|
|
 الـــمنــافــي تـشــــــيـل مـــنـــــــــــــــــــــــو؟
|
المنافي تشيل منو
اتستفت كل المواني بالبشر
واتوسد الناس الرصيف
فضت البلد من الخلوق
من ناس بتعرف كيف تروق
لكنو ضيم
معدومة كسرات الرغيف
بس شن تسو ؟
تركب سفاين الارتحال
ما يهمها لي وين تودي ووين تقيف
ما اصلو سيان
ان تموت واقف
او تموت جيعان رهيف
والطيور عقرت
وهاجرت قبل الخريف
آه يا مسافت الحريق
اتلفح الشارع زحام الكادحين
واتملت العين بالنزيف
ما كان صلاة الناس غير دعا
يا ربي خفف
وانزع الفقر السكن
وقلوب بتصرخ
يالطيف
وناسا نست لون المنابر في الجوامع
اتعودت ناعم الحرير
اتعودت نوم السرير
واتعودت
على صلاتا جوة باردات البيوت
نديانة كيف
برد الهبوب
والراحة
والاكل النضيف
قول يا لطيف
|
|
 
|
|
|
|
|
| |
د.محمد حسن
ادريس خليفة علم الهدي
Al-Shaygi
عبدالله شمس الدين مصطفى
فيس بوك
تويتر
انستقرام
يوتيوب
بنتيريست