|
|
|
 Re: لو كنت مكان بعض الأعضاء هنا لإشتغلت رئيس جمهورية (Re: طلحة عبدالله)
|
لو كان الكلام عن السياسة فالواحد منهم موسوعة لا يجاري ولا يباري ..
لو مسكت الغناء فالسر قدور مقارنة بهم تلميذ في الروضة..
لو جينا للطب فناس بروف مامون حميدة والمرحوم أبو عبيدة المجذوب لايفقهون شيئا
في حضورهم ..
لو مسكت الرياضة فهم من اخترع الكفر وأسس ألعاب القوي وأول من لعب الكرة الطائرة..
لو تكلموا عن الأدب فالطيب صالح ومين ومين ديل أقزام في حضرة عمالقة ..
لهم في الحرب كلام..
وفي السلم كلامات ..
وفي الحب آراء..
وفي الزواج فلسفة ..
وفي الطلاق نظريات ..
وفي الرجال مراجع ..
وفي النساء مجلدات ..
يعلقون وينتقدون الجميع ..
هم الصح وغيرهم الغلط ..
يقينهم أنه لا أحد سليم أبدا إلا هم ..
انهم يتفوقون على أنفسهم ..
هم الخطباء المفوهين ..
الحكماء الراشدين ..
الأدباء المبهرين ..
أنهم سوبر السوبر ذاتو ..
يتبع .....
| |
 
|
|
|
|
|
|
|
|
Re: لو كنت مكان بعض الأعضاء هنا لإشتغلت رئيس جمهورية (Re: طلحة عبدالله)
|
ما تقوله انت غلط يستوجب الزجر والإستنكار حتي يثبت العكس ..
وما يقولونه هم صاح (رغم أنف أي حاجة) ويستحقون عليه وسام الإبداع
وجائزة نوبل للمنطق والحقيقة حتى وإن ثبت العكس ..
يشتمون في زقاق ثم يتحولون إلى حكماء وأصحاب مدينة فاضلة في الفضاء الرحب ..
يضيقون بالرأي الآخر لدرجة الانفجار وفي اللحظة التالية يرفعون شعار حرية الرأي
والتعبير ..
مخالفيهم أعداء يستحقون الرجم والتدخل الأممي وجوقة مطبليهم يجب أن تصنع لهم
تماثيل من ذهب وإهرامات تزار ..
يتبع ........
| |
|
|
|
|
|
|
|
|
|
Re: لو كنت مكان بعض الأعضاء هنا لإشتغلت رئيس جمهورية (Re: طلحة عبدالله)
|
زول بالقدرات المهولة دي كلها أكيد امو بتدعيلو صباح ومساء
والمفروض ما يقعد معانا هنا ويمش طوالي يشوف مكان الناس اللي
جاية من برة ديلك ويقعد معاهم واللا يعمل أية حركة مميزة كدا ..
شخصيا لو كنت زي الزول دا بمش طوالي أقدم عشان أشتغل رئيس جمهورية
واللا إن شاء الله أبنى الهواء قبب ...
ومال إيه ؟؟؟
انتو بتولوا إيه يا قماعة ؟؟؟
يتبع ...
| |
|
|
|
|
|
|
|
|
|
Re: لو كنت مكان بعض الأعضاء هنا لإشتغلت رئيس جمهورية (Re: فدياس نجم الدين)
|
Quote: لهم في الحرب كلام..
وفي السلم كلامات ..
وفي الحب آراء..
وفي الزواج فلسفة ..
وفي الطلاق نظريات ..
وفي الرجال مراجع ..
وفي النساء مجلدات ..
يعلقون وينتقدون الجميع ..
هم الصح وغيرهم الغلط ..
يقينهم أنه لا أحد سليم أبدا إلا هم ..
انهم يتفوقون على أنفسهم ..
هم الخطباء المفوهين ..
الحكماء الراشدين ..
الأدباء المبهرين ..
|
هو بالله رئيس الجمهورية بيفهم في ده كلوووووووو...
طلحة كل سنة وانت بخير...
| |
|
|
|
|
|
|
|
|
|
Re: لو كنت مكان بعض الأعضاء هنا لإشتغلت رئيس جمهورية (Re: فدياس نجم الدين)
|
وحاة الطلاق يا فدياس اخوي الظاهر بوستيني دا ح يكون زي البوستات التمانية والعشرة القاصدا دي
مكتوب علي أجاهد فيهو براي كدا ..
ياخ هو ذاتو أنا الوداني أتشالق شنو ؟
موش كان المفروض يخليني في كورتي زي ما قال اخوك الكريم طارق الأمين ؟
على الأقل يجيك زي ود البشرى تلففوا لفتين تلاتة ..
عليك الحرام بوستات الكورة دي أسحن منها مافي حتى ولو نط ليك محمد عمر جبريل
قرأ ليك ما بين السطور وجعلك شامتا راقصا فرحانا طربانا.
| |
|
|
|
|
|
|
|
|
 Re: لو كنت مكان بعض الأعضاء هنا لإشتغلت رئيس جمهورية (Re: طلحة عبدالله)
|
Quote: بالنسبة لي لبست الطاقية وجريت طوالي فتشت إرشيفي والحمدلله
لقيت أنو غير تنظيري في التيوة دي ما عندي الحركات التانية ديك ..
الا في ما ندر جدا جدا وللشديد القوي .. |
هيع ،،، خلوك تشك في روحك وكتاباتك كمان
عوافي عليهم
| Quote: الا في ما ندر جدا جدا وللشديد القوي |
أتاريها ريماز ميرغني دي شديدة شدة ،،،،، أكتر من كمال شداد ذاتو
| |
|
|
|
|
|
|
|
|
|
Re: لو كنت مكان بعض الأعضاء هنا لإشتغلت رئيس جمهورية (Re: طلحة عبدالله)
|
Quote: بالنسبة لي لبست الطاقية وجريت طوالي فتشت إرشيفي والحمدلله
لقيت أنو غير تنظيري في التيوة دي ما عندي الحركات التانية ديك ..
الا في ما ندر جدا جدا وللشديد القوي .. |
هيع ،،، خلوك تشك في روحك وكتاباتك كمان
عوافي عليهم
| Quote: الا في ما ندر جدا جدا وللشديد القوي |
أتاريها ريماز ميرغني دي شديدة شدة ،،،،، أكتر من كمال شداد ذاتو
| |
|
|
|
|
|
|
|
|
|
Re: لو كنت مكان بعض الأعضاء هنا لإشتغلت رئيس جمهورية (Re: طلحة عبدالله)
|
والله هنا في أعضاء عارفين كلو حاجه ومناضلين جنس نضوليه ..
تتكلم في التسالي ده .. التسالي الواحد ده .. يشبو ليك في حلقومك !!
ويمكن كمان يطلعوك كوز وإمبريالي وتحت تحت كده خريج معهد سكينه.
...................................................................................................
بعض الأعضاء هنا مش عايزين يشتغلو رئيس جمهوريه وبس ..
رئيس جمهوريه ومعارضه في نفس الوكت..
| |
|
|
|
|
|
| |
طلحة عبدالله
فدياس نجم الدين
أميرة فاروق عبد العال
محمد البشرى الخضر
Fadl Karrar
محمد قسم الله محمد
فيس بوك
تويتر
انستقرام
يوتيوب
بنتيريست