|
|
 مِن محمد الصايم إلى بكري أبو بكر: اشتري ليكـ نضارة ياخ!!
|
مِن: والي رعايا سودانيز أون لاين في الجزيرة العربية وما وراء النهرين
إلى: القائد المبجّل بكري أبو بكر مدير عام نظارة سودانيز أون لاين
السلام عليكم ورحمة الله وبركاته .. وتحية طيّبة تليق بقامكم
كل عام وأنتم وأسرتكم بألف خير وتقبل الله أعمالكم!
أما بعد
طلّعت روحنا ياخ! صغّر الخط بتاع البورض دا وأمشي اشتري ليكـ نضّارة!
الواحد عيونو بقن مبقبقات عديل لما يقرا البورض دا!!!
اليوم كلو نكوركـ ما تفتلوهو ما تفتلوهو وإنت جاي شاقي اللين عديل!!!
خارجنا ياخ .. رجّع حجم الخط زي ما كان!
_
إذا لم يتم تنفيذ هذا الطلب خلال تلاتة سنوات ح أكوّن
غرفة قيادة جديدة لجيش سودانيز أون لاين .. ونشوف لينا
جبل يتفتح نصين تروح معاهو كل النظريات بتاعتكـ دي!!
|
|
  
|
|
|
|
|
|
|
|
Re: مِن محمد الصايم إلى بكري أبو بكر: اشتري ليكـ نضارة ياخ!! (Re: قيقراوي)
|
| Quote: افتكرت انو الزول مجرد ما يصل الاربعين بشوف كبار كبار طواااالي!! |
أووو .. قيقا يا عمكـ .. كل سنة وإنت طيب وهابي بيرث تو يووووو!
تعرف قبل سنتين لما عملت العملية إياها وارتحت من النضارة الدكتور
قال لي بعد الأربعين برضو ح تضطر تلبس نضارة!!
أهو إنت هسي بقيت لا محتاج (ليزكـ) ولا حاجة!
| |
|
|
|
|
|
|
|
|
 Re: مِن محمد الصايم إلى بكري أبو بكر: اشتري ليكـ نضارة ياخ!! (Re: محمد أبوالعزائم أبوالريش)
|
ياقريب ولو بالاسم، لي زمن لابد ليك.. بس بكرى كان مقفل السكة والباص ويرد..
يا أخي أولا سلام عليكم، وثانيا عيد مبارك وكل عام وأنتم بخير
ثالثا مافاهم حكاية الشكوى من البونط دي شنو
رابعا: هذا انذار رسمي بعدم التعدي (الاسمي) وكدة! واحد أبوه سماه محمد ود عبدالماجد ودالصايم
وواحد تاني مختلف سماه أبوه محمد ودالصايم
أيهما أحق باسم ودالصايم؟
أهلنا الصوفية بيقولوا الطريق لمن صدق وليس لمن سبق! إنت ياتو واحد فيهم؟
هذا وقد أعذر من أنذر
(مابراك المتأثر بي سبيس تون ومن لف لفها)
| |
|
|
|
|
|
|
|
|
|
Re: مِن محمد الصايم إلى بكري أبو بكر: اشتري ليكـ نضارة ياخ!! (Re: أمجد الزين)
|
إنا لله!!
محمد الصايم .. كل سنة وإنت طيب ياخ!
وين إنت يا معلم ليكـ مدّة ما مختفي كـدا؟
غايتو يوم مشيت غزيت ناس منبر (اليوم الحار) شبكوني ليكـ
يا باشمهندس يا ما عارف شنو .. إتذكرت قصة التيمان الواحد زاغ
والتاني أُمّو حمّتو مرتين!! أها يا معلم إنت اختفيت والجماعة
رشّوني مرّتين!!
بعدين إنت كاتب اسمكـ بلغة الفرنجة
فالترجمة الحرفية ليهو (فاستنق صن)!!
ودا الأخ غير الشقيق لـ (صن رايز ـ ما الوابل)
يا زول مشتاقين والله
| |
|
|
|
|
|
|
| |
محمد عبد الماجد الصايم
khaleel
معاوية الزبير
عابدون محمد عابدون
منتصر الامين
أمير فتحي
Fadl Karrar
أمجد الزين
علي الكرار هاشم
محمد على طه الملك
Osman Musa
قيقراوي
محمد أبوالعزائم أبوالريش
احمد محمد بشير
ناصر المحسى
عبدالكريم أحمد الامين
فتح الرحمن محمد
Hisham Ibrahim
فيس بوك
تويتر
انستقرام
يوتيوب
بنتيريست