|
|
|
 Re: ما بيني وبين سودانير (Re: Al-Shaygi)
|
عادة قبال أقوم من العنقريب أمد يدي لتناول الموبايل القابع بجانبي في حالة صمت في شان أشوف لو في أي أتصال تم خلال فترة الغفوة أو النومة أياً كانت.
وجدت أتصال من رقم ثابت لا أعرفه وغير مسجل ضمن الأرقام بذاكرة الموبايل، وبحكم الخبرة الطويلة في مجال الإتصالات من أول نظرة للرقم حددت الحي أو الحيز الجغرافي للرقم، وخمنت بحكم أن إبنتي لديها حجز من الرياض إلى الخرطوم على سودانير في اليوم التالي وتحديداً الحضور للمطار في الثالثة صباحاً والرحلة في السادسة...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
 
|
|
|
|
|
|
|
|
Re: ما بيني وبين سودانير (Re: Al-Shaygi)
|
Quote:
توقعت أن الإتصال من سودانير
|
المهم قمت وبعد حوالي 3 ساعات جائني أتصال من ذات الرقم (الفاكس) ،،،،
رديت:
أنا: ألو... السلام عليكم....
المتحدث: ألووو منو معاي..؟؟؟؟؟
أنا: مرحباً .. معاك الشايقي حق سودانيز أونلاين....
المتحدث: عندك بتك فلانه مسافرة معانا
أنا: آآآآي بالحيل البت مسافرة معاكم،،، إنشاء الله خير في شنو..؟؟؟
المتحدث: تجيبا لينا بكرة الساعة تمانية صباحاً...!!!
(لما قلت العبارة دي لي بني وهي طبيبة أسنان: زعلت وقالت لي: هو أنا شنطة...؟؟؟؟)
أنا: حاااااااضر سيادتك،،، يعني الطيارة أتأخرت..؟؟؟
المتحدث: أأأأأي أتأخرت..........
أنا: طيب،،، مشكور ياخ على الإتصال وإنشاء الله بنكون في المطار في الموعد بالضبط....
المتحدث: أسمع........
المتحدث: .... الميزان بيقفل الساعة عشرة ...... فااااااهم...
أنا: أيوه فاهم،،، وشكراً ليك للتنبيه....
المتحدث: تيت تيت تيت تيت......
وإنتهت المحادثة....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
وبرضو تقول لي : من أنتم؟؟؟؟
الله يكتب سلامة الدكتورة وشوف هنا دا اسمع النحدثك:
تاني مرة لو سفرت البت دي بالخطوط دي بندق ليك خروج نهائي!!
فاهم؟؟؟
تيت تيت تيت
| |
|
|
|
|
|
|
|
|
 Re: ما بيني وبين سودانير (Re: Al-Shaygi)
|
Quote: المتحدث: أسمع........
المتحدث: .... الميزان بيقفل الساعة عشرة ...... فااااااهم...
|
انشاء الله فهمت يا خوى ......الواحد فيكم يقعد يضيع لناس سودانير فى( شنطهم)
اقصد وقتهم سااااااااااااااااى....وما قادر يفهم ..............سافر بمركب ولا ..ناقة...........
نشكر الفاهم موظف (سودانير) الفهم.الشايقى موظف ( سودانيز)..الشايقى كل سنة
وانت (فـــــــــــــــــاهم)
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
مشيت في الصف إلى أن وصلت للميزان...
خلال وقوفي في الصف كان المدير المناوب ولا مدير المحطة أياً كان لقبه أو منصبه يتحرك على سير العفش تارة واقفاً والسير يحركة وتارة أخرى يمشي بخطوات سريعة عكس مسار السير ليستبق حركتة ويظهر رشاقته...
الرجل أعرفه ويعرفني بحكم أنه كان مدرساً لإبني أبان عمله مدرساً في المدرسة السودانية وقبل إنضمامه لفريق سودانير....!!!
حاولت بفطرتي وعاداتنا أن أحيه وأسلم عليه وأشهد الله أنني لست في حاجة لوساتطه لتفويت وزن زائد ولا إيجاد حجز ولا أي حاجة،،، مجرد سلام...
بالله قدر ما رفعت يدي ويفصلني عنه أقل من مترين كمسافة ومواجه له مباشرة ولكنني أرى عينيه تتزاوغان يمنه ويسرة وعامل رايح والعين تقع في العين وتكب الزوغة...
المهم وزنت عفش البنية وشلت البوردنق باس وأتخارجت،،، وبلا سلام ولا تحية...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
الشايقى صباح الخير بى الليل انت المصحيك لا هسى شنو اظنك زى بتنوم مع الجداد
اما قصة الاتصال وتعال وامش جيب شنطه وحاجات من دى بقت من زمن القطر ماشى بالفحم
ياخ انا بحجز من البيت وبسدد التذكره فى البيت وباخد كرت الصعود من البيت وتجى تقول لى
مشيت وجيت والو ات منو وبرضو اولادى زيك ماشين السودان يا جماعه ماتتطورا شويه
الكلام ليك انت ولى الخطوط السودانيه
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
بعد فترة فكرت أتأكد من أي مسؤول في سودانير من أن طيارة الجن دي قامت فعلاً من الخرطوم ولا لسه ح يكون في حلقات من مسلسل التأخير؟؟؟
أصلي من زمان عارف أنه الخرابي كان أتأخرت فغني على قول ناس طاش ما طاش السعوديين وقول: ما أطولك يا ليل،،،، ولأني داير أرجع عشان أجيب القسم الثاني من العائلة الكريمة المرة وبتها التانية وولدها المسافرين بعد ساعات قليلة على طيران ناس التلب الما بيلعب في المواعيد ورخيييييييييص بس القسمة ودتنا للخرابي الوطني البيخرت جيبنا و.... أم حلتنا....
عدت لمنطقة الميزان وتواجد مسؤولي الشركة.
وجدت صاحبي لم يراوح مكانه "زي مؤشر الراديو ماشي جاي...
رآني (أجزم أنه ليس للمرة الأولى)، فهبط من السير عابراً منطقة الميزان برشاقة (ماشاء الله) يحسد عليها،، متهلل الوجه والإبتسامة تعلو وجهه بعد أن تبدلت من تلك الصره للشلاليف الماقدرت أفهم دلالاتها..؟؟
أخذي بالأحضان وهاك يا سلام ومعايدة وسؤال عن تلميذه المشاغب،،، المهم سلمت وعايدت وسألت عن قيام الطائرة من الخرطوم ولا يزال عقلي في حالة طيران.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
| Quote: بس القسمة ودتنا للخرابي الوطني البيخرت جيبنا |
الشايقى سلام
البيمشى للناس ديل بكرعيه ما يجى يجوعر لينا هنا
وبعدين منو القال ليك دة الخرابى الوطنى
دة بقى شركة بين عصابة من المؤتمر الوطنى بيمثلها الشريف بدر والذى يشهد
له بتدمير كل مرفق طالت يده ادارته وبين شركة صرافة اسمها مجموعة عارف
الكويتية والتى هى اصلا دخلت البلد بواسطة مجموعة الكيزان السالفة الذكر
لكى تعمل كواجهة لشركات المؤتمر الوطنى ومن ضمن الاعمال
التى استولوا عليها شركة هجليج للخدمات النفطية
سفرا سعيدا وعودا حميدا لعائلتك
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
الاخ الشايقي
تحياتي
لازال علي المسافرين علي السودانية توقع المزيد من المعاناة
فهي الآن بالذات في مرحلة انعدام وزن فشركة عارف تخلت عنها
كما اخبرني احد المسئولين بسودانير والحكومة لم تتسلمها رسميا
ولذلك يشرف عليها ما وصفهم الاخ احمد التيجاني بالعصابة
عموما لقد عانيت مما عانيت منه انت وابنتك وطرحت ذلك في بوست سابق
التوبة ثم التوبة من السفر علي السودانية
| |
|
|
|
|
|
|
|
|
|
Re: ما بيني وبين سودانير (Re: الشامي الحبر عبدالوهاب)
|
الاخ الشايقى و ضيوفه الكرام
أظن و إن بعض الظن إثم أن حال سودانير كحال مستشفى عطبرة و بحرى ..
وأعجب لعدد موظفيها و مكاتبها بالعواصم المختلفة ..
شغالة على "الريحة"
و نسأل الله السلامة ..
_____
ربنا يحفظ ليك الدكتورة و تانى بأى طيران أخر .. الاثيوبية اليوغندية الامارتية السعودية ..
و فعلا احنا رواد ... فى افريقيا و العالم المتقدم بشهد لينا ..ولا شنو
تحياتى
| |
|
|
|
|
|
|
|
|
Re: ما بيني وبين سودانير (Re: اسعد الريفى)
|
| Quote: صحوت مغرب أمس الأول بعد النومة المقدسة، تلك العادة التي أحرص عليها في أن أحصل على نومة ولو 10 دقائق بعد العصر، |
عن عائشة – رضي الله عنها – ان النبي صلى الله عليه وسلم قال :
( من نام بعد العصر ، فاختلس عقله ، فلا يلومن إلا نفسه ) .
| |
|
|
|
|
|
|
|
|
|
Re: ما بيني وبين سودانير (Re: محمد المسلمي)
|
الاخ محمد المسلمى
تحية طيبة
من خلال قوقلة بسيطة:
Quote: عن عائشة – رضي الله عنها – ان النبي صلى الله عليه وسلم قال :
( من نام بعد العصر ، فاختلس عقله ، فلا يلومن إلا نفسه ) . |
وجدت الاتى:
السؤال:
ما هي درجة حديث " من نام بعد العصر ، فاختُلس عقله، فلا يلومنَّ إلا نفسه " ؟.
الجواب:
الحمد لله
هذا الحديث ضعيف جدّاً .
انظر : "الموضوعات" لابن الجوزي (3/69) ، و"اللآلئ المصنوعة" للسيوطي (2/279) و"ترتيب الموضوعات" للذهبي (839) .
http://ruqya.net/forum/showthread.php?t=2044
و أيضا:
الشيخ محمد صالح المنجد
وأما النوم بعد العصر فهو جائز ومباح أيضاً ، ولم يصحّ عن النبي صلى الله عليه وسلم نهي عن النوم في هذا الوقت .
وأما ما ينسب إلى النبي صلى الله عليه وسلم أنه قال : " من نام بعد العصر فاختلس عقله فلا يلومن إلا نفسه " فهو حديث باطل لا يثبت عن النبي صلى الله عليه وسلم انظر : " السلسة الضعيفة ، رقم : 39 " والله أعلم .
| |
|
|
|
|
|
|
|
|
|
Re: ما بيني وبين سودانير (Re: اسعد الريفى)
|
عالم ما بتنفع فيها (الحسنة).
مش كويس إنهم إتّصلوا بيك؟
الناس عااادي بيمشوا المطار ويلقوا الرحلة إتأخرت أو (إتلغت).
____
أها .... الدكتورة سافرت؟ والاّ (رجّعتها) معاك البيت؟
| |
|
|
|
|
|
|
|
|
|
Re: ما بيني وبين سودانير (Re: Al-Shaygi)
|
Quote: أهه وبتركب الطيارة من البيت برضو؟؟؟
[/QUOTE
السنجك انا قصدى الموديك لى التلتله دى شنو
ات عارف يا عم حسن حقو نحن ندى الشركه دى درس با ننا
نتطلع الى خدمه راقيه عشان كدا قا طعناكم دا كان المقصد من كلامى
وفعلا انا ما عندى استعداد لى جلب ما خليناها هناك يلحقنا فى بلاد المهجر
نحن فى عصر السرعه فى كل شى ايه الكلام الفاضى
فى ناس عندها مواعيد اجتماعات بتظبط على الدقيقه فى ناس ماشه تحضر حفل زواج فى ناس ماشه تحضر
دفن جنازه المواعيد ليها دور كبير جدا فى سمعة الطيران كل الطيران اون تايم اقلاع وهبوط ماعدا
الطايره السودانيه
| |
|
|
|
|
|
|
|
|
|
Re: ما بيني وبين سودانير (Re: خالد المحرب)
|
Quote:
السنجك انا قصدى الموديك لى التلتله دى شنو
ات عارف يا عم حسن حقو نحن ندى الشركه دى درس با ننا
نتطلع الى خدمه راقيه عشان كدا قا طعناكم دا كان المقصد من كلامى
وفعلا انا ما عندى استعداد لى جلب ما خليناها هناك يلحقنا فى بلاد المهجر
نحن فى عصر السرعه فى كل شى ايه الكلام الفاضى
فى ناس عندها مواعيد اجتماعات بتظبط على الدقيقه فى ناس ماشه تحضر حفل زواج فى ناس ماشه تحضر
دفن جنازه المواعيد ليها دور كبير جدا فى سمعة الطيران كل الطيران اون تايم اقلاع وهبوط ماعدا
الطايره السودانيه
|
كلامك 100% يا شيخ خالد
بس مرات كده الواحد بيتزنق وبيكون مرغم على سلوك درب الشوك والمطبات...
تعرف يا خالد سودانير لما فتحت خط الرياض كنت أكتر واحد بعمل ليها دعاية وسط أصحابي وبغريهم بتوصيلهم لمكتب الشركة وقطع التذكرة والحجز ويصل الأمر للتوصيل للمطار ويشهد الله بدون مقابل غير الرغبة في دعم الناقل الوطني قبل ما يبقى ناقل المؤتمر الوطني...
ودي عندي فيها قصة طريفة خلال فترة المدير الثاني (أحمد التيجاني) الذي استلم من المدير الإقليمي الذي فتح الخط (محمدأحمد خلف الله)، أقنعت زميل بالسفر عليها وبعد جهد إقتنع وذهبت معه وعملنا الحجز وقطع التذكرة ومشيت معاه المطار كان عنده شنطة واحدة والوزن وقتها كان 20 ك فقط والكيلو بـ 20 ريال.
صاحبي معاه شنطة واحدة ووزنها 25 ك ، قاموا حولوه للعفش الزائد عشان يدفع الزيادة، وطبعاً كان مستاء جداً لأنه لو سافر على السعودية كان عادي بيمرروا ليه الـ 5 كيلو الزيادة.
طبعاً كاونتر الدفع زحمة والمحاسب بينادي بالإسم ويذكر المبلغ المطلوب..
فلان الفلاني 1200 ريال ،،، فلان العلاني 3000 ريال و و و و
أخيراً نادي الزول الجايبو الشايقي (طبعاً ما قال كدة بس داير أقول نادى صاحبي)،،، 100 ريال...
كان في واحد زهجان ومتكي على الكاونتر منتظر الضبح ويظهر عليه متقل شديد..
إلتفت ناحية صاحبي وهو يشق الزحام رافع أيده بالمية ريال
الزول عاين ليه وقال :
100 ريال ليه،،؟؟؟
شاحنلك إبريق؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
| |
Al-Shaygi
معاوية عبيد الصائم
خالد المحرب
احمد التجانى احمد
الشامي الحبر عبدالوهاب
اسعد الريفى
محمد المسلمي
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست