|
|
 عاجل ... الفكي ابكر يتعهد بتكتيف اقلام الهامش ... يهمنا تعاطف المركز
|
بعد قرأته لسودانيز اونلاين خلال الاسابيع السابقة و تحديدا بعد قرأة البوستين ادناه:
يجب ان يتسلح ابناء الشمال منذ الان لمواجهة اي زحف للعنصريين..
إنتصار فرق الهامش المسلحة هو نهاية السياسة في السودان
قرر الفكي ابكر التدخل في الامر حفاظا للعلاقة الازلية بين اهل المركز و اهل الهامش. و قال الفكي ابكر ان الذي يجمع الهامش و المركز اكبر مما يفرق و انه سوف لن يدع بعض اقلام الهامش في ان يكونو سببا في فقدان التعاطف الذي يحظي به الهامش من بعض اهل المركز.
و قال الفكي ابكر ان الاجراء الذي يقوم به هو تكتيف بعض كتاب الهامش ممن يعتقد انهم سبب فقدان هذا التعاطف. و لكن نوه في ذات الوقت الجمهور الكريم ممن تأذو بكتابات اهل الهامش ان يمدوهو بالاسماء التي يعتقدون انها سببا فيما حدث.
من جانبه قال انه سوف يقوم بتكتيف كل من الاستاذ محمدين اسحق و الاستاذ كبر و في انتظار الجمهور لمده بالاسماء الاخري.
في ذات الوقت ايضا نبه اهل المركز الي التسامح و محاولة تفهم الواقع السوداني في اطاره الاوسع بعيدا من الترسبات التأريخية
|
|
 
|
|
|
|
|
|
|
|
Re: عاجل ... الفكي ابكر يتعهد بتكتيف اقلام الهامش ... يهمنا تعاطف المر (Re: Mahjob Abdalla)
|
التشاحن الحاصل هذه الايام بخصوص موضوع الهامش و المركز هو نفس التشاحن الذي حدث في دارفور بعيد قيام الثورة هناك و الذي نتجت عنه الابادة ... الدمار ... الاغتصاب ... او كل ما هو سئ.
كانت حالة ذعر بالضبظ كما يحدث الان بين المجموعات القبلية في دارفور. هذا ما سوف يحدث من معظم اهل الوسط في حالة تمكن ثورات الهامش من التقدم اذا قدر لها و سوف تقوم الحكومة بشحن سكان الوسط علي ان الحرب مقدسة بين الهامش و المركز او في معني اخر افارقة و عرب.
| |
|
|
|
|
|
|
|
|
|
Re: عاجل ... الفكي ابكر يتعهد بتكتيف اقلام الهامش ... يهمنا تعاطف المر (Re: Mahjob Abdalla)
|
Quote: والفكى ابكر مكتبو و ين ..فى القصر ولا كافورى.
عليك الله شوف لى العنوان ..عايزو فى غــــرض
ضرورى شديد
سلامات ...يا مواطن ..البوست ده لازمتن يمشى
الربع الجاى |
الهبيب الصامد معاوية
شكرا علي المرور و كذا يشكرك الفكي ابكر و يقول لك انه موجود اسفيريا و عنوانه هذا البوست. يمكنك مراسلته في اي وقت من هذا المكان.
و اتمني ان يري هذا البوست عمرا مديدا نحو المربع القادم
| |
|
|
|
|
|
|
|
|
|
Re: عاجل ... الفكي ابكر يتعهد بتكتيف اقلام الهامش ... يهمنا تعاطف المر (Re: قاسم المهداوى)
|
العزيز/ محجوب
سلام
في يوليو 1976م كان أهل الهامش يشكلون أكثر من 90% من قوات الجبهة الوطنية التي هاجمت نظام نميري..
شباب دخلوا العاصمة مسلحين بالايمان والبندقية وعينهم ما تشوف زول لابس كاكي الا وامات طه.. لم يعتدوا على مدنيا قط..
كانت حربهم موجهة ضد النظام فقط.. وليس ضد الآخرين ولم يكن من بينهم أجنبيا.. لكن آلة المركز الاعلامية رسخت مفهوم المرتزقة في العامة..
وعلى أثر المحاولة قامت الحملات العنصرية ضد كل أهل الهامش بالعاصمة.. والحملة كانت موجهة ضد أهلنا من الغرب فقط!!
في مايو 2008م دخل د. خليل أم درمان ولم يعتدي قواته على اي مدني.. بل لم تنطلق رصاصة منهم الا بعد مواجهة مليشيا المؤتمر الوطني..
أهلنا في الهامش متدينين بالفطرة ويعرفون قيمة الانسان وقيم الظلم والعدل... فلهذا هم لايظلمون أحدا..
لكن البيقنع الديك منو..
تحياتي
| |
|
|
|
|
|
|
|
|
Re: عاجل ... الفكي ابكر يتعهد بتكتيف اقلام الهامش ... يهمنا تعاطف المر (Re: Abdlaziz Eisa)
|
الاخ محجوب عبد الله ..
تحياتي
Quote: فقدان التعاطف الذي يحظي به الهامش من بعض اهل المركز.
|
يا الحبيب محجوب .. أرجو اننا نبدأ صاح .. ففي البدء في اختلاف حتي الآن في تعريف من هم اهل المركز ومن هم اهل الهامش ..
وكل زول او جماعة بيجي بتعريف هو مقتنع بيهو .. عموماً مهما كان التعريف بيبقي كلمة تعاطف دي ما راكبة عدلها لسبب الناس بتبحث عن حقوق متساويــة - وخت لي خطين تحت كلمة متساوية دي - وصاحب الحق ما بيشحد ولا بيفتش الطبطبة صاحب ..
أنا شخصياً بقول تنشك وتتوزع من جديد وفق اسس دولة مؤسسية وديمقراطية المواطنة فيها هي الاساس وتكون غير مركزية أي كلام عن محاصصة وتوزيع السلطة حسب الاقليم او المنطقة بيبقي نوع من انواع تأسيس العنصرية وزرعها حتي داخل مؤسسات الدولة بصورة قانونية
وللأسف بعض الحركات المسلحة بتلجأ للمحاصصة دي وهي بتفتكر انها بتحقق اهدافها في حين انها بتقنن للخطاب الانقاذي وتساعده في اطالة عمره .. محاربة الانقاذ مابتبقي بتبني خطابها ولكن بتقديم خطاب آخر عكس ما تريد هي الذهاب اليـه ..
عندما تكلمنا مراراً وتكراراً هنا مع من يظنون انفسهم المتحدثين باسم الهامش انه ياجماعة حتي الشمالية اهل هامش وكلنا مكتويين بنار الانقاذ وعانينا من القتل ونزع الاراضي والتشريد والتهجير وانه قوتنا في وحدتنا وغيرو خطابكم العنصري دا لانه بيخدم الانقاذ افتكرو الحكاية خوف.. بل بعض صبيانهم بقو يقلو ادبهم باحداث تاريخية قديمة.. وحمد لك يا الحبيب عبد الله انك ابتدرت البوست دا برابط للبوست تبعي عشان يعرفو الشباب انه الخطاب المعاكس اسهل منه مافي وانه اكتر زول بيكون مبسوط من الحاصل هو نظام البشير دا وزي ما قال الاخ ابوبكر صالح للأسف بعض قوى الهامش الغير مسئولة بتدفعك دفع وغصباص عنك لخدمة خط نظام البشير..
تغيير الخطاب واجب يا محجوب .. والقضية معروفة هي شنو ووين وضد منو .. الناس العندها اجندات وعاوزة تمسح وش الصراع بلون اسود وابيض ..
او عندها اهداف عنصرية اخري .. او ليها كوميشنات في اي صفقة سلاح او بتستفيد بصورة مباشرة او غير مباشرة من الحروب والصراعات والقتل والدم البيحصل في اي بلد .. فديل اول شئ يجب على اي زول مصنف نفسه هنا من الهامش او بيناصر اهل الهامش انه يعلن براءته منه وانه الخطاب دا لا يمثلوا ولا يسعي اليــه وانه تاني مرة الزول دا لو نضم يبقي بيتحدث باسمه بس..
وعلاجه بعد كدة مع الراي العام للمنبر ..
ودي ممكن تكون خطوة لضبط خطابنا هنا عشان ليس كل من هب ودب يجي يقول انا رقم في السياسة السودانية وانا متحدث باسم الهامش وانا المدافع عن حقوقهم وانا البجيب حقهم وانا البيدووني قادة الحركات المسلحة الفصة عشان اتكلم معاهم واوزع التصريحات باسمهم عبر وسائل الاعلام
وللحديث بقية
| |
|
|
|
|
|
|
|
|
|
Re: عاجل ... الفكي ابكر يتعهد بتكتيف اقلام الهامش ... يهمنا تعاطف المر (Re: HAIDER ALZAIN)
|
Quote: من جانبه قال انه سوف يقوم بتكتيف كل من الاستاذ محمدين اسحق و الاستاذ كبر و في انتظار الجمهور لمده بالاسماء الاخري.
|
الفكي ابكر اتلوم لوم السواد والرماد..
صراحة ما تابعت كتابات الاخ محمدين اسحق بصورة راتبة لكن ما يكتبه الاستاذ كبر اتمني لو اي زول مهتم بالسياسة يكتب مثلها بنفس وضوح الفكرة والتهذيب في التعاطي والمفردات ..
مهما اختلف الانسان مع الاستاذ كبر لا يملك الا ان يحترمــه ولا اظنه يكون سبب من اسباب تردي الخطاب بين من يقسمون انفسهم لأهل هامش ويعاملون الاخرين كأهل مركز .. او لنقل بوضوح من يتعاملون على انه الصراع هو بين هامش وجلابة ..
فسقوط خطاب البعض هنا بدا مع استعمال مفردات الجلابة هم اس المشكلة .. وانحدر الخطاب العنصري بعضها
اتمني انه يكون الاستاذ كبر والاخ محمدين اسحق بخير وفي انتظار خطاب متوازن بدلاً عن النعيــق الذي عشعش في ارجاء المنبر من بعض ممن اعتقدوا انهم رقم في عالم السياسة ..
| |
|
|
|
|
|
|
| |
Mahjob Abdalla
معاوية عبيد الصائم
قاسم المهداوى
Abdlaziz Eisa
HAIDER ALZAIN
سفيان بشير نابرى
فيس بوك
تويتر
انستقرام
يوتيوب
بنتيريست