|
|
|
 Re: الحبوبة وكيس الدواء (Re: Rasha Swaraldahab)
|
في الاول التحية وتعظيم مليار سلام لكل الامهات والحبوبات قدر ...............
والله ما عارفة اقول قدر شنو , غايتو واحد يشوف لينا حاجة ممكن نقول عليها قدرهم , فهم جد عظيمات بكل اجناسهن , اشكالهن , اهتمامتهن ,واختلافهن .
| |
 
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
وطبعاً ما حيفوت علي انو اقول رحم الله كل الحبوبات والامهات المتوفيات واللي وصلو رسالتهم علي اكمل وجه ( ففي وجهة نظري المتواضعة لا توجد ام مقصرة علي الاطلاق مهما كانت الظروف والتغيرات ) . وربنا يمد في عمر الحبوبات والامهات المتبقيات ويديهم اكمل الصحة والعافية . بيتكلم عن الام برضو لانو من الطبيعي انو الحبوبة هي نفسها كانت ام في وقت من الاوقات .
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
وكيس الدواء دي ما قلناه مزاج ساي , ولكن لما به من اهمية , يعني ما عنوان ساي كدي او عنوان مخالف لما يحتوي البوست , لانو بصرااااااااحة كدي يا جماعة هنا في المنبر دي العناوين مرات تكون بي جهة وجوة الكلام بي جهة , يعني الزول يخش جوة البوست ببراءة شديدة يقوم يلقي جوة حاجات عجيبة كدي ,
وغايتو
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
| Quote: مع انو شكله المنبر دي شغال بي مبدأ ما بنمشي لي ناس ما بيجونا , أو الاصح ما بنمشي لي ناس ما بعرفونا . والله اعلم |
تحياتي وسلامات يا رشا
أولاً بالتبادي مرحب بيك
وإن شاء الله يطيب ليك المقام
ما ذكرتيه في الإقتباس قد يكون صحيح فهناك من يقرأ أو يتداخل في بوستات معينة لكتاب معينين
لكن الصحيح أيضاَ أن ( الطرح المميز ) سوف يخلق ( الإسم ) الذي يجعل الأعضاء والزوار في شوق لرؤية إسم الكاتب فاتحاً لبوست أو متداخلاً فيهرعون لمعرفة ما خط لثقتهم أنه جليس صالح كـ ( حامل عطر )
إن جاز لي أن أنصحك - مع أنني لا أجد في نفسي مقومات الناصحين - سوف أقول لك
" كوني نفسك ولا تهتمي بـ ( الكم ) القارئ أو المتداخل طالما كتبت قناعاتك بصدق "
وفي موضوع البوست
متابع بشئ من الحزن
فحظي قد شاء أن أنشأ وكلتا حبوبتاى قد فارقتا دنيانا الفانية
وحرمت المهاجر أنجالي من حضن الحبوبات إلا نذراً قليلاً مما يستمتعون به في الإجازات
| |
|
|
|
|
|
|
|
|
Re: الحبوبة وكيس الدواء (Re: عاطف عمر)
|
لك من التحايا مثلها عاطف عمر .
| Quote: كوني نفسك ولا تهتمي بـ ( الكم ) القارئ أو المتداخل طالما كتبت قناعاتك بصدق |
اولاً شكراً علي النصيحة , فانا مع انو الانسان ينصح اخوه الانسان مهما كانت النصيحة , وبعد داك الزول يشتغل بيها ولا لا فدي بطريقته.
لم اقل انني اهتم بالكم القارئ للبوست او العدد المتداخل .كما تفضلت انت وذكرت .
Quote: وفي موضوع البوست
متابع بشئ من الحزن
فحظي قد شاء أن أنشأ وكلتا حبوبتاى قد فارقتا دنيانا الفانية
وحرمت المهاجر أنجالي من حضن الحبوبات إلا نذراً قليلاً مما يستمتعون به في الإجازات |
رحم الله حبوباتك وادخلهم فسيح جناته , وربنا يخلي ليك اولادك ويخليكم لهم .
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
عرجونة , الرقاقة , الجاز , بت الفكي , معزول , امدولة , بت المني , السيدة , حليتي , هدية , واصلة , السمحة , الصندلية , عسيلة , بخوت , بت وناسة , الريلة , بشرية .
| |
|
|
|
|
|
|
|
|
|
Re: الحبوبة وكيس الدواء (Re: صديق مهدى على)
|
وحنواصل بأذن الله كان في العمر بقية مع حبوباتنا الجميلات روحاً وشكلاً .
ورجاءاً لكا قارئ يزور هذا البوست المتواضع جداً ان يترحم علي روح من فقدنا من الحبوبات ولو سراً وفي صمت , فهذا اقل ما بوسعنا فعله لهن .
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
الشكل العام للحبوبة :
كانت تمتاز الحبوبات بالجمال الهادئ والاهتمام بالمظهر والشكل , اكثر ما يميز الوجه هي الشلوخ والتي تختلف في اتجاهاتها من حبوبة الي اخري , كمان تمتاز بالبشرة الصافية وعدم استخدام مساحيق تعمل علي تفتيح اللون او لاظهاره اكثر بياضاً , لون الشعر يختلف من الاسود , الاحمر , الكبدي , البرونز . بالنسبة للاسود فسبحان الله الحبوبة كانت احياناً تمتاز بالشعر الاسود مهما تقدم بها العمر وقد لاتخلو عدة سبايب من اللون الابيض ( الشيب ) , اما الاحمر والكبدي والبرونز ( دي طبعاً ما صبغ تلوين جاهزة ) وانما صبغ بالحناء وعدد مرات الصبغ يؤدي الي التدرج في اللون , فتجميل الشعر كان عن طريق الصبغ بالحناء بمفهوم تغذيته واكتساب اللون الذي ترغب به , تسريحة الشعر هي مساير ( تمشيط الشعر الامامي ) , او تمشيطه كاملاً .
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
| Quote: اصحى يا رشا و شاركى ببوست يبرهن على انك بتحسى بألم المواطن يعنى كلامك دا ببعدك عن المواطن السودانى |
خمسمئة فرسخ
آآي والله تصدقي يا رشا امسكي في نصيحة الشاعر ال(مهول) صديق مهدي دي قوى
وتابعي مكامن الالم في مفاصل المواطن السوداني
وتتبعيها مفصل مفصل
بتلقي في الاخر انك توصلتي لمفصل الألم :)
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
سلامات رشا ... وألف مرحب بيك في المنبر
بالله الأسماء دي جبتيها عن طريق البحث و الا حافظاها .... والله لو حافظاها او عارفاها اقول ما شاء الله عليك عجيييبة ياخ
ربنا يرحم حبوباتنا جميعاً الأحياء منهن و الأموات .. دلعوناوالله اكتر من امهاتنا وابهاتنا
| |
|
|
|
|
|
|
|
|
|
Re: الحبوبة وكيس الدواء (Re: رشا احمد)
|
طبعاً يا حيدر الزين ما حاقول ليك اوكي .
كان تقول لي وجع وطايات , شحتافة , بيت الوردة , وجع رأس طيب .
يعني تختار لي وجع المفاصل الصعب دي ودايرني اشوفو .
ياخي الجسم دي فيه تلتمية وستين مفصل , يعني اعرف ياته ولا ياته ,
المفصل الرسغي المشطي , ديل براهم كم ؟
والمفاصل بين القص والضلوع كم ؟
والمفاصل بين عظام الرسغين كم ؟
وبيت فقرات العصعص كم ؟
يااخ العمود الفقري براهو فيه اكتر من مية مفصل ؟
خليك من الكبار ناس الحرقفي والعقب .
كتييييييييييرة شديدة بصراحة مابقدر , بعدين عشان يعرفوه من العضام ولا روماتيزم دي زاته موضوع , والعجب ( ما بتاع المريخ ) كان احتاجو تغير مفصل , دي عملية مكلفة شديد وقروشا كتيرة .
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
Quote: سلامات رشا ... وألف مرحب بيك في المنبر
بالله الأسماء دي جبتيها عن طريق البحث و الا حافظاها .... والله لو حافظاها او عارفاها اقول ما شاء الله عليك عجيييبة ياخ
ربنا يرحم حبوباتنا جميعاً الأحياء منهن و الأموات .. دلعوناوالله اكتر من امهاتنا وابهاتنا |
الف سلام رشوية , وسعدت جد بمرورك .
صدقيني لن ابحث عن اي شئ في هذا البوست , دي واقع عشته وجزء من الاسماء دي اسماء لحبوباتي والجزء الاخر سمعتو منهن , وعلي فكرة الحبوبة ما شرط تكون ام الاب او الام مباشرة , فخالة وعمة الام والاب كمان تعتبر حبوبة , والحمد لله الواحد يا رشا الواحد كل اجازاته المدرسية كانت بتكون في البيت الكبير ( وما ادراك ما البيت الكبير ) , رحم الله من توفي وامد في عمر البقية . وللاسف دي فقط الاسماء اللي تذكرت من ما كنت اسمع .
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
غايتو يا حبوبة أعف لي , برجع ليكن صادة كان الله مدا في العمر , بس خلن لما بوست ميشو والمعز دي يزح من وشنا بعييييييييد . إن شاءالله يصل الارشيف الكماوي ما عارفة , الكماوي يا جماعة ؟ برلومة وكدي
| |
|
|
|
|
|
|
|
|
|
Re: الحبوبة وكيس الدواء (Re: Rasha Swaraldahab)
|
وبالرجوع للمظهر العام للحبوبة :
بالنسبة للملابس فالشئ الاساسي فيها ان تكون ساترة وفي العادة لا تظُهر الا القدمين والكفين , واثناء الحركة في البيت عادتاً يكون الراًس به طرحة تحسبً لحضور اي غريب والنسيب ( طبعاً انا اتحدث عن زمن البيوت الكبيرة والتي توجد بها ابواب تربطها ببيوت الجيران وزمن الاسر الكبيرة اللي يكون ابناء وبنات الحبوبة بازواجهم وزوجاتهم يسكنون في البيت الكبير الي ان تفرق بينهم ظروف وتقلبات الحياة ويصبح البيت الكبير بيت يضج بالذكريات وقد لا يتيقي الا صدي الاصوات الكثيرة التي قد لا تفارق مسمعك ابدً ) , خارج النص ( الحبوبة تحترم النسيب جداُ )
الحبوبة عادتاً تمتلك خاتماً علي اصبع يدها اليسري ( البُنصر ) ولا تميل الي ان يفارق يدها ابداُ الأ عند الموت , وللاسف لا اعرف سر تمسكهن بخاتم قد يكون يختلف في الشكل من حبوبة لأخري
بالنسبة للقدمين , في البيت الحذاء السائد هو جزمة مميزة سوداء اللون عادتاً تغطي القدم ولا يظهر الا الجزء الظهري منه . تفضل الحبوبة ذلك الحذاء بمفهوم انه يحفظ القدمين ويكسبهما نعومة .
ادوات مكياج الحبوبة بسيطة جداً دهن يسمي كركار للشعر , مكحلة لتكحيل العينين , مشط لتسريح الشعر . لا أذكر انني في مرة رأيت حبوبة تمتلك ادوات كتلك السائدة هذه الايام .
| |
|
|
|
|
|
|
| |
Rasha Swaraldahab
عاطف عمر
ABUHUSSEIN
صديق مهدى على
HAIDER ALZAIN
رشا احمد
فيس بوك
تويتر
انستقرام
يوتيوب
بنتيريست