|
|
 حديث محمد حسن عالم من زاوية مغايرة!!
|
مبعث هذه الزاوية هو ثعلبية الحكومة وقادتها..
فكما قال التلميذ عندما سأله الأستاذ عن الثعلب بيمشى أم بيطير:
الثعلب دا مكار وممكن يعمل أى حاجة ( أو كما قال).
ثانيا لا أشك فى أن ماقاله محمد حسن كلام قوى واتفق مع كل من مدحوه..
ولكن هل هنالك من يعرف محمد حسن عالم معرفة شخصية من أعضاء المنبر؟
السؤال ليطمئن قلبى أنه معارض وينتمى لحزب البعث العربى الإشتراكى..
فإن كان هنالك من يعرفه ويؤكد أنه كما عرف نفسه, إذن السؤال الآخر مالذى حدث له بعد هذا الكلام النارى؟
إن كان مازال طليقا ويمشى فى الأسواق, فذاك يعنى أن البلد أصبحت تطفح"ديمقراطية وحرية"!!
أما إن كان الجميع يجهله فيمكن أن يكون ديكور معد من هؤلاء الثعالب ليقول قوله هذا فى حضرة أحد صقور الحكومة لتوصيل ذات الرسالة والتى مفادها أن الحكومة أصبحت تبسط للشعب كامل الحرية والديمقراطية لانتقادها بأشد الأساليب!!
|
|
  
|
|
|
|
|
|
|
 Re: حديث محمد حسن عالم من زاوية مغايرة!! (Re: Balla Musa)
|
| Quote: أما إن كان الجميع يجهله فيمكن أن يكون ديكور معد من هؤلاء الثعالب ليقول قوله هذا فى حضرة أحد صقور الحكومة لتوصيل ذات الرسالة والتى مفادها أن الحكومة أصبحت تبسط للشعب كامل الحرية والديمقراطية لانتقادها بأشد الأساليب!! |
حتى لو كان مافى زول بعرف الشاب دة..وهو بس طلع زول مغمور مرق قال كلامو دة واختفى فمستحيل يكون بخدم الحكومة بحاجة لانو متوقعة ردة الفعل الحصلت والحماس العملتو فى الناس وزيادة ايمانهم بالتغيير..دى ما بتفوت على زول..دة غير انو الكلام حجتو قوية جدا ومعلوماتو واضحة وواثقة ومفصلة وصلت لحدى بيت نافع واولادو..لو الكيزان بقدر واحد من اولادهم يمتلك خطابة وحجة زي دى كان وجه مدفعو لنقد المعارضة وقميصا المهتريء وسقفها الملان ثقوب ولما احتاجت الانقاذ للانتحال لايصال رسالة على طريقة (اضانك وينا) ...
ثم انو دلائل قهر الحكومة لحرية التعبير موجودة فى الصحف والشارع والمسيرات التى توأد قبل ان تتخلّق حتى..فصعب يتخت حدث وحيد ومنفرد زي دة للتدليل على رحابة صدر الحكومة مقابل كل ما يحدث..دة لو سلمنا بانو اتعمل ديكور ساكت للتدليل على حرية التعبير
اخيرا سلامة الشاب دة مسؤوليتنا كلنا ..ولو كنت اظن انه لن يمسه سوء لحسابات تتعلق بالراهن المعقد.. الاقل حاجة ممكن تفجروا ليلحق بما تبقى من فصول الثورات العربية
نسيت اسلم يا دكتور..عساك بخير
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: أيزابيلا)
|
دكـتور بلـة ســلام
نعـم ، الكيزان خبث وخبائث
ولكن في هـذه لا، اللهـم إلاّ أن يشاركهم البعثيون
خبثهـم .. محمـد عالم كادر بعثيٌ وخطابي مدرب
مؤكد أن الوسط الطُلابي يعرفه أكـثر ..
أستبعـد تغويصـه باكرا في صفـوف البعثيين..
* الزول ده فتش نافع كويس وطلّع أسرار بيتو (أولادو)
ونافع أناني وقطعا لن يوافق علي تشويه الصورة الجماعي
له ولأبنائه !!
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: Balla Musa)
|
دكتورة إيزابيلا
وعبد الله الحبيب
طبعا محمد حسن عالم اتعرف من دلقو
لكن هاكم القصة دى:
عام 1994 جاء القاهرة عقيد مشيول للصالح العام وزعلان جدا
الراجل فتش قيادات المعارضة لقيادة عمل مسلح ضد ناس الإنقاذ
وبعدها كتب سلسلة مقالات فى مجلة الوسط كال فيها من كل مكيال لناس الجبهة وكان عنده معلومات خطيرة نشرها
أقل هذه المعلومات خطورة كانت صورة الترابى فى زى إمرأة ألتقطت له وهو على مسرح حنتوب الثانوية عندما مثل العباسة بنت هارون الرشيد..
ولو ماقالوا ليك دا راجل تقول سودانية تستحق ملكة جمال العالم!!
المهم بعد كل الردحى العقيد طلع مخابرات مرسول ليندس وسط المعارضة وانكشف ورجع الى قواعده سالما.
عشان كدا ماتنسوا أن الكيزان فى السودان هم رواد فكرة فصل الدين عن الأخلاق!!
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: Balla Musa)
|
سلام يا دكتور بله
اطمن تب محمد حسن (بوشي) معروف
و اعتقلوهو الجماعة ديل من
مخاطبة تدعوا لتظاهرة ياناير
و بوشي غير أنو منظم فى حزبه
هو واحد من شباب من اجل التغيير
و فاعل و ناشط .
ممكن براحه الناس تصاحبو في
الفيس بوك و اهو تطمن عليهو
بشكل مستمر .
تحياتي يا صاحبي .
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: سفيان بشير نابرى)
|
| Quote: مبعث هذه الزاوية هو ثعلبية الحكومة وقادتها.. |
تحياتي /دكتور بلة
أوافقك بلا تحفظ ،إن نسبة الطبخ في هذه الحادثة أعلى من نسبة العفوية والاجتراح الناشيء عن الانفعال بالظلم،خاصة في ظل التجارب السابقة التي كانت جامعة الخرطوم والطلاب رأس الرمح فيها وهو أمر لا تخطئه عين المراقب ناهيك عن الانقاذيين الموصوفين أعلاه وأكثر ما أستوقفني في هذا الحديث ذكره لخوف الدكتور نافع وهو أمر لا نتعاطاه في ثقافتنا السائدة ونتجنب وصف الآخرين به أو أن نوصف به ونحن من تطربه ( وروني العدو وأقعدوا فرّاجة ) وسيكون هذا حدسي حتى تتم لإجابة عن هذا التساؤل :| Quote: ولكن هل هنالك من يعرف محمد حسن عالم معرفة شخصية من أعضاء المنبر؟ |
أبو حمــــــــــــــد
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: Balla Musa)
|
يا دكتور سلامات
لو كان في الموضوع نظرية مؤامرة وثعلبية من الكيزان فصاحبها اكيد عايز يضرب عدة عصافير بحجر واحد
و احد العصافير دي دكتور نافع زاتو
كلام محمد عالم دا عمل دمج شديد جدا في صورة نافع الاسطوري شيال وش القباحة امام كبار المعارضين يجي طالب يمسح بيه الارض
لو فعلا كلامك طلع صاح يبدو انو نافع ورقو زاد و بطريقتو دي ح يحرق ح يحرق
انا شخصيا استبعد نظرية المؤامرة و ان كنت اتوقع ان يغل الجناح المعادي لنافع يده وزبانيته عن هذا الشاب
بل سيوحي من طرف خفي للاعلام ( الرسمي او المعارض) لتلميعه و تنصيبه رمزا طالما سيرتبط اسمه في الاذهان بمرمطة نافع
مذكر يا دكتور حادثة المصباح مع النميري في المسجد
ما بذكرك ليها الشاب دا
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: محمد البشرى الخضر)
|
Quote:
انا شخصيا استبعد نظرية المؤامرة و ان كنت اتوقع ان يغل الجناح المعادي لنافع يده وزبانيته عن هذا الشاب
بل سيوحي من طرف خفي للاعلام ( الرسمي او المعارض) لتلميعه و تنصيبه رمزا طالما سيرتبط اسمه في الاذهان بمرمطة نافع
|
يسلم حدسك يا ابوحتوت
نزلنا المداخلة في نفس الزمن 2:44
-----
شايفك تلمع في نفسك ساااي بهناك
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: محمد البشرى الخضر)
|
ودالبشرى
فعلا ضرب نافع جزء أساسى إن كان الأمر طبخة..
فنافع أفل نجمه منذ أن ألغى البشير اتفاقه مع قطاع الشمال فى أديس أبابا وشكلو عايز يفرفر!!
هل تصدق لازلت مشكك فى مفاصلتهم مع دكتور الترابى؟
وعندى إحساس سينتهى بنا الأمر بأن يتبادل فينا الوطنى والشعبى مابين الحكم والمعارضة فى ظل نظام "ديمقراطى"!
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: Balla Musa)
|
Quote:
قيقراوى
أحيلك لردى على إيزابيلا أعلاه..
مع إيمانى بأن كل شئ ممكن فى السياسة!!
|
سلامات يا بلة
ما بتفق معاك ..
Quote:
وعندى إحساس سينتهى بنا الأمر بأن يتبادل فينا الوطنى والشعبى مابين الحكم والمعارضة فى ظل نظام "ديمقراطى"!
|
تعرف دي بالذات انا بتعامل معاها كحقيقة مش مجرد حدس
لكن فيما يخص الشاب عالم و لا ينتابني مجرد ذرة شك .. المحرشك ما بكاتل
و الزول دا كلامو كلام مغبون
قد تكون ظالم جداً .. لمظلوم سلفاً
في الحالة دي احسن ليك تكون معانا و تطلع غلطان .. و لّ شنو!؟
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: Balla Musa)
|
دكتور بله تحياتي
حرصت الحكومة على إتاحة جو ديمقراطي داخل الجامعات ، والحريات الموجودة في أركان النقاش بلا حدود ، وبفتكر لو زولك دا عمل ركن نقاش وإتكلم أشد من الكلام القالو دا ماكان زول سمع بيهو ، الشي الأداهو وزن هو وجود دكتور نافع في المناقشة ...
مع إني أعيب عليه شخصنة الأمور للنيل من دكتور نافع وهو حديث أقل من الرشد المطلوب الى حد ما ونفتكر لو ذكر إخفاقات الحكومة ونافع لكان أبلغ وأعمق ...
أضمن ليك إنو هذا الشاب لن يمس بسوء من جراء هذا الحديث ...فالحكومة تدرك تماماً كيف تتعامل مع الخطر بإحترافية
مودتي
| |
|
|
|
|
|
|
|
|
|
Re: حديث محمد حسن عالم من زاوية مغايرة!! (Re: أمير فتحي)
|
Quote: دكتور بله تحياتي
حرصت الحكومة على إتاحة جو ديمقراطي داخل الجامعات ، والحريات الموجودة في أركان النقاش بلا حدود ، وبفتكر لو زولك دا عمل ركن نقاش وإتكلم أشد من الكلام القالو دا ماكان زول سمع بيهو ، الشي الأداهو وزن هو وجود دكتور نافع في المناقشة ...
مع إني أعيب عليه شخصنة الأمور للنيل من دكتور نافع وهو حديث أقل من الرشد المطلوب الى حد ما ونفتكر لو ذكر إخفاقات الحكومة ونافع لكان أبلغ وأعمق ...
أضمن ليك إنو هذا الشاب لن يمس بسوء من جراء هذا الحديث ...فالحكومة تدرك تماماً كيف تتعامل مع الخطر بإحترافية
مودتي |
مافى اى حرية لا فى جامعات ولا فى اى مكان والدليل محمد موسى واخوانه واسد محمد حسن قلع حقو بيدو من حجر العقرب
ومن حظ محمد حسن انتشار الفيديو فى المنتديات الا كان فى اعداد الموتى مثل محمد موسى او فى سجون الامن
اهم شئ عجبنى انو كشف المجرم ال######## نافع
| |
|
|
|
|
|
|
| |
Balla Musa
Kostawi
Frankly
أيزابيلا
Abd Alla Elhabib
سفيان بشير نابرى
عثمان عبدالقادر
قيقراوي
محمد البشرى الخضر
أمير فتحي
ناصر المحسى
عمر صديق
فيس بوك
تويتر
انستقرام
يوتيوب
بنتيريست