كتب الكاتب الفاتح جبرا المتوفرة بمعرض الدوحة
|
Re: الاعتداء ال######## علي غندور وراءه تحالف الشيوعي والشعبي (Re: عبدالمجيد الكونت)
|
Quote: لايشبه اخلاقيات حزب الانصار |
وهل افهم يشبه الشيوعي والشعبي الشيوعي عارفناه قفل البلوفات واكل مال الشعب بالباطل وافسدوا وامتلكوا الفلل والحسابات البنكية وتحول حالهم من حال في اقل من 20 سنة بالفساد لكن الشعبي ؟؟؟؟؟؟؟؟؟؟؟ عمر انت نسيت اخلاقياتكم جبتوها من وين ؟؟ الترابي ده كان زعيم الشيوعي ومعلمهم ؟؟؟؟؟؟؟
بعدين اخجلوا يا ناس الوطني انتو داير تسلبو جماهير الامة شرف رفض تواجدكم في ساحات ادانة القتل والمطالبة بالحرية ده كلو عشان تصورا للناس انو علاقتكم مع الامة سمن على عسل حتى لو اصاب قادتكم طوبة في دار الامة وناس الامة يوضحوا موقفهم
المهم ارفض اسلوب الاعتداء بالطوب لكن احمل الاعتداء وكل الاحتقان الحاصل في البلد للمؤتمرجية الوطنية
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: محمد على حسن)
|
Quote: بعدين اخجلوا يا ناس الوطني انتو داير تسلبو جماهير الامة شرف رفض تواجدكم في ساحات ادانة القتل والمطالبة بالحرية ده كلو عشان تصورا للناس انو علاقتكم مع الامة سمن على عسل حتى لو اصاب قادتكم طوبة في دار الامة وناس الامة يوضحوا موقفهم
المهم ارفض اسلوب الاعتداء بالطوب لكن احمل الاعتداء وكل الاحتقان الحاصل في البلد للمؤتمرجية الوطنية |
يامحمد علي
ماهذا التناقض ؟؟؟؟؟؟؟؟؟؟؟؟؟؟؟؟
تصف الحادث بانه شرف رفض ثم تقول ارفض الاسلوب !!!!!!!!!!!
كدي ايقي علي راي واحد
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عبدالمجيد الكونت)
|
Quote: اذا فقد وصلت الرسالة
اذا اراد المؤتمر الوطني التقارب مع حزب الامة عليه ان يتقارب مع ثوابت الوطن وليس رغبات ابن الامام
|
سلام ياكونت
ولكن الرسالة وصلت وتعامل معها الامام الصادق وقيادات حزبه بصورة فورية
حيث استنكر الامام الحادثة وايضا دكتورة مريم التي اعتذرت في وقت الندوة وقالت ان كل الحضور ضيوف علي حزب الامة
وكما اوردت الاحداث
فقد ارسل الامام مساء امس ابناءه في وفد ضم كل من عبد الرحمن والصديق ومريم وذهبوا الي بروفيسر غندور في بيته للاعتذار عن الحادثة
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عمر صديق)
|
Quote: سلام ياكونت ولكن الرسالة وصلت وتعامل معها الامام الصادق وقيادات حزبه بصورة فورية حيث استنكر الامام الحادثة وايضا دكتورة مريم التي اعتذرت في وقت الندوة وقالت ان كل الحضور ضيوف علي حزب الامة وكما اوردت الاحداث فقد ارسل الامام مساء امس ابناءه في وفد ضم كل من عبد الرحمن والصديق ومريم وذهبوا الي بروفيسر غندور في بيته للاعتذار عن الحادثة |
ياعمر اخوي بيعة الترماي التي تمت بين السادة وحزب الانقلابيين .... قد تكسب المؤتمر الوطني بعضا من الزمن وتخلق انشقاقات جديدة في صفوف المعارضة ولكنها بالتأكيد ستغير من طبيعة التفاعل السياسي في البلد وقد تقود الى فوضى في كل شئ ان لم يراعى الطرفين ما تقوله قواعدهم ويحترموا مواقفهم
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عبدالمجيد الكونت)
|
Quote: ياعمر اخوي بيعة الترماي التي تمت بين السادة وحزب الانقلابيين .... قد تكسب المؤتمر الوطني بعضا من الزمن وتخلق انشقاقات جديدة في صفوف المعارضة ولكنها بالتأكيد ستغير من طبيعة التفاعل السياسي في البلد وقد تقود الى فوضى في كل شئ ان لم يراعى الطرفين ما تقوله قواعدهم ويحترموا مواقفهم |
الكونت ياحبيب
لقد ثبت ان السادة مازالو يتمتعون بالقيادة والريادة وسط احزابهم
ولذلك لايمكن الفصل بين مواقفهم ومواقف الحزبين
وبسبب هذا اعتقد ان الانقاذ قبلت باشراك نجلي السيدين كمساعدينللرئيس
واعتقد ان التوافق بين السادة والانقاذ سيكون مدخلا مناسبا للتغيير الذي ننشده جميعا ولايمكن لاي قوة سياسية ان تفكر في اقصاء والغاء الاخر
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عبدالمجيد الكونت)
|
Quote: اذا اراد المؤتمر الوطني التقارب مع حزب الامة عليه ان يتقارب مع ثوابت الوطن وليس رغبات ابن الامام |
انت يا كونت ود الامام دا ( قاصر ) ولا لاعقل لــه ولا تم تعيينــه مرغمــاً .. ثم هذا الرجل لا علاقة لـه بحزبكم فقد استقال منذ تعيينه فى القوات المسلحة كما تقولون
للانقاذ الحق فى الوافق والتقارب مع اى من مكونات هذا الوطن اشخاص احزاب بيوتات انتو اقدرو على الباقــى ..
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عبدالمجيد الكونت)
|
ههههههههههههههههههههههههههههه والله يا عمر بقيتوا تحننوا تشيلوا و تجلطوا في حيطة الشيوعي البتقولوا عليهو قبل يومين بس عضويتو محبطة و بتبكي و تتمخت عشان سكرتيرها مشي الحج الشيوعي بجيب قوة يبكي و يحرض ضد غندور في وكت واحد كيف و هو حزب محبط و متشظي و معزول ؟ يا اخواننا قولوا كلام يدخل العقل . ثم يا عمر ياخي الهتافات حسبما اوردت الاخبار طالت مع غندور القيادي الاتحادي عثمان الشريف و كان جوهر الهتافات لا وفاق مع النفاق . الحزب الشيوعي متبن قال او شرع في وفاق مع المؤتمر الوطني عشان منسوبينو يهتفوا ضد غندور ؟
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: بدر الدين اسحاق احمد)
|
Quote: نحن عايزين اعتذار مؤسسات حزب الامــة .. ابناء الامام فوق العين والرأس ...
|
ياشيخ بدر الدين
ياحليل ايام زمااااااااااااان
في مثل هذه الحالات التي يتوقع فيها مثل هذا الاعتداء
وقبل بدء الندوة تكون الكراسي قد امتلات
فليمتنع قيادات المؤتمر الوطني من المشاركة في مثل هذه الندوات بدون الكتائب الازمة لتامين الموقف
لان البعض لايفهمون الا مثل هذا
ولايفل الحديد الا الحديد
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: محمد حيدر المشرف)
|
Quote: لقد ثبت ان السادة مازالو يتمتعون بالقيادة والريادة وسط احزابهم
ولذلك لايمكن الفصل بين مواقفهم ومواقف الحزبين
وبسبب هذا اعتقد ان الانقاذ قبلت باشراك نجلي السيدين كمساعدينللرئيس
واعتقد ان التوافق بين السادة والانقاذ سيكون مدخلا مناسبا للتغيير الذي ننشده جميعا ولايمكن لاي قوة سياسية ان تفكر في اقصاء والغاء الاخر |
سيد البوست سلامات ما ثبت أي شي غير انه الامام ومولانا فاقدين زمام السيطرة على عضويتهم المحتقنة جداً جراء الشراكة مع الكيزان .......بعدين لو الامام او مولانا متمتعين بالقيادة والريادة ماكان عضوية ورموز الاتحادي الاصل دبجت البيانات والاعلانات والانسلاخات والهتافات وغضبت لمن جابو الغلام المستشار نمرة اتناشر والاتحادي قبل يشارك مع الكيزان...ولاكان غندور اندق دق العيش تحت مسمع ومرأى الامام....اها انت عايز تثبت ليهم ياتو قيادة وريادة؟؟؟انت كل البتعملو كسلطة انك بتشيل القداسة من الاسياد بتوعك وبتعيد صياغة الاحزاب من الداخل عشان العضوية تبتر العناصر النية سياسياً دي ولمن الجماهير تعرف مصالحها وتواجه الاقطاعيين ديل انتو ياويلكم بالجد....واهو الشعب بيتعلم كيف يواجه الصلف بالصلف والعنف بالعنف والسن بالسن بعدين ياخ انا لفت نظري كلمة التغيير الذي ننشده!!!!! انتو عايزين تغيرو شنو؟؟؟؟ انتو يعني لاسمح الله دُعاة تغيير؟؟؟انتو طُلاب سُلطة ورعاة انقلابات وتزوير انتخابات...انتو لو بتغيرو ودعاة تغيير كانو تغيرو من قبل نيف وعشرين سنة انتو بتغيرو لانه بقيتو عايزين ايام اضافية وقريتو انه أجلكم السياسي حان وعايزين تغشو الاتحادي والامة وترمو ليهم الفتات عشان قاريييييين الخارطة وعايزين تتحايلو عليها ساي للتغيير الذي ننشده؟؟؟!!!!!دي عبارة ماجاية خالص مع الكيزان وشترة شديد ياخوي والانكى منها العبارة البعدها.... لايمكن لاي قوة سياسية ان تفكر في اقصاء والغاء الآخر.........دي عبارتك؟؟؟؟مؤمن بيها؟؟؟؟طيب ليه لغيتو الاحزاب زمان وقبضتو رموزها وشردتوها ورميتوها منافي؟؟؟ليه حليتو الاحزاب وقبضتو الناس في اجتماعات حزبية؟؟؟؟؟لييييييييه صادرتو البلد عشرين سنة وأممتوها لصالح جهة واحدة ؟؟؟؟ انت جادي؟؟؟؟؟ ياخ كلامك مالابق ع الكيزان على قول اللبنانية انتو لادعاة تغيير ولا بتقبلو بالآخر الذ حاجة انا بكتب في الكلام ده ومتابعة اعلان تشكيلة الحكومة الجديدة اللي احتفظت فيها الانقاذ بكل وزرائها السابقين والوزارات السيادية.....وتقول تغيير.........طيب كان تشيلو الفاسدين والبلطجية عشان نصدق انه ممكن تتغيرو.....غايتو جنس استهلاك كلام!!!!! وعجبي عملات جاهين ------- خدر ومحمد المشرف مشتاقين واضم صوتي لصوتك يامحمد للرأفة بالصديق خضر حسين خليل.......
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: لنا جعفر)
|
هؤلاء هم صحفى الصحف الصفراء مفهومهم للعمل الصحفى يقوم على فبركة الاخبار والتحليل الفطير الذى يصب فى مصلحة الكيزان, لاحظوا لهذه الصحفى فى فترة اقل من شهر ماذا كان يفبرك بهذا المنبر من اخبار مثلا حول حج الاستاذ نقد وطرد الشيوعيين من تحالف الطلاب المعارض بجامعة الخرطوم الى هذا البوست هذه هى بضاعتهم للعمل الصحفى
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: elsharief)
|
لنامشتاقين ..
زمان محمود الحلبى اختفى فجأة من الجامعه فى جو سياسي محتقن جدا .. فقدناهو فى بيتم مافيش .. عند اهلو الفى بحرى مافيش .. رجعنا الداخليه مقلقين جدا لقينا باسطه ناااايم .. صحيناهو قام متضايق جدا - فى شنو - محمود يا باسطه كيت وكيت - الكلام ده ليهو كم ؟! - حوالى اربعة ساعات
قام طوالى جر البطانيه واتغطى كويس وقال لينا
- محمود ده بكونو هسع دقوهو لمن اعترف ومافى حاجه ممكن تتعمل !! ونام تانى ..
ازيك يا حبيبة القديس منو داك ما عارف ؟!
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: محمد حيدر المشرف)
|
Quote: زمان محمود الحلبى اختفى فجأة من الجامعه فى جو سياسي محتقن جدا .. فقدناهو فى بيتم مافيش .. عند اهلو الفى بحرى مافيش .. رجعنا الداخليه مقلقين جدا لقينا باسطه ناااايم .. صحيناهو قام متضايق جدا - فى شنو - محمود يا باسطه كيت وكيت - الكلام ده ليهو كم ؟! - حوالى اربعة ساعات
قام طوالى جر البطانيه واتغطى كويس وقال لينا
- محمود ده بكونو هسع دقوهو لمن اعترف ومافى حاجه ممكن تتعمل !! ونام تانى ..
ازيك يا حبيبة القديس منو داك ما عارف ؟! |
محمد ود المشرف.......الشوق كاتلنا بالجد ايميل باستا متذكرو؟؟؟باستا كان دو إت.......فهو قادر غايتو على كل المفارقات .......بسطامي معجزة مابتفارقنا طول عمرنا والولد نعمة من نعم الرب القادر بس موتني ضحك ......مشتاقة ليكم الاتنين ولو اتلمينا الارض ح ترحل ياحقصة واظن مواعيدك معانا في ديسمبر؟ عاين يامحمد هي بالضبط وحسب رسم واسيني عاملة كده الى سليلة الكاهنة التي قاسمت القديس اوغستين ظلمة قبره..............اتذكرتها؟؟؟؟ بس ماوريتني محمود لقيتوهو وين؟؟؟؟؟ عيشتني اجواء الكيزان وصناعة الموت البيجيدوها......
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: elsharief)
|
Quote: هؤلاء هم صحفى الصحف الصفراء مفهومهم للعمل الصحفى يقوم على فبركة الاخبار والتحليل الفطير الذى يصب فى مصلحة الكيزان, لاحظوا لهذه الصحفى فى فترة اقل من شهر ماذا كان يفبرك بهذا المنبر من اخبار مثلا حول حج الاستاذ نقد وطرد الشيوعيين من تحالف الطلاب المعارض بجامعة الخرطوم الى هذا البوست هذه هى بضاعتهم للعمل الصحفى |
اذا كان امثالك لايفرقون بين الخبر والراي
ويتطاولون علي النقد والتقييم دون امتلاك ادوات ذلك
فقد حق لابي حنيفة ان يمدد رجليه
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عمر صديق)
|
سلام جنابو عمر ابن الانقاز البار الابن الذي لم يلده البشير ويلفظه كثيرا من الاتحاديون عمر صديق ٠٠٠ جنابو من كنت تضع صورة المشير البشير بالكاكي في بروفايلك لنا زاكره وان راهن بعض او البعض من ٠٠
Quote: واعتقد ان التوافق بين السادة والانقاذ سيكون مدخلا مناسبا للتغيير الذي ننشده جميعا ولايمكن لاي قوة سياسية ان تفكر في اقصاء والغاء الاخر |
شكلك لم ترجع للحزب الاصل الا في اطار مهمة كلفك بها نافع او من لف لفه بس كفر شوية لماذا تركت الانقاز وملصت الزي العسكري
وفي اول مشاركة فارش اخرك مع المشاركة فهل هذا الدور الموكل اليك وسر عودتك الغير ميمونة ولا عندك فذلكه في اقصاء الانقاز للكل وتؤجر بشرحك لنا وتفهيمنا وتزكرت بيت شعر رغم عدم انطباقه عليك ولكن نرجو العزر من القراء الذين تحاول استحمارهم٠٠ صغير في الزهاب وصغير في الاياب اهذا كل شاءنك يا عمر جنابو وليعزرني محبي امير الشعراء لشطحاتي التشبيهية فمن اعطاك الحق بين يوم وليلة لتكون المعبر ٠٠ عن الاتحاديون ولم تملص الكاكي الا مساء الامس فاسمح لي ان اقول لك انك لا تعبر الا عن نفسك وربما البشير الذي كنت تزين به بروفايلك ولكن الاصل يكفيه ما به من جراح وتخازل الم به من فعل امثالك من غواصات يا جنابو فلك ادعاء تمثيل من تشاء بس الا الاصل لان شهادتك فيه مشبوهة يا خادم المشير وشكرا
| |
|
|
|
|
|
|
Re: الاعتداء ال######## علي غندور وراءه تحالف الشيوعي والشعبي (Re: عبد المنعم عبدالله)
|
Quote: سلام جنابو عمر ابن الانقاز البار الابن الذي لم يلده البشير ويلفظه كثيرا من الاتحاديون عمر صديق ٠٠٠ جنابو من كنت تضع صورة المشير البشير بالكاكي في بروفايلك لنا زاكره وان راهن بعض او البعض من ٠٠
Quote: واعتقد ان التوافق بين السادة والانقاذ سيكون مدخلا مناسبا للتغيير الذي ننشده جميعا ولايمكن لاي قوة سياسية ان تفكر في اقصاء والغاء الاخر
شكلك لم ترجع للحزب الاصل الا في اطار مهمة كلفك بها نافع او من لف لفه بس كفر شوية لماذا تركت الانقاز وملصت الزي العسكري
وفي اول مشاركة فارش اخرك مع المشاركة فهل هذا الدور الموكل اليك وسر عودتك الغير ميمونة ولا عندك فذلكه في اقصاء الانقاز للكل وتؤجر بشرحك لنا وتفهيمنا وتزكرت بيت شعر رغم عدم انطباقه عليك ولكن نرجو العزر من القراء الذين تحاول استحمارهم٠٠ صغير في الزهاب وصغير في الاياب اهذا كل شاءنك يا عمر جنابو وليعزرني محبي امير الشعراء لشطحاتي التشبيهية فمن اعطاك الحق بين يوم وليلة لتكون المعبر ٠٠ عن الاتحاديون ولم تملص الكاكي الا مساء الامس فاسمح لي ان اقول لك انك لا تعبر الا عن نفسك وربما البشير الذي كنت تزين به بروفايلك ولكن الاصل يكفيه ما به من جراح وتخازل الم به من فعل امثالك من غواصات يا جنابو فلك ادعاء تمثيل من تشاء بس الا الاصل لان شهادتك فيه مشبوهة يا خادم المشير وشكرا |
الاخ عبد المنعم تحياتي
ياعزيزي انت تشابهت عندك حروف العربية والاشخاص
| |
|
|
|
|
|
|
|