وايميلك ده بكون محفوظ لجنى الجنا ...اركز بس ..
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: فايزودالقاضي)
|
Quote: اما ياسر طيفور البراميلي فده زول وهم كبيييييير ومفروض ناس الاتحادي يدوه الشيوعيين مجاناً ..
للامانة انا اضفت النقطة الاخيرة الحمره.. |
هههههههههههههه فايز ود القاضي برغم هلاليتي القُحة وبرغم إن دخولي البوست ده فيه مخاطر وربما يمرقني من (الملة) لكن الكوتيشن ده عصرني عدييييل غايتو زولك ده داير يفتن الإتحاديين مع الشيوعيين والشيوعيين (اكيد) بعتبروا (تمرير) طيفور فيه محاولة تقويض للحزب ـــــــــــــــ للأمانة تقويض للحزب دي من عندي
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: فايزودالقاضي)
|
Quote: وسط ديل في خليل خليل دا حكاية براهو الزول دا بحب الهلال و عامل فيها معتدل في التشجيع وما عندو موقف ضد المريخ شديد لكن هو بالجد موية من تحت تبن و بتلاقهو مرات كتيرة جدا جدا مدور مع امية ان غزت يغزو ليك معاهم زي الما حاصل حاجة و بذكرني ليك عصر الاسلام شخصية معينة نسيت اسمه حاليا . |
ليت كل الهلالاب زي خليل يااااخ خليل زول محترم جدا وصراحة تمنيته أن يكون مريخابي لأنه لا يشبه الهلالاب.. وبعدين أعتقد إنك نسيت زول مهم جدا مقعدنا البطيخاب ومقومنا البطيخاب برضو
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: فايزودالقاضي)
|
اسلام يافائز صاحبك ده يمتلك كل مقومات يكون بوردابي مؤثر ونشيط
(ما عارف الباشمهندس ما اداه باسورد لغاية هسع ليه)
من اخطاء املائية وذاكرة حديدية ومريخابي
عجبني جدا وصفه للمريخ بدولة اسرائيل
متمسكين بكاس من زمن ما انزلوا التوراة
نسخت بالانجيل والقران والكونفدراليه
كاليهود ضايعين في الصحراءمن الزمن داك ومرشدهم ......
عيييك وصف مبالغ فيه
.................
بوست جميل وقول وليد يمكن اسهاماتك تجيب الكورة افضل من ما تلعب زي وارغو
تحياتي له وعاشت الاسامي
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: walid shingrai)
|
Quote: وسط ديل في خليل خليل دا حكاية براهو الزول دا بحب الهلال و عامل فيها معتدل في التشجيع وما عندو موقف ضد المريخ شديد لكن هو بالجد موية من تحت تبن و بتلاقهو مرات كتيرة جدا جدا مدور مع امية ان غزت يغزو ليك معاهم زي الما حاصل حاجة و بذكرني ليك عصر الاسلام شخصية معينة نسيت اسمه حاليا .
|
البركة الما اتذكرتو يا بتاع الايميل
بكرة جايين ول نشوف لينا برنامج تاني
عيد مبارك فايز القاضي وينعاد عليك بحلو الامنيات
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: عمران حسن صالح)
|
ايوا كابوس ..عندك اعتراض ؟!!
Quote: خليكـ محل ما قاعد يا خوي باس ويرد شنو كمان الجايي تنبذ بيهو ؟ |
مزعلني ماجاب سيرتك !! لكن لابأس قد تأتي في ملحق قادم ..
Quote: حريقة فيكـ وفي ود القاضي السويتو كبري ده صهاينة مجانين |
غايتو الحراقة دي لو واصلة الكبرى فابشر بعدم حريقة ياودالقاضي .. الرسالة ليك يامنطط عينيك ياصهيوني يامجنون - على قول الرشاشة عمران ..
طبعاً اخوك معيد مع رمرم ياابوالصفوة ..
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: عادل الباهي عبدالرازق)
|
Quote: يعني هي سودانيز اون لاين ناقصة كوابيس زيادة الحمدلله عشان صهيوني الباشمهندس بكري ما رسل ليهوا باسوورد وياريت يا ود القاضي انت زاتك لو بكري ربطك في الجارج ربع بحالوا حتي تري هلال شوال بالنهار |
الباهي لونه .. الكبس مع الكوابيس عرس .. رغم اني ماعارف الجارج دي شنو لكن ولاني صفوة حااعتبرها جراج .. يربطوك في الزريبة* ياالباهي ..
ــــــــــــــ * زريبة العيش طبعاً
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: جمال الباقر)
|
Quote: فايز زولك ده وقتين مكسر قدر ده في المنبر.... ما تتوسط ليهو وكلم ليهو السيد المهندس |
يا جمال الباقر سلام ود القاضي قال ارد ليك لحدي ما يجي هو لانو في مشوار مفاجئ بيخص البوست دا حسب كلامو*.
الزول دا لو حصل و بكري اداهو العضوية في ناس هنا ح تخرخر و تشيل الكيبورد و تطلع .
يازول الزول دا قرأ سريرتهم جوووووه ديك
و الله انحنا تارينا كصفوة طيبين خلاص العجب زولنا الاسمو عمر جنابو داك يشيل و يشكر في هيثم مصطفي و مهند وما عارف ناس عمرو بن العاص وعمر بن الخطاب و صهيب الرومي ديل . اريتهم لو ادوهو بي الحته الفيها الحديدة جايب لينا النضم .
* الكلام دا قالو لي بمسج في تلفوني.
| |
|
|
|
|
|
|
Re: رسالة Forward وكمان CC من مريخي متعصب عن هلالاب في المنبر (Re: معاوية المدير)
|
Quote: هههههههههههههه فايز ود القاضي برغم هلاليتي القُحة وبرغم إن دخولي البوست ده فيه مخاطر وربما يمرقني من (الملة) لكن الكوتيشن ده عصرني عدييييل غايتو زولك ده داير يفتن الإتحاديين مع الشيوعيين والشيوعيين (اكيد) بعتبروا (تمرير) طيفور فيه محاولة تقويض للحزب ـــــــــــــــ للأمانة تقويض للحزب دي من عندي |
والله يااحمد حزنت لكونك صفيرابي وانت سيد بلد وزعيم ومكانك الصفوة .. غايتو نعتبرك صدقة جارية لينا مع الترجياب .. واما عن تمرير طيفور للشيوعي فقد وصلنا خبر مفاده ان الشيوعي : قال ليهو قفلنا خلاص .. ولمن رجع للاتحادي قالو ليهو : قلبناه حولية .. ــــــــــــــــــ للامانة كده مااضفت حاجة من عندي ..
| |
|
|
|
|
|
|
|