|
|
 كتاب المطالعة الإبتدائية
|
أعزائي التلاميذ ترحب بكم إدارة المدرسة في هذا العام الجديد الذي نرجوا أن يكون حافل بكل الأنشطة الأكاديمية والثقافية..
طبعاً لأنكم في سنة ثانية الكلام الفوق دا كبير عليكم المهم نرجو من كل التلاميذ الكانوا معانا في سنة أولى بالإضافة للتلاميذ الجدد أن يجتهدوا غاية الإجتهاد لأني ما حا ارحمكم وسوطي يا هو دا.. 
|
|
  
|
|
|
|
|
|
|
 Re: كتاب المطالعة الإبتدائية (Re: khaleel)
|
Quote: دا ياتو كتاب
هل كتابي الاول بتاع امل وبدر وسهام والهام |
اها شوف العذاب ده ياسامي الكتاب قدامه ومكتوب فيهو الجزء الثاني (الصف الثاني الابتدائي) ويقول ليك كتابي الاول !!!
ادي قروشه وخلى يخش روضة الزريبة طوالي ...
| |
|
|
|
|
|
|
|
|
 Re: كتاب المطالعة الإبتدائية (Re: فايزودالقاضي)
|
جمال وفائز بالله أقعدوا ساكتين ما عاوز رجة من بداية السنة...
يعني حا أصرف ليكم الغلاف وما أصرف ليكم محتوى الكتاب؟؟
فائز بالله شيل ليك ورقة وأكتب لي المتأخرين كلهم..
السنة دي عندنا نقص في الكُتُب عشان كدا حا نصرف للفصل كله كتاب واحد..
| |
|
|
|
|
|
|
|
|
|
Re: كتاب المطالعة الإبتدائية (Re: خالد العبيد)
|
مرحب أستاذ خالد..
أها يا أولاد أبو الفصل جأ..
والله إنتو محظوظين لاننا كايسين أب لفصل ثانية (ب) المعلمين كلهم رافضين وقالو ديل بلادتهم يحجو بيها..
استلم نسخة الأستاذ من الكتاب يا خالد..
| |
|
|
|
|
|
|
|
|
|
Re: كتاب المطالعة الإبتدائية (Re: سامى عبد الوهاب مكى)
|
يحكى أن لعبد الجليل طفل كان يتركه مع الكـــــلب الوفي المسمى بأحمر حينما يذهب للزراعة ، وفي أحدى الأيام أتى ذئب جائع وكاد أن يلتهم الطفل وسرعان ما خبأ الكــــــلب الطفل بأكوام من القش وظل يقاتل بضراوة حتى أتى آخر أنفاس الذئب وقضي عليه .
وحينما عاد عبد الجليل لكوخه لمح الدماء تغطى أرجاء الكوخ ، وسرعان ما أعتقد أن الكـــــلب ألتهم طفله وسارع بعجالة وقضى على ######ه الوفي .
وماكان إلا لحظات وبدت صرخات الطفل من وسط كومة القش ، وأسرع نحو طفله ، والتفت جانباً ورأى الذئب مضرجاً في دمائه
وهنا أدرك عبد الجليل فداحة تسرعه
| |
|
|
|
|
|
|
|
|
|
Re: كتاب المطالعة الإبتدائية (Re: سامى عبد الوهاب مكى)
|
الذئب والبجعة
دعا الذئب البجعة لتتغدى معه ، ولما ذهبت إلى منزله قدم لها مرقة في طبق مفلطح . فوضعت البجعة منقارها في الطبق . ولم تقدر على الأكل . ولكن الذئب لحس كل المرقة . ثم نظر إليها وقال هل شبعت ؟ فقالت البجعة الحمد لله .
وفي يوم من الأيام دعت البجعة الذئب ليتغدى عندها ولما ذهب إلى منزلها قدمت مرقة في قلة ، فأراد أن يضع فمه في القلة فلم يقدر ولكن البجعة أدخلت منقارها ورقبتها الطويلة وأكلت المرقة ثم نظرت إلى الذئب وقالت له ، هل شبعت ؟ فقال : الحمد لله .
ثم خرج الذئب من بيت البجعة ، وذهب الى الثعلب وحكى له ما حصل . فضحك الثعلب وقال : أنت الذي بدأت بالخطأ ، والبادي أظلم
| |
|
|
|
|
|
|
|
|
|
Re: كتاب المطالعة الإبتدائية (Re: فايزودالقاضي)
|
| Quote: يامحمد مهرجل كيف وانا الالفه ؟!!!!! بعدين عبد الدائم مشى يعبي الازيار زي كل يوم عقاباً ليهو على الهرجلة .. |
الفة غير معترف به
معين تعيين في الدورة الأولى عشان المدير متزوج خالتو
في الدورة التانية ـ إنتخابات وبس ، وكمان ما تقول المدير منقول ، والله نحفر بيك حقارة
| |
|
|
|
|
|
|
|
|
|
Re: كتاب المطالعة الإبتدائية (Re: محمد علي البصير)
|
Quote: الفة غير معترف به
معين تعيين في الدورة الأولى عشان المدير متزوج خالتو
في الدورة التانية ـ إنتخابات وبس ، وكمان ما تقول المدير منقول ، والله نحفر بيك حقارة |
يا فلاحتك يالناجح المشاكل والهرجلة...ابشرك بإننا تقديراً لمجهوداتك الشريرة في زعزعة نظام الفصل قد قررت إدارة المدرسة أن تكون الطيش بصورة مستديمة...
هل تعلم إنك إنت والغفير فقط البتسفو تمباك في المدرسة دي..
| |
|
|
|
|
|
|
|
|
|
Re: كتاب المطالعة الإبتدائية (Re: سامى عبد الوهاب مكى)
|
يا فلاحتك يالناجح المشاكل والهرجلة...ابشرك بإننا تقديراً لمجهوداتك الشريرة في زعزعة نظام الفصل قد قررت إدارة المدرسة أن تكون الطيش بصورة مستديمة...
هل تعلم إنك إنت والغفير فقط البتسفو تمباك في المدرسة دي..
يا أستاذ أنا أكتب ليك المهرجلين تيجيبني الطيش
والله ألا اكلم ليك خالتي الشغالا في الوزارة تشتكيك للوزير ينقلوك من المدرسة
| |
|
|
|
|
|
|
|
|
|
Re: كتاب المطالعة الإبتدائية (Re: محمد علي البصير)
|
انتا يا فايز قايلنى قريت الابتدائى فى التاكا شرق
والله مدرستنا السجانة المزوجة الازيار بتاعتها كانت تعبى بالمواسير
واسفل الزير برضو ماسورة .... ما عليك الا تشرب طوالى
ده غير تلاجة الموية فى مكتب المدير
| |
|
|
|
|
|
|
|
|
|
Re: كتاب المطالعة الإبتدائية (Re: عبد الدائم سيد أحمد)
|
| Quote: والله ألا اكلم ليك خالتي الشغالا في الوزارة تشتكيك للوزير ينقلوك من المدرسة |
ذكرتني فصة طريفة حصلت في (الثانوي)
واحد من الأساتذة كلم الصول يجلد طالب لسبب ما..المهم صاحبنا المجلود دا زول سمين جد...
الجلد لمن إنتها قعد يتحكحك ورمى ليه دميعات وقبل على الأستاذ وقال ليه والله أكلم ليك أمي تجي تردمك يا حقار..
كلم خالتك وكلم الوزييييير وكلم لندن ذاتا...انا قنعت من مدرسة لم ينجح أحد دي...
الحصة شغالة والأولاد يمرقو يقبضو جراد..والمدرسة كلها حاشية سلطة اسود وطعمية ومربة قرع..
| |
|
|
|
|
|
|
|
|
|
Re: كتاب المطالعة الإبتدائية (Re: فايزودالقاضي)
|
Quote: وانت يا ود البصير فصلكم القاعد فوقو ده
مالو بشبة الطيارة .. نضيف وشبابيكو صغار |
يا عبد الدائم دا فصل خمس نجوم ، وعلى إرتفاع 35 الف قدم فوق مستوى سطح البحر
لكن لو شفتا الناس البدرسوا فيه ، كان ما إتشهدت با بتعاين
| |
|
|
|
|
|
|
| |
جمال الباقر
فايزودالقاضي
khaleel
خالد العبيد
عبد الدائم سيد أحمد
Fadl Karrar
منتصر الامين
عمار عبدالله عبدالرحمن
فيصل محمد خليل
محمد علي البصير
أمجد الزين
معتصم مصطفي الجبلابي
فيس بوك
تويتر
انستقرام
يوتيوب
بنتيريست