|
Re: قررت أن اكون اشهر "زول" فى سودانيزهكرلاين...تعالوا (Re: Siddig A. Omer)
|
سوف نزحف عليهم نحنا انى و الملايين...بيت بيت...دار..دار...شارع..شارع..زنغة..زنغة..فرداً....فرد...حتى نحرر سودانيزهكرلاين ...موضوع..هوضوع...إملاء..إملاء....بوست..بوست....من كل المتسلقين...و المتعلقين...و المتدهنسيين....
الى الآمام...الآمام.....ثورة...ثورة......طاخ...طاخ....
صديق القاعد بعيد
| |
|
|
|
|
|
|
Re: قررت أن اكون اشهر "زول" فى سودانيزهكرلاين...تعالوا (Re: طه إبراهيم عبد الله)
|
Quote: يعني قررتَ تقعد قريب في الحالة دي لازم تغير توقيعك .. ثم إنك لازم تكون مستعد لمتاعب الشهرة .. وقرّب تعال ما تبتعد |
كل عام و كل المشتتين و المشتات و القابضون على الجمر فى قلب الوطن الجريح بابنائه...كل عام وانتم بخير وصحة و موفقين و تامين و لامين...آمين.....ببركة ليلة القدر نصحى و ننوم ونلقى انفسنا نجلس الى صينية الغداء و يتوسطنا امهاتنا و ابواتنا و اخواننا واخواتنا يحيططوننا وهم يحمدون الخالق على نعمة اللقاء و الرحمة.بهم..و الخير...و البركة....كما كنا.....
كل عام و السودان ينعم بخير آهله الطيبين.....و يرفل فى ثوب العز و الوفرة و خير البلد المدفون فى رقاب قلة من فئة لا تعرف الرحمة....
برضـــة يا طه....
صديق القاعد قريب (بعيد سابقاً)
| |
|
|
|
|
|
|
Re: قررت أن اكون اشهر "زول" فى سودانيزهكرلاين...تعالوا (Re: Siddig A. Omer)
|
Quote: نصحى و ننوم ونلقى انفسنا نجلس الى صينية الغداء و يتوسطنا امهاتنا و ابواتنا و اخواننا واخواتنا |
أها يا صديق القعدت قريب نواصل .. انسجامًا وتماشيًا مع روح البوست كلامك الفوق فيه ملاحظات : أول حاجة شكلك كدا على وشك البكاء ياخوي أبكي ساااكت ولا يهمك مع إنو البكا لا بحلك ولا بحلنا لكن صمتايمز بريح الواحد شوية وعن نفسي بعملها عادي جدًا .. سيكندلي : موضوع صينية الغداء التي يتوسطها ملاح الخدرة أو القرع وما إليه وتحيط به صحون الطماطم والعجور وقيل فجل ..إلخ بعد تكمل الصورة تأكد تماما إنها مجرد ذكريات لأنو الصينية صفت على صحن وحيييييد .. أقعد عافية وما تمشي بعيد
| |
|
|
|
|
|
|
Re: قررت أن اكون اشهر "زول" فى سودانيزهكرلاين...تعالوا (Re: طه إبراهيم عبد الله)
|
طه....آسف شديد للبعد....
Quote: ياخوي أبكي ساااكت ولا يهمك مع إنو البكا لا بحلك ولا بحلنا لكن صمتايمز بريح الواحد شوية وعن نفسي بعملها عادي جدًا
|
البكاء....
ليتنا نستطيع أن نبكى...كبشر...اصبحنا نبكى..من غير دموع...و هذا اصعب انواع البكاء...لعلك لم تجربه بعد...
اما الصينية التى اصبحت "صحن"... ليتها تعود...و نعود....
من حقى أن احلم.....و ابكى بصمت.....او أن افرج كُربنا التى اصبحت كثيرة...كمن يتمسك...بلحظة ضاعت من عمره...
فيجترها....
كحيوان آليف....ينتظر ذبحه....
صديق القاعد بعيد
| |
|
|
|
|
|
|
Re: قررت أن اكون اشهر "زول" فى سودانيزهكرلاين...تعالوا (Re: Siddig A. Omer)
|
صديق سلام...... وعملاً بما جئت به من خطوات للوحدة اقصد للشهرة، فقد قررت التداخل............ويمناسبة صنية الغداء التي غدت صحن،واحد قال:السودان ده اتغير بشكل،زمان كنا نجلس للاكل ونقول بسم الله ، وبعد الانتهاء من الاكل نقول الحمدلله، لكن الزمن ده غريب، الناس تقعد في البيت اول مايجي الاكل ،يقولون ليك الحمدلله الاكل جاء، وبعد ان ينتهو منه يقولون :بسم الله هو متين كمل؟
| |
|
|
|
|
|
|
Re: قررت أن اكون اشهر "زول" فى سودانيزهكرلاين...تعالوا (Re: ibrahim alnimma)
|
Quote: صديق سلام...... وعملاً بما جئت به من خطوات للوحدة اقصد للشهرة، فقد قررت التداخل |
مرحب آخوى ابراهيم....
تذكرنى بصديقى...و الذى كان غالب يبتدئ كلامه بمقولته الشهيرة "بإسم الوآحد الآحد"، سوف يحدث من مالم اسر به...و كان يحدث.....
فاصبح آشهر من علم على راسه نار.....
سوف يحدث...ما لم اسر به.....بإذن الوآحد الآحد....
صديق القاعد بعيد
| |
|
|
|
|
|
|
|