جيناك وكنا طلعنا منك نحن مرفوعي الروؤس جيناك مرفوعي الوؤس افتح زنازينك اهو بنفتح صدورا ما بتكوس الرحمه تب ما فينا مرقا فيهو سوس بل فينا عرقا من جزور الشعب عشقا لايداس نحن بندوس على كل من عايزيدوس نحن بندوس جيناك وكنا طلعنا منك عنوة كدا واقتدار تشهد ترابيسك هديك وهذا الجدار نهر الجماهير العميق جلجل شديد الانحدار زلزل حديد الانكسار امتد حولك واستدار وملا الطريق فاذا باسوارك ضفاك وسواعد الناس النخيل حملتنا اماج الهتاف في ذلك الصبح الجميل حملتنا افواج الكفاف ومدامع الفرح النبيل الغدر ما بقى انتصار والانكسار المستحيل المستحيل المستحيل اسمعنا يا ليل السجون نحن بنحب شاي الصباح والمغربيه مع الولاد والزوجه والام الحنون والاصدقاء والى اللقاء واللمه عند الامسيات والتكيه جنب الاغنيات والقدله في السوق الكبير نتمشى نغرق في الزحام مل العيون بنحب كدا ونعشق تمام الا بنكون قدر الثبات ضد السكات ضد السكون ضد التسكع والجنون جنبا الى جنب التماسك والحنين افتح زنازينك اهو بنفتح شبابيك القين ========================== العافية توبك الشاعر الوطن الانسان محجوب محمد شريف
(عدل بواسطة باسط المكي on 09-16-2011, 05:07 PM) (عدل بواسطة باسط المكي on 09-16-2011, 05:08 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
باسط المكي
Abd Alla Elhabib
فيس بوك
تويتر
انستقرام
يوتيوب
بنتيريست