الجهاز الفني عشان نكون واضحين ومانلف وندور على بعض جهاز فني للان ماقادر يعمل تشكلة ثابته للدفاع لكي يكون هنالك تناغم وتفاهم لايقاع الحركة اثناء اللعبة اسامه التعاون لاعب قديم وتم تجربتة اكثر من مره في خانة المدافع الايمن وفشل بالله هذا اللاعب كم موسم مواصل مع الهلال ولم يبحث الجهاز الفني عن بديل اللاعب خليفة امكانياته ضعيفة جدا جدا لايجيد دفاع المنطقة ودائما هو سبب الخلل في الكتلة الدفاعية وارتدادة ضعيف للخلف مما يسبب ضعف في حركة الوسط برضو لعب في هذه الخانة كثير جدا ولم يجدوا حل لهذه الخانة التاج لاعب صغير في السن وخبرته ضعيفة جدا الحل شنو بعد ان عرفت وكشفت كل الفرق المنافسة اين مكامن ضعف الهلال وتبني خطتهم على حسب امكانيات دفاع الهلال وبالزات في الجهه اليمنى بطريقة عمل مناوره في الجهه اليسرى ونقلها بسرعة الى المنطقة الضعيفة وهي اليمنى وكمان عشان نشوف الدراما دي عمليا عايز واحد فننان يثبت لينا صورة حركة الدفاع قبل وصول الكره للمرمى مع وجود اربعة مدافعين قصاد اتنين من الخصم باري ديمبا لم يتعامل برأسه لابعاد الكره ودخلت خط المرمى وبهذه الحركة عمل تضليل للاعبي الدفاع والحارس ووقف الدفاع ينظر للكرة بالعين اكثر من التغطية بالحركة الى ان دخل لاعب من بينهم وادخل الكره المرتدة من الحارس جمعة لان رد فعلة كان ضعيف جدا هاردك لاعبي الهلال وهاردلك جمهور الهلال العريض ليس من حق جمهور الهلال ان يفرح مره في عمره بنيل بطولة خارجية لماذا يفضل اللاعب اكثر من موسم في الهلال الكبير بعد ان وضحت حدود امكانياته صراحة مهزلة كروية في اندية القمة هلال مريخ
08-29-2011, 10:56 AM
abas abas
تاريخ التسجيل: 07-27-2002
مجموع المشاركات: 6255
اسي في احسن منهم في كل فرق الدوري السوداني سالتك بالله
الا بعد ده نخلي الفريق كلو اجانب زي الجيران
عباس سلامات السودان مليان مواهب بالفطرة والدليل على ذلك يجلسون المحترفين احتياطي للاعبينا بس اين الاهتمام بهم لان يجب تعلم ابجديات كرة القدم من سن مبكرة وليس بعد اللعب في اندية القمة هلال مريخ
08-29-2011, 11:10 AM
abas abas
تاريخ التسجيل: 07-27-2002
مجموع المشاركات: 6255
عباس سلامات السودان مليان مواهب بالفطرة والدليل على ذلك يجلسون المحترفين احتياطي للاعبينا بس اين الاهتمام بهم لان يجب تعلم ابجديات كرة القدم من سن مبكرة وليس بعد اللعب في اندية القمة هلال مريخ
اها ده كلام تمام
يبقي المشكله مشكلة بلد ما مشكلة هلال مريخ ولا مورده ولا غيرو النظام الكروي التعليمي الشبابي الفي السودان منتهي معناها
08-29-2011, 12:37 PM
khaleel khaleel
تاريخ التسجيل: 02-16-2002
مجموع المشاركات: 30134
اسي في احسن منهم في كل فرق الدوري السوداني سالتك بالله
الا بعد ده نخلي الفريق كلو اجانب زي الجيران
عباس سلامات السودان مليان مواهب بالفطرة والدليل على ذلك يجلسون المحترفين احتياطي للاعبينا بس اين الاهتمام بهم لان يجب تعلم ابجديات كرة القدم من سن مبكرة وليس بعد اللعب في اندية القمة هلال مريخ
08-29-2011, 01:19 PM
خالد درق خالد درق
تاريخ التسجيل: 12-08-2009
مجموع المشاركات: 4353
** ود عبداللطيف .. ** ســـلآم ,, وعيدك مُبارك.. ## مُشكلة الهلال الحاليه هى مُشكلة مُدرب ,, الشخص الأمثل لهذه المرحله هو الأسد (فوزى المرضى) أو الشخصيه التى يهابها الإداريين قبل اللأعبين الكوتش (أحمد عبدالله) كمدرب للفريق إذا اراد الهلال إحراز كأس هذه البطوله ,, طارق أحمد آدم شخصيه مهزوزه ولايملك شخصية لهذه المهنه ,, مشيو لايستطيع ان يضع التشكلية التى يخوض بها المبارأه وغالباً ما يضعها بصوره خاطئه وعندما يحاول مُعالجة الأخطاء تكون بأخطاء أكثر فــداحــه..
## يا إدارة الهلال نحنا ناس عندنا ضغط وسكرى وقلب وكلوسترول عالى ,, بالله ماتكتلونا بالمغصه وناقصين عمر من عمرنا الإفتراضى..
(ودام الود بين الجميع فى حب سيد البلد) (ابو محمد فؤاد)
كل عام وأنتم بخير.. 1. الهلال يحتاج للعب الممرحل السريع قهر كل من يلتقيه نسبة لوجود مهاجمين طيارات. 2. ميشو مدرب جيد ولكنه يوغل في وضع تشكيلته بناءاً على الفعل المتوقع من واقع دراسته للخصم وليس على مايريد الهلا القيام به من مبادرات هجومية.. 3. حيث نه لاوقت لكثير تنظير فيعرف ميشو أن قوة الهلا في هجومه وأنه يجب أن يلعب مهاجماً داخل وخارج الارض... خليل اخبار قوبي شنو..
08-29-2011, 06:12 PM
شمس الدين ساتى شمس الدين ساتى
تاريخ التسجيل: 12-14-2008
مجموع المشاركات: 2642
خليل الهلال يكسب ولكن الاداء غير مقنع وغير مطمن ياخي انت زول بتفهم كورة وبتشوف كويس شكل الهلال وحركته تجد ان هنالك عدم حركة بشكل جيد وتدل على ان الهلال غير مقنع لنيل البطولة حتى انت مقتنع بالكلام دا بس جمهور الهلال بحاول يطمن نفسة بان فريقة قوي الهلال فرصتة الصعود الى المربع الذهبي اكبر لكن هذا الاداء بعيد كل البعد عن تحقيق الهدف المنشود الذي ينتظرة كل الشعب السوداني . نعم تحدث اخطاء في دفاع الاهلي والترجي وهذه اشياء طبيعة ومسلم بها في في كرة القدم ولولا الاخطاء ليس هناك فائز او منتصر ولكن اخطاء الهلال متكرره ومزمنه وعدم توظيف سليم للاعب المدرب ميشو ومساعدة طارق ينظرون في تشكيلة الهلال والهلال كما تكرمت لو وجد دفاع سليم ليس له مشكلة حتى في نيل البطولة دي فرصة كبيرة والهلال اضاعها كان من الاول معالجة قصور الدفاع بدل توليف اللاعبين وبدل تسجيل لاعبين امكانياتهم ضعيفة تؤدي الى خسارة الهلال
Quote: والكاس كاسنا ونحن اهلو ونستاهلو
ما اظن نتمنى ذلك كما اتمنى من كل قلبي ان يكون كلامي مجرد كلام ويكذبوني لاعبي الهلال وقتها اتضامن مع ود القاضي واحلق شنبي في ميدان ابوجنزير ههههههه خليل كل سنه وانت طيب ياحبيب عام بطولات ان شاء الله
09-04-2011, 11:41 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
كلامك تمام التمام فعلا الدفاع متخلخل وبطى فى التمركز ويحتاج الى شغل وميشو لا يصلاح للهلال
مودتى ...
طبعا انت راجل مدافع ويشهد لك بالكثير في عالم المجنونه ايام فريق الاملاك بحري طبعا كابتن كما تعلم الحارس نصف الفريق الهلال لايملك حارس اول ولا ثاني وهو السبب الاساسي في زعزعت الدفاع وكشف عيوبة لو كان الحارس تمام كان عالج معظم غلطات الدفاع ياخالد ميشو وطارق احمد ادم طوال الفترة السابقة كان بعملو في شنو يعني المدرب ريكاردو كان عامل شغل كبير لفريق الهلال
09-04-2011, 12:11 PM
عبدالله كع عبدالله كع
تاريخ التسجيل: 02-12-2008
مجموع المشاركات: 4841
بداية يا ولي عنوانك . . صعب وصعب شديد وفيهو اجحاف بالهلال الامر التاني يا حبيبي في فهم عام في السودان هو - اللعب بروح الانتصار .. ودي حسنة في الكورة السودانيه والامر الاهم زي ما قال ليك المعلم ابو خليل .. معظم الفرق فيها دخنه انا شاهد ته مباراة انميمبا .. الاخيرة ممكن هو الفريق الوحيد القوي - واظنو هو الهلال في سرج وااااااااااااحد ام المجموعة التانيه (( الاهلي والترجي )) والاتنين ديل حدث ولاحرج !! ولكن بدخلو الملعب بانهم فرق بطولات يعني منتصرين منتصرين
شوية عزيمه وقتال واهمه حاجه ان اللعيبه تفهم انهم هم الاقوي والاحسن (( اداء )) بكون الكاس قااااااااااااااعد في السودان زي السلام عليكم ...... والسلام عليكم وصلي الله وبارك
كدي انسي خليفه و وابو سعد ديل ...!
09-04-2011, 12:13 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
وسبق فتحنا موضوع عن دفاع الهلال ومشكلته التي اصبحت تؤرق جمهور الهلال العريض وعلى راسه المدرب طارق احمد ادم وبرضو رجعوا لنفس الغلط والتكشيل الخاطي ديل بدربوا شنو ماعارف اكثر من موسم ولم يجدوا حل لهذه المشلكة أين وزير الدفاع طارق احمد ادم من دفاع الهلال...
09-04-2011, 02:11 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
سعادة المستشار ابو محمد فؤاد ... كل عام وانتم بخير
Quote: ## مُشكلة الهلال الحاليه هى مُشكلة مُدرب ,, الشخص الأمثل لهذه المرحله هو الأسد (فوزى المرضى) أو الشخصيه التى يهابها الإداريين قبل اللأعبين الكوتش (أحمد عبدالله) كمدرب للفريق إذا اراد الهلال إحراز كأس هذه البطوله ,, طارق أحمد آدم شخصيه مهزوزه ولايملك شخصية لهذه المهنه ,, مشيو لايستطيع ان يضع التشكلية التى يخوض بها المبارأه وغالباً ما يضعها بصوره خاطئه وعندما يحاول مُعالجة الأخطاء تكون بأخطاء أكثر فــداحــه..
## يا إدارة الهلال نحنا ناس عندنا ضغط وسكرى وقلب وكلوسترول عالى ,, بالله ماتكتلونا بالمغصه وناقصين عمر من عمرنا الإفتراضى..
طبعا كلامك دا كلام سليم اعرف مدى حبك للقبلة الزرقاء كما اعلم ان لك باع وفكره كبيرة في كرة القدم من لعب وتكتيك وتكنيك بالمناسبة وضحت هنا اشياء مهمة عن فرقة الهلال وهي تتمثل في العله الاساسية التي تصحاب في تكتيك ميشو لفريق الهلال وخصوصا معالجتة للاخطاء التي يلاحظ عليها اثناء المباراة ياخي مره بشاهد ليهو مباراة وتحدثت فيها مع طارق الكوتش (ابوظبي ) ياخي استبدل مهند وسادمبا في وقت المباراه ماشى لضربات الجزاء وديل معروف عنهم يتمتعون بضمان تسديد ضربات الجزاء نظر ونظر ووفعلا دخل الهلال في وضع الفصل بضربات الجزاء وخسرها الهلال .. يا سعادة المستشار انت تتمنى وانا اتمنى ولكن معطيات كرة القدم تقول غير ذلك المدرب الناجح والادارة الناجحة هة التي تخلق فريق قوي وفريق بطولات
09-04-2011, 03:15 PM
نور الدين عثمان نور الدين عثمان
تاريخ التسجيل: 04-30-2010
مجموع المشاركات: 1390
قال رئيس انيمبا النيجيري فليكس اغوو انه متفائل جدا ان يحقق فريقه صدارة المجموعة الاولى بالفوز على الهلال في السودان ..واكد اغوو الذي كان يتحدث لاحد المواقع الالكترونية الخاصة بنادي انيمبا والذي نقلت حديثه صحيفة (الزعيم) الصادرة اليوم قال: لو احضرت شقيقات لاعبي انيمبا لاستطاعوا ان يهزموا الهلال في عقر داره وفي استاده ..وواصل حديثه قائلا قائلا:اريد الحصول مع هذا النادي العملاق على لقب افريقيا ثلاث مرات بعد ان نلت لقب 2003 و2004م واشار الى ان تعادل الفريق الاخير مع الرجاء المغربي جعل فريقه يحصل على رقم قياسي وهو عدم الخسارة في تسع مباريات افريقية متواصلة هذا الموسم وواصل فليكس حديثه مشيرا الى ان هذا الرقم يؤكد ان فريقه مستعد بصورة جيدة وسيكون لنا النصر في السودان واختتم اغوو حديثه ان الهلال فريق عادي وليس لديه لاعبين مميزين وقد شاهدته في عدد من مبارياته ويعتمد فقط على جمهوره الذي اعتقد ان لاعبي انيمبا او شقيقاتهم سيلقنونهم درسا لن ينسوه ابدا.
11 | 0 |
09-05-2011, 07:01 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: كل عام وأنتم بخير.. 1. الهلال يحتاج للعب الممرحل السريع قهر كل من يلتقيه نسبة لوجود مهاجمين طيارات. 2. ميشو مدرب جيد ولكنه يوغل في وضع تشكيلته بناءاً على الفعل المتوقع من واقع دراسته للخصم وليس على مايريد الهلا القيام به من مبادرات هجومية.. 3. حيث نه لاوقت لكثير تنظير فيعرف ميشو أن قوة الهلا في هجومه وأنه يجب أن يلعب مهاجماً داخل وخارج الارض... خليل اخبار قوبي شنو.
فعلا اللعب الممرحل السريع يعمل على جهجهة الخصوم وبالاخص لعب الاطراف ولكن اذا لاحظت الى لعب الهلال تجد السرعة في الهجوم فقط لاتجد سرعة في الوسط وفي لاعبي الدفاع في حال التحول من دفاع الى هجوم ولا تجد السرعة في الرجوع الى الدفاع في حالة التحول الى دفاع وليس السرعة فقط بل التغطية ايضا ضعيفة جدا واكثرها بالعين فقط وليس الحركة تكاسل غريب واتكالية عجيبة في دفاع الهلال ما اعرفة جيدا ميشو سوف يضيع ويطيح بأمال الهلالاب
09-05-2011, 11:45 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بداية يا ولي عنوانك . . صعب وصعب شديد وفيهو اجحاف بالهلال
مافي اجحاف على الهلال ولكن هذا هو مستوى فريق الهلال الذي ننتظر منه البطولة يعني ماممكن تدخل حرب من غير سلاح وتقول عايز تنتصر والهلال يدخل كل مبارياته المتبقية من غير سلاح وهو خط الدفاع
Quote: الامر التاني يا حبيبي في فهم عام في السودان هو - اللعب بروح الانتصار .. ودي حسنة في الكورة السودانيه والامر الاهم زي ما قال ليك المعلم ابو خليل .. معظم الفرق فيها دخنه انا شاهد ته مباراة انميمبا .. الاخيرة ممكن هو الفريق الوحيد القوي - واظنو هو الهلال في سرج وااااااااااااحد
عبد الله كع ياحبيبي كل الفرق في المرحلة القادمة فرق متعودة على التتويج ودي براها ثقافة في حد زاتها ممكن تلعب ليك بمستوى وممكن كمان تخسر بس ماتلاقيها في النهاية والله احن على حال جمهور الهلال الذي ينظر ويتشوق الى هذا الفرح
09-05-2011, 11:53 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
اعجبتني مداخلة الكابتن معتصم الجمري ودا كلام ناس متخصصه في اللعبة
Quote: الكابتن الصديق وليد عبداللطيف ... مشتاقين ... زمن طويل ما سمعنا منك .. تحياتي ليك وللاسرة الكريمة
حقيقة مشكلة دفاع الهلال حاجة ملاحظة ولابد من حلها عاجلا
لاعب الارتكاز في الفريق مهم جدا ...كان العوني وعصام بلاتيني وعصام غانا ومنقستو بمثلو ركيزة كبيرة لدفاع الهلال في فترات مختلفة عشان كدة دفاع الهلال كان ثابت بالرغم من ملاحظات على طارق ومجدي مرجان
انا ارى الاهتمام بلاعب الارتكاز ضروري والان الهلال ما عندو اللاعب الممكن يشغل الوظيفة دي
عمر بخيت لاعب جيد ولكن ما بالقوة الكافية لهذه الوظيفة
بالنسبة للحارس المعز .. اهم شئ في حارس المرمي هو الرشاقة ودي مفقودة في المعز .. ونحن كلنا بنتذكر الحارس الاسطورة حامد بريمة ... كان مميز بالرشاقة
وده صوت للحادبين على مصلحة الهلال والماسكين زمام الامور لاعادة النظر في هذا الامر
يا وليد ياخي .. جنابو عمر ده فاضل ليهو حاجة بسييييييييييييطة ويبقى ازرق ...
يا وليد عايزين كاس محمول جوا ان شاء الله جنازة زي كاس ناس عمر ديل ههههههههههههه
تحياتي ونلتقي
09-05-2011, 12:09 PM
الصادق صديق سلمان الصادق صديق سلمان
تاريخ التسجيل: 07-11-2006
مجموع المشاركات: 4010
الاخ عبد الله السفاح ... كل عام وانتم بخير قبل كل شيء امس راجعت البوست الذي يخص الفريق القومي وكان مفروض نبارك و نعمل مداخلة ونشيد بالبوست للفريق اليتيم (الفريق القومي ) يظهر الناس تشجع هلال مريخ فقط وقبل هذا وذاك سعدنا بظهورك في التلفزيون والحديث الطيب الى ان ارجع وارد في ما اوردته لنا من تحليل
09-06-2011, 11:21 AM
عبدالله السفاح عبدالله السفاح
تاريخ التسجيل: 08-28-2009
مجموع المشاركات: 776
Quote: وكان مفروض نبارك و نعمل مداخلة ونشيد بالبوست للفريق اليتيم (الفريق القومي ) يظهر الناس تشجع هلال مريخ فقط وقبل هذا وذاك سعدنا بظهورك في التلفزيون
تسلم الحبيب وليد
وللأسف المنتخب الوطني لا يجد حتى المشاركة في البوستات التي
تخص شأنه ... على عكس هلال مريخ .. حقيقة حاجة عجيبة
نتمنى ان يرتفع الحس الوطني قليلاً خصوصاً والمنتخب على اعتاب أنجاز
جديد بالصعود للنهائيات للمره الثالثة في تاريخه ..
بالنسبة لظهور على قناة قوون للأسف لم أشاهد بث الحلقة واتمنى أن يكون
ظهور لائق ...
09-06-2011, 01:34 PM
Rasha Swaraldahab Rasha Swaraldahab
تاريخ التسجيل: 08-29-2011
مجموع المشاركات: 672
السلام عليكم الاخ وليد وكل عام وانتم بخير , واسفة لدخولي هكذا دون استاذن واسمح لي بمداخلة ؟ حقيقي كيف يمكن ان نجد الحلول لرفيق الهلال؟ الهلال لعدة مواسم يفتقد للعب بروح الجماعية وكثيراً بتكون المهاراة الفردية هي الحل لحسم اللقاءات واكيد كل جمهور الهلال عارف الحتة دي , حتي تسجيل اللاعبين الاجانب الجدد اللي بيكون عندهم صولات وجولات مع فرقهم , بعد الانضمام للفرقة الهلالية بيقي اندماجهم مع المجموعة صعب جد .
09-06-2011, 02:05 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وواصل فليكس حديثه مشيرا الى ان هذا الرقم يؤكد ان فريقه مستعد بصورة جيدة وسيكون لنا النصر في السودان واختتم اغوو حديثه ان الهلال فريق عادي وليس لديه لاعبين مميزين وقد شاهدته في عدد من مبارياته ويعتمد فقط على جمهوره الذي اعتقد ان لاعبي انيمبا او شقيقاتهم سيلقنونهم درسا لن ينسوه ابدا.
قبل كدا فتحت بوست وقلت تحت هتافات جمهور الهلال ترجف الابطال وتحس بهذا اذا كنت لاعب في الهلال او خصمة داخل الملعب الجمهور يلعب دور اساسي في انتصارات الهلال ولكن الى متى يعتمد الهلال على جمهوره لماذا لم يقدم الهلال مره كاس الى جمهورة كعربون مصالحة ومكفأة لهم والكاسات لاتأتي بالتمني والاحلام بل الجد والعمل الهلال قوي لايستهان به في حالة معالجة خط الدفاع والحارس سوف يكون لهم وضع اخر في افريقيا بل اخشى عليه من تنظير ميشو وطارق والعبث المتواصل في التشكيله ...
عبد الله السفاح ظهورك كان مشرف ولائق وحديث عارف بكل ثبات ياريت لو سجلنا ليك الحلقة لان كثيرا اقوم بالتسجيل لمراجعة بعض النقاط وتكرار مشاهدة لقطات المباريات للتحليل
Quote: السلام عليكم الاخ وليد وكل عام وانتم بخير , واسفة لدخولي هكذا دون استاذن واسمح لي بمداخلة ؟ حقيقي كيف يمكن ان نجد الحلول لرفيق الهلال؟ الهلال لعدة مواسم يفتقد للعب بروح الجماعية وكثيراً بتكون المهاراة الفردية هي الحل لحسم اللقاءات واكيد كل جمهور الهلال عارف الحتة دي , حتي تسجيل اللاعبين الاجانب الجدد اللي بيكون عندهم صولات وجولات مع فرقهم , بعد الانضمام للفرقة الهلالية بيقي اندماجهم مع المجموعة صعب جد .
الهلال فقد كثير من البطولات لاخطاء التشكيل والتسجيل الهلال كان من بداية الدوري محتاج لاعبين بمواصفات دفاعية جيدة مع حارس جيد المشكله السودان يقيس قوته بدوري الخرطوم فقط ومتخيلين بهذا المستوى ان يكون لهم موقع بين الاندية الافريقية صحيح الهلال مكتمل في خط الهجوم والوسط نوعا ما ولكن الدفاع صفر الهلال يحتفظ بلاعبين ليس لهم قيمة اويخدمون فريق الهلال حتى المدرب ميشو ورفيقة طارق متخيلين توليف لاعب هذا من مصلحة النادي بل بالعكس اهم شيء الاحساس بمركز الاعب ولكن خلال اللعب يمكن التغيير حسب الحركة والتخطيط بالنسبة للاعبين الاجانب طبعا ديل محترفين وفرق كبير بينهم وبين لاعبيننا ولديهم قوة جسمانيا دخلية ربانيه وليس مكتسبة عن طريق التمارين لذلك يتميزون عن اللاعب السودان وينجحون خارج بلادهم والهلال لا يلعبهم بحجة انهم لما ينسجمو كيف يكون هنالك انسجام وهم لايشاركون وحتى مشاركاتهم تكون في ظروف صعبة مثلا اللاعب توريه مهم في وسط الملعب يجلس خارج ليه انا ماعارف فكر ميشو شنو لانه افضل من لاعبي وسط الهلال لاعب قوي وسريع
الحديث كثير يارشا وسعدنا بمرورك ويظهر تمتلكين فكر كروي وهذا من خلال مداخلتك ذكرتينا الكوتش اميرة الشيخ واماني الامين ومواهب ادريس ود . رحاب خليفة
09-07-2011, 01:22 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
معليش نتحدث عن الهدف الثاني ونرجع نرد المداخلات الهدف الثاني الدفاع كان في عالم تاني مرات بجيني احساس بقول دفاع الهلال عندو زار لانهم الكره في وادي وهم في وادي اخر الكره تحركت بالجهه اليسر للهلال مساوي مشى وين ماعارف شايفو راجع بعد يومين من دخول الهدف تحرك في المنطقة المفروض كان يتحرك فيها في البداية عبد اللطيف وبعده عمر بخيت اللاعب الخصم عند استلامه للكره طبعا صاحبنا ديمبا باري مندفع وجاهو محاور جاهز رقد رز في الارض قبل المراوغة وبعدها كان ممكن عمر يدخل قبله للمسانده او متابعته في حال حدوث اي شيء مع ديمبا والانقضاض بقوة حتى لايعطي فرصة للخصم بان يفكر ولكن هيهات اللاعب اخد راحتة وبتفكير جيد ومريح مررها بين ارجل عمر بخيت وفي اللحظة اللاعبين ديمبا باري وعمر بخيت خارج اللعب ومعهم صاحبنا الجاري قبل يومين مساوي فضل منو اللاعب خليفة وهو يتحمل جزء كبير من الهدف لانه مفروض يكون عامل عمق في الدفاع حضورة المتاخر للمعالجة الغلط وموت مساوي وعمر بخيت اثناء اللعب اصبح هناك تفوق عددي للخصم اثنان امام واحد الغريبة اللاعب استعجل وهدف كره ضعيفة في يمين جمعه ووقع جمعة زي ميزانية الدوله هدف جميل فيهو دراما ( سقوط ديمبا وبيضة عمر بخيت ووقعة جمعة الزي ميزانية الدولة ) معليش دي مافلسفة مني ولكن ابسط فهم لحركة الدفاع اثناء اللعب وفي حال اللعب بجميع الخطط وعن نفسي مابلوم واحد فيهم إلا المدرب ميشو وادارة الهلال التسجيل العشاوي لاعب كان مرشح للشطب تلاقيهو المباراة البعدها لاعب اساسي حكمتو بالغة
09-07-2011, 03:16 PM
Rasha Swaraldahab Rasha Swaraldahab
تاريخ التسجيل: 08-29-2011
مجموع المشاركات: 672
سلامات وليد , قد اكون غير ملمة بكل الجوانب الفنية للكورة ويمكن اكون اقل من الاخوات الفاضلات اللي انتا ذكرتهم ولهم التحية , ولكن حالي حال كل من هو محب لفريقه ويأمل ان يجد القائمين علي امر الفريق الداء لمعالجته , المهم هو يا وليد انو نؤمن بانه الحصول علي الكاس بهذا الاداء من الصعب بما كان ومحتاج لشغل جاد عشان ما نقعد نغش روحنا وانو الفريق كويس ومية في المية .
09-07-2011, 03:27 PM
Rasha Swaraldahab Rasha Swaraldahab
تاريخ التسجيل: 08-29-2011
مجموع المشاركات: 672
ما اجمل جماهير الهلال وليد , التحية لهم , رائع جد لما يكون لاعب الهلال في ارضه وبين جمهوره وصدقني انا هنا لا اعني الناحية الفنية وطريقة اللعب ولا المباراة حتنتهي كم كم ولكن اقصد ذلك الرعب الذي يصيب اي فريق زائر من مشاهدة كل هذه الجماهير . فالتحية لهم
09-07-2011, 03:54 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: الصادق صديق كل سنه وانت طيب شنو ياخي سلم علينا وطايبنا وعيد علينا
كل سنة وانت طيب ياخي وأسأل الله أن يحقق أمانيك كلها دون نقيصة
Quote: هل يتحمل ميشو فقط المسئولية اكيد لالالالالالالالا
بالتأكيد في الوقت يتحملها وحده لأن المطلوب من ميشو كثير جداً وليس قليل أبداً كما تعلم: مراقبة الخصوم ودراسة كل فريق خصم على حدى ومعرفة نقاط قوته وضعفه ووضع الخطط واللاعبين المناسبين في الأماكن المناسبة حسب الخطة التي رسمها هو للفوز وأكرر للفوز وهذا اهم عمل يقوم به المدرب ويسهر عليه الليالي كما كان يفعل حسن شحاته مع الفريق المصري. والباقي معروف.
نحن عاوزين بطولة يا وليد
الصادق
09-08-2011, 08:56 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: سلامات وليد , قد اكون غير ملمة بكل الجوانب الفنية للكورة ويمكن اكون اقل من الاخوات الفاضلات اللي انتا ذكرتهم ولهم التحية , .
الهلال وطن داخل وطن يعشقة الملايين وارى البنات المشجعات يتزايد كل يوم وليس تشجيع فقط بل متابعين له في كل المحافل ولصيقين به جدا زمان كنا نستغرب عندما يتحدثون الفتيات عن كرة القدم نقول كيف يتابعون هذه الهواية واللعبة الخشنة التي ينزوي اليها الرجال فقط الى ان اصبحت كرة القدم نوع من الفنون وبها جماليات واشياء ممتعة وغير كل ذلك بها المحبة والحب والاخاء
Quote: ولكن حالي حال كل من هو محب لفريقه ويأمل ان يجد القائمين علي امر الفريق الداء لمعالجته , المهم هو يا وليد انو نؤمن بانه الحصول علي الكاس بهذا الاداء من الصعب بما كان ومحتاج لشغل جاد عشان ما نقعد نغش روحنا وانو الفريق كويس ومية في المية
فعلا كما تفضلتي اختي رشا بهذا الاداء يستحيل يصل الهلال حتى النهائي لاننا يفتقد الكثير من ثقافة الصعود الى منصات التتويج ليس الجمهور وحدة يفعل كل شيء لازم الادارة ومدربين ولاعبين يكون لهم دور اكبر اختنا رشا سوار سعدنا بمرورك الانيق
Quote: ما اجمل جماهير الهلال وليد , التحية لهم , رائع جد لما يكون لاعب الهلال في ارضه وبين جمهوره وصدقني انا هنا لا اعني الناحية الفنية وطريقة اللعب ولا المباراة حتنتهي كم كم ولكن اقصد ذلك الرعب الذي يصيب اي فريق زائر من مشاهدة كل هذه الجماهير . فالتحية لهم
جمهور الهلال يعشق فريقة بجنون كما المريخاب يعشقون فريقهم الاحمر الوهاج وذكرتيني زمان كثيرا ما كنت اداعب لاعبي الهلال والمريخ واقول للاعبي المريخ بان جمهور الهلال يقدر ويحب لعيبته اكثر عكس جمهور المريخ فتحصل الفتنة ونتسامر ونضحك في كل تجمع رياضي وهنا لاينظرون انت لاعب هلال او مريخ او نادي اخر الحب متوفر بكثرة بينهم
Quote: اذا عاد علاء الدين يوسف لمستواه الطبيعي بجوار عمر بخيت
سينصلح حال الدفاع والذي يكشفه ضعف مردود لاعبي الارتكاز علاء او اتير
وظل عمر بخيت يقاتل لوحده
حينها سيلعب الهلال النهائي مع انيمبا
وحينها سوف يتوج تعرف ياخليل الوسط لما يكون قوي لان المناورة تبدا من هذه المنطقة بيشيل كثير من اخطاء الدفاع والحارس ولكن الان حتى الوسط تايه لو ملاحظ عمر بخيت يتنفر ويتزهج لانه كثيرا يجد نفسة في حالة عدم دعم ربنا يصلح الحال ويحقق الهلال رغبته كلامك كلام معلم ياخليلوف
09-10-2011, 07:45 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
معليش حبايبنا قلنا بدل مانفتح بوست جديد من الافضل التعليق في نفس البوست كل الاخوان والاخوات بالمنبر طارق الكوتش الهلالابي الغيور بيسلم عليكم بدون فرز وبقول هاردلك لكل الاهله . . المدرب ميشو كالعادة يقضي على امال الجمهور مقول يا مشمش تلعب ناس ليهم سته شهور مالمسو كوره ( مدثر كاريكا ) روماريو لاعب البرازيل في التصفيات كان له الفضل بصعود فريق البرازيل ورغم ذلك استبعد عن الادوار النهائية الفهم شنو ماعارف ياميشو الواحد يمشي يشرب مويه ويجي يلاقي هلال ولاعبين اخرين تلاقيهو غير كل كنبة الاحتياطي ياجماعة الزول حقو يعملو ليهو اورنيك تمانية امكن شارب حاجة بالله الميدان اصبح زي حلقة الموالد تغيراته كلها عشوائية ومن اي فهم عن نفسي وعشان ما امرضها ميشو دا انا خليتو لربنا وليكم . . الحارس المعز ليس له علاقة ابدا بالحراسة وحتى ولو وقف حارس لفريق البرازيل
09-10-2011, 09:05 AM
خالد درق خالد درق
تاريخ التسجيل: 12-08-2009
مجموع المشاركات: 4353
ادمنوا الفشل التكرار يعلم الحمار ولم يعلم ميشو وبعض الاعبين 1- ميشو كالعادة في كل مباراة لازم يغير كل الاحتياطي وكل مره تشكيله شكل 2- الحارس المعز كل مباراة خروج خاطي ويدخل الهلال في حسابات خطيرة 3- سيف مساوي ضربات جزاء بطريقة واحدة مع القطن لم تحسب وتحسب مع انيمبا 4- إدارة نادي الهلال شنو الجابرهم الصبر على ميشو وتخبطة وبقاء لاعبين بامكانيات ضعيفة في كشف الهلال
09-10-2011, 12:30 PM
Hisham Ibrahim Hisham Ibrahim
تاريخ التسجيل: 02-19-2006
مجموع المشاركات: 3540
هارد لك للهلال.. يا ولي ياخي المعز دا عمل (سبوتنج) انو الكورة دي ح تتعكس و حاول يكسب مساحة لكن الاسبوتنج بتاعو طرشق ، ياخي حارس مرمى في الرابطة ما تتدخل فيهو كورة زي دي!! اعتقد أنو لو لا الخطأ الفادح من المعز في هذه الكرة كان يمكن أن تتغير نتيجة المباراة لصالح الهلال!! حسابات الهلال اتعقدت لكنها أقرب الى (كااااااااااك) أو كما قال هارون دياب!!
09-10-2011, 01:58 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
** ود عبداللطيف.. ** سلام ومساءك خير.. ## غايتو الكارثه الإسمو المُعز من نهاية الكوره الى الآن ودانى المُستشفى مرتين ,, الله لاكسبو عافيه عشان توقفو تحت تلاتة خشبات حتى ولو كانو عايزين يعرشو بيهم راكوبه..## ولي ماقلت ليك البلياتشو الإسمو المُعز دا يوم بيلحقنا أُمات طه..
(ودام الود بين الجميع فى حب سيد البلد بدون وجود المعز والكارثه الآخر المدعو ميشو) (ابو محمد فؤاد) ^ ^ ^ ^ ^ ## كسره:-الى هيثم مصطفى كرار "رئيس نادى الهلال وكابتنه" للتكرم بإصدار فرمان منك بشطب المُعز نهائياً من كشوفات الهلال ,, وفرمان آخر منك الى نفسك بعدم التدخل فيما لايعنيك بشأن التغيير أثناء اللعب أو وضع التشكيله .. ##الهلال ككيان هو الباقى والاشخاص يأتون ويذهبون ومن ثم يُنسون ,,, وشكلك دا آخر موسم ليك عشان تدق التيوه تانى فأترك ذكرى طيبه ومشكور ماقصرت ..
09-10-2011, 04:53 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
لاحظ للعادة بتاعة هدف الهلال من الكميرا التانية ،،
هل هدف سادومبا تسلل عند خروج الكورة من قدم الاعب ؟
لو كنت بعرف التقنيات كنت جبته ليك الصورة ،،
وهاك ياود العباسية لقطة إعادة هدف سادومبا بالظلال على ارضية الملعب لتحديد التسلل لحظة خروج الباص لسادومبا
الأخ وليد وزواره سلام وهاردلك كابتن وليد تحليلاتك الفنية تأشر لموضع الداء فنياً المشكلة أن العيوب الفنية لم تكن وليدة الهزيمة ولكنها موجودة حتى عند الإنتصارات ولكن لا يتطرق لها الناس إلا بعد وقوع الفاس فى الراس ..
فى رايى ميشو لم يبدل فى طريقة تنظيم وخطة اللعب للهلال بل ورثها من المدرب البرازيلى كامبوس .. وهى تعتمد على إمكانيات لاعبى الهلال، وأنه مفروض عليه هيثم مصطفى كمقرر ثابت كما كان مفروض على سلفه ريكاردو وعلى ميشو الآن فأكل عيشهم حتم عليهم ذلك. والمدرب كامبوس غير من أسلوب الهلال وبالذات طريقة هيثم مصطفى بإبطاء اللعب والإكثار من التمريرات العرضية، لإسلوب تمرير الباص السريع الطويل لمهاجمين ميزتهم الأساسية السرعة. كان لديه أمبيلى وكاريكا فطلب حصاناً آخر بمواصفات أمبيلى، فجيئ بسادومبا الذى صادف أن له ميزات إضافية كنهاز للفرص والمكر فى التسبب قى ضربات جزاء. ,أضيف للمجموعة جوادين آخرين بكرى المدينة، وترماي بونج فميشو فى ظل سياسة مراكز القوى بالنادى، يده مغلولة. كما أنه يدرك تماما الضعف الدفاعى وحراسة المرمى، مثله مثل كامبوس، فيؤمنه ويأمن بقائه بتكثيف عددية اللاعبين فى المنطقة الدفاعية
إستجلاب بعض اللاعبين الأجانب وإن تميزوا قد يصنعون الفارق إلى حد ما وأعتقد أن ذلك كان جلياً فى 2007 عندما صنع الفارق الثلاثى قودوين وكلتشى ويوسف محمد للهلال .. ولكن أمراض ومعوقات الكرة السودانية وحقيقة أين تقف فى ظل العشوائية والدورى المحلى الضعيف، وأشياء أخر، فى النهاية تفرض كلمتها.. بإختصار لا يوجد أسلوب ومستوى كرة سودانية يفرض نفسه ويحقق إنتصارات بإنتظام غير عشوائية، بغض النظر عن الفريق السودانى المشارك ومدى قوته وترتيبه المحلى.
09-11-2011, 06:30 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
لاحظ للعادة بتاعة هدف الهلال من الكميرا التانية ،،
هل هدف سادومبا تسلل عند خروج الكورة من قدم الاعب ؟
لو كنت بعرف التقنيات كنت جبته ليك الصورة ،،
غير تسلل شاهدتها اكثر من مره ونشكر اخونا الفضلي على الصورة الثابتة وتوجد ضربة جزاء مع سادمبا لم تحسب شايف و الكابتن رشيد المهدية بقول عكس ذلك طبعا في اشياء لاتوضح الا بالتكرار ومن عدة زوايا
09-11-2011, 01:57 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: هارد لك للهلال.. يا ولي ياخي المعز دا عمل (سبوتنج) انو الكورة دي ح تتعكس و حاول يكسب مساحة لكن الاسبوتنج بتاعو طرشق ،
هههههههههه ياخي مثل هذه الكرات دائما بكون فيها اتفاق بين اللاعبين منو بمشي الزاوية القريبة ومنو بمشي الزاوية البعيدة والحارس الذكي هو من يتصرف صاح ولازم اول شيء ينتبه الى حائط السد حتى يستطيع ان يتحرك للخيارات الاخرى عِلا صاحبنا ماعمل اي شيء طلع خارج المرمى بطريقة لاتوصف
Quote: ياخي حارس مرمى في الرابطة ما تتدخل فيهو كورة زي دي!! اعتقد أنو لو لا الخطأ الفادح من المعز في هذه الكرة كان يمكن أن تتغير نتيجة المباراة لصالح الهلال!! حسابات الهلال اتعقدت لكنها أقرب الى (كااااااااااك) أو كما قال هارون دياب!!
الله في ياحاج انت كمان ماتحصطم الناس بالطريقة دي ياخ قصة الهدف ياحاج حمد مره فريق الهدف لاعب الكره وكان ضارب ليهو كاس كارب وواقف لمبه قام وليد ابوناتوله (نجوم الشعبية ) لعب كورة مطفشهاالسماء يازول صاحبك الحارس بعاين ليها وهي نازل من السماء الى ان دخلت القون سألوه : قال ليهم الشمس كانت ضاربة في عيوني والوقت داك كان قون المغربية ههههههههههه ياخي زمان ناس عز الدين صاحبك يسجلو ليك حارس عمارة او يسجلو ليك لاعب متزوج وعندو اولاد ههههههههههه
09-12-2011, 09:54 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ## غايتو الكارثه الإسمو المُعز من نهاية الكوره الى الآن ودانى المُستشفى مرتين ,, الله لاكسبو عافيه عشان توقفو تحت تلاتة خشبات حتى ولو كانو عايزين يعرشو بيهم راكوبه..## ولي ماقلت ليك البلياتشو الإسمو المُعز دا يوم بيلحقنا أُمات طه..
زمان موش كان بجلدوا الطلبة في المدارس ليه النظام دا ما يعملوه في كرة القدم ويتعمل له فقرات قانونية حسب نظام الدولة وللا رايك شنو يا ابومحمد فؤاد
09-12-2011, 10:17 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: الأخ وليد وزواره سلام وهاردلك كابتن وليد تحليلاتك الفنية تأشر لموضع الداء فنياً المشكلة أن العيوب الفنية لم تكن وليدة الهزيمة ولكنها موجودة حتى عند الإنتصارات ولكن لا يتطرق لها الناس إلا بعد وقوع الفاس فى الراس ..
عن نفسي دائما اتحدث عن اسباب الفشل لفريق الهلال والفريق القومي والمريخ وفهم الرياضة اي كرة القدم بالتحديدعندنا لم يتتطور مع تطور كرة القدم
Quote: فى رايى ميشو لم يبدل فى طريقة تنظيم وخطة اللعب للهلال بل ورثها من المدرب البرازيلى كامبوس .. وهى تعتمد على إمكانيات لاعبى الهلال، وأنه مفروض عليه هيثم مصطفى كمقرر ثابت كما كان مفروض على سلفه ريكاردو وعلى ميشو الآن فأكل عيشهم حتم عليهم ذلك. والمدرب كامبوس غير من أسلوب الهلال وبالذات طريقة هيثم مصطفى بإبطاء اللعب والإكثار من التمريرات العرضية، لإسلوب تمرير الباص السريع الطويل لمهاجمين ميزتهم الأساسية السرعة. كان لديه أمبيلى وكاريكا فطلب حصاناً آخر بمواصفات أمبيلى، فجيئ بسادومبا الذى صادف أن له ميزات إضافية كنهاز للفرص والمكر فى التسبب قى ضربات جزاء. ,أضيف للمجموعة جوادين آخرين بكرى المدينة، وترماي بونج فميشو فى ظل سياسة مراكز القوى بالنادى، يده مغلولة. كما أنه يدرك تماما الضعف الدفاعى وحراسة المرمى، مثله مثل كامبوس، فيؤمنه ويأمن بقائه بتكثيف عددية اللاعبين فى المنطقة الدفاعية
دا كلام واقعي ومافيهو اي شخشخة وهذا يدل على ان ميشو لم يضيف اي شيء الى فريق الهلال
Quote: ولكن أمراض ومعوقات الكرة السودانية وحقيقة أين تقف فى ظل العشوائية والدورى المحلى الضعيف، وأشياء أخر، فى النهاية تفرض كلمتها.. بإختصار لا يوجد أسلوب ومستوى كرة سودانية يفرض نفسه ويحقق إنتصارات بإنتظام غير عشوائية، بغض النظر عن الفريق السودانى المشارك ومدى قوته وترتيبه المحلى.
المشكله الكبيرة الهلال والمريخ يقيسون انفسهم بالدوري المحلي فقط دوري يفتقر الى ابسط مقومات المنافسة لذلك عندما يذهبون الى منافسات خارجية تجد مستويات غير ثابته يوم فوق ويوم تحت تدل على انهم ماشين بالبركة وليس بالتخطيط عادي ممكن تتهزم ولكن لازم يكون عندك احساس انك اديت دورك كما هو مطلوب شكرا ليك اخي نادر وسعدنا بمرورك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
abas
khaleel
عبدالكريم أحمد الامين
شمس الدين ساتى
عبدالله كع
نور الدين عثمان
الصادق صديق سلمان
عبدالله السفاح
Rasha Swaraldahab
Hisham Ibrahim
الحاج حمد الحاج
ودالعباسية
نادر الفضلى
فيس بوك
تويتر
انستقرام
يوتيوب
بنتيريست