|
يا ناس البيت السوداني عشان هي مجانية تعملوا فينا كده ؟؟؟؟
|
أولاً حب منقطع النظير لإذاعة البيت السوداني بالذات من 9 باليل وإنت طالع المهم عندهم برنامج إسمو ( بكرة أحلي ) بيجي 7 صباحاً في الإعلان عن البرنامج يقول المذيع : يسعدنا أن نقدم لكم مجاناً كل صباح مجلة ( بكرة أحلي ) ياخي برنامج إذاعي تقول ( نقدم لكم مجاناً ) ؟؟؟ يعني هل في السودان برامج إذاعية غير مجانية ؟؟؟؟؟ يعني في إذاعات مشفرة وبي قروش واللا كيف يعني ؟؟ برضو دا ما موضوعونا الاساسي المهم البرنامج المجاني دا كرروه أمبارح والليلة في نفس التوقيت وبي نفس المحتويات صورة الغلاف عن كبري في الصين وبعدها أغنية العمل دا رسالة ثم كلمة العدد عن عدادات الدفع المقدم للمياه ثم أغنية عبد العظيم حركة ( يا زهرة الياسمين ) والله لمن شكيت في نفسي الليلة شنو ؟ الأربعاء واللا الثلاثاء ؟
|
|
|
|
|
|