(حريات) تتعرض لهجوم أمني بسبب تقرير الصراع في القوات المسلحة

Quote: يا عمك انت عارف حريات دي مصيرها الفناء لانها قامت على باطل واخبارها كلها كذب

Quote: التكهير دليل انو الصحيفة لديها مصادر و قوية و اصبحت تشكّل خطر عليهم

Quote: شيخ أرباب .. كل سنة وإنت طيب ياخ! مالكـ يا زول فاتح لي نفسكـ هوا بارد؟

Quote: يعنى لو حريات ما صادقة وما ضاربة في العصب الحي ليه الهكر وليه هجوم انصار الحكومة ومؤتمرها الوطني على حريات

Quote: ملتزمين بخطوطنا الثابتة والمعلنة .

Quote: والله حريات دي اصدق صحيفة حتى تثبت العكس تحياتي

Quote: محمد الحسن سالم حميد أملا قلبك بالوطن … بالصُّغارْ قومة العمال دَغَش … بالنّضارْ المزارعية الغُبُش بالجنود الوين تخش في سبيلك كالنهارْ بالمداد الما بيغُش بي وتر جاء من الجحيمْ أملأ قلبك بالنسيمْ ملِّي بالطير الرطنْ طيبة والعالم قديم ينسى كالريح المحنْ خلِّي بالَك مستقيم دغري وإن مال الزمنْ راحل الليل البهيم والبصيرات ما عِمَنْ الظروف الليلي أبن طيبة لا خوف لا حزنْ باكر التِّقْيات تنورق وتنملي الضرعات لبنْ طيبة يا صمت الحنين كلما طفاهو همْ لا في آهة ولا أنين لا بيروع ليح ودمْ من مرارات السنين من عصارات الألْم بيمرق الشوق الدفين بي كعنكيل العشمْ احكي ليك يا طيبة حكوة ذات زمان من ضيق وقسوة وكل يوم من بارحو اسوأ والمراحات قاطي قطْ فجأة في قلب السماء غيمة غيمتين غيم ربطْ كتمة حتى الطين عِرِقْ والشجر قرب يَبِقْ إلا يا طيبة الخَلِقْ من بدل تفرح تَنِقْ الشِّكايات السخط لا السُّحب دارت تَصُبْ لا الهبوب داير تَهُبْ نسمة نسمة آ رب هبوبكْ من شمالك من جنوبكْ الهبوب يا رب هبوبكْ من شروقك من غروبكْ من تحت من فوق هبوبكْ كتمة كتمة معاها ضيقة نسمة يا رب الخليقة سكت الأطفال دقيقة نبكي خش آ حول في حول ظاهر الحال ماهو مخفي وقولنا فيك ما فيهو قول نسمة كل راس ساعة تكفي نسمة واحدة لألف زول ينطلي الجو بالَحمَارْ فجأة من حر لي غبارْ الطشاشات الدّوارْ السبابات النِّقارْ نقة الضيق تنطلقْ قلنا فاقت باتت أزحمْ الغبار من كتمة أرحمْ أرحم الحر البيلحم لا ده لا ده ولا فرق طيبة تمي الحكوة قولي الصّبرُ خلقوهو هولي الزمن يقسى ويَرِقْ وانتي يا كتمات تطولي اليطول بال الخلق طَرِّقْ الغنوات يا زولي عدّ فات الريح شَرِقْ من بعد ما جاب سحاب من بعد قشّ التراب مشط القش والشجر رجّع الطير للوكرْ ها البرق شال البرق الرعد ريحة الدعاش ابشروا بالخير نقطت أي والله المطر