اذا كان هذا المارد الكبير لم يعودكم حلاوة الانتصارات والبطولات لاكثر من ثمانو ن عام وانتم تمنون النفس بالانتصارات ووداع الهزائم الثقيله فلابد للقيد ان ينكسر وتتركوا نمور الورق التي تستأسد على الفرق المحلية واستنزاف اموال الشعب في صفقات هزيلة مع لاعبين غير جديرون والدليل اخر مباراة في مقبرتكم التي تم دفنكم بها لاتقولوا لي مازال يوجد امل لصعود الهلال خلاص حكم القاضي ... وداعاً وداعاً .. وداعاً ونهدي هذه الاغنية الى جماهير الهلال الحبيبة جماهير تعشق بجنون ولاتجد من يعشقها (حب من طرف واحد ) فريق انيمبا سوف يقضي على الهلال مره اخرى لحسابات كروية يفهمها العاقل نسميها (الموت مرتين )
09-13-2011, 12:30 PM
ناصر المحسى ناصر المحسى
تاريخ التسجيل: 12-30-2009
مجموع المشاركات: 7262
حبيتو كتير لكن مغرور وحبي معاه عمر الزهور لا حنّ مره لاجاني يزور نسى اخلاص حبي ووفايا كل البينا بقى حكاية حكاية طويلة ماليها نهاية . . حبيتوهو ... ولم يقابل الحب بالحب متى نهاية هذه الحكاية . . دخل مباريات فقط من جيوبكم وانتم تقفون معه اين ماكان كان ممكن تبني 4 مستشفيات للاطفال في كل ولاية
09-13-2011, 12:39 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
دخل مباريات فقط من جيوبكم وانتم تقفون معه اين ماكان كان ممكن تبني 4 اسواق لحمة وطماطم في كل ولاية . . الشعب جعان لكنه ######## واحد قال لي صاحبك مرقوه من الملعب بعربيتين نجده 2 صباحا كل شيء ولا صاحبنا الهلال يطير طير الحمام
09-13-2011, 01:03 PM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
بس بوستك دي ذكرني اخوي , هو ليس بعضو بالمنبر ولكنه قارئ للبوستات المتعلقة بالهلال في المنبر
اها كلو مرة يمشي كورة الهلال في الاستاد ولما يجي زعلان يقعد الليل كلو يشبكنا ليك تاني انا ما ماشي الاستاد دي , الكورة في التلفزيون وبس , وما ان تجي لعبة تاني تلقاهو من عصراً بدري اتلبس وجاك زول يا استاد .
انا غايتو كويسة مشيتو الاستاد معاي , عشان لما ارجع بساله سؤال مهم شديد هو :
بالله شكل اللاعبين كان كيف , ما خجلانين من الجمهور دي ؟
09-13-2011, 01:19 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بالله شكل اللاعبين كان كيف , ما خجلانين من الجمهور دي ؟
المشكله الهلال ماعندو وجيع ومشكلتة مزمنه لان لها توابع كثيرة ومرتبطة اصلا بظروف البلد وسياستها وسياسة الادارة
Quote: اها كلو مرة يمشي كورة الهلال في الاستاد ولما يجي زعلان يقعد الليل كلو يشبكنا ليك تاني انا ما ماشي الاستاد دي , الكورة في التلفزيون وبس , وما ان تجي لعبة تاني تلقاهو من عصراً بدري اتلبس وجاك زول يا استاد .
ههههههههه ياخي والله والدتي رحمة الله عليها كانت هلالابية على السكين وفي نفس الوقت لاتحب هزيمة المريخ لان شقيقي ممكن يبطل الاكل ويعيش نفسيات كم يوم عشان كدا انصحكم تخلو بالكم من اخوكم شديد بالزات من الهلال لانه مامتعود يفرح جمهورة
09-13-2011, 01:34 PM
الفاتح خليل الفكي الفاتح خليل الفكي
تاريخ التسجيل: 10-15-2006
مجموع المشاركات: 892
Quote: ما تسمع كلام ناس ود القاضي الوصيفاب ديل لو فريق الهلال والصرف عليهو بيبني 4 جامعات و 4 مستشفيات
تسجيل وارغو بيعمل مدينة كاملة وخلينا من ناس الحضري والبدري والمتاخر وناس كلاتشي وفرامل وسيكافا ديل يعملو دولة كاملة
الهلال انهزم في دوري المجموعات ما عارف ود القاضي بيعرف دوري المجموعات ولا بس بيعرف التمهيدي
المشكلة ناس الخروج المبكر وبعد كدا عاملين لينا فيها برشلونة
ياخي كمان المريخ مشكلته اكبر قروش الحضري وقروش وارقو زمان لو استثمرت الى تاريخ اليوم كان عملت للسودان مفاعل نووي ياخي ديل كمان مشكلتهم مشكله
Quote: يا وليد الهلال عشقنا ولا نستطيع مقاطعته رغم مرارة الهزيمة ولكن الهلال يسعدنا كثيراً
وما ممكن تترك فريقك الذي تحبه وتعشقه لمجرد هزيمة أو عدم حصوله على كاس خارجي
سنظل نعشق الموج الازرق مهما كان ومهما حصل .
معليش دا وهم كبير يعيشونه الاهلة ياخي فرق حديثة العهد استطاعت تحقق انجازات وكما تعلم تحقيق الانجازات لاياتي بالكلام والتصريحات ولكن بالعمل الجاد والمنظم واذا كان لايوجد جدية اذا مافي داعي لحب من طرف واحد
09-13-2011, 01:58 PM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
لقد حزنت كثيرا على تلك الهزيمة الغير متوقعة التي حلت بهلال الملايين، وصادق امنياتي بان تتم هزيمة القطن بواسطة انيمبا وان يتجاوز الهلال الرجاء،
ولكن يجب انت تكون هنا وقفة حاسمة وشجاعة حتى ان يقف الهلال على ارجلة، ومنها علي سبيل المثال: ( عدم تدخل هيثم مصطفى في تشكيلة الفريق، وعدم اشراك المعز محجوب وبخيث وبكري وهيثم نفسه) ثم الدفع بكل الصغار الذين يبحثون عن فرصة بجانب المحترفين. التحدث مع ميشو بأن لا يقوم تجربة مواقع اللاعبين وخاصة في اللعبات المصيرية،
اتمنى التوفيق للهلال
عبدالعزيز عبدالله عبيد مريخي وافتخر
09-13-2011, 02:33 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: يا وليدنا سلامات من مصلحة أنيمبا أن يطير الهلال، وسيعطي أنيمبا النقاط الثلاثة كاملة للقطن.. ___ فريق لا يملك حارس ودفاع وداير بطولة بوزن الأبطال !؟
اسالني دبل بالله ياخي دي ناس بتحارب ولاتملك ابسط مقومات الحرب وجمهوره المغلوب على امره ياعيني يردد ويقول تورة ثورة حتى النصر
09-14-2011, 08:00 AM
أبوعبيدة محمد الأمين أبوعبيدة محمد الأمين
تاريخ التسجيل: 01-19-2007
مجموع المشاركات: 1694
وليد ياصفوة إنت تبرى من الالم ياخي زمان بنو زرقان ضحكو علينا وقالوا وروني العدو أقعدوا فراجة بس نسوا أن من يضحك أخيراً يضحك كثيراً
أهو قعدنا فراجة وشمتانين للطيش بالذات لما نلقى واحد في قامتك بيلطم الخدود ويشق الجيوب ويتبرأ من فريق الكساح المزمن ده والله حالكم يحنن ويكيف الصفوة للآخر مزيداً مزيداً من الإنهيارات والإنكسار
بالله سؤال بالجنبة كده ياوليد: متين حاتقولوا للبرنس وسيدا أن قد آن أوان الترجل يافارساً كم شيدتم عليه أماني وجاد عليكم بالغبار وحصاد الهشيم؟؟؟؟؟
09-14-2011, 08:08 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ولكن يجب انت تكون هنا وقفة حاسمة وشجاعة حتى ان يقف الهلال على ارجلة، ومنها علي سبيل المثال: ( عدم تدخل هيثم مصطفى في تشكيلة الفريق، وعدم اشراك المعز محجوب وبخيث وبكري وهيثم نفسه) ثم الدفع بكل الصغار الذين يبحثون عن فرصة بجانب المحترفين. التحدث مع ميشو بأن لا يقوم تجربة مواقع اللاعبين وخاصة في اللعبات المصيرية،
ياخي الناس دي لو بتعرف تقيف في المواضيع المهمه دي كان بكون حالها ناس المريخ نفسهم ماتشوف حركاتهم وضحكهم هنا برضو نفسهم الهلال يفوز وينتصر لان قوة فريق الهلال من قوة المريخ
09-14-2011, 08:12 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: أهو قعدنا فراجة وشمتانين للطيش بالذات لما نلقى واحد في قامتك بيلطم الخدود ويشق الجيوب ويتبرأ من فريق الكساح المزمن ده والله حالكم يحنن ويكيف الصفوة للآخر مزيداً مزيداً من الإنهيارات والإنكسار
ابوعبيدة محمد الامين .. كل عام وانتم بخير شايفك مبسوط جدا جدا ياخي علة الهلال هي من علة المريخ يعني المريخاب لما يبحثوا عن الحضري عشان يقيف ليهم ضد الاهلي شندي تاني الفضل شنو في البلد بلد مافيها حراس مرمى مايجيبو بتاعين البطيخ ويفرزوا ليهم الكورة من البطيخ ويوقفوهم في القون افضل من حراس الهلال والمريخ لاحظ المعز دا حارس الهلال الاول وحارس المنتخب الاول تاني كورتنا الفضل فيها شنو بالله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
ناصر المحسى
ابراهيم محمد الحسن
فايزودالقاضي
الحاج حمد الحاج
Rasha Swaraldahab
الفاتح خليل الفكي
Magdi Ahmed Elsheikh
haroon diyab
Yassir Tayfour
عبدالعزيز عبدالله محمد
على محمد على بشير
سيف بخيت موسي
أبوعبيدة محمد الأمين
فيس بوك
تويتر
انستقرام
يوتيوب
بنتيريست