|
|
 المغنى الشاب شكرالله ... على عينا ورأسنا ..شكرالله سعيكم !!
|
يا ابنى شكرالله
راجع نفسك و خليك فى غناك البتعرفو .. ابعد لينا من غننا السمح .. ما تبوظو !!
يعنى انت فى " دبى " عملت فى الفنان المبدع " زكى عبد الكريم " و اغنيته الرائعة " اسأل نفسك " عملية .. طفل ما يعملها !!
اما اغانى " السيرة " و التى اديتها فى نفس الحفل فلم تثير فى اى شخص حضر الحفل اى حماسة للعرضة .. بل جعلت كل من استمع اليها .. يفنجط !!
فيا ابنى ارحم نفسك و ارحمنا معاك .. فلدينا ما يكفى لرفع ضغطنا !
|
|
  
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: سفيان بشير نابرى)
|
تحية....فعلا حالة تدعو الي الحيرة....بعد ان انتقل المشروع اياه من حالة ناكل مما نزرع الي ناكل مما نسمع...دخلنا في مرحلة تغبيش الذاكرة .
يفر الان العندليب بجسمه هاربا عندما طغت علي اغاريده حالة الهابط من الغناء كالذي ناكل (نسمع)
مخطط مرسوم يا تري لاتلاف الذاكرة والذائقة والتذوق ام ان قانون السوق هو الذي يسود... حيث تطرد العملة الرديئة العملة الجيدة لنصبح امام شكرا الله واصحابه....
يا سعادة العميد اخشي عليك من (السكتة التلفزيونية) كما يقول الشايقي...
هبوط في الذوق العام في كل الانحاء...يا ساتر....لماذا لا تفر اذن اشجاننا وتتفرق في المنافئ الدافئة والباردة؟
عيد سعيد للجميع خال من المنغصات( علي شاكلة الواد اللي ما يسماش) ...ابقوا عشرة علي الريموت واجعلوه كالسوط(الاحلي منو الموت)...
| |
|
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: يوسف محمد يوسف)
|
Quote:
Quote: يا نابرى التسجيل ده بطال لكن طالما مصر هاك..
الراقى .. دكتورنا محمد حسن
غايتو ود نابرى دا كشاف حال كيف !
|
دكتورنا محمد حسن
و جنابو محمد
و الله لكن الزول دا بالغ رسمممممي مع
حسن ساتي
بالله يا جماعة بطلو هظار الشغل دا
ممكن يكون تركيب ساااكت ودا يكون
ما شكر الله هاهاهاهاهاها.
أنا بالجد لسه متحير فى السمعتو
دا .
| |
|
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: د.محمد بابكر)
|
Quote: كدى هاكم العدية دى و ورونى رايكم
|
شكرا سفيان
روعة .. هذا هو التخليد الحقيقى لغناء رمضان زايد - له الرحمة -
رمضان زايد و زكى عبد الكريم و غيرهم كثر .. من خريجى دار الخرطوم جنوب للغناء و الموسيقى ، تلك الدار التى قدمت اضافات حقيقية لمسيرة الغناء السودانى .. حيث ظلت من خمسنيات القرن الماضى و ما زالت تثرى الساحة الفنية بالعديد من الفنانين و الموسقيين .. من هنا التحية و التقدير لكل استاذتها من الموسقيين و الشعراء .. محمدية و عربى و الاخوين عبد الفتاح و على الله جابو و صلاح حاج سعيد .. و الرحمة لمن مضى .
| |
|
|
|
|
|
|
|
|
 Re: المغنى الشاب شكرالله ... على عينا ورأسنا ..شكرالله سعيكم !! (Re: محمد الكامل عبد الحليم)
|
سفيانو
والله كنت داير اخت لى اغنية خاصة فى هذا البوست عيدية ولكن سببين منعونى
وانا بتجول على كل القنوات الفضائية لقيتها شغالة غناء كلها تطلع من نسرين هندى تخش فى صباح ههه. يااخ انا بحب الغناء للطيش ولكن هذا سخيف وممل. ياخ وين الدراما والمسرح. كده بقتلو الغناء
تانيا خائف سيادة العميد ده يضمنى لقائمة التصفيات الجسدية اقصد الفنية فى حالة نجاح انقلابهم العسكرى المرتقب هههه
| |
|
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: إبراهيم عبد الحليم)
|
السادة الأعمام سيادتو محمد يوسف
و محمد الكامل و اضح انكم اهل سمع راقي و زمن جميل و واضح
انكم الجديد ذاتو بتحبوهو بس يكون جديد مجيه وسمح و هسي
الزول البغني دا (قاسم) دا ود مركز الخرطوم جنوب و ود القوز
تحديداً وقاسم اجمل من تغنى لرمضان زايد رمضان ذاك الزانداوي
الذي لو لم يرجع العمالقة من الفنانين من مقاطعتهم لسيطر على
الساحة و لم يكن لهم مكان بعدها و قاسم الأسمراني هذا احسن من
يجيد الغناء لرمضان و لابو داوود و لعتمان حسين وكل منهم يغني
له بطريقته الخاصة وصوته دون تغيير .
أنا سعيد انو الفديو عجبكم
لكن صراحة إلي الأن مستغرب زى شكر الله وغيره من أين ياتون بهذه
الشجاعة المفرطة و قوة العين حتى يهيمنو على أغنيات العمالقة
و يبوظوها دون أن يمش لهم جفن أو مجرد خجل !!!
إي هواء أبق يتنسمونهم يمنحهم عدم الأحساس هذا !!!!؟
يا ابراهيم عبد الحليم يا صاحبي
اعمل حسابك ما تجيب فديو كدا و لا كدا اعمامك ديل و احد فيهم
جنابو عدييييل و واحد فيهم سااادن محراب الغناء بودوك
التووووووج* هاهاهاهاها
* بالمناسبة التوج دى هي شنو؟
| |
|
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: يوسف محمد يوسف)
|
| Quote: دى هديه لودالكامل ..باقى الشباب وفى مقدمتهم سفيان.. |
اخى دكتور محمد بابكر
اشهد الله أنه بعد انزال مداخلتى و التى تكلمت فيها بإيجاز عن مركز الخرطوم جنوب للغناء و الموسيقى ، عاتبت نفسى فى عدم ذكرى مبدعين كُثر تتلمذوا و تخرجوا من ذلك المركز الشامخ .. استعادت ذاكرتى بسرعة ثلاثة من الفنانين الذين تركوا بصمات واضحة رغم مسيرتهم القصيرة مع الغناء .. كان اول منْ استعادته الذاكرة هو ذلك البلبل الصداح الراحل " احمد فرح " الذى اختطفه الموت مبكرا .. و صاحب الاداء المتفرد الراحل " عبد العظيم حركة " .. ثم المبدع " احمد شاويش " متعه الله بالصحة...
شكرا لك يا دكتور و انت تعيدينا الى زمن ليته يعود
معزتى لك
| |
|
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: يوسف محمد يوسف)
|
يا ابنى شكرالله راجع نفسك و خليك فى غناك البتعرفو .. ابعد لينا من غننا السمح .. ما تبوظو !!
الاخ يوسف وضيوفه الكرام كل سنة وجمعكم بخير وربنا يحقق الامنيات ويزيل البلاء والوباء والغلاء
بوست جميل يا يوسف ،،، يصراحة عجبني ،،،
اولا الولد الاسمه شكر الله دة ما عندو حاجة مااا عندووووووووو
هؤلاء الذين اتوا في غفلة من الزمان ،،،،، منشز ،،،، صوت مهتز إهتزاز مخل ،،،،،،
بعدين يا جماعة الخير الغناء ما كدة ،،،،، انا ما بفتكر انه شكر الله بوظ اغنية زكي بس لا الزول دة ما عنده علاقة بالغناء من أساسه والمسألأة ما مسألأة عنده
معجبين او في ناس بسمعوهو ،،، الشغلانة فيها قواعد وأسس علمية ،،،،، بأختصار الزول دة كيسه فاض
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سفبان نابري يا جميل والله الاسمراني دة قمة في الروعة وصوت قوي وتطريب جميل ،،، كتر خيرك ،،، دة جبتوا من وين
تحياتي للجميع وباين حا اواصل معاكم
| |
|
|
|
|
|
|
|
|
|
Re: المغنى الشاب شكرالله ... على عينا ورأسنا ..شكرالله سعيكم !! (Re: د.محمد بابكر)
|
| Quote: دى هديه لودالكامل ..باقى الشباب وفى مقدمتهم سفيان |
الف الف شكر يا دكتور محمد
و الله اكرمتنا بأغنية جميلة
جمال شديد و صوت جميل .
ربنا يرحم الراحل أحمدفرح
و د (الصائغ) رحمة تسكنه
الجنان الآعلى .
تعرف أنا و من خلال بحتي عن
اعمال العملاق إسماعين حسن
ود حد الزين اتعرفته على
الراحل أحمد فرح من خلال هذه
الأغنية تحديداً لكن للاسف ما
لقيت ليهو إي أغنية تانية
رغم انو الراجل دا بملك
صوت وطريقة آداء تشبه العمالقة
العظلم من فناني السودان .
أشاركك بنص الأغنية كتابياً:-
ا حليلِك يا بلدنا
الفيكِ ربّونا اتولدنا
يا كريم يا الله حلحل لي وثاقي
أصلي مشتاق وأصلي غرقان في اشتياقي
لى نخيلنا ولى جروفنا وللسواقي
لى صديرياتا لى لبس الطواقي
الف شكر و الله وفعلاً ا حليلِك يا بلدنا
وربنا يرحم ود حد الزين و يرحم أحمد
فرح.
| |
|
|
|
|
|
|
| |
يوسف محمد يوسف
سفيان بشير نابرى
mohmmed said ahmed
ASHRAF TAHA
حبيب نورة
jini
فتحي الصديق
Elsamani A.Malik
د.محمد بابكر
إبراهيم عبد الحليم
بله محمد الفاضل
محمد عبد الماجد الصايم
Abd-Elrhman sorkati
فيس بوك
تويتر
انستقرام
يوتيوب
بنتيريست