|
|
|
 Re: الشعـب يمـر بمرحلـة القنـع (Re: حسبو عكاشة)
|
تعرف الخصخصة العملتها الانقاس خساسة وكيتا على الشعب
حدها ارتد لقلب الانقاذ
حيث استغنى المواطن عن الحكومة تماما
بيتعالج بقروشو ويعلم اولادو بقروشو واسع اي زول عنده ساطور ولا بندقية ولا قنبلة يدوية
عشان يحمي نفسو اذا جاهو حرامي ولا اي هجوم من جهة ويرد الموية من البحر .. يعني قنع كامل من الحكومة
الزمان كانت عبارة عن علاج ومدارس وامن وخدمات دا كلو بيعملو المواطن لروحو
شن بدور من الحكومة.
من حق اي مواطن سوداني اسع يعلق علم يخصو في بيته وممكن يتبادل السفراء مع الحكومة النائمة
| |
 
|
|
|
|
|
|
|
|
Re: الشعـب يمـر بمرحلـة القنـع (Re: د.نجاة محمود)
|
حسبو سلام
تعرف المضيئ في حملة مقاطعة اللحوم شنو ؟
انها اكسرسايس جيد ومفيد ويمكن تطويرها لقدام واحدة من وسائل الضغط هي المقاطعة الشعبية والسلمية
اولا هنا انت بتجرد الهدف الانت مقاطعو من اي سلاح فانت لم تخالف القانون فلن يستطيع ان يستعمل سلطاته
الناس حقو تفكر في حاجات زي دي وكل مرة تبتكر حاجة جديدة
الحكومة فعلا عايشة على قفا المواطن المسكين ده مرة جبايات ومرة ضرائب
الناس تشوف وين محل العزيزة البتحرق الحكومة وتديها حتة مقاطعة
| |
|
|
|
|
|
|
|
|
|
Re: الشعـب يمـر بمرحلـة القنـع (Re: محمد إبراهيم علي)
|
ابو حميد, سلامات
Quote: اولا هنا انت بتجرد الهدف الانت مقاطعو من اي سلاح فانت لم تخالف القانون فلن يستطيع ان يستعمل سلطاته
الناس حقو تفكر في حاجات زي دي وكل مرة تبتكر حاجة جديدة |
كلامك سمح و الله
بالرغم من انو اللحمة بقت صعب المنال منذ فترة و ليس الان فقط , و الواحد من فترة كان بشتري ربع كيلو يقضي بيه اسبوع كامل هسة فعلا المواطن قاطع ربع الكيلو دا ذاتو
و ذي ما قلت كل مرة الناس تبتكر حاجة جديدة, لكن مع موضوع انو الرئيس و الوزراء و النواب قاطعو اللحوم الموضوع شكلو بقي لا يخلو من مؤامرة
صاحبنا قالو ليه الرئيس مقاطع اللحوم مع بقية الشعب
رد عليهم: بالله الرئيس عندو "قاوت"
:)
| |
|
|
|
|
|
|
|
|
|
Re: الشعـب يمـر بمرحلـة القنـع (Re: حسبو عكاشة)
|
سلام د.نجاة
Quote: تعرف الخصخصة العملتها الانقاس خساسة وكيتا على الشعب
حدها ارتد لقلب الانقاذ
حيث استغنى المواطن عن الحكومة تماما
بيتعالج بقروشو ويعلم اولادو بقروشو واسع اي زول عنده ساطور ولا بندقية ولا قنبلة يدوية
عشان يحمي نفسو اذا جاهو حرامي ولا اي هجوم من جهة ويرد الموية من البحر .. يعني قنع كامل من الحكومة
الزمان كانت عبارة عن علاج ومدارس وامن وخدمات دا كلو بيعملو المواطن لروحو
شن بدور من الحكومة.
من حق اي مواطن سوداني اسع يعلق علم يخصو في بيته وممكن يتبادل السفراء مع الحكومة النائمة
|
الموضوع خطير شديد و الحالة بقت صعبة, المواطن بقى ما قادر يتعالج ذاتو, تصحى من النوم تلقى الادوية زادت بنسبة 40% طقة واحدة
| |
|
|
|
|
|
|
|
|
|
Re: الشعـب يمـر بمرحلـة القنـع (Re: حسبو عكاشة)
|
تراجيديا الحاصل
قاعد انا و زهجان
اديني بس قرشين
في شان اسد الدين
تديني شيك طاير
و انا بالفلس حاير ؟
حاير وما داير
اسرق كحل من عين
انا سمي بس فاير
اكتح و اسب في الدين
الدنيا شن طعما
لما الرغيف يغلا
و الواقع يبقي رهاب
كل الشباب رحلو
للغربة بي اسباب
و انا همي وجبة كباب
انا همي موية فول
لما المطر حيقول
وين ساعدك المفتول
وين خدرة الواطة
ممحوقة سواطة
عك البلد ساطة
و خلى الشباب مكتول
مكتول في هم بكرة
مكتول بدون فكرة
احباط ورا احباط
يا حليل بلدنا الجاط
ساطوها باسم الدين
نهبوها في المسجد
مسجد باسم النور
المشكلة الممكون
و الداعي و الممحون
لملم قريشاتو
اداها لي ولدو
قوم اقرا يا المزيون
شان امو شان بلدو
مرق الولد بالباب
سوى الشباب اصحاب
ساقوه ستة بلاد
عرسلو روسية
سوالو عربية
صفحة وكمان لابتوب
و افكار نضالية
و ناس أُمو ممكونين
بصلة وشريفية
وابوه راح مغصة
دفنوه جودية
يا حليل سما المليون
في لمحه صار اميال
قالولنا دا خيارهم
و الانتباهه تلت
و تعجن باسم الديش
بي دقنو دقسنا
بالكاكي غشانا
يا الله ترحمنا
و الرحمة تغشانا
يا الله بل الريق
البغلة في الابريق
لمن نسوي الغيق
عطشان ونفسي بضيق
لكني لسة غريق
---
ون تو .... شمبول + حسبو
| |
|
|
|
|
|
|
|
|
 Re: الشعـب يمـر بمرحلـة القنـع (Re: حسبو عكاشة)
|
Quote: تراجيديا الحاصل
قاعد انا و زهجان
اديني بس قرشين
في شان اسد الدين
تديني شيك طاير
و انا بالفلس حاير ؟
حاير وما داير
اسرق كحل من عين
انا سمي بس فاير
اكتح و اسب في الدين
الدنيا شن طعما
لما الرغيف يغلا
و الواقع يبقي رهاب
كل الشباب رحلو
للغربة بي اسباب
و انا همي وجبة كباب
انا همي موية فول
لما المطر حيقول
وين ساعدك المفتول
وين خدرة الواطة
ممحوقة سواطة
عك البلد ساطة
و خلى الشباب مكتول
مكتول في هم بكرة
مكتول بدون فكرة
احباط ورا احباط
يا حليل بلدنا الجاط
ساطوها باسم الدين
نهبوها في المسجد
مسجد باسم النور
المشكلة الممكون
و الداعي و الممحون
لملم قريشاتو
اداها لي ولدو
قوم اقرا يا المزيون
شان امو شان بلدو
مرق الولد بالباب
سوى الشباب اصحاب
ساقوه ستة بلاد
عرسلو روسية
سوالو عربية
صفحة وكمان لابتوب
و افكار نضالية
و ناس أُمو ممكونين
بصلة وشريفية
وابوه راح مغصة
دفنوه جودية
يا حليل سما المليون
في لمحه صار اميال
قالولنا دا خيارهم
و الانتباهه تلت
و تعجن باسم الديش
بي دقنو دقسنا
بالكاكي غشانا
يا الله ترحمنا
و الرحمة تغشانا
يا الله بل الريق
البغلة في الابريق
لمن نسوي الغيق
عطشان ونفسي بضيق
لكني لسة غريق
---
ون تو .... شمبول + حسبو |
يا الله ترحمنا
و الرحمة تغشانا
آمييييييييييييييييين
تحياتى
| |
|
|
|
|
|
|
|
 Re: الشعـب يمـر بمرحلـة القنـع (Re: حسبو عكاشة)
|
شعب ناكر للجميـل بصورة ما إعتيادية..حكومة بتفعل مافي مصلحتو ووقايتو من الامراض وهو ماراضي
أولاً اكل اللحم بيجيب القاوت.. وربنا اكرمنا بحكومة صدرتها للخارج واهدتها للشعوب الفقيرة من باب
الجار اولى من الدار وبارك الله فيمن آثر غيره على نفسه ولو به خصاصة
وهنا الحكم الرشيد اهدي للشعب حسنة الدنيا والآخرة .. فكسب وقاية من الامراض ونال حسنة واجر تدخله الجنة..
ثانياً كترت الأكل بتعمل بدانة ودي بيجي من وراها امراض كتيرة منها السكري والضغط والهارت
غير انها بتعمل بلادة وخمول في الذهن .. والحمد لله وبنعمة منه وبحمد وبشهادة صاحب البوست الجاحد اصبح الشعب هزيل وضعيف ( بقراية محايدة يعني رشيق وستايل على الآخر ) ودا بكون انه الحكومة بسياساتها الرشيدة عملت على كف يد الشعب عن اللقف واللهف في اي ملف وبدل الفطور المدنكل وصينية الغداء وبعدها صحانة التحلية وطبق الفواكه ثم العشاء الما مخمج وبعده كورية اللبن وفرت ليهو بائل اخري بكباية شاي مسيخة من الصباح وفطور موية فول ثم خلتو يدمج الغداء والعشاء في وجبة واحدة ممثلة في صحن بتاع فتة فول او شوربة عدس وبكدة يضرب عصفورين بصحن واحد .. يوفر الوقت للعمل والشلهتة والجري في الاسواق وفي نفس اللحظة يتخلص من من اي كتلة للدهن في جسمو ويبقي عبارة عن عضم مكسو بجلده ودي قمة القدرة الرياضية وطاقة تساعده في المكابسة والمدافرة في المواصلات ولو كمان قال يوفر حق المواصلات عشان حق حقنة البنسلين والا فتيل درب لاخوهو والا بته الصغيرة تكون لياقة كاااربة يدق بيها كداري من امبدة ام درمان لغاية المحطة الوسطى..
عشان كدة نحن شعب جاحد .. قدر ما تعمل الحكومة لمصلحة الشعب الشعب يفسر تصرفها خطأ ويقول ظالمننا..
لو قلت ليهو منطقك شنو .. يقول ليك شوف الكيزان ديل مترعين وسمان وليهم كروش وجعاب وياكلو في اليوم خمسة وجبات مع ملاحقاتها والواحد معرس اربعة..
ياله من منطق اعوج يا شعبنا الجاحد .. الكيزان بطريقتهم دي عاوزين يكفو عنكم البلاء ويرفعو عنكم الحسد والحقد من الشعوب التانية الممكن ينظروا ليكم كشعب منعم مرفه لذا هم تحملوا عنكم البلايا والخطايا و###### الدنيا وامراضها فضحو من اجلكم بتحمل كل الرزايا .. أفلا تكونو شعبا شكورا؟؟!
| |
|
|
|
|
|
|
|
|
|
Re: الشعـب يمـر بمرحلـة القنـع (Re: HAIDER ALZAIN)
|
| Quote: الناس تشوف وين محل العزيزة البتحرق الحكومة وتديها حتة مقاطعة |
يا محمد أبراهيم بس هل مقاطعة المواطن للحمة بتحرق الحكومة وتخليها تنقص ما يليها من رسوم وجبايات عليها؟ أخشى ما أخشاه إنو موضوع المقاطعه دا يطلع مأسورة من الحكومة نفسها لزيادة الصادر
يا حسبو تراجيديا الحاصل  صره وخيت
| |
|
|
|
|
|
|
|
|
|
Re: الشعـب يمـر بمرحلـة القنـع (Re: مرتضى احمد عبد القادر)
|
هلا وغلا يا حسبو
ياخي الحكومة شابكانا تحرير تحرير اقتصاد تحرير اقتصاد
هذا ليس قران كريم
مع التحرير يجب ان تضع تسعيرة لكل سلعة
كما يحصل في كل العالم
وبعد داك من يتجاوز التسعيرة يبطش به كبطش طارق عزيز بتجار العراق
الله يعين
| |
|
|
|
|
|
|
|
|
|
Re: الشعـب يمـر بمرحلـة القنـع (Re: khaleel)
|
| Quote: هل مقاطعة المواطن للحمة بتحرق الحكومة وتخليها تنقص ما يليها من رسوم وجبايات عليها؟ |
بركة في اللحمة الجابتكم دي يا مورتا وحسبو وان شاء الله تجيب خدر الخدر كمان
اللحمة ما بتضر الحكومة لكن الناس تفكر وتحاول تستفيد من التمرين المدني ده وتدي الحكومة واحد كربون كدة لمان تزبد
انا برة السودان واكضب عليك لو كنت عارف يد الحكومة الموجعاها شنو لكن ناخد امثلة بسيطة
مثلا الحكومة بتخصم ضريبة قيمة مضافة في اي مكالمة ادوها واحد كربون هنا (اس ام اس بس)
الحكومة بتاجر في السكر برضو دي حتة بتاعة كربون مكرب
بصات الولاية برضو كورة مقنطرة للشوت الناس تركب حافلات الاهالي
الناس تشوف اي حاجة بتبيعا الحكومة ويعملو بيها تمرين بعد شوية الموضوع ببقى تيار جارف وبعد داك الناس تصعد شوية شوية والسقف يعلا اهم حاجة الناس ما تقيف عند اللحمة
| |
|
|
|
|
|
|
|
|
|
Re: الشعـب يمـر بمرحلـة القنـع (Re: HAIDER ALZAIN)
|
ود الزينQuote: شعب ناكر للجميـل بصورة ما إعتيادية..حكومة بتفعل مافي مصلحتو ووقايتو من الامراض وهو ماراضي
أولاً اكل اللحم بيجيب القاوت.. وربنا اكرمنا بحكومة صدرتها للخارج واهدتها للشعوب الفقيرة من باب
الجار اولى من الدار وبارك الله فيمن آثر غيره على نفسه ولو به خصاصة
وهنا الحكم الرشيد اهدي للشعب حسنة الدنيا والآخرة .. فكسب وقاية من الامراض ونال حسنة واجر تدخله الجنة..
ثانياً كترت الأكل بتعمل بدانة ودي بيجي من وراها امراض كتيرة منها السكري والضغط والهارت
غير انها بتعمل بلادة وخمول في الذهن .. والحمد لله وبنعمة منه وبحمد وبشهادة صاحب البوست الجاحد اصبح الشعب هزيل وضعيف ( بقراية محايدة يعني رشيق وستايل على الآخر ) ودا بكون انه الحكومة بسياساتها الرشيدة عملت على كف يد الشعب عن اللقف واللهف في اي ملف وبدل الفطور المدنكل وصينية الغداء وبعدها صحانة التحلية وطبق الفواكه ثم العشاء الما مخمج وبعده كورية اللبن وفرت ليهو بائل اخري بكباية شاي مسيخة من الصباح وفطور موية فول ثم خلتو يدمج الغداء والعشاء في وجبة واحدة ممثلة في صحن بتاع فتة فول او شوربة عدس وبكدة يضرب عصفورين بصحن واحد .. يوفر الوقت للعمل والشلهتة والجري في الاسواق وفي نفس اللحظة يتخلص من من اي كتلة للدهن في جسمو ويبقي عبارة عن عضم مكسو بجلده ودي قمة القدرة الرياضية وطاقة تساعده في المكابسة والمدافرة في المواصلات ولو كمان قال يوفر حق المواصلات عشان حق حقنة البنسلين والا فتيل درب لاخوهو والا بته الصغيرة تكون لياقة كاااربة يدق بيها كداري من امبدة ام درمان لغاية المحطة الوسطى..
عشان كدة نحن شعب جاحد .. قدر ما تعمل الحكومة لمصلحة الشعب الشعب يفسر تصرفها خطأ ويقول ظالمننا..
لو قلت ليهو منطقك شنو .. يقول ليك شوف الكيزان ديل مترعين وسمان وليهم كروش وجعاب وياكلو في اليوم خمسة وجبات مع ملاحقاتها والواحد معرس اربعة..
ياله من منطق اعوج يا شعبنا الجاحد .. الكيزان بطريقتهم دي عاوزين يكفو عنكم البلاء ويرفعو عنكم الحسد والحقد من الشعوب التانية الممكن ينظروا ليكم كشعب منعم مرفه لذا هم تحملوا عنكم البلايا والخطايا و###### الدنيا وامراضها فضحو من اجلكم بتحمل كل الرزايا .. أفلا تكونو شعبا شكورا؟؟! |
ياخ دي الفاتح جبرا ما سبقك عليها
عادي ممكن دا يكون تبرير واحد من ولاة الأمر في الاجهزة الاعلامية
| |
|
|
|
|
|
|
|
|
|
Re: الشعـب يمـر بمرحلـة القنـع (Re: حسبو عكاشة)
|
خلي يا خلي | Quote: مع التحرير يجب ان تضع تسعيرة لكل سلعة |
الحكومة فاضية من مخصصات الدستوريين لمن تسعر
قال ليك يا خلي في قرابة الــ 100 الف دستوري او يزيدون
يعني بين كل خمسة من افراد الشعب في دستوري واحد
دستوووور يا اولاد ماما
| |
|
|
|
|
|
|
|
|
|
Re: الشعـب يمـر بمرحلـة القنـع (Re: د.نجاة محمود)
|
عن موضوع الفول و اللحمة صرح مصدر قال مسئول ان الطب اتقدم جداً و الدكتور محسن بيقول
عن موضوع الفول و اللحمة صرح مصدر قال مسئول ان الطب اتقدم جداً و الدكتور محسن بيقول
ان الشعب المصري خصوصاً من مصلحته يقرقش فول حيث الفول المصري عموماً يجعل من بني ادم غول و البروتين الكامن طيه نابت زيه في أيها قوت يأكل فخده في ربع زكيبة و الدكتور محسن مسئول يديك طاقة و قوة غريبة تسمن جداً تبقى مهول لحمة نباتي و لا في الحاتي تاكل قدرة تعيش مسطول
ثم أضاف الدكتور محسن ان اللحمة دي سم أكيد بتزود أوجاع المعدة و تعود على طولة الأيد
ثم أضاف الدكتور محسن ان اللحمة دي سم أكيد بتزود أوجاع المعدة و تعود على طولة الأيد و تنيم بني ادم أكتر و تفرقع منه المواعيد و اللي بياكلوا اللحمة عموماً هيخشوا جهنم تأبيد يا دكتور محسن يا مزقلط يا مصدر يا غير مسئول حيث ان انتوا عقول العالم و العالم محتاج لعقول ما رأي جنابك و جنابهم فيه واحد مجنون بيقول احنا سيبونا نموت باللحمة و انتوا تعيشوا و تاكلوا الفول
احنا سيبونا نموت باللحمة و انتوا تعيشوا و تاكلوا الفول
ما رأيك يا كابتن محسن مش بالذمة كلام معقول
الفئة:
| |
|
|
|
|
|
|
|
|
|
Re: الشعـب يمـر بمرحلـة القنـع (Re: د.نجاة محمود)
|
| Quote: عن موضوع الفول و اللحمة صرح مصدر قال مسئول ان الطب اتقدم جداً و الدكتور محسن بيقول |
] دي ذكرتني قبل اشهر من هسة, موية الصرف الصحي بتاعة داخليات " علي عبد الفتاح" بامدرمان كانت من الحمامات و على النيل طوالي, و موية الصرف الصحي كانت بتجي بالمويه و الناس واقعه فيها شراب , لحدي ما ناس هئية مياة ولاية الخرطوم قالو انو لون المويه متغير لانو دي طحالب و دا موسم توالد الطحالب.
في واحد قال الطحالب ذاته مفيده لجسم الانسان و بتعمل مناعة ضد الامراض
| |
|
|
|
|
|
|
|
|
|
Re: الشعـب يمـر بمرحلـة القنـع (Re: حسبو عكاشة)
|
السلاااااام عليكم يا حبسو,,,
أخوك يعانى من حالة ذهول مزمنة مما رأته عيناه على أرض الواقع!!!
محاولاتى جادة للخروج من الحالة وإعادة الأشياء لطبيعتها!!!
الشعب السودانى أكيد بمر بمراحل كتيرة ومتعددة فى وقت واحد...
الملفت جدا هو حالة الروحان والتوهان والضياع الغريبة وإدعاء البعض عكس ذلك,,,,,
حالة ضنك ومعاناة لا يمكن وصفها بالكلمات لو كتبنا حتى القرن القادم,,
دولة يكمن دورها فقط فى إشقاء وإتعاس المواطن ونهب كل ما تصل إليه يدها ولو
من أفواه أطفال رضٌع جياع,,,
ذهب عنهم البترول فإستعاضوا عنه بقوت المساكين وزيادة ضغطهم وعصرهم حتى آخر
نقطة دم,,
تعليم وصحة الناس وصحة بيئة تعانى الإنهيار التام ومعها بقية الخدمات التى
تشكل حياة الناس,,
المصيبة كما قال صديقى أن لا خيارات هناك فأنت فقط أمام خيار واحد وعليك أن
تعيشه عجبك ولا ما عجبك وكان ما عجبك أكل نارك وآخر موضة جابت ليها طرد من
الخرطوم!!!!!
سوق مورتا وخليل وشتتوا
البدرى بكون لسه بهضرب,,,
| |
|
|
|
|
|
|
|
|
|
Re: الشعـب يمـر بمرحلـة القنـع (Re: أيمن الطيب)
|
Quote: الدنيا شن طعما
لما الرغيف يغلا
و الواقع يبقي رهاب
كل الشباب رحلو
للغربة بي اسباب
و انا همي وجبة كباب
انا همي موية فول
لما المطر حيقول
وين ساعدك المفتول
وين خدرة الواطة
ممحوقة سواطة
عك البلد ساطة
و خلى الشباب مكتول
مكتول في هم بكرة
مكتول بدون فكرة
احباط ورا احباط
يا حليل بلدنا الجاط
ساطوها باسم الدين
نهبوها في المسجد
مسجد باسم النور
المشكلة الممكون
و الداعي و الممحون
لملم قريشاتو
اداها لي ولدو
قوم اقرا يا المزيون
شان امو شان بلدو
مرق الولد بالباب
سوى الشباب اصحاب
ساقوه ستة بلاد
عرسلو روسية
سوالو عربية
صفحة وكمان لابتوب
و افكار نضالية
و ناس أُمو ممكونين
بصلة وشريفية
وابوه راح مغصة
دفنوه جودية
يا حليل سما المليون
في لمحه صار اميال
قالولنا دا خيارهم
و الانتباهه تلت
و تعجن باسم الديش
بي دقنو دقسنا
بالكاكي غشانا
يا الله ترحمنا
و الرحمة تغشانا
يا الله بل الريق
البغلة في الابريق
لمن نسوي الغيق
عطشان ونفسي بضيق
لكني لسة غريق |
من يساوم في الغد الاتي !!
و ما ذا سوف نخسر !!
| |
|
|
|
|
|
|
|
|
|
Re: الشعـب يمـر بمرحلـة القنـع (Re: أيمن الطيب)
|
ايمنووووف يا فردةQuote: الملفت جدا هو حالة الروحان والتوهان والضياع الغريبة وإدعاء البعض عكس ذلك,,,,,
حالة ضنك ومعاناة لا يمكن وصفها بالكلمات لو كتبنا حتى القرن القادم,, |
عليك الله شفت الناس دي غمرانه كيف !!
بالنسبة للشباب
خدر قال البلد دي ما بمرق يخليها للكيزان لو شنو و شنو !
مورتا حاليا مجاور و نضالاتو كلها طلعت فشنك :)
البدري في حالة غيبوبة تعرض لها إثر زيارته "للكمين" الاسمو السودان :)
| |
|
|
|
|
|
|
| |
حسبو عكاشة
محمد إبراهيم علي
مهيرة
HAIDER ALZAIN
مرتضى احمد عبد القادر
khaleel
أحمد ابن عوف
أيمن الطيب
فيس بوك
تويتر
انستقرام
يوتيوب
بنتيريست