|
|
 يا جماعة اخبار دولة الجنوب الفاشلة شنو .؟
|
سمعنا قالوا الحرب مدورة في ثلاثة جبهات ... والرابعة مرشحة للانفجار في اي وقت .... وان ارتفاع رهيب في الاسعار دعا سلفا كير واركان حكومته للتضامن مع المواطنين في مقاطعة البضائع مرتفعة الاسعار .... وان الحقائب الوزاربة التي خلت بعد الانفصال لم تملا حتي الآن لان مفاوضات الحركة الشعبية مع القوي السياسية الجنوبية لم تثمر حتي الآن عن مشاركة هذه القوي في الحكم ... و و و الخ من اخبار الفشل التي تنبا به اهل الشمال ....
|
|
  
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: Sabri Elshareef)
|
فشل ذريع لوووول
Quote: داول مجالس المدينة أصداء صفقة مصانع حجار للتبغ، وترجع إليها ارتفاع أسعار السجاير الكبيرة التي يلحظها المدخنون، وتقول أن أنيس حجار باع شركته لمستثمرين «ألمان» ثم هاجر بصناعته جنوباً، لتطوير مصانعه القديمة التي تنتج العلامة التجارية «تسكر» والعلامة «برنجي».
بل وأكثر فإن مجالس المدينة تقول أن عدد من كبار المستثمرين نقلوا أعمالهم المهمة والكبيرة إلى الجنوب، وإلى بلدان أخرى بسبب «مضايقات» زعموا أنهم يواجهونها في الشمال.
والمثير في الأمر أن حكومة جنوب السودان يقال إنها تقدم إغراءات مثيرة للمال الشمالي ليذهب إلى هناك..!
قد يفسر بعض «عرابي الشمال» الأمر بأنه حرب اقتصادية تقودها حكومة جنوب السودان ضد الشمال، لكن الراسخون في العلم يقولون أن «جماعتنا سووها وحرقتهم نارها»..! |
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: محمد إبراهيم علي)
|
الاخ زهير سلامات
يا كيكى
Quote: ولمن شركات النفط الامريكية تخش حتة
اي صيني عيونو صغااار بطلع شجرتو |
فى مقولة تنقل عن نابليون انه قالو عن الصين
"هذا تنين نائم فلا توقظوه" (والله اعلم بصدقها)
دحين افوووووو نحن ناس السودان ديل ايقظناها ودخلناهو جوه بطنا دى
يعنى هسه فى الخرطوم اى صحن صينى تحتو صينى بشحمو ولحمو
اها وييين ليك؟؟؟
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: Deng)
|
يا دكترة سلامات ... يعني نختف رجلتا لثاوث سودانيزاونلاين ونشوف النسخ التانية ولا شنو ... تعرف الليلة في اخبار العاشرة بتلفزيون دولتنا المافاشلة جابو خبر مفاوضات بين وزير دفاعنا المافاشل ووفده مع وزير دفاع دولة الجنوب الفاشلة ... ما عارف الزول ده لمن اتكلم طوالي اتذكرت دفاع الهلال الفاشل ومباراة الترجي اول اكتوبر ... لمن جاتني لفة راس ... الله يجازي محنه ياخي ..... بس بيني وبينك كان قاشر قشرة رهيبة بس خربها باللغجي .....
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: الفاتح سليمان)
|
Quote: e: ولمن شركات النفط الامريكية تخش حتة
اي صيني عيونو صغااار بطلع شجرتو |
المناطق التي منحت للشركات الأمريكية Exxon @ Mobile oil غير المناطق التي يعمل بها الصينيون ,, دولة جنوب السودان ستكون هي الأولى في العالم التي تفتح لإستثمارات بترولية صينية وأمريكية وربما دول أخرى في الطريق مثل انجلترا والنرويج,, بالمناسبة يا زهير أكبر سوق عمالة وإستثمار في إفريقيا سيكون في جمهورية جنوب السودان .. إنتو أقعدوا لي مقاطعة الطماطم .. أمشي يازول شيل كمرتك وكمبيوترك وأدقش رمبيك ,,, تحياتي للجميع.
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: عادل نجيلة)
|
وأزيدك خبر مبالغة .. 3 أشقاء من الصومال مقيمون في أريزونا ولهم شركة تاكسي قرروا بيع شركتهم واللحاق بعمهم في جوبا و مشاركته في توسيع الفندق
الذي يمتلكه .. صديق لي سافر من أريزونا لجوبا حاملا معه 12 لاب توب ماركة hp
عاد بعد إسبوعين وذكر لي أنه باعها في يوم واحد وقبض سعرها دولار كاش وعاد بقائمة مشتريات من نفس الجهة للمزيد من اللاب توبس والإلكترونيك ديفايسز ..
أحدهم أدخل فورد ماركة 350 جاز super duty ذكر لي بأنه تم بيعه في ممبسا قبل أن يشحنه للجنوب .. والجهة أرادت المزيد منه! والله يا زهير جنس فشل ..!
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: عادل نجيلة)
|
الأخ زهير،
رغم الأسلوب الغير مباشـر دا والمدح فى صورة ذم مرات يضيعنى، لكن اخونا صبرى أخد فينى الأجـر، فقلنا
نخمس بوستك دا..
بس تعال يا أجنبى إنت الدخلك فى شئون الجنوب شنو؟
بعدين بالأسلوب المباشـر..
حكومـة الجنوب أوعى من كل الحكومات.. وهم لن يضعوا شعبهم فى طريق الأفيال، وأمريكا والصين ليستا
عدوتان مثلما كانت امريكا والسوفييت.. بل متعاونتان وتعملان معا فى كل الأصعـدة، بدءا من الأمم المتحدة،
وكل واحدة محتاجـة للثانى.. شركاء فى جميع المجالات. وبالمناسبـة أسهـم الشركات الصينية العاملة فى السودان
تباع وتشترى فى برصـة نيويورك، يعنى من المالكين فى النهاية أمريكان، وسحابة الوليد بن معاوية الصينية
تمطـر فى أمريكا.
يقينى ان جنوب السـودان سوف يضرب المثل كأنجح دولة افريقيـة، و سيبقـر منه ويقتدى به الشمال فى النهاية،
وقد تكون وحدة على اساس فدرالى او كونفدرالى، أو على النمط الأوروبى بتحرير الإقتصاد وتوحيد العملة كمرحلة
اولى..
.
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: عمر صديق)
|
الاخ زهير .. سلام و تحيه
ﻻ تفرح يا صديقي و بدون مجاملات دوله الجنوب ستكون فاشله و نص و خمسه....
.... دعك من كلام المكايدات السياسيه بين الكيزان و الحركه الشعبيه
و لذلك سنقول لك بمل فمنا "نحن و الكاشف أخونا" كما قالت الفلاتيه
جنوب السودان بلد من قوله "تيت" (و احتمال قبل قوله تيت ذاتها)دورت في الفساد و اليك الامثله:
1- الحكومه الامريكيه لها قائمه ب ال 13 شخص الاكثر فسادا في الجنوب
و لنسمهم الشياطين ال 13. و لنتحدي أنا و أنت و كل ناس المنبر ده و المنابر المجاوره ..نتحدي ناس الحركه الشعبيه و حكومه الجنوب أن يقومو بالكشف عنهم و محاسبتهم
و سلفاكير و ريك مشار عاملين أضان الحامل طرشا و حتي د. باولينا رياك (الزول المفروض يتكلم عن .. الفساد) عمل أضان الحامل طرشا ..في تقريره عن الفساد.. يعني فساد و تستر عليه كمان
http://www.sudaneseonline.com/Who-are-the-13-mo...-corrupt-South,40182
2- أراضي الجنوب يتم بيعها شمال ويمين و تصور أن شركه من تكساس قامت بايجار600 الف هكتار ب
25 الف دوﻻر فقط ل 75 سنه
... و في دراسه لهذا المعهد قام بفضح هذه المعاملات .
www.oaklandinstitute.org
معاملات مثل هذه تظهر الكيزان كقديسين
و أيضا حادثه رشاوي شركه بنجوين الانجليزيه للكتب...
و كل ما ذكرت اعلاه هو الفساد و هو من الاسباب الرئيسيه لفشل الدول.. ناهيك عن أشياء أخري يساهم فيها وضع الجنوب و موقعه الجغرافي و مستوي أنسانه في التعليم و فهم الانسان للدوله و لسلطتها و فهم و ممارسه الدوله و الشعب للحريات...
فيا أخي خليها في سرك
دعنا نتناقش أيهما أكثر فسادا و فشلا دوله الجنوب أم الشمال... أما فشل الاثنين و فسادهما
فلا يحتاج لنقاش...
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: Siham Elmugammar)
|
Quote: فى مقولة تنقل عن نابليون انه قالو عن الصين
"هذا تنين نائم فلا توقظوه" (والله اعلم بصدقها)
دحين افوووووو نحن ناس السودان ديل ايقظناها ودخلناهو جوه بطنا دى
يعنى هسه فى الخرطوم اى صحن صينى تحتو صينى بشحمو ولحمو
اها وييين ليك؟؟؟ |
هلا يا بيير ويا صباحات دولة الجنوب الوليدة
والواحد خائف يرجع السودان ويجي حائم في ردهات السوق العربي ويلقي صينين ماليين البرندات ديك
ويسال يقولو ليهو ديل صينين عطالة ما لاقيين شغل ومتكلين في برندات السوق العربي..لانو الناس ديل يااخ
كابسو الشعب الفضل ده في اي حاجة وما فضل ليهم الا يكابسو جيوش العطالة السودانين في مجالسهم الكسولة في برندات السوق العربي..
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: عبدالكريم الامين احمد)
|
| Quote: المناطق التي منحت للشركات الأمريكية Exxon @ Mobile oil غير المناطق التي يعمل بها الصينيون ,, دولة جنوب السودان ستكون هي الأولى في العالم التي تفتح لإستثمارات بترولية صينية وأمريكية |
هلا يا نجيلة وتحياتي ياااخ
وبالتاكيد المناطق التي ستمنح للشركات الامريكية ستكون مناطق جديدة لللتنقيب والاستكشاف
وحتي قطر ستنضم الي مجموعة توتال للعمل وعبر قطر للبترول في جنوب السودان...
في قطر يا نجيلة هنالك استثمارات صينية وامريكية في في مجالات الطاقة وتحديدا (الغاز)
وبالتاكيد التنافس الامريكي الصيني في مجالات البترول والغاز محتدم وكلا ياتي بمميزاته التي يحاول ان يتفرد بها
وياخد اكبر قدر من المكاسب..
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: Munir)
|
زهير.. بكره ياما نسمع..
كيلو اللحمه عندكم يبقى بي 35 جنيه..
والشياطين ال13 يبقوا مليون ونص زي عضويه المؤتمر الوطني..
وأوعكم تجوا تقولوا لينا وصلوا لينا البترول دا..
خلي إكسون وموبيل ينفعوكم..
طلعت الرقم الوطني والا لسع؟
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: Dr. Ahmed Amin)
|
بين شماتة فى الشمال وشماتة فى الجنوب يا قلبيلا تحزن!
ابشروا بطولتين فاشلتين!
375 الف برميل!
هل تكفى 79 وزير ونائب وزير ومنسوبي السفارات الخارجيةوالجيش العرمرم وجيوش الموظفين!
ماذا بقى للامن والتعليم والصحة والتنمية!
الحمدلله تم فتح مسارات بين الدولتين تساهم فى كربة ضحايا الدولتين!
جني
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: jini)
|
.
قالوا زمان لمن استقلت اريتريا،
سافر الشاعر الكبير كجراي اليها وهو يقول: الأفضل أن أساهم في بناء دولة من الصفر،
بدلا من أضيع ما تبقى من عمري في إنتظار صلاح دولة السودان!
وفعلا ذهب الشاعر الكبير ملتحقا بوزارة التربية والتعليم هناك،
لكن وعكه صحية أعادته لأهله في السودان، حتى رحيله الفادح الكبير،
فارق الدنيا الفانية .. ولم يشهد نهضة الدولة الجديدة، ولم يرى صلاحا في دولة السودان
رحمه الله
.
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: jini)
|
.
قالوا زمان لمن استقلت اريتريا،
سافر الشاعر الكبير كجراي اليها وهو يقول: الأفضل أن أساهم في بناء دولة من الصفر،
بدلا من أضيع ما تبقى من عمري في إنتظار صلاح دولة السودان!
وفعلا ذهب الشاعر الكبير ملتحقا بوزارة التربية والتعليم هناك،
لكن وعكه صحية أعادته لأهله في السودان، حتى رحيله الفادح الكبير،
فارق الدنيا الفانية .. ولم يشهد نهضة الدولة الجديدة، ولم يرى صلاحا في دولة السودان
رحمه الله
.
| |
|
|
|
|
|
|
|
|
|
Re: يا جماعة اخبار دولة الجنوب الفاشلة شنو .؟ (Re: سيف اليزل الماحي)
|
للاسف يا زهير
من الاخبار المقروءة و المسموعة...دولة الشمال تتدحرج نحو القاع بسرعة تدهش حتى أكثر الناس تشائماً...
المحبط و المؤلم أنه لا يوجد بصيص ضوء في نهاية النفق...لا موارد بترولية ولا زراعة ولا صناعة..ولا ثروة بشرية...ليست هنالك مقومات نهوض البتة!
هذا طبعاً مع أغفال الحديث عن الادارة السياسية الفاشلة ...التي تجيد الصراخ و الزعيق و لا تأتي بحلول سياسية لا تنطوي على رشوة أو استحداث منصب وهمي!!!!
بل أني أرى أنه حتى لو تغيرت حكومة البلد..فأنه سيكون هنالك تحدي حقيقي و كبير للأدارة الجديدة...و التي لن تنجح الا بعد مرور زمن و بعد عمل شاق..هذا بأفتراض أن الادارة الجديدة ستكون وطنية و نزيهة!!
أتمنى من كل قلبي أن أكون مخطئاً!!
...
أما دولة الجنوب فجميع مقومات النجاح موجودة لها - أقلاه على مستوى الموارد. كل ما يلزم هو أدارة حكيمة و عمل دؤوب ..و سيجد الشماليون أنفسهم يصطفون لطلب تأشيرة للعمل بالجنوب في المستقبل.
| |
|
|
|
|
|
|
| |
زهير الزناتي
Deng
عبدالكريم الامين احمد
قيقراوي
محمد إبراهيم علي
سيف النصر محي الدين
Siham Elmugammar
Nazik Eltayeb
الفاتح سليمان
حاتم الياس
Abureesh
عمر صديق
بريمة محمد
Mohamad Shamseldin
Research In Motion BlackBerry 9300(1600x1200).JPG)
نورالدين بابكر بدري
Munir
Hatim Gubara
jini
زياد جعفر عبدالله
فيس بوك
تويتر
انستقرام
يوتيوب
بنتيريست