|
بالنسبه لمظاهره الجمعه المارق يرفع يده
|
اها يا شباب شايف في مظاهره بكره او مسيره كما سميت في بوست مجاور وقال ليك المسيره لتسليم مذكره لرئاسه لادانه الحرب في النيل الازرق وجنوب كردفان والكلام منسوب لمريم الصادق المهدي عشان الزول يبقي في السليم ويجي ما يلقاكم زي حكايه ميدان ابو جنزير ورونا الجاي منو والعنده ظروف وبيعتزر منو وكل مظاهره وانتو بالف خير
|
|
|
|
|
|
|
|
Re: بالنسبه لمظاهره الجمعه المارق يرفع يده (Re: احمد محمد بشير)
|
اخونا احمد محمد بشير
ياخي انا خايف من الاحراج يعني هسه المظاهره دي تم دعوه القنوات الفضائيه للتصوير والتسجيل يقوموا يجوا يلقوا الناس ما جات
هسه كه ما حوريج مبالغ فيهو فاحسن الناس تجي تؤكد حضورها خصوصا عمنا نقد شفاه الله بعافيه شويه الايام دي فما راح نلقي زول يكتب في كرتونه حضرنا ولم نجدكم
بالنسبه للاستاذ مريم الصادق المهدي لم ولن نتعرض لها بسوء شاكر مرورك
| |
|
|
|
|
|
|
Re: بالنسبه لمظاهره الجمعه المارق يرفع يده (Re: فدياس نجم الدين)
|
قبل ما نمشي في موضوع المظاهره لازم نعلن وقوفنا الي جانب اهلنا في جنوب كردفان والنيل الازرق وتعازينا لكل من فقد عزيز في هذه الحرب الملعونه ونتمنى ان يعود الاستقرار سريعا لتلك الربوع الحبيبه من الوطن
كما نعلن دعمنا غير المشروط لقواتنا المسلحه الباسله وصمام الامان لهذا الوطن
| |
|
|
|
|
|
|
Re: بالنسبه لمظاهره الجمعه المارق يرفع يده (Re: 7abib_alkul)
|
محمد يوسف انت مارق ولا ماك مارق
حبيب الكل المحير في المسيره دي غياب كبار المحرضين على التظاهر زي عمنا سالم احمد سالم بتاع استعمال النيم وتعطيل مواتر الامن خلال الدعوات السابقه للتظاهر والتي كان يرسلها لنا من مقر اقامته بباريس وبرضو غاب عمنا وحبيبنا الدكتور مصطفى محمود بتاع قوس قزح لاسقاط النظام غياب هذه الرموز الداعمه للتظاهر يخلي الواحد يتسال هل ده تغيير للتكتيك والعمل التظاهري يعني الجماعه ديل مشوا ينسقوا في الفيس بوك بعيدا عن اعين شعبه الجهاد الالكتروني ولا ده عدم اقتناع بدعوه التظاهر لكونها صادره من حزب الامه القومي المهم يا حبيب الكل بكره قريب والفي القدر بيطلعوا المغراف
اغرفكم
| |
|
|
|
|
|
|
Re: بالنسبه لمظاهره الجمعه المارق يرفع يده (Re: فدياس نجم الدين)
|
شنو يا شباب حركاتكم البايخه دي
ما تقولوا لي المظاهره اتلغت البركه في صلاح غريبه المرات بيعمل حاجات فيها فايده
هسه لو ما نقل لينا خبر الاهرام والخاص بالغاء المظاهره
كان الواحد مشي يتظاهر براهو
وكان دخل في جنس حوريج
شكرا صلاح غريبه والشكر موصول للناس الكانت ناويه تخرج
والى لقاء في مظاهره قادمه ايها الثائرون النيام
| |
|
|
|
|
|
|
Re: بالنسبه لمظاهره الجمعه المارق يرفع يده (Re: فدياس نجم الدين)
|
Quote: كما نعلن دعمنا غير المشروط لقواتنا المسلحه الباسله وصمام الامان لهذا الوطن |
ولا تنسي قوات الدفاع الشعبي المسلحة من نصبيها في دعمكم الموقر، دعك من المظاهرة انت امشي قاتل في النيل الازرق وجنوب كردفان، احسن في حورية منتظراك علي جمر من الشوق......... وكل سنة وانت والحورية بخير
| |
|
|
|
|
|
|
Re: بالنسبه لمظاهره الجمعه المارق يرفع يده (Re: ود الباوقة)
|
ودالباوقه كل سنه وانت طيب والله المناضلين ديل حيرونا في حنانا كل يومين تلاته مظاهره وجبهه عريضه وقوس قزح وشنو ما بعرفوا داك يا عمك بالله سلم لي على مناضلنا الكبير صفصوفي
بالنسبه لزوربا وتلتاني بتاع الحور العين
التجاهل التجاهل التجاهل
| |
|
|
|
|
|
|
Re: بالنسبه لمظاهره الجمعه المارق يرفع يده (Re: فدياس نجم الدين)
|
Quote: والله المناضلين ديل حيرونا في حنانا كل يومين تلاته مظاهره وجبهه عريضه وقوس قزح وشنو ما بعرفوا داك يا عمك بالله سلم لي على مناضلنا الكبير صفصوفي |
فدياس
يا اخ ناس قوس قزح ديل احسن مناضلين
وماشين كويس جدا
صطوفي الليلة قال العدد فات الـ 5000 مناضل قوس قزحي
| |
|
|
|
|
|
|
Re: بالنسبه لمظاهره الجمعه المارق يرفع يده (Re: صلاح غريبة)
|
ودالباوقه اها والخمسه الف قوس قزحي ديل مالقوا فيهم نص الالف يطلع في مظاهره بكره دي فشان هيك اتلغت صلاح غريبه سعيك مشكور علمنا للتو بالغاء هذه التظاهره الثقافيه
غايتو انا بقترح تطلع مظاهره بعد كوره الهلال لو غالب ابتهاجا بالنصر ولو مغلوب نطالب براس الامين البرير
واهو اخير من قعاد ساكت
| |
|
|
|
|
|
|
Re: بالنسبه لمظاهره الجمعه المارق يرفع يده (Re: فدياس نجم الدين)
|
Quote: اها والخمسه الف قوس قزحي ديل مالقوا فيهم نص الالف يطلع في مظاهره بكره دي فشان هيك اتلغت |
فدياس
حسب مصادر مقربة من صطوفي
ان العدد بناهية العام الحالي سيبلغ 7200 مناضل قوس قزحي
والعدد المطلوب لانجاح المظاهرة في حدود 25000 عليه
قدام صطوفي ومجموعته 10 سنوات اخرى لاستكمال العدد
| |
|
|
|
|
|
|
Re: بالنسبه لمظاهره الجمعه المارق يرفع يده (Re: محمد داؤد محمد)
|
فدياس يا اخوي امرق وين كفاية خازوق المظاهرات الفات دقسونا مشينا لقينا روحنا سبعتاشر نفر بوكس واحد كان بشيلنا بس غايتو شبكناهم ليك نحن صحفيين اي زول جمبي عرف الكود اسأله طوالي اقول ليهم صحافة في واحد ملازم قعد اضحك قال ديل صحفين اها البتظاهروا وينهم عشان كدا انا كيبوردي بس تاني
| |
|
|
|
|
|
|
|