هنا ستجد .. في البورد ابواق الحـرب .. من يدعون انهم ينتسبون إلى الحركة الشعبية .. كلام خشم .. وهوا بارد .. بعض الموتورين الذين تعلو حلاقيمهم الآن .. وايدم في المويـة .. بعض الذين يزحفون زحفهم المقدس ناحية .. شوارع الحكم .. وفي مخيلتهم هزيمة المؤتمر الوطني عبر بوابة الحرب .. وزقتل المواطنين الأبرياء .. بعض المساكين .. المحبطين من التنظيمات الفاشلة التي حكمت من قبل .. وبعض الذين هم الآن .. الآن جالسون امام كيبورداتهم ويرسلون في الأخبار المزيفة كما ارسلوها من قبل .. من قتلوا الشهيد عبد الرحمن الذي لم نرى شهادته حتى الآن .. من هتفوا لخروج الناس بالشموع .. في ليالي الخرطوم .. شموعهم الرومانسية .. بعض الذين تسللوا خلسة .. خلال ما مضى من ايام يمجدون في دخول .. (فلــول) الحركة الشعبية بكل قدر وجبن وخيانة لقتل الأهالي .. وسرقة ونهـب الممتلكات .. يستوي هنا .. هؤلاء الذين لا مرتجى منهم .. وهم يصنعون لأنفسهم المجد من خلال كيبورداتهم .. كمراسلين حربيين في موقع سودانيزاونلاين .. يستوي هؤلاء مع .. الذين يقتلون في الأهالي الأبرياء الآن .. وانا اسمع صوت طلقات الرصاص من خلال هاتفي في اتصالي داخل مدينة الدمازين ..
09-03-2011, 09:03 AM
tmbis tmbis
تاريخ التسجيل: 10-19-2002
مجموع المشاركات: 24862
هل اكتفى بعض المناضلين .. الذين نازلوا حكومة الانقاذ الوطني .. هل اكتفوا بان يحارب عنهم بالوكالة بعض الأرزقية الذين يروجون إلى الحرب على المواطنين الابرياء العزل ..؟ لا اعتقد ان من له قضية يعتقد انها رابحـة لا يستطع أن ينالها حتى ولو بقوة السلاح .. السلاح عندما يتحدث .. يؤكد عجز الدبلوماسية .. تحدث السلاح لسنوات عديدة في ارض الجنوب وفي غاباته واحراشه .. خبرت قوات جيش السودان .. رغم أنف كل من يروج غلى عكس ذلك . كما خبرت قوات الدفاع الشعبي وهي قوات حكومة الجبهة الإسلامية التي تحكم السودان منذ العام 89 إلى الآن .. ولم تستطع مليشيات الحركة الشعبية هزيمتها .. وهي تتقدم الحركات جميعها .. حتى اصبحت تعبر بعض القلة المغيبة .. والتف حولها معظم فاقدي الحيلة .. ومن ضاع لهم الطريق .. إلتف بعضهم فعليا وأصبح البعض الآخـر .. يروج لإنضمامه للحركة ويعلن عن أنه الناطق الرسمى بها .. ويتبادل في الالقاب .. وهو في كرسية العاجز .. لا يقوى على منازلة صغار المؤتمر الوطني وهم يكيلون لهم الضرب على الرأس والضرب المبرح .. إذا كانت لغة الحرب هي اللغة التي ستستخدمها الحركة الشعبية .. مرة أخرى واستهلتها في أرض الدمازين وداخل احياء الدمازين .. كما فعلتها جماعات حركة الموز .. فإن الحرب تبتدي .. وتنتهي .. أو لن تنتهي .. لكن ستبقى دائما في ارض المعارض في سودانيزاونلاين وطن من لا وطـن له .. الخرافات والهتافات .. وسيبقى الشارع .. ويبقى الشجعان المقاتلين .. من أبناء القوات المسلحة .. وبقية التنظيمات الحاملة للسلاح في مواجهة .. العدوان المسلح على الاهالي في ممتلكاتهم .. وارواحهم .. وما بدا بالقوة لا يحسم إلا بالقوة ..
09-03-2011, 09:40 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
خطابك مشحون بتأثير صراعاتك في المنبر التى لم تستطع التخلص منها، لذلك تفتقد اصالة الموقف، فموقفك يأتي دائماً كردة فعل لصراعك القديم مع تراجي وهشام ومحمد سليمان وآخرين. انت تقول
Quote: إذا كانت لغة الحرب هي اللغة التي ستستخدمها الحركة الشعبية .. مرة أخرى واستهلتها في أرض الدمازين وداخل احياء الدمازين .. كما فعلتها جماعات حركة الموز .. فإن الحرب تبتدي .. وتنتهي .. أو لن تنتهي .. لكن ستبقى دائما في ارض المعارض في سودانيزاونلاين وطن من لا وطـن له .. الخرافات والهتافات .. وسيبقى الشارع .. ويبقى الشجعان المقاتلين .. من أبناء القوات المسلحة .. وبقية التنظيمات الحاملة للسلاح في مواجهة .. العدوان المسلح على الاهالي في ممتلكاتهم .. وارواحهم .. وما بدا بالقوة لا يحسم إلا بالقوة ..
الحركة الشعبية في الشمال ومتمثلة في رئيسها (الوالي المنتخب) مالك عقار، اجتمعت مع النظام لوقف اطلاق النار في جبال النوبة ولحل المشكلة، وانتهى الموضوع بتوقيع اتفاق اطاري، ولكن الحكومة ممثلة في عمر البشير رفضت الاتفاق الذي وقعه ممثل الحكومة الآخر عمر البشير، والذي واصل رفضه لكل المقترحات التى تم تقديمها له بواسطة الرئيس الاثيوبي.
لتذكيرك فقط الاخ تمبس
عمر البشير الضابط السوداني استغل رتبته وسلاحه في قيادة تمرد لصالح حزب الجبهة في التلتين من يونيو.
إذا كان صراعك هنا في هذا المنبر يجعلك لا ترى الحقيقة، فانت مثل الذين تشن عليهم هجوماّ.
الموقف الواضح جداً لهذا النظام هو الحرب ضد مواطنيه، في الغرب وفي الشرق، ولا اعتقد ان احداً سيلوم من يحمل السلاح.
بالامس راينا الناس يحملون السلاح ويسقطون القذافي، واليوم في السودان يحملون السلاح في جبال النوبة وفي دارفور وفي النيل الازرق لان عندهم قضية، وهذه القضية لم تحل. ولقد جنحوا للسلم فقيل لهم 0بلوا اتفاقيتكم واشربوا مويتها).
وبالمناسبة الذين يقاتلون ضد جيش الجبهة الاسلامية ليس لديهم حساب في سودانيزاونلاين ولا تعنيهم صراعاتكم هذه في شئ، الذي يعنيهم هو حقوقهم وسينالونها سواءاً بالحرب ام بالتفاوض والاتفاقيات حسب معطيات الواقع الذي يعيشونه، وليس التمنيات او الاحلام التى ترواد اعضاء هذا المنبر.
عاشرت هؤلاء الشباب وقاتلت معهم واعرف ان امنيتهم في هذه الدنيا هي ان تتوقف الحرب، واعرف انهم يحاربون عن حق، فإذا اراد احد استعلال حربهم هذه فهذا شأنه هو هم لن يتوقفوا عن النضال من اجل حقوقهم يوماً ما.
الحرب ليست نزهة وهذا ما يعرفه الذين يقاتلون تماماً. هذه الحرب هي قدر السودان ما دامت عقلية مثل عقلية الحركة الاسلامية تحكم هذه البلد.
القرى الواقعة خلف الخزان الذي يمد كهرباءه حتى الخرطوم ولكل القرى الواقعة في طريقه، لم تصلها هذه الكهرباء، لم تقام فيها مدارس وخدمات لسنوات عديدة، يسكنها اقوام مسالمون لم يحملوا السلاح في يوم من الايام، ولكنهم ظُلِموا (والله تعالي يأذن للذين ظُلِموا ان يقاتلوا) فلا احد يحب الظلم.
09-03-2011, 10:28 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: خطابك مشحون بتأثير صراعاتك في المنبر التى لم تستطع التخلص منها، لذلك تفتقد اصالة الموقف، فموقفك يأتي دائماً كردة فعل لصراعك القديم مع تراجي وهشام ومحمد سليمان وآخرين.
الأخ الصادق اسماعيل .. وما العيب في ذلك وما شأنك ان اتخلص منها أم لا ..؟ كما أن لي حرية ان اكتب واعبر عن وجهة نظري وفي إدارة صراعاتي مع من هم في صراع تجاهي .. هذا إذا شئت أن اتقبل تحليلك .. وما كتبته اعلاه كوصي علي طريقة تعاطيي في هذا المنبر .. ما كتبته اعلاه .. هو ما دفع بعضهم هنا لاستفزاز مشاعر البعض .. والوصول بهم إلى هذا المنعطف .. وأنا هنا اكتب للذين هم على درجة عالية من الوعي .. بحيث انهم يوجهون نصائحهم .. أو يقفون في وجه القبح مهما كان شكله .. لكن ليس من قبل التنظير فقط ..
Quote: الحركة الشعبية في الشمال ومتمثلة في رئيسها (الوالي المنتخب) مالك عقار، اجتمعت مع النظام لوقف اطلاق النار في جبال النوبة ولحل المشكلة، وانتهى الموضوع بتوقيع اتفاق اطاري، ولكن الحكومة ممثلة في عمر البشير رفضت الاتفاق الذي وقعه ممثل الحكومة الآخر عمر البشير، والذي واصل رفضه لكل المقترحات التى تم تقديمها له بواسطة الرئيس الاثيوبي.
.. انا غير ملزم بأن اقرا ما كتبته هنا وغير ملزم بأن استمع غلى عمر البشير .. كما اني غير ملزم أن التزم جانب مالك عقار أو ياسر عرمان .. كل طرف ياتي بما يؤيد جانبه .. وياتي با يفيده .. وهنا في البورد وقائع اخرى .. ياتي بها من تفيد خطه .. إنت في الحركة الشعبية واللا كـوز .. عشان تجيب لي الكلام دا تكتبو لي هنا دا ..؟ شكلك حركة لانو شايفك .. عاصر على تجاه عقـار دا .. ورامي اشاراتك شمال ...
Quote: إذا كان صراعك هنا في هذا المنبر يجعلك لا ترى الحقيقة، فانت مثل الذين تشن عليهم هجوماّ.
ما دخلك بصراعي من الآخرين يا سيد .. ومن أنت ؟ التزم حدك ولا تتدخل فيما لا يعنيك .. حتى لا تسمع ما لا يرضيك . لانو شايفك بتكرر في الاسطوانة دي اكتر من مرة..
Quote: وبالمناسبة الذين يقاتلون ضد جيش الجبهة الاسلامية ليس لديهم حساب في سودانيزاونلاين ولا تعنيهم صراعاتكم هذه في شئ، الذي يعنيهم هو حقوقهم وسينالونها سواءاً بالحرب ام بالتفاوض والاتفاقيات حسب معطيات الواقع الذي يعيشونه، وليس التمنيات او الاحلام التى ترواد اعضاء هذا المنبر.
.. طيب مش احسن الا تتدخل في الشأن الذي يهم الذين لهم حسابات في سودانيزاونلاين ؟؟ اذا اتركنا نحن وصراعاتنا ولا تستخدم سياسة العصى الغليظة على الاقل مع شخصي الضعيف .. لاني ليس من الذين يجيدون الاستماع إلى وصايا بعضكم هنا في هذا المنبر ..
Quote: عاشرت هؤلاء الشباب وقاتلت معهم
لا .. برافو عليك .. وقاتلت معاهم من كونك كـوز واللا حركة شعبية .. وقتلت كم واحد .. عندك احصائية دقيقة يا سيد الصادق ..؟
إنتو البورد دا كلو حركة شعبية وكيزان واللا شنـو ..؟ مافي شيوعي واحد حايم هنا دا ..؟ خلاص البورد عدم الشيوعيين والزملاء ..؟
09-03-2011, 09:40 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: من قتلوا الشهيد عبد الرحمن الذي لم نرى شهادته حتى الآن ..
و ماذا عن اولئك الذين قتلوا رمضان حسن نمر وزير مالية جنوب كردفان عن الحركة الشعبية و بعد يومين كان بيفاوض نافع على نافع في اديس ابابا؟ لو ما متذكر يا صديقي.. خبر اغتيال الوزير المعني بثته ميديا الإبادة العرقية التي تسمى الإنتباهة و ربابئبها من شاكلة المركز السوداني والإهرام..و اخر لحظة.. يعني كلهم كضابين يا صديقي..و اولى بك كسوداني اصيل تبصر الراي العام بالحقائق كما هي دون تحيز واضح لطرف دون الأخر؟..
الجيش السوداني يا علاء قسمه الأساسي المحافظة على تراب السودان متوحد..و طالما الحركة الشعبية قدرت تنزع ليها دولة بحالها.. فهذا يعني انتصار الحركة الشعبية على الجيش السوداني..و هو جيش يجب على اهل السودان ، لو جادين فعلا، ان يحاسبوه على اهماله و خنوعه ووقوفه متفرجا على غارات الطيران الإسرائيلي.. شفت الموضوع كيف يا صديقي؟..
العاطفة الرخوة من شاكلة الأطفال و الأبرياء قاعدين يموتوا.. ما الجديد في ذلك يا علاء؟.. الأبرياء بيموتوا طيلة العشرين سنة الماضية..و في كل هذه الفترة المؤتمر الوطني و الجبهة الإسلامية لاعب اساسي (بتاع محور ارتكاز عدييل كده)..و قاعد يقتل في الأطفال و الأبرياء يمين و شمال.. يعني جاي هسع داير تقول لينا أنو التانيين هم القاعدين يكتلوا الأطفال و الأبرياء؟..
الحرب يا علاء الدين ما ونسونا بيها ونسة في قعدة كوتشينة ولا لمة صحاب رومانسية..و الخراب يا حبيب ما قريناهو في الكتب و المنتديات..شفناه بعيونا و خبرناها في جلدنا الحي..و نحن ضحايا يا قريبي.. كان الأجدى بك ان تواسينا و لو بكلمة طيبة ساكت.ز بدل تجي تحملنا اخطاء القتلة و سفاكي الدماء..
اذا انت زعلان من نفر او نفرين.. الأفضل يا علاء ما تكتب نهائي... لأنك لمن تكاوي و تعمل زيهم.. ح تكون خسرت نفسك قبل أن تخسر الأخرين و الأخريات..احترمك لو قلت لا اعرف عن الحرب شي و اريد أن اعرف عنها و عن اثارها..و احترمك اكثر لو قلت لي عمري ما شفت مسارح الحرب..و اقيس الأمور بالخرطوم و التي لم تكن مسارح حرب..! اذا انت زعلان من موضوع العدل و المساواة الزمان داك.. فحقو يا صديقي تكون امين مع نفسك و تمشي تحوم السودان و تتأكد بنفسك ان ما فعلته الحركة لا يساوي واحد في المية مما فعلته حكومات الجبهة الإسلامية المتعاقبة..!
المهم يا صديقي..لازلت اتعشم أن تكون انت نفسك و فقط ..من غير ما تلبس ليك نضارات .. و معا من اجل وطن يسعنا جميعا بكل عيوبنا و احقادنا و احزاننا..!
كل سنة و انت طيب يا صديقي.. كبر
09-04-2011, 09:25 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: خبر اغتيال الوزير المعني بثته ميديا الإبادة العرقية التي تسمى الإنتباهة و ربابئبها من شاكلة المركز السوداني والإهرام..و اخر لحظة.. يعني كلهم كضابين يا صديقي..و اولى بك كسوداني اصيل تبصر الراي العام بالحقائق كما هي دون تحيز واضح لطرف دون الأخر؟
.. أولا انا لا اقرا للانتباهـة ولا اقرا لحريات .. ولا اقرا للصحف المشابهة لهم لمعرفتي التامة ماذا يكتبون بها وغلى اين يذهبون بها .. كما أن سودانيتي واصالتها يا كبر .. تحتم علي ايضا الا اقف تجاهالحركة الشعبية .. واتحيز لها فهي على اقل تقدير .. ربيبة المؤتمر الوطني وشريكة حكمـه لكن فقط ترون ما تودون أن ترونه .. فكل من يقول انه يحارب المؤتمر الوطني .. يجب الوقوف ضده .. لكن ، وللاسف الحركة الشعبية وصلت إلى ما تريده ... وفق ما دبر وخطط له علمائها ومنظريها واصبحت الآن ترسل في اشارات الدخـان لبعض الاغبياء .. للتهليل والتمجيد لها .. كما أن الاغتيال الذي تتحدث عنه ليس هو الاغتيال الأول .. ولن يقف .. بين كل الأطراف .. لكن يظهر فقط على السطح ما يخدم قضية كل طرف حتى وإن كان المتاجرة بالموت .. لا اعرف كيف قتل ما ذكرته أو على يد من لكن اعلم جيدا أن الحركة الشعبية تعرف كيف تقتل كما يعرف المؤتمر الوطني كيف يقتل .. وأنا غير ملزم بالوقوف إلى جانب الحركة الشعبية على الاقل انها ولا رة عبرت عني .. بينما المؤتمر الوطني عبر عني على الاقل في عدة اماكن آخـرها .. ما حدث في الدمازين الآن .. من دحـر لفلول الحركة الشعبية .. داخل المدينة ومطاردتهم .. فإذا كنت تملك أن ترى في انحيازي للمؤتمر .. فانا ايضا ارى فيك انحيازك للحركة .. وكل منا له البصيرة التي يعرف بها الأشياء ..
Quote: الجيش السوداني يا علاء قسمه الأساسي المحافظة على تراب السودان متوحد..و طالما الحركة الشعبية قدرت تنزع ليها دولة بحالها.. فهذا يعني انتصار الحركة الشعبية على الجيش السوداني..و هو جيش يجب على اهل السودان ، لو جادين فعلا، ان يحاسبوه على اهماله و خنوعه ووقوفه متفرجا على غارات الطيران الإسرائيلي.. شفت الموضوع كيف يا صديقي؟..
يا كبر ظل الجيش السوداني وسيظل هو الخط الأمامي للدفاع عن السودان .. ولكل حكومـة ما تراه من قوات تدعم فكرتها من مليشياء ومن قوات خاصة جدا بها .. والحال اشبه بالقوة التي تكون على خدمة رئيس الجمهورية من حراسة له والدفاع عنه .. وهي قوة يتم اختيارها وفق معائير جادة جدا ومختلفة تماما .. الحركة الشعبية لم تنزع .. إنما هي مواثيق اتفق عليها الطرفان .. وبينما ترى انت انها انتزعت .. يرى البعض انها قررت مصيرها .. وانا ارى ايضا ان هذا افضل حالا لكل الأطراف .. وتبقى هنا شي مهم هو وقوف كل جانب في حده .. اهل السودان يا صديقي لا يعرفهم اهل البورد هنـا .. من كان فيهم على قدر صغير من الثقة بالحركة الشعبية .. فهو قد فقدها ابان فترة الانتخابات بعد أن عولو عليها من باب ، خلينا نجرب .. وهذا التعويل قوبل بي خهذلان كبير جدا .. وفي نفس الوقت لم يقوموا اطلاقا بالتخلي عن جيشهم الوطني هو نفس الجيش الذي يدافع عنهم .. وهم الآن يدعمونه حتى معنويا تجاه الحركة التي كاو يعولون عنها بالأمس .. وسيرى الجميع ذلك على ارض الواقع .. فقد تكرر مرارا وتكرارا .. وسيتكرر في كل الحالات المماثلة .. تكرر في حركة العدوان على امدرمان من جانب مليشيا خليل .. ومن جانب الانفلات الذي حدث في ميدنة المهندسين من قبل .. وسيتكرر .. ويتكرر .. ومن يبحث عن حساب للجيش السوداني .. يجب عليه اولا ان يرى حال الجيش قبل وبعد ، ويرى كيف كان الجيش عندما فقد هيبته فترة ما تسمونه بالديمقراطية .. تلك الفترة المضحكة جدا في تاريخ الشعب السوداني وفي تاريخ جيشه .. هي نفس الفترة التي توغلت فيها نفس الحركة الشعبية التي فعلا اتصالح فيها مع ما ذكرت انها كانت كل لحظة والثانية تستولى على شبر من الأراضي .. وبمساعهدة ومعاونة الدعم الخارجي .. الاسرائيلي والأمريكي الدعم المؤسس.. اما ما ذكرته عن الاعتداء الاسرائيلي .. فهو حديث يتكرر .. اشبه بما حدث في هجمات حداشر سبتمبر .. على اكبر دولة في الدنيا تقوم بحياكة المؤامرات على الدول .. فماذا فعلت امريكا .. ؟ وهل وجب التصدي لي اسرائيل اولا .. حتى تاخد الحكومة براءة ضربها للحركة الشعبية وهي تهاجم الابرياء والعزل .. ؟ ما هذا المنطق العجيب يا صديقي ؟؟ القسم الرئيسي الدفاع عن ارض الوطن .. فهاهي القوات المسلحة تقوم بواجبها على اكمل وجه ..
09-04-2011, 10:28 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: العاطفة الرخوة من شاكلة الأطفال و الأبرياء قاعدين يموتوا.. ما الجديد في ذلك يا علاء؟.. الأبرياء بيموتوا طيلة العشرين سنة الماضية..و في كل هذه الفترة المؤتمر الوطني و الجبهة الإسلامية لاعب اساسي (بتاع محور ارتكاز عدييل كده)..و قاعد يقتل في الأطفال و الأبرياء يمين و شمال.. يعني جاي هسع داير تقول لينا أنو التانيين هم القاعدين يكتلوا الأطفال و الأبرياء؟..
وما ل اجي اقوليك متين ؟؟ انا لا اتحدث عن عاطفة هشة ولا رخوة ولا اعرف هذه اللغـة .. لكن الذي اعرفه تماما .. كثير عن تاريخ الحركة .. في اغتيال الاطفال والابرياء .. منذ زمن بعيد .. لكن العاطفة دائما هي التي دفعت بنا إلى هذه المرحلة .. عند الحساب .. يأتي مثقف أو ربع مثقف ليحاضرنا عن .. ياخ والله دا جنوبي .. مسكين ما تسالوهو .. يا كمان يجيني مثقف زي الكان بتناقش معاي وقالي والله الحل في المشكلة دي انو الناس كلها تعتذر للشعب الجنوبي .. قلت ليهو ياتو ناس ديل ..؟ وناس سنة كم ومواليد سنة كم ؟؟ ارجو ان تعيد النظر في ما كتبته عن خطابي العاطفي الرختو .. فهذا غير مكانه .. وليس من الذين يستدرون العطف كما يعيش بعضهم هنا على ذلك من المنظمات الأمريكية بالخارج .. بالصور للموتى والاطفال .. وليس هناك اي رابط يجمعهم .. وما اصحاب وجعة .. هكذا تدولت مشكلة دارفور من بعضهم .. وذلك نتاج اختلاف اللصان .. ابناء الحركة الاسلامية حال ركلهم من الخلف وجدوات ضالتهم ويعرفون كيف تؤكل الكتف .. هربوا الأطفال ، وقتلوا الأطفال في المعكسرات . .. واتوا بهم حتى إلى الخرطوم نيتهم اسقاط الحكومة بهذه الأرواح .. لكن النهاية شنو ؟؟ عويل وكواريك في المنبر .. كتلو الاطفال وضربوا الأطفال .. نفس المسالة تخاطبني الآن ولكأني استجدي .. الحرب هي الحرب .. ومن يتنادى لحمل السلاح لاسقاط الحكومة .. وجب عليه تحمل نتائج ذلك .. وفي النهاية الضحايا هم الابرياء والعزل .. ليس ياسر عرمان ولا عقار .. ولا البشير ولا علي عثمان ..
Quote: الحرب يا علاء الدين ما ونسونا بيها ونسة في قعدة كوتشينة ولا لمة صحاب رومانسية..و الخراب يا حبيب ما قريناهو في الكتب و المنتديات..شفناه بعيونا و خبرناها في جلدنا الحي..و نحن ضحايا يا قريبي.. كان الأجدى بك ان تواسينا و لو بكلمة طيبة ساكت.ز بدل تجي تحملنا اخطاء القتلة و سفاكي الدماء..
. يا سيدي واسيت نفسي مية مرة قبل ِأن اواسيك .. وهل القتل يتم بالرصاص فقط .. ؟ منذ ان حيينا .. حيينا موتى .. ادمان نخب فاشلة .. دورات حكم مخزلة .. لا تعتقد ان الموت الذي رايتوه كما ذكرت كان بعيد عنا .. متنا مية مرة .. إلا أن الاختلاف كان بالوسيلة .. ثم انني واسيت ما استطعت وأنت تعرف ذلك جيدا .. اذا كانت المواساة بهذا الكيبورد .. فلك أن تبحث .. وانت سيد العارفين .. لانو كلامك دا لو كتبو لي واحد غيرك زي ناس يحى دا والله كان صدقتو .. لكن يغلب دائما فقه التكتل .. فقط عند اختلاف وجهات النظر .. تكثر السكاكين .
Quote: اذا انت زعلان من نفر او نفرين.. الأفضل يا علاء ما تكتب نهائي
منطق خاطي .. خاطي جدا .. نقطة الموية بتهد ليها جبل .. إذا كان لا يعجبكم ما اكتبه الآن في الفين وحداشر .. انظر للتحولات التي دفعنا لها دفعا من الثوار الكيبورديين .. ولحجم التصدي .. هتفنا مية مرة أن يوم زي دا ح يجي .. والانقاذ ورمت وكبرت بي مناضلين الكيبورد .. قابضي الكاش حقهم .. الوهم القاعدين وما عارفين الساعة كم ولا ضاقو ليها حارة .. النوعية البتكورك الانقاذ سوت لينا والانقاذ عملت لينا وفي اقرب ملف تلقى الواحد سايق عربية الانقاذ .. وجيبو مليان .. ويجي يعمل لينا فيها هنا دا ابو عرام ..
Quote: لأنك لمن تكاوي و تعمل زيهم.. ح تكون خسرت نفسك قبل أن تخسر الأخرين و الأخريات.
.. ان لا اكاوي فرتكان ولا علان انا اكتب لاعبر عن نفسي عن مدى حنقي بهذا العالم العجيب من المناضلين الذين هم اس المشكلة .. من جماعات اسلامية قديمة لي ارزقية لي سكارى وحيارى كذابين ومنافقين للاسف يضيعوا في القضايا العادلة .. بالكذب والنفاق .. انا لا اكتب من أجل ان اكسب ود احدهم .. ومن كان يريد ان يخسرني فله ما يشاء .. ح يزيد فيني شنو واللا ح ينقص فيني شنو .. تهمني قناعاتي الشخصية التي لا انافق بها احد .. وبالمقابل انا على اهبة الاستعداد ان اخسر في كل نقرة كيبورد .. مليون شخص .. لكن يكفيني ان ارضي نفسي وما تدفعني له نفسي .. انا ليس هنا من أجل ان اكسب ود فلان او فلانه .. ولا من أجل ان انافق فلان او فرتكان .. ليس هي الأمور عندي بهذا الشكل ..
Quote: احترمك لو قلت لا اعرف عن الحرب شي و اريد أن اعرف عنها و عن اثارها..و احترمك اكثر لو قلت لي عمري ما شفت مسارح الحرب..و اقيس الأمور بالخرطوم و التي لم تكن مسارح حرب..!
.. لا ابحث عن احترامك يا كبر .. لو جردتني مما اعرف .. مثل ما يفعل البقية .. احترمك ايضا حال ان تعرف قدري تماما .. واي منطقة انطلق منها .. واي معرفة احملها .. وما دون ذلك .. لا يعنيني منك في شي اطلاقا ..
Quote: اذا انت زعلان من موضوع العدل و المساواة الزمان داك.. فحقو يا صديقي تكون امين مع نفسك و تمشي تحوم السودان و تتأكد بنفسك ان ما فعلته الحركة لا يساوي واحد في المية مما فعلته حكومات الجبهة الإسلامية المتعاقبة..!
... والله يا كبر انا ما زعلان ولا من حركة ولا من عدل ومساواة .. لاني عارف انو اي حاجة ليها طريقة معالجة .. اها لما الواحد يجي يتكلم ويعبر عن نفسو حقو الناس ما تصنفو بي الطريقة البتعجبم .. والما بيعنيهو الامر بتاع الجدال دا مفروض يقعد بعيد شوية ويعاين بس ويتفرج ..
Quote: المهم يا صديقي..لازلت اتعشم أن تكون انت نفسك و فقط ..من غير ما تلبس ليك نضارات .. و معا من اجل وطن يسعنا جميعا بكل عيوبنا و احقادنا و احزاننا..!
كل سنة و انت طيب يا صديقي.. كبر
وانت بالف خير يا صديقي .. فانا .. هو انا ابحث عن قيمة العدل ووطن معافى بعيد عن الاطماع الفردية وبعيد من الموت والدمار .. سلام دائم .. لكن حال ان يتجاوز بعضهم الخط .. سيجدني في الخط المناسب لحشره في المكان الصحيح .. وهذا ما اقوم به بما املك من امكانيات ضعيفة جدا لكن كبيرة داخلي .. بحجم اعتقادي في نفسي ..
09-03-2011, 09:41 AM
tmbis tmbis
تاريخ التسجيل: 10-19-2002
مجموع المشاركات: 24862
سلام تمبس هناك مشكلة وهي ان الكثيرين من المناضلين لايفكرون الا فقط في اسقاط النظام , في حين ان تائدهم للحرب بهذه الطريقة سيقوي راس الاخرين ويدفعونهم دفعا لتجزئة السودان كما فعلوا سابقا ومن بعد ذلك يبكون علي التقسيم !!! طبعا هذا بافتراض ان المنبر هذا هو من يغير الحكومات ..
09-03-2011, 10:00 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: سلام تمبس هناك مشكلة وهي ان الكثيرين من المناضلين لايفكرون الا فقط في اسقاط النظام , في حين ان تائدهم للحرب بهذه الطريقة سيقوي راس الاخرين
يعني نفهم من كده ما داير اسقاط النظام؟..و بعدين النظام يسقط لي شنو؟..يا خي خليهو في محلو..لكن التانين كمان اديهم فرصة يقطعوا وشهم منك و من النظام.. لازم الأخرين راسهم يكون قوي.. عشان يا حرقنا كلنا.. يا كمان اشترينا لينا فهم عشان البلد تمشي لي قدام.. تاني ما دايرين تحنيس.. على المؤتمر الوطني يلم كل ما يستطيعه..و يتحمل النتائج..مافي حاجة تاني نحزن عليها يا قريبي..ابادة عرقية شبعنا فيها.. تطهير عرقي شبعنا فيهو..جرائم حرب.. شبعنا فيها..حور عين (دي تبعكم طبعا)عرسنا وتنينا و ربعنا و طلقنا..و عدنا نمشى في الأسواق و ناكل الطعام مثل بقية خلق الله.. يعني تاني مافي حاجة نحرص عليها سوى الإنعتاق من مذلة الإستعلاء..!
Quote: ويدفعونهم دفعا لتجزئة السودان كما فعلوا سابقا ومن بعد ذلك يبكون علي التقسيم !!! طبعا هذا بافتراض ان المنبر هذا هو من يغير الحكومات ..
يدفعوا منو يا شيخنا؟.. المؤتمر الوطني ما داير ليهو دفرة.. براهو قاعد يسوط الأمور..و اذا شارك في انقسام اخر برضك ح يتحمل المسئولية.. سؤال برئ: يعني انفصال الأجزاء ده ما ممكن يكون باخوي و اخوك؟.. زول يقول ليك ما داير دغمسة..و لمن تقول ليهو فتك بعافية.. يقعد يبطبط اتمردوا..و شنوا حرب..و بطيخ؟؟..العالم دي نصيحة؟..
كل سنة و انت طيب يا حبيب.. كبر
09-03-2011, 10:15 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
Quote: يعني نفهم من كده ما داير اسقاط النظام؟..و بعدين النظام يسقط لي شنو؟..يا خي خليهو في محلو..لكن التانين كمان اديهم فرصة يقطعوا وشهم منك و من النظام.. لازم الأخرين راسهم يكون قوي.. عشان يا حرقنا كلنا.. يا كمان اشترينا لينا فهم عشان البلد تمشي لي قدام.. تاني ما دايرين تحنيس.. على المؤتمر الوطني يلم كل ما يستطيعه..و يتحمل النتائج..مافي حاجة تاني نحزن عليها يا قريبي..ابادة عرقية شبعنا فيها.. تطهير عرقي شبعنا فيهو..جرائم حرب.. شبعنا فيها..حور عين (دي تبعكم طبعا)عرسنا وتنينا و ربعنا و طلقنا..و عدنا نمشى في الأسواق و ناكل الطعام مثل بقية خلق الله.. يعني تاني مافي حاجة نحرص عليها سوى الإنعتاق من مذلة الإستعلاء..!
يا كبر في راي انه ليس الموضوع الذي اتحدث فيه اسقاط النظام من عدمه وانما اتحدث عن دعم الحرب في مناطق قابلة للانفصال !! تاني شئ اسالك مباشرة هل تري ان سقوط حكومة البشير ستعود بعده البلد جنة بلا حروب ؟؟ ويا قريبي الحرب لم تشمل بيوتا معينة في السودان فليس هناك من سلم من الحرب بل يكاد يكون كل بيت فقد ابنا او اكثر فكلنا في الهواء سواء وان بدأ الامر لك خلاف ذلك ..
Quote: يدفعوا منو يا شيخنا؟.. المؤتمر الوطني ما داير ليهو دفرة.. براهو قاعد يسوط الأمور..و اذا شارك في انقسام اخر برضك ح يتحمل المسئولية.. سؤال برئ: يعني انفصال الأجزاء ده ما ممكن يكون باخوي و اخوك؟.. زول يقول ليك ما داير دغمسة..و لمن تقول ليهو فتك بعافية.. يقعد يبطبط اتمردوا..و شنوا حرب..و بطيخ؟؟..العالم دي نصيحة؟..
اها يا حبيب نعمل شنو بمسئولية المؤتمر دي ؟؟ لو علقنا كل اهل الانقاذ في ميدان عام هل سيعود الجنوب مرة اخري ؟؟ من حقنا نفكر في مسئوليتنا تجاه بلدنا بغض النظر عن الواقع الضيق الذي تعيشه .. ورد علي سؤالك , لماذا اصلا الاتفصال وتقسيم بلد كان يسمي السودان ؟؟ هل لان الانقاذ هي من اراد ذلك ونحن فقط علينا التنفيذ ؟ ام انها حمي الانفصال التي" تتاورنا" كل فترة ؟؟
وكل عام وانت ومن تحب بالف خير..
09-03-2011, 09:55 AM
يحي ابن عوف يحي ابن عوف
تاريخ التسجيل: 05-25-2002
مجموع المشاركات: 6335
نفس الاتهام عندما كان القتال من شرق السودان وكذالك القوة الوطنية فى الشمال الاقصى المناصير والمحس وكوش وحركة تحرير هامش الشمال ودارفور خونه وعملاء واعداء الدين والوطن هي أزمة الخطاب الرسمي حين لا يوفّر الحقائق بطريقتها الصحيحة .. نعرف كيف يدار الخطاب ..مع غياب كبير لمعلومات مهمة يحتاجها المواطن السودان
هذه هى صور القتلة لكل من يعتدى على الانقاذ
09-03-2011, 10:00 AM
tmbis tmbis
تاريخ التسجيل: 10-19-2002
مجموع المشاركات: 24862
لكان من يسمع حديثك ويقرا كتابتك ويشوف صورك يقول خلاص جاب الديب من ديلو .. واوقف الحرب .. وما أنت إلا مجرد واحد من الخوارج اياهم .. ليك مدة ما بنته .. اين مكانك في الغابة .. واللا من خلف الكيبورد .. ؟
نفس القتلى هم الذين قتلتهم مجموعتك ايضا .. وجماعتك ..
دع هذه الصور تقاتل عنك .. وتعال بالمزيد .. فمعظمكم تجار حــرب ..
09-03-2011, 10:16 AM
awad okasha awad okasha
تاريخ التسجيل: 07-15-2007
مجموع المشاركات: 3876
فعلآ الموضه الجديده هذه الايام هي دفاع الخجول عن النظام تحت ستار الاستقلاليه والحيده والحرص فقط علي مصلحه السودان فبعد ان يدبج احدهم بخطبه عصماء عن استقلاليته ولاباس هنا من يظهر بعض نقاط الهشه والشكليه في الخلاف مع الحكومه لزوم زرالرماد في الاعين ممارسة النظام وتصريحات رموزه هى التى فرضت على الحركة رفع السلاح من هو المسئول انه البشير ونظامه الدموى فى التدهو العام فى كل الجوانب اقتصادية واجتماعية وسياسية وتاجيج نيران الحرب من هو الذى قتل وعذب المواطنيين السودانيين هو النظام الدموى للبشير والخرطوم
09-03-2011, 10:49 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: فعلآ الموضه الجديده هذه الايام هي دفاع الخجول عن النظام تحت ستار الاستقلاليه والحيده والحرص فقط علي مصلحه السودان
لا وانت الصادق .. الموضة الجديدة أن يخرج من هم على شاكلتك .. ليعيدوا امجاد الحرب من جديد .. يخرج امثالك .. ليذكرونا بماضي الحـرب القديم .. تخرج الآن .. وفي جعبتك .. ملفات الصور .. صور الموت .. عشان شنو ما عارف .. وطبعا تلقاك لافي بيها في البوستات كلها .. وتشيل وتلصق .. موضتك بتاعت تلصيق الصور دي عاملة زي الموضة بتاعت قمصان التحرمني منك .. والجزمة الدبابـة .. الناس خلته من سنة اسكت ..
09-03-2011, 11:06 AM
يحي ابن عوف يحي ابن عوف
تاريخ التسجيل: 05-25-2002
مجموع المشاركات: 6335
لا وانت الصادق وتبقى هذه الأسئلة موجه الى الانقاذ وذناب الانقاذ من هم على شاكلتك
والي متي تتجاهل الانقاذ أرادة.شعبها وقيمه ومثله وتعالج أزمات البلاد الي متي يرهن البعض ضميره وقلمه للانقاذ من هم على شاكلتك مزينا باطلها مطبلا لدعاويها والحديث عن تخبط وتناقض النظام مفردات الواقع اليومي ويبقي السؤال عن موقف أزيال وأبواق الانقاذ والذين يمررون أجندة الانقاذ من هم على شاكلتك لماذا ظلت الانقا وكوادرها وكومبارسها-يتنكرون لتلك الجرائم وخطه الدعائي وينفون حدوث المجازر والمحارق ...؟؟؟؟؟
09-03-2011, 12:08 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: لا وانت الصادق وتبقى هذه الأسئلة موجه الى الانقاذ وذناب الانقاذ من هم على شاكلتك
التحية لغرسلياني القائد الطلياني في مقولته العظيمة .. اخيرا قد خرج امثالك من الجحـور .. طمعا في قطعة الجبــن .. الذين يريدونها باردة .. ارالك توقف عطاءك في الصور .. رديت لي اسكيتو ساكت .. مافيها صور المرة دي لييه ..؟ ..
Quote: عن موقف أزيال وأبواق الانقاذ والذين يمررون أجندة الانقاذ من هم على ش
عاين يا بتاع الحركة الشعبية إنت .. يا ديناصور العصر الحجري .. ما تكتبه بلا شك يعبر عن شخصيتك المهزوزة .. فمعظمكم اعرف تماما الحالة التي يكتبون فيها في مثل هذه الظروف .. بفعل المخدر .. عن نفسي استمتع عندما اجد امثالك هنا من العصر الحجري يعاودوا نفس الخطاب القديم .. بنفس اللغة الركيكة وقد هزمتهم الانقا الآف المرات وهزمتهم الحركة الشعبية أو حركة التمرد .. عندما ركلتهم من مؤخراتهم بعنف .. ابان الانتخابات .. واصبحوا في حيرة من امرهم .. امثالك يا بوق الحرب لا تتجرا ان تطالب الحركة الشعبية بي ادنى حقوقك وإنت الذي رايتك من العام 2002 تهلل بي اسم الحركة . امثالك لو رفع راسو .. في دولة الجنوب .. راسمالك طلقة في نص راسو العايز ترفعوا دا .. ويجدعوك في نهر السوباط العظيم .. أو تترك لتاكلك الصقور .. والمرافعين .. لكن لا اعتقد ان المرافعين والصقور .. وبالرغم من حبها للجيف .. تستطيع ان تتذوق قطعة من لحمك .. لاعتقادي انه لا يصلح حتى لاطعامهم ..
09-03-2011, 10:22 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: نفس القتلى هم الذين قتلتهم مجموعتك ايضا .. وجماعتك ..
دع هذه الصور تقاتل عنك .. وتعال بالمزيد .. فمعظمكم تجار حــرب ..
الاخ تمبس
الموت دا قاعد وبيحصل كلو يوم في السودان
ن عشان كده قصة تجار حرب والكلام دا ما بفيد، ومافي زول بيمشي يموتعشان زول تاني، وزي ما انت قاعد بتكتب بس التاني بيجي يكتب برضو، لكن صدقني ما في زول بشيل سلاح عشان في زول كتب في سودانيزاونلاين، داير تصفي حساباتك مع ناس هنا في سودانيزاونلاين(ما في مشكلة) اتناقروا لمن الله يغفر ليكم.
داير الحاصل في السودان على حقيقتو، يا هو دا ناس مظلومين وبيفتشوا في حقهم، وحقهم دا حيقلعوا كان تفاوض كان دواس.
انا القدامك دا شلت سلاح وحاربت نظام الجبهة، يعنى بتكلم عن الحرب من باب عرفة، اها الحرب دي ما في زول بيدورا واولهم الناس الشايلين سلاح، لكن لمن تجيب ليها ظلم وحقارة، الناس دي مستعدة تموت وتحارب عشان ما يحصل ليها البيحصل دا.
داير زي ما قلت ليك تقول رايك في الحاصل في البلد، اخج ليك خفسة اقرا الواقع وتعال.
داير تشوف السودان من خلال المنبر دا ، ما حتنتجك ليك اي خطاب موضوعيوعادل، لانو المحركك هنا هم خصومك في المنبر دا. لكن زي ما قال ليك (كبر)، على الاقل واسي الناس البيموتوا سمبلا ساكت بسبب سياسات المؤتمر الوطني.
09-03-2011, 10:44 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: داير تصفي حساباتك مع ناس هنا في سودانيزاونلاين(ما في مشكلة) اتناقروا لمن الله يغفر ليكم.
طيب اطلع منه . مالك عايز تجي تعمل فيها فلكي .. وبتاع علوم سياسية .. وبعدين ياخ انت ما بتحدد لي اصفي حساباتي مع منو أو مع منو ..
Quote: الحاصل في السودان على حقيقتو، يا هو دا ناس مظلومين وبيفتشوا في حقهم، وحقهم دا حيقلعوا كان تفاوض كان دواس.
والله دي ما بتوريني ليها إنت .. لانو لغتك اعرفها جيدا .. وإن حاولت ان تجملها .. ما إنت البتوريني الظلم الحاصل في السودان .. والله مش تقول لي قاتلت معاهم .. لو انقلبت رصاصة عديل كدا وخشيت ليك في بطن كلاشنكوف .. بعض الذين هم من امثالك يعتقدون ان لهم حق الكلام والتنظير فقط .. وذلك لانهم حملوا السلاح زي ما بتقول وقعدت مع المقاتلين .. طيب مش احتمال انا القدامك دا اكون برضو حملت سلاح وقعدت مع المقاتلين ديل ..؟ شنو جاي داشي لي كمية بتاعت كلام .. وعايز توريني انك في الحركة الشعبية أو في نمور التاميل ..؟
Quote: انا القدامك دا شلت سلاح وحاربت نظام الجبهة، يعنى بتكلم عن الحرب من باب عرفة، اها الحرب دي ما في زول بيدورا واولهم الناس الشايلين سلاح، لكن لمن تجيب ليها ظلم وحقارة، الناس دي مستعدة تموت وتحارب عشان ما يحصل ليها البيحصل دا.
..الاقتباس دا وديهو فوق .. واقرا الكلام الفوق بي تحت ليهو .. اهو الواحد النبؤة حقتو صدقت .. طلعت حركة شعبية وكنت شريك .. شكلك من النوع الكان سايق دبابة كمان .. اقوليك حاجة انا القدامك دا ذاتي شلت سلاح وحاربته .. اهـا بس علشان تبطل ترسل لي ف اشاراتك السالبة دي عن انك مقاتل والله الخلقني .. إنت قايل نفسك براك الشلت سلاح ؟؟ الدنيا دي كلها شالت سلاح ..
Quote: على الاقل واسي الناس البيموتوا سمبلا ساكت بسبب سياسات المؤتمر الوطني.
.. ما بيني وبين كبر اطلع منو إنت . فما يعرفه كبر عني اكبر مما تعرفه عني انت يا مقاتل .. كما انني اعرف جيدا ان اواسي من اواسيه .. ومتى وكيف ..
كف عن التنظير إذا تكرمت ..
كنت احترم الكثير من كتاباتك .. ولا احترم بعضها لكن الآن .. جعلتني في تجاه آخـر .. سوف اضعه في الاعتبار لاحقا.. من هنا ولي قدام ..
09-03-2011, 10:47 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: كما أن لي حرية ان اكتب واعبر عن وجهة نظري وفي إدارة صراعاتي مع من هم في صراع تجاهي .. هذا إذا شئت أن اتقبل تحليلك .. وما كتبته اعلاه كوصي علي طريقة تعاطيي في هذا المنبر
الأخ تمبس ما جعلني أن اكتب ما كتبت هو هذه الحرية، وانا اعبر عن وجهة نظري، وأنا لم اقل اني وصي عليك وعلى ما تكتبه، وفي نفس الوقت لا استطيع ان امنعك من تفسير كلامي كلامي بالشكل الذي تريده.
أنا عضو في هذا المنبر واعبر (مثلك تماماً) عن وجهة نظري في ما يكتبه الأعضاء هنا، وكلامي ليس قرآن منزل، وهو قابل للرد والأخذ.
أنا كتبت هذا الموضوع هنا في هذا البورد وأنا علقت عليه. وسأظل اعلق على ما آراه يستحق التعليق من وجهة نظري، ولك كامل الحق في التعليق ايضاً على ان نلتزم كلانا بآداب الحوار والاحترام المتبادل.
نعم أنا عضو في الحركة الشعبية، واقدم رؤيتي لما حدث في الدمازين، وما قلته هو رأي، فأن تأخذ به او تسفهه هذا شأن يخصك وحدك. وما يخصنى هو أن اتداخل مع اي عضو اري أن لي ما اعلق عليه في طرحه.
سأظل اكتب بحرية ما أراه، وسأظل احترم الرأي الاخر فيما اكتبه في حدود الإحترام المتبادل والحوار الذي يميليه علينا وجودنا في هذا المنبر، حيث اننا نكتب للآخرين.
09-03-2011, 10:59 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: الأخ تمبس ما جعلني أن اكتب ما كتبت هو هذه الحرية، وانا اعبر عن وجهة نظري، وأنا لم اقل اني وصي عليك وعلى ما تكتبه، وفي نفس الوقت لا استطيع ان امنعك من تفسير كلامي كلامي بالشكل الذي تريده.
ولماذا حريتك هذه لم تقف بها عند عتبات اليقين بعيدا عن الظنون ..؟ ومن اعطاك الحق أن تنظر لي هنا وتجتر ذكرياتي مع بعضهم هنا .. هباني وتراجي وإلخ ..؟ بعدين ووين كنت إنت ..؟ جاي تنظر لي حسع دي ..؟ استخدم حريتك بالطريقة التي تراها مناسبة .. لكن متى ما تعديت بها حيزك الشخصي تاكد انها دكتاتورية عقيمة ..
Quote: أنا عضو في هذا المنبر واعبر (مثلك تماماً) عن وجهة نظري في ما يكتبه الأعضاء هنا، وكلامي ليس قرآن منزل، وهو قابل للرد والأخذ.
دا كلام اكيد جدا .. كما انه لك حرية ان تكتب في ماشاء الله لك أن تكتب .. هذا الشئ الوحيد الذي لا يمكن أن اتحكم فيه .. ولو أنني كان لي من الصلاحية .. لمنعتك من دخول هذا البوست بقوة السلاح التي تتحدث عنها .. وذلك ليس امعانا في الدكتاتورية .. لكن للمصلحة العامة .. لانو نوعيتك دي هي التي اسست إلى دمار هذا المكان .. بالنفخة العنترية التي يراها البعض شرف عظيم له .. الواحد فيك الشبكنا انا حملت سلاح وبتاع وجاي يستعرض لينا في البورد دا هنا .. ويفتكر نفسو خلاص وجب تقديسه ويربطو ليهو هلال في جبتهو .. في واحدين في البورد دا .. مش حملو سلاح .. ماتو عديل كدا وقامو بعاعيت وجو يكتبو هنا دا .. لكن الواحد اصلو ما بيوريك كفنو دا كان مترو بي كم .. ناسكم ديل عن تجربة شخصية جوه وبره .. الواحد تعاين ليهو يقوليك انا والله بتاع حركة شعبية وقاتلته وبتاع .. دي موضة قديمة جدا .. ما بتاكلني انا ..
Quote: نعم أنا عضو في الحركة الشعبية، واقدم رؤيتي لما حدث في الدمازين، وما قلته هو رأي، فأن تأخذ به او تسفهه هذا شأن يخصك وحدك. وما يخصنى هو أن اتداخل مع اي عضو اري أن لي ما اعلق عليه في طرحه.
بلاي المقاتل طلع حركة شعبية ..؟ وانا اقول التنظير الكتير في شنـو..؟ ايوة عليك نور .. ابقى داخـل واكتب .. وبتلقى الرد .. لكن لو كان عندي امكانية انك ما ترد هنا .. زي ما قلت ليك كان حملت سلاحي ووقفت ليك في الايقونة بتاعت اضف رد دي .. وافرغ ليك مجموعة تحت كيبوردك .. والنشوف البقيف فينا منو ؟؟ إنت واللا حركتك الشعبية دي ..؟؟
09-03-2011, 11:40 AM
Munir Munir
تاريخ التسجيل: 02-11-2002
مجموع المشاركات: 10496
يا تمبس حمل سلاح شنو؟ الصادق ده وأمثاله كتار مشوا عملوا فيها قوات تحالف ، فكوا ليهم طلقة طلقتين وعلي حسها طاروا بيها أمريكا .. ناس ود الصايم فاتتهم اللعبة القردية دي وجو يكابسوا في اللوتري في الزمن الضايع ..
كل سنة وأنت بخير ياخ
09-03-2011, 11:50 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: بلاي المقاتل طلع حركة شعبية ..؟ وانا اقول التنظير الكتير في شنـو..؟ ايوة عليك نور .. ابقى داخـل واكتب .. وبتلقى الرد .. لكن لو كان عندي امكانية انك ما ترد هنا .. زي ما قلت ليك كان حملت سلاحي ووقفت ليك في الايقونة بتاعت اضف رد دي .. وافرغ ليك مجموعة تحت كيبوردك .. والنشوف البقيف فينا منو ؟؟ إنت واللا حركتك الشعبية دي ..؟؟
الاخ تمبس
طبعاً دي وجهة نظرك ويمكنك أن تطبقها إذا كانت عندك إمكانية، لكن الآن أنت لا تملك هذه الإمكانية، لذلك ستظل تكتب وجهة نظرك، وسأظل اكتب وجهة نظري ويمكننا ان نتفق في بعض النقاط ويمكن أن نختلف ايضاً/ وإذا كنت تملك هذا المنبر فسيكون من حقك أن تمنعني من الكتابة فيهز
وسيظل حق الكتابة وحق الرد مكفول للجميع بحكم ارتضائنا عرض كتابتنا هنا في عذا المنبر وفق حقوقنا وواجباتننا التى ارتضيناها عندما سجلنا في المنبر.
تحياتي يا علاء وكل عام وأنت ومن حولك بخير الحرب ليست المربع الأولاني، المربع الأولاني كان قبل الحرب بسنوات خلت، والمربع الأولاني في الحقيقة سمه ما شئت من شاكلة الدكتاتورية، الاستبداد، الظلم، التعسف المربع الأول هو أن تصر على أن تحكم البلد دون مراعاة لحقوق المختلفين عنك سياسياً وثقافياً وعرقياً ودينياً، وهي معادلة في الحقيقة أصعب من أن يفهمها من يحكم بعقلية (البلد بلدنا والعاوز يقلعنا يطالعنا الخلا) وهي تمام عقلية نافع والبشير وبقية االرهط، للمربع الأول تاريخ بعيد والحقوق لا تتجزأ. يمكنك أن تزيين لأحدهم الأمر في أن يذهب معك للسينما و أن يسافر معك في رحلة أو أن يشتري شيئاً من السوق، لكن الأمر سيختلف عندما يتعلق الأمر بالقتال وبالمراهنة بحياته وحياة أسرته وأمنه واستقراره، كائناً من كنت لن تجبر أحدهم وتزيين له القتال لو لم تنبع قناعة وعقيدة القتال والحرب عن دواخل ترى في الحرب طريقها الذي لابد منه، وبهذا الفهم البسيط لن تستطيع أن تبني قناعة تستند على ما ذهبت إيه في حديثك. مخطئ أنت في شأن المربع الأولاني وآمل مراجعة معلومتك حياله هذا مع تحياتي مجدداً وإلي عودة
09-03-2011, 12:14 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: يا تمبس حمل سلاح شنو؟ الصادق ده وأمثاله كتار مشوا عملوا فيها قوات تحالف ، فكوا ليهم طلقة طلقتين وعلي حسها طاروا بيها أمريكا .. ناس ود الصايم فاتتهم اللعبة القردية دي وجو يكابسوا في اللوتري في الزمن الضايع ..
كل سنة وأنت بخير ياخ
الأخ منير
كل عام وانت بخير
طبعاً هذه وجهة نظرك وعليّ احترامها، ولكن على ايضاً أن اوضح وجهة نظري.
أنا لم أذكر حمل السلاح كتفاخر، والموضوع ليس كما يظن البعض شجاعة أو رجالة، فلا زلت أذكر الخوف والرجفة التى اعترتني في اول أيام، لأن الموت ليس بالشئ السهل، وهذه النقطة هي ما اردت إثارته بالضبط، وهى أنه لا احد يحب الحرب، والذين يحاربون الآن هم اشد الناس كرهاً للحربن ولكنك تكون في موضع لا خيار لك، وهذا ما دفعني للإنضمام لقوات التحالف كمحاولة لتغيير الواقع السوداني (من وجهة نظري بالطبع) وبعدها للحركة الشعبية.
أنا لم استغل وجودي في قوات التحالف لآتي لأمريكا، بل أنا عندما ذهبت للإنضمام لقوات التحالف كنت املك قبول من امريكا لتحضير الماجستير، ولم أغادر ارتريا إلى بعد توقيغ مشاكوس وبداية حل مشكلة الجرب، بالطبغ لست مطالباً بتصديق هذا الكلام، ولكن كما قلت لك هى ردي على ما ذكرته أنت أعلاه.
مرة أخري أنا لم أذكر حمل السلاح من باب التفاخر، لكن من باب أن الحرب ليست إرضاءاً لتجار الحرب، وأن الذيت يقاتلون إنما يفعلونه عن كره، ولذلك ذكرت تجربتي الشخصية لتوضيح ذلك، ولان المشكلة ليست بهذا التناول المبتسرن والحرب التى بدأت الآن لن تقف بهذه السهولة.
مالك عقار كمقاتل يعرف صعوبة القتال والحرب لذلك وافق على الاتفاق الاطاري مع نافع في محاولة لإيجاد حل سلمي، ولكن الصراع داخل المؤتمر الوطني أودى بحياة الاتفاق ولذلك دخلنا مرحلة الحرب.
الذي يعرفه الكثيرون أن الحرب في السودان لها بعدها الإقليمي والدولي، ولها بعدها الداخلي ايضاً، والمؤتمر الوطني لا يتعامل بمنطق مع الاشياء. اؤكد لك انه لن يكسب الحرب لا في النيل الازرق ولا في جبال النوبة ما لم يتم الجلوس وحل المشاكل بطريقة سلمية.
الحروب الأهلية لا تقوم اعتباطاً بل لان هناك مشاكل حقيقية، وليس هناك من يسغي للحرب فقط لأنه يحب الحرب.
مرة ثانية كاذبُ من قال أنه يريد الحرب، والكل يحارب لأنه يحد نفسه في موقف الحرب وكل هم المتحاربون هو متى تقف الحرب هذه تجربتي وما لمسته من اغلب المحاربين.
حارسيا ماركيز وصف الحرب بكلمة واحدة (الخوف) وهذه حقيقة، ولكن ما يبدد الخوف هناك في الحرب إحساسك بأنك تؤدي واجبك وعزاؤك إيمانك بأنك مظلوم وأنك تسعي لنصرة قضيتك.
09-03-2011, 12:46 PM
tmbis tmbis
تاريخ التسجيل: 10-19-2002
مجموع المشاركات: 24862
مواصلة لما كتبته عن محادثتي السابقة صباح اليوم مع ابن خالي الطبيب .. حاولت الاتصال عليه اكثر من مرة وكان صوت الرصاص ياتيني بعدها انقطعت المحادثة .. حاولت الاتصال اكثر من مرة بدون فائدة ولا رد يذكر .. قبل خمس دقائق من الآن .. عاودت الاتصال .. رد علي الطبيب .. وتحدث معي لمسافة طويلة .. واعتذر لي عن عدم الرد وذلك لذهابه للمستشفى .. والحوامة والتجوال في بعض المناطق .. وعن الحال ذكر لي أنه .. تم دحـر القوة التي تسللت .. بالكامل وما سمعته من طلقات نارية هو ملاحقـة لبعض الجيوب من المتسللين .. ويشير في حديثه إلى انهم اخذوا درسا لن ينسوه .. على المدى القريب .. كما أكد لي أنه في لحظات متفرقة يسمع دوي الطلقات .. ويعرف الجميع انها طلقات ملاحقة للمتسسلين .. الذين يسارعون بالفرار والاختباء في داخل الاحياء السكنية .. خوفا من المووت .. برصاص الجيش السوداني من الحامية .. ..
هذه رسالة واضحة إلى الذين ينتظرون الحركة الشعبية لاسقاط النظام .. والسيطرة على السودان ..
Quote: الحركة الشعبية في الشمال ومتمثلة في رئيسها (الوالي المنتخب) مالك عقار، اجتمعت مع النظام لوقف اطلاق النار في جبال النوبة ولحل المشكلة، وانتهى الموضوع بتوقيع اتفاق اطاري، ولكن الحكومة ممثلة في عمر البشير رفضت الاتفاق الذي وقعه ممثل الحكومة الآخر عمر البشير، والذي واصل رفضه لكل المقترحات التى تم تقديمها له بواسطة الرئيس الاثيوبي.
من ما الله خلقك شفت ليك مواطن خاضع لسلطة مركزية يمتلك جيش ولسان طويل ومتورم ومغرور ولامرجعية له داخل وطنه مالك عقار هو ماتبقى من الورم السرطاني العنصري الجنوبي في جسد الشمال البشير كرهت ام ابيت وبواقع الحال هو رئيس مالك عقار والمسئول عن وحدة التراب وسيادة البلد مالك وضع غير طبيعي لايمكن تسويته الا بالبندقية مالك قنبلة مفخخة تمتد فتيلتها عبر الحدود من شمالنا الامن حتى يصل طرف خيطها الى عصابات القتل والنهب في الحنوب لذلك من الضروري تفكيكه قبل فوات الاوان مالك لايعرف ثقافة الحكم هو جزء من ثقافة النجمة او الهجمة سقط حزبه في الانتخابات الولائية التي قلتم انها الوحيدة التي لم تزور لانها اتت بهذا الجاهل وخسر المشورة الشعبية بالاغلبية وخسر المشورة الشعبية بالبرلمان
لكي يستمر مجده لابد من معركة،،،معركة يقبض ثمنها من اسرائيل او من باقي النفط العفن الذي تتدفق عوائده في خزن يوغندا والخادمات الحبشيات اذا هنالك معركة ضد الحكومة اتركوا الجيش يقوم بواجبه وابحثوا عن مفردات اخرى للاطاحة بالبشير لاتركبوا على ظهور العصابات الخارجة لتصلوا الى الخرطوم فالمشوار بعيد ومالك زي خليل ابراهيم يحتاج الى يمسك لجامه من الخلف واذا انقطع اللجام يضيع في الطريق ويدخل الى المدينة دون ان يعرف اين تكون الاذاعة واين يكون ابوصليب وهذا الاخير يحتاج الى من يتكل ظهره واذا توغل الى داخل الولاية وقع على وجهه وسف التراب
الحاصل شنو تمبس وانت شايت وين؟ قصدت من البوست دا شنو؟ قصدك تتناول مشاكل الحرب الدايرة حالياً على أرض الواقع؟ ولا تناول البعض للأحداث الجارية في السودان من المنابر الأسفيرية؟
عموماً الحرب واقع مؤلم يعيشه المواطن المكتوي بي نيرانها يظهر إنو "تلاتة ألف مشرد" رقم صغير لسه ما حصل الرقم الكارثي الممكن يخلينا نطالب جميعاً بوقف الحرب بغض النظر عن انتماءاتنا السياسية والعقدية
الطلقة ما بتفرق بين مواطن ومحارب والدانة ليها القدرة على تدمير المدرسة والمستشفى ودفاعات العدو مرارات الحرب ما بيسهل نسيانا عندك الجنوب ودارفور وجنوب كردفان
كل عام والسودان بخير
سعادتو
09-04-2011, 12:36 PM
رغيم عثمان رغيم الحسن رغيم عثمان رغيم الحسن
تاريخ التسجيل: 04-22-2009
مجموع المشاركات: 1727
يا تمبس الحرب رغم كل ماساويتها ما كانت شارع من اتجاه واحد النظام تقريبا كان هو البدفع كل المور للتازم وبقودا فى طريق الحرب والبشير شخصيا هو المسئول عن كل الحاصل فى جنوب كردفان والنيل الازرق لانو هو الاختار يقفل الباب قدام اى حل عقلانى للازمة حتى ولو كان على غرار اتفاق اديس يمكن انا عندى راى سلبى فى الحركة الشعبية اكتر منك لكن اى متابع للحاصل بستنتج ان الحرب كانت خيار النظام اكتر من كونها خيار الحركة
09-04-2011, 02:25 PM
M A Muhagir M A Muhagir
تاريخ التسجيل: 07-13-2005
مجموع المشاركات: 3918
Quote: اهل الهامش اختاروا طريقهم وهم احرار فى خيارهم وفى اختيار كيف ومتى واين وباى سلاح يعارضون. هم احرار كما انت حر
العنصري جدا مهاجـــر .. عندما تتخلص من عقدة الدونية التي تحملها كجينات وراثية .. عود لتتحدث معي .. تتذكر قبل كدا كتبت لي شنو يا عنصري ..؟ ناس هامش شنو الجاي تحكي لي عنهم ..؟ تكتلو القتيل وتمشو في جنازتو .. يا حليل شيخكم الترابي .. جاب العـرب ديل الخرطوم والمطاريد .. وإنتو كنتو حارسينهم .. والواحد فيكم كانت سيختو .. من هنا لحدت مشروع الجزيرة .. قال ايه ..؟ قال هم أحرار واختارو طريقم ..
قد ياخ امشي شوف ليك شغلة تقضاها .. يا عنصري.
09-04-2011, 03:11 PM
M A Muhagir M A Muhagir
تاريخ التسجيل: 07-13-2005
مجموع المشاركات: 3918
Quote: اهل الهامش اختاروا طريقهم وهم احرار فى خيارهم وفى اختيار كيف ومتى
واين وباى سلاح يعارضون. هم احرار كما انت حر
اهل الهامش ديل منو الناس ديل غريبين جدا اهل الهامش الذين صوتوا لمالك عقار في النيل الازرق هم الذين صوتوا في نفس الولاية لحزب عمر البشير واعطوه سلطة البرلمان بالاغلبية التي تجيز المشورة الشعبية لذلك تحير مندوب الحركة الشعبية وفكر في الحرب اهل الهامش هم التركيبة الاكبر في الجيش السوداني الذي طرد عقار وطارده وراء الجبال اهل الهامش هم الذين حملوا احمد هارون الى السلطة رغم النجمة والهجمة ورغم عيون اسرائيل وفلوسها وسلاحها اهل الهامش ليس هم المتاجرين بالهامش في فنادق فرنسا وحانات امريكا على حساب القضية اهل الهامش دي شنو قبيلة ام حزب ام مناضلون من على البعدام مجرد بيادق في صراع الحركة الشعبية مع الوطن امثال عقار وعرمان الحلو هولاء هم اعداء الهامش الحقيقيون والذين لفظهم الهامش في الانتخابات وفي الحرب والسلام!!! وماهو خيارها الموحد ان تزحف على الهامش الاخر فهنالك هامش في الشمال وهامش في الغرب وهامش في الوسط بل في نهاية الامر كلنا هامش ومافي هامش احسن من هامش والماعندو هامش يشوف ليهو هامش فكيف نفرز هذه الهوامش عندما يحتدم الوغى واخيرا كيف يكون الانسان حرا وقلبه ينضح عنصرية وغمز ولمز وهو يصارع حالته الخاصة ولايكاد يتنفس
09-05-2011, 00:09 AM
حاتم الياس حاتم الياس
تاريخ التسجيل: 08-25-2004
مجموع المشاركات: 1981
ياتمبس ياخ الحياة رتيييييبه والسياسة زاتها رتيييبه..وبعدين انت عارف أنو الأدب والشعر الماساة فيهو عنصر اساسي والغربة كعبة والأحساس فى الغربة البعيدة بضخم الفقد وبوسع برضو دائرة الحنين والطموح ومنبر بكرى ده برضو مابقصر فى تضخيم احساس (الزول ببلدو واهلو وكده) وبنفسو ويطرح نفسو كمعلم كبير حتى ولو كان بيلعب فى دورى روابط الناشئين السياسى..
الداير اقوله شنو..الناس ديل اوجد ليهم عذر يعنى الكتابات العظيمة دى ماكان بتمرق لينا لو مافى ماساة وحروب وصور البلد دى خليها تتفرتق لكن كمان شوف الفائدة...حانكسب كم شاعر وكم اديب وكم سياسى يظهر لنا من بين الدموع والنحيب والجليد.... بعد مانعدم نفاخ النار
ألم يقل ربك ياهذا (يخرج الميت من الحى)...اها كدا من موتنا سيحيا هؤلاء (الشفيفين) ..وربما طلعت حركة جديده (الشفيفين المنبريين)
-- احيانا أحس بان هؤلاء الناس بدعوى اصلاح حالنا يضمرون لنا الشر والفناء اكتر من العندنا
زي ماقلت انت اليدو في المويه مازي اليدو في النار ، والمسميهم مناضلين كيبورد ديل دي ياها وسيلتهم المتاحة ليهم ، وقبل كده يدهم كانت في الموية ونضالهم كان بالكلمة ختوهم في النار كان بالصالح العام والتشريد وكان بالسجون تعذيباً واغتصابا .. قتل واضح وصريح في كجبار وبورسودان ودارفور وجنوب كردفان والآن في النيل الازرق وقتل مغتغت في غرف الاشباح وغيرها ..اهل هؤلاء الضحايا لو مامغلوب على امرهم سلام شنو البفتشوه مع ناس الانقاذ والقتلة ؟!!! ياها يدك في المويه ياتمبس عشان كده ماخد الامور زي المويه ...مافي زول بقدم روحه للموت الا للكبيرة ومافي اكبر مما فعلته الانقاذ باهاليهم ومناطقهم .. اسالك بالله ياتمبس لو ناس بيتكم حصل ليهم ماحصل لاهل دارفور او نوبة الجبال من قتل وتشريد ده كان بكون كلامك ؟!! ياعلاء الوطن بيعني الانسان والارض ومتى ماذهب الانسان وحرقت الارض فلا وطن ولا وطنية.. عليك الله انا لو كتلو امي ولا ابوى او اخواني فكرك يهمني السودان ده يبقى واحد ولا يتقطع حتة حتة ولا حتى يرجعوا لحرب البسوس ؟!!!
الضرب والحرق ده لو كان في مدينة واحدة من مدن الشمال المعروفة لانقلبت الحكومة في ليلها ...
وكما قال اهلنا ( يتحمرقت يتجرى ) فلتتحمرق حتى يبان لها صاحب ...
Quote: هناك مشكلة وهي ان الكثيرين من المناضلين لايفكرون الا فقط في اسقاط النظام
مافي زول عايز الحكومة دي تسقط وجود الحكومة دي مهم جدا للعاملين معارضة اكثر من الكيزان نفسهم
لو الحكومة دي سقطت والناس القاعدة هناك بفيز مؤقتة حيعملوا شنو؟ لازم الحكومة دي تقعد لغاية ما يسوا وضعهم في امريكا ويجبوا اولادهم ونسوانهم واهلهم بعدين كان سقطت المنظمات بتاعة سيف دارفور وسيف منو دي كلها حتفلس لانه تاني مافي تبرعات ولذلك بعد قعاد 11 سنة هنا اكتشفت اكثر ناس خايفين الحكومة دي تسقط ناس الضل البارد وضع السودان الحالي متضرر منه فقط الشعب الجوة دا وناس الاغتراب الاستقرار والامن والسلام دا ضد احلام الناس دي اقرأ البوست دا وركز على كلم محمد عثمان
Quote: احيانا أحس بان هؤلاء الناس بدعوى اصلاح حالنا يضمرون لنا الشر والفناء اكتر من العندنا
ما تجامل يا عيني..!!
حاتم الياس .يا صديقي..
مافي زول ضامر ليك يا يابا.. قلت دغمسة.ز قالوا ليك خلاص دك..و كل قرد يطلع شدرتو ..و لسع بتضرب في مديدة الخوف ح يضبحونا و ح يكتلونا و ح يجهجهونا.. ركاب سرجين وقيع يا حاتم.. ابقى دباب بالدرب عدييل..و شيل شيلتك.. لكن قصة تقدمي..و رجعي في نفس الحتة ..دي سعبة خلاص على قول الحكامة الحبشية.. اما الشفافة و الروعة و التهيؤات اياها يا قريبي.. لو جابت ليك منخوليا البوديك تطاردها شنو؟..
صدقني يا حاتم.. باكر لمن يفضل ليكم مثلث حمدي.. برضك ح تلموا في بعضكم معط من طرف.. علي عثمان فلاتي..عوض الجاز عــب شوايقة.. عمر البشير قرعاني..!! قاتل الله وعي القبيلة اينما كان و كيفما كان يا صديق..!
و دمت.. كبر
09-05-2011, 03:59 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي علاء..حبابك كتر خيرك على الرد .. فلتذهب الحركة الشعبية الى الجحيم.. و ليذهب المؤتمر الوطني الى الجحيم.. و لتذهب كل الفكة الفي النص (حزب امة.. اتحادي.. شيوعي.. بعثي .. ناصري.. تحرير اسلامي..انصار سنة.. مؤتمر شعبي..الخ) كلهم فليذهبوا الى الجحيم..
كن في مكانك.. و اسمح لي ان اكون في مكاني..
و دمت..
كبر
09-05-2011, 04:29 AM
حاتم الياس حاتم الياس
تاريخ التسجيل: 08-25-2004
مجموع المشاركات: 1981
ياكبر مابتعرفنى...انا لوداير ابقى دباب ببقى مافى شى بعطلنى لايسار لاعيون الهامش الجميل بس وحاتك لى مده شايف أنو حكايتى أكبر من كدا واصلاً أنا قلق وزهجى لايحتوينى سوى هذا الزهج
لكن كمان ماتمش مننا ساى وانت المثقف العميق الفرز بتم كيف بين التقدمى والرجعى فى الظرف السياسى ده ومن واقع ياتو فكرة ورآى بنحددو وخد كتابتى (كنموذج) مامهم بس الحقنا بمقياسك المنهجى الكريم..يعنى هسع أنت وتراجى ودينق تقدميين من كتابتكم ومن جغرافيتكم وقبائلكم وانا ...دباب رجعى...ياراااجل
على العموم يازول كتر خيرك لكن لأول مره افهم كلام النفري (اْن لم ترنى من وراء الضدين فقد انكرتنى)
أخيراً...يبدو ياكبر أن مقولة الرجال ماتو فى كررى... ستتحول الى الرجال سافروا كندا
مودتى وتقديرى .....رغم انك اصبحت تكتب على الموضة ههههههه
.. دمت يا كبر يا صديقي .. انا لا احمل عداوة لي احد .. واعرف ان الحق طريقه واحد ، لكن من يبادر بالشينة هنا سيجدها بالضغف المضاعف .. الكثير هنا .. اجبرنا إلى الخروج عن كل ما هو معروف .. ووجب التساوي معهم بعد ان فشلنا في حتى لفت انتباههم .. يعني بالواضح كدا يا كبر ,. حوا والدة .. واي زول عندو كيبورد .. وماف واحد هنا دا امو ولدتو بي لسانين ..
09-05-2011, 04:15 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
Quote: مافي زول عايز الحكومة دي تسقط وجود الحكومة دي مهم جدا للعاملين معارضة اكثر من الكيزان نفسهم
لو الحكومة دي سقطت والناس القاعدة هناك بفيز مؤقتة حيعملوا شنو؟ لازم الحكومة دي تقعد لغاية ما يسوا وضعهم في امريكا ويجبوا اولادهم ونسوانهم واهلهم بعدين كان سقطت المنظمات بتاعة سيف دارفور وسيف منو دي كلها حتفلس لانه تاني مافي تبرعات ولذلك بعد قعاد 11 سنة هنا اكتشفت اكثر ناس خايفين الحكومة دي تسقط ناس الضل البارد وضع السودان الحالي متضرر منه فقط الشعب الجوة دا وناس الاغتراب الاستقرار والامن والسلام دا ضد احلام الناس دي اقرأ البوست دا وركز على كلم محمد عثمان
سلام عن اي ازوال تتحدثين يا دكتورة نجاة ومن وين جبتي انو مافي زول ماعايز الحكومة دي تسقط ؟ دي المرة الكم وانت تتحدثي باسم الناس بصورة مطلقة ومن خولك للتحدث باسم الناس ؟ تحدثي عن نفسك اكتبي وعبري عن اراءك فقط مع الاحترام
09-05-2011, 04:41 AM
Kabar Kabar
تاريخ التسجيل: 11-26-2002
مجموع المشاركات: 18537
ويييين..يا حبيب.. الموضة لسع ما مرقت..لمن نرجع نبحت ليك ملحمة جلجامش..و نمرق في عمك نيتشه..ثم نعتر فوق هيرمان هيسه..و نعتب على الجرجاني.. و نذكر الناس بضرورة استصحاب كرمل عيال بركات الإتنين..ثم بعد داك يجو يخشوا غابة (عنقاء المديح المنمق)..وكت داك بنكون موضة ليها ضل..ووقتها صديقنا الجميل محمد جمال الدين.. يستبين النصح ضحى اليوم التاني..و يعض اصبع الندم..و يحلف طلاق انو رعاع..!!
اما ما عدا ذلك، باقي الكلام يا اخوي انت ح تتغاشم..و انا ح اتغاشم..و كل واحد يفلق التاني..و السودان ده ياهو قاعد..حوض سباحة دم.. من امبارح..و الليلة..و بكرة كمان..!
الرفاق تراجي و دينق.. ديل تبع السودان الجديد يا ابوي.. و نحن ديل تبع حاجة ما بقت..ولا ح تبقى.. ولا عزاء للطيبين و الطيبات..!
كبر
09-05-2011, 05:04 AM
حاتم الياس حاتم الياس
تاريخ التسجيل: 08-25-2004
مجموع المشاركات: 1981
لاحولا..عليك الله ابقى على صورة ود البحر الخواف...(ستجدنى نموذجياً لها)
--- انا اقصد ياكبر فقط المسافة النقدية التى يجب ان نقيفها كمثقفين ومتعاطين للسياسة دون ان تجرفنا الخطابات والهتافية هنالك مظالم مهولة هنالك تمييز عرقى هنالك قبلية وسيطرة للمركز على الأطراف نحن فى حوجة لنسخة جديدة لنج للدولة السودانية تقوم على الحقوق والمواطنة و و و..لكن ياتو نوع من الخطاب السياسى والوسائل القادرة على رفعها لمستوى التغيير
ده البخلينا نقول ..ماتجامل ياعينيا لأنها تعنى ادانة جزئية للعرقى الذى يجمله المعتذر ويقدمه هو لايجرد نفسه وانما يجرد اخرين عن اشياء اصلاص لم تشبعهم يوماً او تكسوهم من عرى مقابل ان يتواجد فى استعراض السياسة الهزلى
09-05-2011, 05:13 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
والله - وأرجو أن تستميحوني العذر - لم أجد بدّاً من إدانة كلمات الصديق علاء الدين:
Quote: .. لكن لو كان عندي امكانية انك ما ترد هنا .. زي ما قلت ليك كان حملت سلاحي ووقفت ليك في الايقونة بتاعت اضف رد دي .. وافرغ ليك مجموعة تحت كيبوردك .. والنشوف البقيف فينا منو ؟؟ إنت واللا حركتك الشعبية دي ..؟؟
فالموقف مبدئي من العنف والحرب والتصعيد والتصعيد المضاد ... فمعليش يا "تمبس" لاكين ما ليك حق في استخدام اللغة دي ..
والله نحن في نص بلوة ... يوم تبلى السرائر ... عليكم الله انعلوا ابليس ... واتذكروا اننا كسودانيين لغة الحوار بيناتنا في النيل الأزرق الآن هي لغة الرصاص والموت .... وأنو "بكري ابوبكر" - كتر خيرو - وفّر لينا مساحة للحوار العقلاني تتناسب مع إنسانيتنا ... فحقو نستثمر في إنسانيتنا قدر الهامش السغير المتاح ... وما نحوّل البورد دا لى مساحة اجترار المآسي الإنسانية الحاصلة في النيل الآزرق ...
لو نحن فشلنا في إيجاد فكرة جديدة ... الترابة في خشم اهلنا الراجيننا ...
... المهم ....
09-05-2011, 09:33 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: والله - وأرجو أن تستميحوني العذر - لم أجد بدّاً من إدانة كلمات الصديق علاء الدين:
عذرك معاك يا تبــارك .. وانتهز المناسبة دي واهنيك .. بي ولد البنت والولد كلمتني داليا .. وقلت اتصل عليك غلبني .. والبورد دا الواحد زي ما عارف ما بيجيهو إلا لما ما يكون عندو موضوع .. علشان يلقى زي ناس الصادق اسماعيل ديل .. يجو يفكوها فيهو .. ...
Quote: فمعليش يا "تمبس" لاكين ما ليك حق في استخدام اللغة دي
موقفي ميدئي جدا يا تبارك .. لكن مؤخرا .. وجب استخدام هذه اللغـة .. لانو السكوت على اشياء كثيرة جدا بيؤدي إلى ما لا يحمد عقبـاه .. والمكان دا زي ما شايف بقى الواحد يشيل حقو بي ضراعــو بعداك يرجع لي لسانو .. اهــا تاني من هنا ولي قدام .. لغة لسان .. ولغة حـرب مع نوعية الصادق دا .. مش قال كان حامل سلاح .. انا برضو كنت حامل سلاح .. زول تكون بتحترم البكتب فوقو .. وبتقراهو من عدة زوايا واحيانا كتيرة جا تسلم بي رايو دا يجيك في اقرب ملف يطلعك مجنون .. لا وكمان شنو .. يجيب ليهو الغام يدفنه هنا في البوست ويقوليك انا كنت باكل زي الالغام دي في الميدان .. لاني كنت في الحركة الشعبية .. بلا حركة شعبية بلا لمـة .. هو نحن ناقصين عليك الله ..؟ .. لو في اعتذار انا بعتذر ليك إنت .. إنو اللغـة الغير مالوفه دي بدت تطلع من الواحد غصبا عنـو .. مش في لحظة غضب .. لانو لما الواحد يغضب ما بيكتب في البكان دا .. ومافي حاجة زاتو بيغضب علشانه .. ما ياهو الواحد شايف حالهم عامل كيف ..
09-05-2011, 07:17 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: اعصابك يا تمبسالشخص الذى لا يستطيع السيطرة على مشاعره لا يمكن ان يكون صاحب راى سديد ناهيك ان يكون احد قادة الراى
العنصري مهاجـر .. من متين شايف اعصابي فالته ..؟ بل بالعكس .. راجع البوست .. ح تجد علماء الهامش .. واضف لهم ثوار الحركة الشعبية والمغيبين .. جو البوست دا علشان يعبرو عن شعورم وما حاق بهم من ندم تجاه الحركة الشعبية .. بعدين يا عنصري إنت بعدما خشيت قبل كدا ووريتني اعصابك عاملة كيف تجاهي وبعد الكلام الفارغ الكتبتو لي كان على الاقل وشك دا .. تغسلو بي موية ترمس وتجي داخل .. تعرف ليه .. لانو بقيت كلما اقرا اسمك في نهاية بوست في مداخلة .. بتقفز غلى زهني فكرة الزول الضرب العرقي بتاع العيش .. وما لقى عشا .. قال اخير انوم .. بالمناسبة الزول دا ما شرب عرقي عيش علشان مهمش .. لالالا شرب عرقي العيش دا .. مزاج مش في ناس حسع دي بتشرب شمبانيا وكدا ..؟ السدادة بتاع الراي بتاعتي عارف تمام انا وعارف متين اكتب لي نوعيتك دي بالضبط وبي ياتو جمبه علشان اخليها تنوم على ياتو جمبه .. دا لو لقت سرير تمد فوقو رجلينه .. فما تفتكر إنك جاي هنا علشان تظهر في بوست زي دا .. مفتكر انو ليك الراي السديد .. نوعيتك دي عامله زي البمسكوهو من اضانو ويجروهو .. ويقولو ليهو تعال اقيف هنا .. ومن ناحية اخرى نوعيتك دي .. عامله زي البمسكوهو سيخه يا طوق مصنوع في الصين ويقولو ليهو تعال الجامعة الفلانية الأخوان عندهم حفلة هناك .. إنت قايلني نوعيتك دي ما لاقيته في الهامش واللا شنـو ..؟
Quote: جيد ان تكون ضد الترابى واتمنى ان تنقلب على البشير
القاليك منو انا ضد الترابي ..؟ انا مع الترابي موية ونور .. لانو شنو إنت قايل .. لانو طلع لينا نوعيات زي نوعيتكم دي وفرز لينا الكيمان من بدري .. علشان تعرف الواقف قدامك منو .. والشايل ليك سيخه ومطوة ومدتسي ليك في الضمه منو .. اها ضلمتك دي ابقى واقف فيها .. لحدت ما جماعتك يجيبو ليك رتينة وتجو داخلين بيها .. البشير لحدت الآن .. آمين جدا .. لانو على الاقل .. عرف يقعد بعضهم في علبم .. والدور والباقي على البقية ..
Quote: تخريمة: اذا اكتمل بناء عمارتك اخبرنى حتى ارسل اليك التهانى
والله فعلا .. بكري يخم لينا فيكم سااااكت كدا ويجيب فيكم .. حسع انا لو عندي عمارة زي القروش البدوكم ليها دي .. كان جيت ضيعت زمني مع نوعيتك دي وبعض الاريرات هنا دا ..؟ انا بكتب ليك وحسسسع دي المطرة الأخيرة في المركز بتاعت العيد دي .. قدت بيتنا من تحت .. من تلاتة محاور .. وناس بيتنا حسع دي قاعدين مخاواة واحتمال البيت في اي لحظة يقع ليهم في يدهم شفت كيف .. ؟؟ الكلام دا طبعا في المركز وقي قلب المركز .. لكن نوعيتك دي .. لكن الدور والباقي علي نوعيتك دي . وعلي نوعيات كتيرة هنا عارفنها الواحد تلقاهو يكتب حرف هنا .. وحسابو جاري بي هناك .. سيف دارفور زي ما قالت الدكتورة .. وإلخ .. إلخ جدا من المنظمات .. وفي واحدين راسم عديل شايلين ورقم وحايمين .. كتلونا في دارفور .. وانا قبل كدا مته .. وناس الحكومة قطعو لي راسي .. بختك يا عنصري .. تعال عيد في البوست دا مليان جلابـه .. وامشي قول لي الجماعة الليلة لاقيت اولاد البحـر .. وقاعد اتونس معاهم .
09-05-2011, 03:07 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
لاكين يا "تمبس" ... تلكؤ الحركة الشعبية في نزع السلاح ... بيقابلو تكلؤ المؤتمر الوطني في مستحقات الإتفاق التانية ...
المعروف انو الجيش الشعبي ... رغم تسليحو هو طرف أصيل في اتفاقية السلام وبروتوكولاتها الأمنية ... مافي سبب يخلّي الحكومة تعتبر احتفاظ الجيش الشعبي بأسلحتو ... انو تمرد أو تفلّت أمني ...
السلام لا زال حبر على ورق ... لو الحكومة ما التزمت بجانبها من الإتفاق ... ما ممكن تلزم الجانب الآخر ... خصوصاً بالقوة ... ما ممكن نهائي انها تلزم الجانب الآخر بالقوة الحربية ليلتزم ببنود اتفاق سلام ... امال عاملين اتفاق سلام ليه؟ كانوا بيلعبوا حرّينا؟
انا قبل كدا قلت انو ما داير اشير باصبع اتهام لأي جهة متسببة في الأزمة ... لاكين إدارة الأزمة في يد الحكومة ... والإعلام الحربي التصعيدي دا هو الطريقة القاعدة الحكومة تدير بيهو الأزمة ... يعني فشل مركّب ... خصوصاً مع زول عندو قوة عسكرية ضاربة ... وعندو استعداد للحل السلمي .. زيّ مالك عقار ...
الوهمة بتاعة المجلس التشريعي ... وعقار ما داير المشورة الشعبية ... دي ما بتمشي في السودانيين تاني ... يقولوها للجماعة البيجوا يشربوا شربات بمبي في الجلسات التنويرية في قصر الضيافة ...
المؤتمر الوطني داير يتلاعب في نتايج المشورة الشعبية ... عشان لو مالك قبل بيها يكون هو الخسران ... لو رفضا يكون هو الغلطان ... وما فاهمين اهمية انو المشورة الشعبية تكون شفافة وبتعبّر عن مواطنين النيل الأزرق فعلاً ... دي قنبلة موقوتة ... ما ممكن تحاول تحتويها وتحتضنها عشان ما تقوم فيك ... لأنو حا تقوم فيك ... ولو قامت وانت حاضنا كدا بتفرطق حنانك ظاطو ...
انا ما عارف البيرسم سياسات المؤتمر الوطني دا منو؟ خلّيهم يطلّعوهو رحلة امريكا هنا ولاّ سفارة فرنسا ... ما ممكن يكون زول ما بيعرف غير الأمارات والصين وماليزيا ... وداير يخطط سياسة دولة .. قال امريكا روسيا قد دنا عذابها قال ..
يا تبارك .. انا ما اعتذرت لي زول مطلقا هنا خلافك .. واعتذاري جا لي نقطه محددة
Quote: لو في اعتذار انا بعتذر ليك إنت .. إنو اللغـة الغير مالوفه دي بدت تطلع من الواحد غصبا عنـو .. مش في لحظة غضب .. لانو لما الواحد يغضب ما بيكتب في البكان دا .. ومافي حاجة زاتو بيغضب علشانه .. ما ياهو الواحد شايف حالهم عامل كيف ..
الحاجة المهمة الناس الفطيتم ديل يا تبارك ما فطيتم تقليل مما كتبوهو .. زي ما شايف البوست دا كنت قاصد بيهو شريحة محددة نوعية ناس الصادق ديل، واهو زي ما شايف الصادق جا وكتب ليهو مية مداخلة وانحصر الحوار بيني وبينو ودا الشي الخلاك تدخل من نفس المدخل حقو .. امكانية العودة للاخوان في مداخلاتهم ممكنة والبعض الآخر من خلال مداخلتي بيكون وجد الردود البتجيب على مداخلتو .. المداخلات في البوستات محكومة بي كوته محددة .. وهناك العديد من البوستات تحتاج الدخول .. وغذا كان شايفني فطيت الناس ديل واصطفيتك من دونم لسبب ما في مدالتك فدا شي تاني .. البهمني هنا انو الفكرة وصلت ليك من طريقة ردي لي ناس الصادق اسماعيل ديل .. ما كتبته من رد في مداخلتك الأخيرة خاضع لما اوردته اعلاه في التعامل مع البوست .. وما فيه من مداخلات .
09-06-2011, 09:21 AM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
.. استيف .. ابوسيخـه .. تعرف من الليلة انا ح اقراهـا علشانك .. وطبعا ح اطبق ليك توصياته حرف .. حرف .. دا بس علشان خاطر عيونك .. بعدين مالك الحركة الشعبية دي طلعتك من جحرك .. ؟ خلاص النقاطة بتاعت دارفور انتهت ؟؟ عليك الله تعال كلم ناس الصادق ومن لف لفهم ديل بي كواريكك يوم الاتنين .. اياهو ، وقوليهم حجزت ليك كم بيت وكم دكـان اليوم داك .. اوعك اليومين دي تحاول تقرب للدمازين .. الجماة شغالين شغل نضيف .. الطيب مصطفى الله يديهو العافية مديهم تعليمات صارمة جدا . يعني سيختك دي .. ما بتاكل عيش معاهم .. دا كان زمانك بدري شوية ..
09-06-2011, 05:51 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: تاني من هنا ولي قدام .. لغة لسان .. ولغة حـرب مع نوعية الصادق دا .. مش قال كان حامل سلاح .. انا برضو كنت حامل سلاح .. زول تكون بتحترم البكتب فوقو .. وبتقراهو من عدة زوايا واحيانا كتيرة جا تسلم بي رايو دا يجيك في اقرب ملف يطلعك مجنون .. لا وكمان شنو .. يجيب ليهو الغام يدفنه هنا في البوست ويقوليك انا كنت باكل زي الالغام دي في الميدان .. لاني كنت في الحركة الشعبية .. بلا حركة شعبية بلا لمـة .. هو نحن ناقصين عليك الله ..؟
الأخ تمبس
ما زال خطابك (من وجهة نظري) ينطلق من تداعيات صراعاتك في المنبرن لذلك قرات كلامي وحملّه ما لا يحتمل، وقد كتبت ما كتبت لتنبيهك أن نوع خطابك هذا يبتعد حتى عن (الموضوعية) وهذا ما ظهر جلياً في أنك يمكن أن تضع نفسك حتى في مكان (الديكاتور) والذي يمكنه أن يمنع بالسلاح الآخرين من إبداء وجهة نظرهم، وهذا ما (أدانه تبارك مشكوراً)
نرجع لما كتبته أنا (وعذراً للإقتباس المطول):
هنا ما كتبته:
Quote: خطابك مشحون بتأثير صراعاتك في المنبر التى لم تستطع التخلص منها، لذلك تفتقد اصالة الموقف، فموقفك يأتي دائماً كردة فعل لصراعك القديم مع تراجي وهشام ومحمد سليمان وآخرين. انت تقول إذا كانت لغة الحرب هي اللغة التي ستستخدمها الحركة الشعبية .. مرة أخرى واستهلتها في أرض الدمازين وداخل احياء الدمازين .. كما فعلتها جماعات حركة الموز .. فإن الحرب تبتدي .. وتنتهي .. أو لن تنتهي .. لكن ستبقى دائما في ارض المعارض في سودانيزاونلاين وطن من لا وطـن له .. الخرافات والهتافات .. وسيبقى الشارع .. ويبقى الشجعان المقاتلين .. من أبناء القوات المسلحة .. وبقية التنظيمات الحاملة للسلاح في مواجهة .. العدوان المسلح على الاهالي في ممتلكاتهم .. وارواحهم .. وما بدا بالقوة لا يحسم إلا بالقوة ..
الحركة الشعبية في الشمال ومتمثلة في رئيسها (الوالي المنتخب) مالك عقار، اجتمعت مع النظام لوقف اطلاق النار في جبال النوبة ولحل المشكلة، وانتهى الموضوع بتوقيع اتفاق اطاري، ولكن الحكومة ممثلة في عمر البشير رفضت الاتفاق الذي وقعه ممثل الحكومة الآخر عمر البشير، والذي واصل رفضه لكل المقترحات التى تم تقديمها له بواسطة الرئيس الاثيوبي.
لتذكيرك فقط الاخ تمبس
عمر البشير الضابط السوداني استغل رتبته وسلاحه في قيادة تمرد لصالح حزب الجبهة في التلتين من يونيو.
إذا كان صراعك هنا في هذا المنبر يجعلك لا ترى الحقيقة، فانت مثل الذين تشن عليهم هجوماّ.
الموقف الواضح جداً لهذا النظام هو الحرب ضد مواطنيه، في الغرب وفي الشرق، ولا اعتقد ان احداً سيلوم من يحمل السلاح.
بالامس راينا الناس يحملون السلاح ويسقطون القذافي، واليوم في السودان يحملون السلاح في جبال النوبة وفي دارفور وفي النيل الازرق لان عندهم قضية، وهذه القضية لم تحل. ولقد جنحوا للسلم فقيل لهم 0بلوا اتفاقيتكم واشربوا مويتها).
وبالمناسبة الذين يقاتلون ضد جيش الجبهة الاسلامية ليس لديهم حساب في سودانيزاونلاين ولا تعنيهم صراعاتكم هذه في شئ، الذي يعنيهم هو حقوقهم وسينالونها سواءاً بالحرب ام بالتفاوض والاتفاقيات حسب معطيات الواقع الذي يعيشونه، وليس التمنيات او الاحلام التى ترواد اعضاء هذا المنبر.
عاشرت هؤلاء الشباب وقاتلت معهم واعرف ان امنيتهم في هذه الدنيا هي ان تتوقف الحرب، واعرف انهم يحاربون عن حق، فإذا اراد احد استعلال حربهم هذه فهذا شأنه هو هم لن يتوقفوا عن النضال من اجل حقوقهم يوماً ما.
الحرب ليست نزهة وهذا ما يعرفه الذين يقاتلون تماماً. هذه الحرب هي قدر السودان ما دامت عقلية مثل عقلية الحركة الاسلامية تحكم هذه البلد.
القرى الواقعة خلف الخزان الذي يمد كهرباءه حتى الخرطوم ولكل القرى الواقعة في طريقه، لم تصلها هذه الكهرباء، لم تقام فيها مدارس وخدمات لسنوات عديدة، يسكنها اقوام مسالمون لم يحملوا السلاح في يوم من الايام، ولكنهم ظُلِموا (والله تعالي يأذن للذين ظُلِموا ان يقاتلوا) فلا احد يحب الظلم.
المكتوب بالأخضر هو كلامك أنت يا تمبس.
لم أكتب هنا للتباهي بأني حملت السلاح، أو أني احب الحرب، الكلام أعلاه واضح جداً هو أني لا أحب الحرب، ولا الذين يقاتلون يحبون الحرب (إلا إذا اضطروا إليها إضطراراً)، لذلك أوردت ما حدث من اتفاقات بين الحركة الشعبية قطاع الشمال وبين حكومة الإنقاذ.
الحرب سيموت فيها كل الأبرياء هناك (وليس عضوية سودانيزاونلاين)، ومرة أخرى الذين يحاربون يكرهون الحرب، ومن هنا ذكرت تجربتي، ولم أذكرها افتخاراً ولا شجاعةً، بل ذكرتها ليعرف الناس مدى حب هؤلاء المقاتلين للسلام، وأحلامهم في الإستقرار والسلام وعودتهم لدفء قراهم.
الشاهد في الموضوع هو أن الحكومة بإجبارها (واكرر هنا إجبارها) مقاتلي الحركة في النيل الأزرق على الحرب ستخسر كثيراً، من حيث الدمار الذي ستحدثه هذه الحرب أولاً بشرياً، وثانياً إقتصادياً (الموسم الزراعي على الأبواب) حسم الحرب عسكرياً، غير ممكن إن لم يكن مستحيلاً ولأسباب عديدة، أقلها صعوبة تحريك آليات الجيش في الشهور القادمة بسبب الخريف.
بالطبع يا أخ تمبس لك كل الحرية في قراءة خطابي بالطريقة التى تراها مناسبة، ولي الحق في توضيح ما اعنيه إذا احسست أن الطرف الآخر يفهمه بشكل مغاير للذي أقصده. في إطار الحوار والإحترام المتبادل.
بالنسبة لي الحرب لن تحل المشكلة (حسب المعطيات الموضوعية الآن على أرض الواقع)، والحل هو في التفاوض، حرب الجنوب استمرت عشرين سنة وانتهت بالتفاوض، حرب جبال النوبة والنيل الازرق ودارفور ستستمر عشرين سنة اخرى ما لم تنتهي بتفاوض يحفظ للمواطنين حقوقهم في وطن يعطيعهم الحد الأدنى من حقوقهم الأساسية ويضمن لهم العيش الكريم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
الصادق اسماعيل
Kabar
العوض المسلمي
يحي ابن عوف
awad okasha
Munir
رغيم عثمان رغيم الحسن
M A Muhagir
ABUHUSSEIN
حاتم الياس
فايزودالقاضي
خالد العبيد
تبارك شيخ الدين جبريل
Mohamed Suleiman
فيس بوك
تويتر
انستقرام
يوتيوب
بنتيريست