|
|
 مفاجأة التشكيل الوزاري .. فكي اسحق وزيرا للاعلام !!
|
مداخلة تستحق بوست منفرد
كتبتها في بوست مولانا احمد موسى
مع تعديل خفيف !
صديقي احمد موسى
ازيك يا حبيب
يعني انت قايل انو ده خبر المواسم!
صدقني .. مافي جديد
الكيزان حايظلو يشكوا الورق البايظ ويوزعوه ويدكوه ثم يوزعوا
وهكذا دواليك!! حتى ينحلجو
مع قناعتي انهم انحلجو بدري
بكرة كل الوجوه بتظهر ويستوزرو زي العجب !!
نافع
كرتي
قطبي
الجاز
وهلم جرا
لو في مفاجأة فكي اسحق وزيرا للاعلام !
والله في
|
|
  
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: خالد العبيد)
|
برنامج الوزارة الجديد
بقلم حكامة نافذة
حكومتي.. كلام شعبك اسمعي
كلامي كان تابي
بكرة تدوري ما تلقي
أى حكومتي.. كلام شعبك اسمعي
وجيشك ده من أبيى أمرقي
وجرائدك المهوهوة دا لبيتك بخربي
ورياك مشار ده لخاطرو طيبي
وتاني ضيف كان جاك جنب النافورة ما توقفي
للمكتب الكبير دخلي
وفى الكرسي الكبير قعدي
وكباية ام قعر قدامو ختي
إنت مالك الواجب ما بتعرفي
ومجلس الأمن كان جا تاني اوعى ما تقابلي
طيارة أم ضنب كان ظهر
الكلام دا بتابي
ومشكلة دارفور ده اسرعي حلي
عشان اوكامبو ما تصاقري
وعبد الواحد ده امشي شوفي
خليل ده حاولي ترضي
وبأى طريقة جيبي
وكان داير نائب رئيس سوي
وتحالف المعارضة ما تهرشي
والصادق المهدي ما تجهجهي
ومالك عقار ما تزعلي
باكر تكوسي ما تلقي
وياسر عرمان بلا سبب الكلاب فوقو ما تشعشعي
وجيش شعبي ده هسع أنسي
والمشورة الشعبية سوي
والإنتخابات الجاية ما تزوري
وكلامي ده أكان تسوي
شوفي كان تنقدري
أحسن يا حكومتي
ركوب راس ده خلي
وكلام بجيب توما هوك ما تقولي
والسكر ساعة ساعة ما تزيدي
وأجراس حرية من المطبعة ما تصادري
وايدك المسمة دا قصري
والبطلع الشارع ما تضربي
والمسكين حقو ما تشيلي
وبى قروش شوية تشتري
دعوة المظلوم ما بتقدري من السماء تحوشي
والله كان غضب عنك لى راسك تكسري
ومن الدنيا تنمحي
وقروش لميتى دا ما بتلقي طريقة تاكلي
أى حكومتي.. كلام شعبك اسمعي
وكلامي أكان تابي
بكرة تدوري ولا تلقي
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: Abdlaziz Eisa)
|
Quote: أسماؤنا لها دلالة رمزية جهوية..
ملوال الجنوب
أدروب الشرق
محمداحمد الشمال
فكي اسحق.. أم أبكر!! أو قولها غرباوي عديل كما قيلت بعيد انشقاق 4 رمضان!!
استخدام هذا الاسم ذو دلالة عنصرية استعلائية!! |
كلامك صحيح اسماؤنا لها رمزية جهوية
فكي اسحق غرباوي
ودينق جنوبي
وخالد العبيد شمالي
وعثماننا شرقاوي
مشكلتك شنو ؟
وين العنصرية والاستعلائية في اسمائنا
وازيدك بيتين :
لو مشيت شرق النيل في الخرطوم الدبيبة مثلا وناديت :
يا الحبر ! ؟
الحلة كلها بتمرق
بالمناسبة بعرف تشكيلي زيك اسمو عبدالعزيز زيك
جعلي شيوعي ببقى ليك شنو؟
ثم ثانيا
والله العظيم عندي ود عمي عديل .. عمي اخو ابوي
امو جنوبية من قوقريال تصدق اسمو عبدالعزيز ؟
ياخ انت الذ تشكيلي
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: خالد العبيد)
|
Quote:
لو في مفاجأة فكي اسحق وزيرا للاعلام !
|
الاخ/ خالد
ما اقصده هنا.. ايه المانع أن يكون اسحق وزير اعلام؟
هل اسحق ما قدر هذا المنصب!!
Quote:
بالمناسبة بعرف تشكيلي زيك اسمو عبدالعزيز زيك
جعلي شيوعي ببقى ليك شنو؟
|
يعني تشكيلي وشيوعي دي ما كفاية!!.. لازم تجيب ليها اسم القبيلة!!
يعني الفهم القبلي الذي تبنته الانقاذ في السودان طال ناس المهجر!!
Quote:
والله العظيم عندي ود عمي عديل .. عمي اخو ابوي
امو جنوبية من قوقريال تصدق اسمو عبدالعزيز ؟ |
يا أخي خالد..
نشأنا في الجزيرة أبا وسط خليط اجتماعي من كل أهل السودان على الاطلاق..
ولم نحس يوما أن هنالك اختلاف او تمايز قبلي.. في المردسة.. في الرياضة.. في المصاهرة والتزاوج..
بيتنا يضم الزغاوي, الدنقلاوي, الحمري, الرباطابي, الشايقي, الجعلي في تمازج ونسب نعتز به ولا نفاخر به..
وقوقريال وكل جنوب النيل الابيض هو تمازاج بين عرب الحسانية والصبحة والشلك والعديد من قبائل السودان الاخرى..
فهذا شئ عادي يا حبيب..
وعادي جدا بل فكي أسحق أهل لوزارة الاعلام.. لوزارة الثقافة!!
تحياتي
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: Abdlaziz Eisa)
|
| Quote: هل اسحق ما قدر هذا المنصب!! |
اكيد ماقدر المنصب لانو مؤهلاتو كلها :
كوز ... وفي الكيزان فكي اسحق كوز بلاستيك!
كما وان نافع ومصطفى عثمان ما قدر المناصب الهم فيها
لانهم بلطجية وكيزان وقتلة مجرمين
| Quote: فكي أسحق أهل لوزارة الاعلام.. لوزارة الثقافة!! |
تعال جيب مؤهلات الفكي اسحق لهذا المنصب
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: خالد العبيد)
|
Quote:
اكيد ماقدر المنصب لانو مؤهلاتو كلها :
كوز ... وفي الكيزان فكي اسحق كوز بلاستيك!
|
يا خاااالد
سلام
كل تعليقي كان على الاسم ورمزيته..
ما كنت فاكر انه زول وكوز كمان..
لكن في الجانب ده.. فصفة كوز دي.. تعني الخيانة.. الفساد.. المحسوبية.. الكذب الغش.
وفي حاجات تانية كدا خليها على الرف!!
طيب يا خالد.. مؤهلات الكوز اهي الصفات المذكورة اعلاه..
تحياتي
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: خالد العبيد)
|
Quote: شكرا ليك يا عبدالعزيز على انك فهمتني
انسب من يتولى وزير الثقافة في السودان
اذا عندنا ديمقراطية صاح
الروائي ابراهيم اسحق ابراهيم
لك الاحترام |
الاخ/ خالد
نعم نتفق ولعلك تشاطرني اذا قلت:
الانسان السوداني تشرب ثقافات الغير واندفع انتماءا لها في فهم ضاعت معه مصوغات الهوية المرتبطة بالحيز الجغرافي الكان..
الانسان السوداني مغيب الانتماء ومغيب الهوية.. الشئ الذي جعل الديمقراطية الصاح هذه زي الحلم أو الطيف الجميل..
نحتاج لصياغة زول اسمه السوداني من اول جديد ليكون لنا وطن ديمقراطي نفاخر بيهو الآخرين..
بعدها نعرف أن لنا زول.. اسمه الطيب صالح.. ابراهيم اسحق.. او اسماعيل ابكر.. الخ..
تحياتي
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: خالد العبيد)
|
الاعزاء خالد وعبدالعزيز
زهت اوقاتكم وتجمل وقت الفضاء السودانى .. باختلاف الاماكن والمناخات المطوقه
داخل وخارج القُطر - الكبير- ذلك ال .. يظل , فى الخاطر دوماً مليون ميل مربع
ويا خالد
اظنك تقصُد روائينا الاديب ..
اسحاق ابراهيم اسحاق
اعمال الليل والبلده .. كانت اول عمل روائى يقع فى يدى ونهمة القرأه المُبكره
فلكم وله التحيه
.
.
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: khatab)
|
يا خالد ما تقول لى أنت من ناس الدبيبة؟
Quote: لو مشيت شرق النيل في الخرطوم الدبيبة مثلا وناديت :
يا الحبر ! ؟
الحلة كلها بتمرق |
ناس الدبيبة ديل ناس هوايل .. فى اليونان لو الواحد قروشو وصلت 5 الف ورقة واحدة .. تانى لو عندك عنده دين لا بفكها أبداً عشان يديك حقك .. يقول ليك دى قفلت تانى با بتتفك ..
واحد من ناس الدبيبة جاء مسافر من اليونان إلى أمريكا ببطانية .. عشان ما يشترى واحده فى أمريكا وتخسروا قروش ..
يداب يا خالد عرفت شعرك المنكش دا أنت ما عايز تحلقوا ليه ! 
بريمة
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: عمر صديق)
|
Quote:
فكي اسحق.. أم أبكر!! أو قولها غرباوي عديل كما قيلت بعيد انشقاق 4 رمضان!!
استخدام هذا الاسم ذو دلالة عنصرية استعلائية!! |
يا عبدالعزيز أخوى
خالد العبيد بيقصد صديقه اللدود بدرالدين أحمد إسحاق الملقب في هذا المنبر ب (فكي إسحاق)
الحكاية ما فيها إستعلاء ولا عنصرة ... وكل المتابعين لهذا المنبر حا يكونوا فهموا قصد خالد
إحتمال لم تنتبه لهذا اللقب من قبل.
| |
|
|
|
|
|
|
|
|
|
Re: مفاجأة التشكيل الوزاري .. فكي اسحق وزيرا للاعلام !! (Re: عاطف مكاوى)
|
هاهاهاهاها
حسين خوجلي واضح انو متابع سودانيزاونلاين وبعلف منو كمان لوووول
Quote: ناقلت بعض مواقع الإنترنيت معلومات عن وزارة تنتظر الكاتب إسحاق أحمد فضل الله في التشكيل الوزاري الجديد، «الما معروف» وقت إعلانه.
المعلومات الواردة بالشأن لم تذكر هل هي استنتاجية أم مخابراتية، لكنها دقت على وتر حساس، والوتر أن إسحاق يستحق مكافأة..!
المعلومات كانت واضحة في تحديد الوزارة (الإعلام)، وأن مكتب الأستاذ إسحاق سيكون هناك، لكن تلك المعلومات لم تحدد على أي المكاتب سيجلس إسحاق، فهناك مكتب وزيرة الدولة سناء حمد التي مازالت (جديدة)، ومكتب الوزير كمال عبداللطيف الذي قضى وطراً طويلاً في الوزارة.
تكهنات صحافة الإنترنيت تقول أن الوزير كمال عبيد هو المرشح للذهاب، وربما ترقى وزيرة الدولة سناء حمد لوزيرة للإعلام، لتفرغ وظيفة وزير الدولة لإسحاق، خاصة وأن الوزيرة لقيت ترحيباً من الإعلاميين، وبذلت جهداً مميزاً في فترتها القصيرة، فيما كانت «دقسات» عبيد الكبيرة ترشحه للعودة مجدداً للجامعة.
غداً لناظره قريب..! |
| |
|
|
|
|
|
|
| |
خالد العبيد
عمر صديق
محمد أبوالعزائم أبوالريش
عبد اللطيف السيدح
أمير فتحي
Abdlaziz Eisa
khatab
بريمة محمد
بدر الدين اسحاق احمد
عاطف مكاوى
محمد إبراهيم علي
فيس بوك
تويتر
انستقرام
يوتيوب
بنتيريست