فرصة ذهبية للفقراء فى السودان

Quote: نعم قاطع الشعب السوداني اللحمة لا من الليلة ولا من أمبارح وإستبدلوها بمكعبات صفراءَ فاقعٌ لونها تسر الذائقين، تحل محل اللحم وتقوم مقامه ولكن بسعر زهيد قد يفسره عدم معرفتنا – حتى الآن - بمكونات مكعبات الجن تلك! تماماً كما إستبدلوا قبلاً الفول بموية الفول وفي ذلك تحكي الطرفة الشهيرة أن أحد بسيطي الحال ذهب للدكان وسأل صاحبه: عندك فول؟ فردّ سيد الدكان إيجاباً فقال الرجل طيب كب لي موية فول، ثم سأله: عندك جبنة؟ فأجابه بنعم فقال الرجل طيب كب لي موية جبنة ولما سأله أن عندك زيت بادره سيد الدكان بالسؤال: أها كمان أكب ليك موية زيت؟ ثم أتى على السودانيين حينٌ من الدهر إضطروا فيه لمقاطعة وجبة بحالها ضمن إحدى الوجبات الرئيسية الثلاث وإكتفوا بوجبتين في اليوم على أحسن تقدير (دعك من مقاطعة أحد المواد المكونة لطبق في وجبة) ولم يقيموا في شأن ذلك الحملات ولا أطلقوا الشعارات.

Quote: مؤكد هناك سبب خفي يسستفيد منه الشياطين ديل بمقاطعة الناس للحمة، عشان كدة الناس حقو تشتري لحمة بي العندها و الما عندها لأنو الكيزان ح يقاطعوا اللحمة قدام الكاميرات و ح يبصقو علي الناس لم يقفلوا ابواب بيوتهم العالية و ح يصفقوا للطباخين والصفرجية عشان يجهزوا الخرفان المحشية ..

Quote: شراء اللحوم هذه الايام بعد ان قرر الكيزان مقاطعتها. أشتري ليك كيلو كيلويين للاولاد و انعش ذكري اللحمة فى خواطرهم.

Quote: أول مرة اشوف لي دولــة يا ود صالح شعبها يـقول الاكل غالي وليس في الاستطاعة يقوم رئيس الدولة ووزراءه يقولوا الغالي متروك فقوموا بمقاطعة الاكل..