|
|
|
 Re: ويييييين مقبرة ...ضربة جزا دا حلو حلا... (Re: Mahmoud Mustafa Mahmoud)
|
تابعت المباراة من بدايتها...
الهلال ..كالعادة...قون أوانطة...
فارق الخبرة واااااااااضح...
أولاد أنيمبا..أولاد حديثي عهد بالشغلانة..
ظاااااااااااااهر عليهم...
ماف أي مقارنة بينهم وبين خبرات هيثم وعمر وعلاء الدين ومساوي والمعز وسادومبا..
الفرصة كانت سانحة لسحق هؤلاء الشباب بسهولة اعتماداً على عاملي الخبرة والجمهور...
ميشو أثبت إنه ما عنده ما عند جدتي...
وشوف عيني..بعد توريه أطاح بهدية الكبير هيثم مصطفى ..
هيثم كان عامل فيها بيغسل في وشو ويشرب..
كأني به يطلب من طارق أحمد آدم تدارك الأمر وإخراج الزول الأصنج دا..
لكن بعد شنو...
أها بعد داك لأنه المدارس عندنا بكرة أول يوم دراسة وكدا..
قلت يا ولد أنا عندي حاجات أهم من المدافرة والعتالة بتاعة الهلالاب ديل..
خليت لي جماعة بيحضروا في المباراة في بيتي ونزلت أجيب حاجات أولادي..
واحد ضرب لي قال درون..
وأنا راجع ..نفس الزول قال لي:
الجماعة أدوهم ضربة جزاء...
قلت ليهو أنا عارف ما حا يغلبوا إلا كدا..
قال لي لكن ضربة الجزاء لناس أنيمبا..
طوالي الإغنية المفضلة بتاعتي اشتغلت في راسي فكان هذا البوست
نوموا عافية..
والله أكان بتنوموا ما عارف..
| |
  
|
|
|
|
|
| |
Mahmoud Mustafa Mahmoud
ابراهيم محمد الحسن
فيس بوك
تويتر
انستقرام
يوتيوب
بنتيريست