|
|
|
 Re: في ليلة زفاف نجوي نور الهدي ونبهاني .. ( لفتة من ست الشاي ) ...... (Re: عماد الشبلي)
|
الأستاذ / عماد الشبلي
ياخي انل عايز اشاطرك الأحزان في بوستك الباير دا ..
بعد شكري لك في نقل الحدث بالصورة ..
تبريكاتي صادقة و الله للعرسان الحلوين ديل .. رفاءاً و بنينا ..
لكن ليه ( استغربت ) مشاركة (ست شاي) في زواج جارتا او صحبتا او زبونة ؟
الغرابة هنا وين ؟
و ست الشاي دي أقل بشنو ؟ و كيف ؟
و متين بقت مشاركة البسطاء ديل في اجتماعياتنا شيء شاذ ؟
بالمناسبة (ست الشاي) الغبشة دي اشرف بي كتير من كتير من ( رجالاتنا) الحايمين ديل!
أطهر و أعف من كتير من ( شنبة) و جلاليب و دقون ..
اشرف من 60 الف وزير و وزيرة .. و قائد و حاكم عام .. و سفير ..
( لفتة من ست الشاي )
ياخي ؟
هنا مافي أي لفتة ..
ياخي جارتا في العمل .. دي موظفة و دي ست شاي ..
صحبتا .. بتربطم علاقة احترام و محبة حلوة ..
زملا ..
جيران ..
أخت دي بتعرف جارة دي ..
هنا ( اللفتة ) دي وين ؟
الا اذا انت داير تلفت نظر الناس لشيء اساسا ما ملفت و لا حاجة !!
فبالتالي بتصبح ( محاولة لفتتك ) فاشلة ..
و ( ست الشاي ) دي مسكينة بس ..
ليس الا ..
و لو عرفت و شافت صورتا عنها .. ممكن تلاحقك قانونيا ..
ألفت بالله نظرنا لشي ملفت .. عشان ما تكسر رقبتنا في الفارغة ..
تحياتي ..
| |
 
|
|
|
|
|
|
|
|
Re: في ليلة زفاف نجوي نور الهدي ونبهاني .. ( لفتة من ست الشاي ) ...... (Re: abdelrahim abayazid)
|
عبدالرحيم أبايزيد ..
عساك بخير ..
نجوى نورالهدى دي علي العين و الراس ..
باركنا ليها زواجها الميمون من القلب .. أسعدها الله و إياك ..
لكن حديثي ليس عن روعة العروس .. بلا شك هي رائعة ..
رائعة لأن (ست الشاي) فتشت دربها وين و مشت ليها و شاركتا الفرح ..
حديثي مع الشبلي الذي يقول أن مشاركة (ست الشاي) في زواج (نجوى) لفتة جميلة ..
( لفتة جميلة) من (ست شاي) ..
هذا هو مكمن الحديث .. أو قل (نقطة الاحتجاح) ..
تحياتي لك .. و لنجوى .. و لست الشاي ..
| |
|
|
|
|
|
|
| |
عماد الشبلي
ماضي ابو العزائم
Sidgi Kaballo
عبداللطيف خليل محمد على
د.محمد بابكر
abdelrahim abayazid
فيس بوك
تويتر
انستقرام
يوتيوب
بنتيريست