|
|
 بلاغ مدون ضد قناة النيل الأزرق ....
|
عارفكم ... ح تقولوا لي تستاهل ... وكمان زهجتنا ... انت البوديك تشوف القنوات دي شنو ؟؟؟!
أولا أنا ما مشيت أشوف أيتها قناة ... القنوات براها بتجيني في البيت !!!
وبعضكم يقول ... الدش ده ما مليان قنوات .. ما تغير للقنوات الأحسن ...
وأنا أقول ... يخربني ... ما عندي دش .. ما قادر أشتريهوا .. لعن الله الفقر ...
إذن ... مافي حل غير مصاقرة القنوات الأرضية ..
أظنني قد أفحمتكم وقرضتكم كمان ...
نرجع للبلاغ المفتوح .. الذي هو بخصوص برنامج عن الجمال بثته قناة النيل الأزرق
خلال عطلة العيد ... ثم امعانا في النكد قامت القناة بإعادة (إبتثاثه) مرة أخرى مساء أمس السبت ..
والجمال محور البرنامج (لسن هن بالطبع جمال الشيل والسبق) من فصيلة سفينة الصحراء و الذي منه ..
انما الجمال المقصود هو جمال الوش والمكياج والذي منه أيضا .. وعليه كان التركيز على جمال
حواء وكيف يمكنها أن تبدو أكثر نضارة و إشراقا .. رغما عن وجع وش بعضهن الذي لا تخطئه العين ....
أما حواء صاحبة وجع الوش ... فالجميع يسري عنها بأنه يكفيها جمال الروح !!!!
طبعا ده كلام ما بأكلهن عيش ... مش كده ؟؟!!!
ونواصل ....
|
|
  
|
|
|
|
|
|
|
|
Re: بلاغ مدون ضد قناة النيل الأزرق .... (Re: Hussein Mallasi)
|
Quote: استغرب كيف سمح المشرف على البرنامج – أياً كان – لذلك
الزوج (أبو برنيطة) بالتمدد على الكرسي بتلك الطريقة الخارجة |
ملاسي ...
كل سنة وانت طيب .. ليك وحشة كبيرة ...
انت ذكي .. صاح ...
ولماح ... صاحين ...
لكن تحرق لي البوست من أول (مداخلة) ؟؟؟؟؟؟
أها أنا تاني أنضم في شنو ؟؟؟؟؟؟؟؟؟؟؟؟؟؟؟؟!!!!
كان تنتظرني أتفشى شوية ياخي !!!!
عايز منك تعويض عاااااجل يا ملاسي !!!
| |
|
|
|
|
|
|
|
|
|
Re: بلاغ مدون ضد قناة النيل الأزرق .... (Re: محمد ابراهيم قرض)
|
قلنا أن الحلقة كانت على الجمال و نضارة البشرة و المنكعين ...
لذلك كان من الطبيعي أن تمت استضافة طبيبة تجميل ... وطبعا
دي دكتورة تخصصت في طب التجميل بعد حصولها على درجة
البكلاريوس في الطب و الجراحة ....
أيضا كان من الطبيعي أن تمت استضافة (خبيرة تجميل) كما تم
تعريفها على المشاهد .. وهي سيدة لها خبرة في عالم المكياج و المكيجة
وبالتالي تستطيع تحويل الوش الفسيخي الى شربات ....
ولو اقتصرت الضيافة على هاتين الضيفتين لما أثر ذلك على المردود
المتوقع من مثل هكذا حلقة ... لكن لا بأس أن تمت أيضا استضافة طبيب
اختصاصي كلى .. (وكلى هذه بضم الكاف وفتح اللام حتى لا تتحول
الى قرية كلي الشهيرة بريفي شندي) ...
و علمنا أن ذلكم الطبيب هو بعل طبيبة التجميل المستضافة .. لكن-والحق يقال-
فإنه قد أثرى الحوار بتوضيحه للعلاقة الوثيقة بين الكلى كجهاز إخراجي وبين نضارة
وسلامة البشرة ، وكيف أن الإهتمام بصحة الكلى من شأنه أن يحافظ على نضارة البشرة ..
يعني الرجل لم يكتف فقط بدور "مرافق" لزوجته في البرنامج ...
لكن ما بال الضيف الرابع صاحب برنيطة ملاسي ؟؟؟؟!!!
هذا ما سنصفح عنه في الحلقات القادمة .. بس بعد فاصل
إعلاني طويل !!!!
| |
|
|
|
|
|
|
|
|
|
Re: بلاغ مدون ضد قناة النيل الأزرق .... (Re: محمد ابراهيم قرض)
|
Quote: ملاسي وقرض
انا بفتح فيكم بلاغ انتو الاتنين لو ما جبيتو صورة للزول المبطوح او ابوبرنيطة ايا كان متيسرا |
محمد ابراهيم علي ..
كل عام و أنت بخير ...
وأنا كمان بناشد ناس ال IT
إنه يلحقووونا بصورة للراجل ده ...
أخوك جهلوووول شديد في الحاجات دي ...
ياريت واحد يتكرم وينزل لي صورة ليهو ..
وياريت (أكتر) تكون صورة كاملة من البرنيطة
لأخمص القدمين وذلك حتى يسهل على الجميع فهم
ما اقول ... تسلم ..
| |
|
|
|
|
|
|
|
|
|
Re: بلاغ مدون ضد قناة النيل الأزرق .... (Re: Hussein Mallasi)
|
السلام عليكم .. و الله يا قرض قرضتنا و ملاسى قرض بوستك و ما خلاك تفش غبينتك. . أنا احمد الله و اكون من الشاكرين ما شفت البرنامج و لا ابوبرنيطة .. لكنى قادر أتخيل محن الناس ديل.. برضو بكون سعيد لو لخصت لينا الفلم عشان نكون فى الصورة .. صديقنا ملاسى عندو مقدرة عالية فى الاحتمال و التلخيص ... كدى ادونا روقو بدون توم و شمار .. احكو لينا الفلم - اقصد البرنامج- من طقطق ، لى السلام عليكم .. و لا شرح الشعر يفسده ؟؟!. تحياتى و شكرى .
| |
|
|
|
|
|
|
|
|
|
Re: بلاغ مدون ضد قناة النيل الأزرق .... (Re: فيصل الباقر)
|
| Quote: السلام عليكم .. و الله يا قرض قرضتنا و ملاسى قرض بوستك و ما خلاك تفش غبينتك. . أنا احمد الله و اكون من الشاكرين ما شفت البرنامج و لا ابوبرنيطة .. لكنى قادر أتخيل محن الناس ديل.. برضو بكون سعيد لو لخصت لينا الفلم عشان نكون فى الصورة .. صديقنا ملاسى عندو مقدرة عالية فى الاحتمال و التلخيص ... كدى ادونا روقو بدون توم و شمار .. احكو لينا الفلم - اقصد البرنامج- من طقطق ، لى السلام عليكم .. و لا شرح الشعر يفسده ؟؟!. تحياتى و شكرى . |
جبت الكلام الفيهو الفايدة يا فيصل الباقر ...
انت عارف صاحبك ملاسي بتاع مناوشات ، وطبعا
دي مؤامرة كبيرة منه القصد منها منعي من تكملة
هذا البوست ، و أنت تعرف ملاسي وعلاقته "القليدة"
مع ناس النيل الأزرق ...
بسمع نصيحتك و أكمل الحكي بعون الله ...
وخلينا من ملاسي !!!
| |
|
|
|
|
|
|
|
|
|
Re: بلاغ مدون ضد قناة النيل الأزرق .... (Re: جمال خضر)
|
Quote: الأخ محمد ابراهيم قرض
كيف الحال
وكل عام وانتم بخير
شلهتونا وجهجهتونا وشوقتونا
لمعرفة الحاصل لأنى فى العيد
بركز على القنوات المصرية أكتر. |
ما قصرت يا جمال خضر .. غشيتنا في جميع المحلات ...
وما ح تتجهجه كتير ... بس شوية
كده و أفتوا ليكم ... تسلم ...
| |
|
|
|
|
|
|
| |
Hussein Mallasi
محمد عبد الماجد الصايم
محمد إبراهيم علي
جمال خضر
فيس بوك
تويتر
انستقرام
يوتيوب
بنتيريست