تتنازعني مشاعر شتى في قصة تأهل الهلال لدور الأربعة اعتزاز بالتأهل و التواجد بين اربعة القارة الكباااااار أوي أوي وما يترتب على هذا التواجد من تقدم في التصنيف وزيادة في رصيد النقاط تسمح بمشاركة باقي الاندية السودانية التعبانة في البطولتين و خوف بل وهرشة عديييل كدا من ملاقاة الترجي البرشا خطير والخوف ليس من الخروج على يديه بل الخروج بهزيمة مجلجلة تسري بخبر انبراشاتها و بيضاتها وخمساتها و ستاتها يوتيوبات بني عمومتنا الطيشاب حينا من الدهر و بصيص امل كيف كيف ما عارف ان يفعلها اولادنا ويكونوا عند الموعد و يخذلوا سوء ظني فيهم وقد فعلوها من قبل وخجل من فكرة ان حتى هذا التاهل كان عودنا فيه عود مرة و الفضل من بعد الله لأنيمبا وحقد على كون الرجاء احرز النقطة الثالثة له و شارك وصيفنا الحبيب في رقمه القياسي كطيش طيشة افريقيا فجزء حقود من قلبي كان يتمنى الهزيمة للهلال حتى يحصل الرجاء كما مولودية على خمس نقاط ويظل ريكورد طيش المجموعتين و البطولتين عالقا بوصيف السنين
غايتو البقت بقت بعد دا ووقت اتبلبلنا النعوم عومنا فيا ميشو الله يهدينا ويهديك الوضع ما بتحمل و ما تبوظ اعصابنا بسجم رماد التعاون و بطيخ الربيع و بالله لعب لينا مهند من بدري و شوف طريقة لي توريه اليلعب لعبو الزمن الصفاقسي وكان للمعز ياهو قدر الله ما عندنا غيرو بس زبط ليه الدفاع قدامو باي طريقة ان شا الله تلعبهن خمسة اربعة واحد اصلو زي الترجي دا كان بصرنا فوقه ياهو قون واحد ما بنزيدو والله كريم علينا
09-18-2011, 09:37 PM
فدياس نجم الدين
فدياس نجم الدين
تاريخ التسجيل: 05-19-2008
مجموع المشاركات: 2401
يا ها زاتها يا فدياس الما عرفت اضحك ولا ابكي يعني حظ عترص زي دا ما لاقاني قبل كدا انا قافل كنت انيمبا يفتح للقطن و نليّسها فيه ونسل لسانا فوقو وفي فساد الافارقة ونعمل فيها ظلمونا و نقعد نتفرج بمزاج في بهدلة الترجي للقطن و من بعده انيمبا لكن الله غالب وقت مرزقين قدر دا ومشت معانا باسطة يمكن تدينا عسلها للآخر هو نوز كورة الترجي دايرة اعداد جد ودايرة رجالة جد خرعنة المعز و علقنة الدفاع دي ما بتنفع فيها
Quote: خوف بل وهرشة عديييل كدا من ملاقاة الترجي البرشا خطير والخوف ليس من الخروج على يديه بل الخروج بهزيمة مجلجلة تسري بخبر انبراشاتها و بيضاتها وخمساتها و ستاتها
أخونا محمد البشرى ... الترجي أخفّ على الهلال من الوداد ... والسبب أنّ إيقاع اللعب عند الوداد أسرع من الترجي ... وسرعة إيقاع اللعب تتعب الفرق السودانية عموماً حيث بطء الأداء ...
ولك ودّي ،،،
09-18-2011, 09:55 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
كيفك ود المدير لا ياخوي العشبة تسفها بعدين وقت يحصل امر الله و الباقية تبقى الحين و اسبوعين لقدام تسل لسانك في الوصيفاب الطيشاب المحلياب الطايراب من قولة تيت ديل تخلس القديم و الجديد ما معروف شن البصير لي قدام ناس المعز دل بسففونا ليها جردقة و حلبة و حرجل عديل كدا
09-18-2011, 09:55 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
والله يا صبري ياخوي الاتنين خطرات علينا آكشوالي بحارسنا و فارسنا الهمام دا ورفاقه الميامين كوانين و رواكيب الدفاع و تراجع مستوى علاء الدين اي حداشر لاعب معاهم كوتش خطرين علينا ياخ لا ابالغ لو قلت ان حتى المحلي وصيف السنين برواكيبو وكرورو دا خطر علينا
المهم الحصل حصل وملاقاة الترجي صارت امر واقع و السترة و الفضيحة متباريات فالمسألة لا تحتمل سبهللية او اهمال في الاعداد ليت الهلال يلعبلو كورتين تلاتة دوليات وديا بنفعننا لي قدام
الاهلي و الاتحاد السعودي!! يا معلم ديل ما بنقدر عليهن هسا يكونوا دايرين قيامة رابطة و ينزلوهن في برج الفاتح بي خمة القروش قصدي اتيام ناس قدر ظروفك زي ناس الشباب و سيمبا و ناساروا يجيبوهم بالعشا و الفندق زي وصيفنا الكان ماشي يلعب في السعودية بالعمرة
09-18-2011, 10:03 PM
abas
abas
تاريخ التسجيل: 07-27-2002
مجموع المشاركات: 6254
يا عبس كان قافل على دي يانا الواطاتنا صبحت لأنو الهلال زاتو برقد سلطة الشوط التاني و احيانا بقدمو السلطة بدري بدري من الشوط الاول غايتو اسبوعين عندنا ما عارف يقدروا يعملوا شنو فيهن لي اللياقة
09-18-2011, 10:18 PM
Magdi Ahmed Elsheikh
Magdi Ahmed Elsheikh
تاريخ التسجيل: 03-11-2008
مجموع المشاركات: 7720
Quote: واملنا كبير في وصول الهلال لما يصبو اليه...
املنا !! ياخوي عليك الله تعال لينا بالدرب العديل شايل شماتك في يد وشنبك في اليد التانية زي باقي الوصيفاب لكن حركات دوّر دوّر منّي منّي مافي زين ثم ياخي هلكتنا كدي النسالك آخر بوست كتبتو عن المريخ كان سنة كم.؟ ماممكن كتابتك كلها الهلال فعل الهلال ترك مبروك للهلال هاردلك للهلال اللهم فرجها على الهلال
هلكنا الهلال يا ود البشرى وجهجهنا، يتغلب تزعل تقبل منو وشك، يقوم يغلب يدغدغ مشاعرك ترجع، وبقينا ياخ ما بنقدر ع التلتلة دي، وما عارفين آخرها وين، الواحد كان ليهو اسبوع من يوم أنيمبا، كورة في التلفزيون ساكت بتزاوغ منها بالمغصة، هسع غلبنا النقولو، غايتو بوستك ده عبّر عني
09-19-2011, 06:32 AM
الشيخ إبراهيم الشيخ
الشيخ إبراهيم الشيخ
تاريخ التسجيل: 11-02-2006
مجموع المشاركات: 705
Quote: يا عبس كان قافل على دي يانا الواطاتنا صبحت لأنو الهلال زاتو برقد سلطة الشوط التاني و احيانا بقدمو السلطة بدري بدري من الشوط الاول غايتو اسبوعين عندنا ما عارف يقدروا يعملوا شنو فيهن لي اللياقة
اكبر لااااااااااااااايك.
سلام يا ود البشري وعباس
09-19-2011, 06:47 AM
عاطف عمر
عاطف عمر
تاريخ التسجيل: 11-26-2004
مجموع المشاركات: 11152
Quote: وخجل من فكرة ان حتى هذا التاهل كان عودنا فيه عودمرة و الفضل من بعد الله لأنيمبا
يا جندريات المنبر ( والمنابر المجاورة ) إتحدن
Quote: و خوف بل وهرشة عديييل كدا من ملاقاة الترجي البرشا خطير والخوف ليس من الخروج على يديه بل الخروج بهزيمة مجلجلة تسري بخبر انبراشاتها و بيضاتها وخمساتها و ستاتها يوتيوبات بني عمومتنا الطيشاب حينا من الدهر
إنت بتقول فيها ؟؟ بدأها سعادتو Omer Osman حتى ما أعطى الناس فرصة يوزعوا الحلاوة والشربات
وسؤال جانبي
البرنس هيثم مصطفى عارف موضوع البوست دا ؟؟ أصلو جانا الخبر من محمد عادل ( الذي لا يسأل مثله عن مصدر ) جانا الخبر أنه ( أى هيثم ) قد إعتزل اللعب وختم مشواره بالتأهل للمربع الذهبي
_________________
سلامات يا هندسة
09-19-2011, 07:01 AM
khaleel
khaleel
تاريخ التسجيل: 02-16-2002
مجموع المشاركات: 30134
الحبيب ود البشرى مليون مبروك لتأهل هلالنا لمجموعة الكبار ونسأل الله التوفيق في المرحلة القادمة
Quote: وكان للمعز ياهو قدر الله ما عندنا غيرو
يا أخي المعز دا لا يعتمد عليه ويجب إبعاده من المنتخب في المرحلة القادمة لايتابع الهجمة بصورة جيدة يخرج من مرماه بدون توقيت معقول حركته بطيئة نظرا لوزنه غير اللائق لحارس مرمى دائما سرحان كأنه في عالم السطلان جمعه احسن منه مليون مرة
Quote: لا ياخوي العشبة تسفها بعدين وقت يحصل امر الله و الباقية تبقى الحين و اسبوعين لقدام تسل لسانك في الوصيفاب الطيشاب المحلياب الطايراب من قولة تيت ديل تخلس القديم و الجديد ما معروف شن البصير لي قدام ناس المعز دل بسففونا ليها جردقة و حلبة و حرجل عديل كدا
كلام معقول
---------
اليوم خمرٌ و غداً امرو ..
او تعملوا رايحين عديييل
المافي شنو!؟
09-19-2011, 10:46 AM
Al Sunda
Al Sunda
تاريخ التسجيل: 01-18-2005
مجموع المشاركات: 1854
ودالبشرى والمحتفلون معه بالفوز والخايفييييييييين من الترجي مبروكين كنا اوائل المرشحين للتأهل بنقطة انيمبا في نيجيريا وصرنا مُرشحا للخروج بجدارة بنقاط انيمبا الثلاث في الخرطوم واصبحنا في دور الاربعة بنقطة الرجاء في المغرب ها يا زووووووووووووووووول بعد دا أملنا في الكاس كبير و .............................بالخير تجدوه
09-19-2011, 10:55 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة