|
البشير يلغي زيارة لتنزانيا في آخر دقيقة ... هييييع أوكامبو الأسد النتر
|
كتلوك و لا .... جوك .. جوك ... جوك .... عييييك ..عووووك .... جوك .. جوك سلّوا قلبو ..... هو و أبوريالة و معاهم بكري حسن صالح و علي كرتي الرباعي ستفوا عفشهم و قالوا ناوين السفر لدار السلام
جاهم الخبر بالليل شايلو الشمار و قال ليهم الوداعية قالت دار السلام حتكون ليكم دار لاهاي الكلام دة كان يوم جمعة .... و الجمعة مباركة عند البيخاف ربّو .... لكن كاتل الروح و ين يروح
ده ما بيخاف من الله ... لكنّو يتبهدل لمّا يسمع إسم أوكامبو .... و بعد دة ... زيادة في البهدلة .... جات واحدة مرة أفريقية .... الكابوس الخايف منو البشير ..... عشان تطلع ليهو كلامو داك عن الجعلي و الغرباوية ... تطلعوا ليهو من عيونو ..... فاتو بينسودا .... غرّابية .... من غرب أفريقيا .. شفت سخرية القدر دة كيف ؟؟؟ دي براها عقوبة إنو مصير البشير مصيرو بقي في إيدين نسوان .... ديل النسوان ... القاضيات التلاتة أمرن بالقبض عليهو و ... و يجيبوهو مكل-بش للاهاي ... و حتستلموا بنت سودا ..... (حتي الإسم يا كافي البلا كأنو ربنا أرادو تذكير العنصري البشير ... إنو عذابو يبدأ قبل القبض عليهو ...
المهم ... (و دي ما حقت تبارك) .... تفاصيل زوغة الجماعة ديل من رحلة تنزانيا يوم الجمعة 9 ديسمبر .... هنا:
http://www.sudaneseonline.com/Sudanese-presiden...canceled-visit,40989
|
|
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: Haju Muktar)
|
الأخ هجو مختار لك التحية و الإحترام
Quote: ستيم تفاح اوكامبوكلامك صاح فاتو فاتو البشيرفي لاهاي حلاتو
|
البشير كومو كل يوم بيكبر ... الآن إنضم اليه عبدالرحيم محمد حسين .... مطلوب القبض عليه .... و سوف لن يكون آخر المطلوبين ..... إن شاء الله ... ستمتد القائمة لتشمل كرتي و نافع و بكري و علي عثمان و قوش و كل الشلة المجرمة ... لأن دماء الضحايا سوف لن تذهب هدرا ....
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: حاتم الياس)
|
يا حاتم الياس .... شنو الكلمتين البتكتب فيهن و تمسحهن عشان تزيد الطبخة تسبيكة ..... هم ما علّموك كيف تجيد الصيد في الماء العكر؟؟!!
بنقولا ليك و في عينك .... دي سخرية القدر و إنتقاما من واحد عنصري قمئ ..... إنّو عقابو و ذلتو حيكون بحسب مفاهيمو للعرق و الشرف ... أها الغرّابية دي حتخلي الجعلي ده يقيف قدام العالم و يردد قدام العالم: yes your HONOR إنت قايل العقاب ده كيف؟ زي البشير العنصري و مفرداته في كلامو عن الجعلي و الغرابية و الشرف ..... كونو يقيف مكل بش قدام الغرّابية فاتو بنتسودا بحسب ثقافته العنصرية الجوفاء (و معاهو كتار) ... دي عقوبة يتمني الكثيرين من رهطه و اشباهه لو بلعتو الوا ا طة....
طبعا إنت عايز تتذاكي و تجي باللفة للجندر و ما شايه ذلك من عقم و سخف المسخفين ... الإستعلائيين ...
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: د.نجاة محمود)
|
التحية لنساء افريقيا وهم يلاحقون مغتصب النساء الافريقيات المجرم عمر البشير
دكتورة نجاد قالت
Quote: لكن ما تدسو ورا الاجانب بيدوكم لب سيرفس
|
نحن جزء من المجتمع الدولي اكان شين اكان سمح جزء من مجلس الامن الدولي والسودان له ممثل فيه وجزء من الامم المتحده والسودان له سفير فيها جزء من الاتفاقيات التي تتيح للمجتمع الدولي ان تلاحق من يرتكب جرم في حق المدنيين الاجانب ديل يا دكتوره ما جونا قال تعالوا خشوا الامم المتحده نحن المشينا ليهم الاجانب ديل كل يوم سفير السودان طابي ورقوا جاري يشتكي حكومة الجنوب ما مشى يشتكي حكومة الجنوب لمحكمة امبده ( تاني درجة ) ذهبت حكومة السودان واشتكت لمجلس الامن الدولي مواطنيها الذين تدعمهم حكومة جنوب السودان الحكومة تجري لمجلس الامن الدولي وبعدين تبكي باعلى صوتها وتقول تدخل اجنبي هل عبد العزيز ومالك وعرمان اجانب ام هم يهزموا قوات الحكومة من جوبا ...
http://www.al-watan.com/viewnews.aspx?n=24843...8C49735D2&d=20111106
Quote: نيويورك- قنا- تقدم السودان بشكوى جديدة إلى مجلس الأمن الدولي بشأن انتهاكات حكومة جنوب السودان لاتفاقية السلام الشامل عبر دعمها للمتمردين في جنوب كردفان وفي ولاية النيل الأزرق.
وبعث مندوب السودان الدائم لدى الأمم المتحدة السفير دفع الله الحاج علي بخطاب لرئيس مجلس الأمن لهذا الشهر المندوب الدائم للبرتغال، إلحاقا للشكوى التي قدمها وزير الخارجية السوداني لمجلس الأمن في أغسطس الماضي بشأن انتهاكات حكومة جنوب السودان لاتفاقية السلام الشامل.
وذكرت وكالة السودان للأنباء أن الشكوى تضمنت معلومات تفصيلية مؤكدة توضح استمرار دعم حكومة الجنوب للمتمردين في جنوب كردفان وولاية النيل الأزرق، والتي أرسلت لمتمردي النيل الأزرق صواريخ مضادة للطائرات وللدبابات، ودبابات وذخائر وألغاما ومدافع.
|
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: د.نجاة محمود)
|
Quote: لكن ما تدسو ورا الاجانب بيدوكم لب سيرفس
|
قرقرقرقرقرقرقرقرقرقر!!
يا دكتورة نجاة ... موش إنتي زاااتك في البوست داك بتاع صفقة اوباما مع نظام البشير ... قلتي أيوة .. علي الحكومة الإنبطاح لأمريكا ...؟؟؟!!!
نحن هنا بننادي بالعدالة و ملاحقة المجرم البشير .... و تقولي نحن بندسّي ورا الأجانب؟؟ و بهناك إنتي بتحثي حكومة نظامك ... بالإنبطاح عدبببببل كدة للأمريكان ....!!!!! عجب
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: ABDALLAH ABDALLAH)
|
الأخ الفاضل عبدالله عبدالله لك التحية و الإحترام
Quote:
لقد سررت غاية السرور وأنا أشاهد بنسودا وهى تصل الى ذلك المنصب العالمى الرفيع ( مدعى عام محكمة الجنايات الدوليه بلاهاى ) تمنياتنا لها التوفيق.
|
نعم ... و انا أيضا لقد سررت غاية السرور بوصول بنسودا الي ذلك المنصب الرفيع ... لابد ان لها من الكفاءة و الجرأة لتشق طريقها وسط دهاقنة القانونيين في العالم. و يعني هذا للبشير: جاك بلا !!
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: Mohamed Suleiman)
|
عزيزي محمد سليمان... ســلامات
لقد تم عصر المجرم البشير وزبانيته في كورنر ضيق.. ولكنه سيضيق عليه أكثر فهو قد أضحى عبئاً ثقيلاً على كل الدول التي زارها من تشاد إلى قطر! سيأتي اليوم الذي لن يجد لنفسه متسعاً حتى في حوش بانقا ألم تلاحظ رعبه من أن يصل الربيع العربي إلى السودان.. لقد أدرك أن مطارد دولياً وستطارده لعنة ضحايا نظامه القمعي حتى في داخل جحور السودان!
إن الله يمهل ولا يهمل..
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: Mohamed Yassin Khalifa)
|
الأخ العزيز محمد يس خليفة لك التحية و الإحترام
Quote: لقد تم عصر المجرم البشير وزبانيته في كورنر ضيق.. ولكنه سيضيق عليه أكثر فهو قد أضحى عبئاً ثقيلاً على كل الدول التي زارها من تشاد إلى قطر! سيأتي اليوم الذي لن يجد لنفسه متسعاً حتى في حوش بانقا ألم تلاحظ رعبه من أن يصل الربيع العربي إلى السودان.. لقد أدرك أن مطارد دولياً وستطارده لعنة ضحايا نظامه القمعي حتى في داخل جحور السودان!
إن الله يمهل ولا يهمل..
|
اليعصروهو .. لحدما ما يجيب الزيت .... و يبيعو عشان يصلح ميزانيتو ... نعم .... الله يمهل و لا يهمل ...
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: Mohamed Suleiman)
|
تسلم يا أبوحميد...
البشير يوم العيد قال عصرناهم لما جابو الزيت أها قول ليهو تعال شوف العصر ده كيف.. ووين!
أخونا عبدالمجيد حالياً واقف قدام باب مجلس الأمن بعد ما إستمع لتقرير أوكامبو.. والمجلس منعقد حالياً في جلسة سرية بخصوص تقرير المدعي العام
مجيد قال أنه النظام أخذ يردد في دعاويه التي يهاجم فيها شخص المدعي العام وأكيد دي حجة الضعيف.. أها بعد جاتهم مدعية عامة حايقولو عليها شنو؟
غرابية.. على قولك!
الأغـبياء.. نصحناهم بتسليم أنفسهم وبأن يبحثوا عن محامي شــاطر ليهم ولكنهم ولقصر نظرهم ظنوا إننا بندردق فيهم لساحة العدالة الجد جد
الظاهر إنهم محتاجين لليدردقهم بالبوليس!
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: أيمن الطيب)
|
محمد سليمان ازيك
وانت لسه بتنسج في احلامك، كدي النطمم ليك بطنك شوية، مع صباحات الخرطوم
انا لا اتوقع الاستجابة للطلب الافريقي المدعوم روسياً بتعليق امر القبض، وفي نفس الوقت لن يكون هناك اي تدخل من مجلس الأمن، وستظل الامور على ما هي عليه وسيغادر اوكامبو ذليلاً مغبوناً حقيراً بدون تحقيق اي شيء
ولمعلوميتك زيارة البشير لم تلغى وانما تأجلت بسبب مؤتمر الدوحة القام في 12/10
وبالمرة قول لي صاحبك عبد المجيد القاعد (يتلصص) من (خرم) الباب على جلسة مجلس الأمن السرية يعمل حسابو، إمكن زول يفتح الباب فجأة ويقبضوا متلصصاً
غايتو الشايفو انا، في ناس (فاكنها) في روحم اكتر من اللازم، وافضل ليهم يخففوا االعيار شوية
Quote: أخونا عبدالمجيد حالياً واقف قدام باب مجلس الأمن بعد ما إستمع لتقرير أوكامبو.. والمجلس منعقد حالياً في جلسة سرية بخصوص تقرير المدعي العام |
Quote: الأغـبياء.. نصحناهم |
لا اعرف من الغبي هنا،،،، ومن ينصح من؟
| |
|
|
|
|
|
|
Re: البشير يلغي زيارة لتنزانيا في آخر دقيقة ... هييييع أوكامبو الأسد ا (Re: الشفيع وراق عبد الرحمن)
|
( دي ما ممكن أسيبها تفوت ساكت كدة) ....
دكتورة نجاة ... أم التناقضات .. و دون أن يرف لها جفن كتبت هنا في هذا البوست :
Quote: يا ناس تعالو حلو مشاكلكم داخليا بالحوار او الحرب
لكن ما تدسو ورا الاجانب بيدوكم لب سيرفس
|
و في بوست: الصفقة السرية القذرة بين إدارة اوباما و نظام المجرم البشير
كتبت دكتورة نجاة ( و برضو دون أن يرف لها جفن):
Quote: وعلى الحكومة ان تنبطح حد الانبطاح من اجل الشعب التعبان دا.. وتنفذ الاتفاقية بحزافيرها .بدون لف او دوران
|
طبعا هي لازم تحشر الشعب المسكين ده و تتضاري بيهو في دعوتها للحكومة لحد الإلحاح علي الإنبطاح .. أو بحسب تعبيرها: أن تنبطح حد الإنبطاح ... و ده بلغة المنبطحين ... أسفل درجات الإنبطاح ... و كمان شوفوا الحمية دي و بلا خجل: و تنفذ الإتفاقية بحذافيرها بدون لف أو دوران ....
وين كلامك عن اللب سيرفس هنا و إنتي ما عارفة الإتفاقية فيها شنو؟ .. لكن و بشفقة زائدة ... عايزاهم ينفذوا الإتفاقية بحذافيرها ... و كمان بدون لف أو دوران؟؟؟
| |
|
|
|
|
|
|
|