|
Re: اسلامية الدستور (Re: صديق مهدى على)
|
ازدادت مشاكل السودان بعد تطبيق قوانين الشريعة في 1983
وتم الضياع بعد وصول اسوا حكومة في العالم مغتصبه الحكم
شريعة ايه التقتل جائع وتحمي الزول الايدو منيعة
ضد هذا العبث باسم الاسلام او اسم المشروع الحضاري
يعني كذب قوم الجبهة الاسلامية في زيااااده
من قيل امشي السجن وانا بمشي القصر
ومن بداية حكم العصابة قالوا عنها مشروع حضاري اسم دلع
الان دستور اسلامي
لا خيار للشعب الا باسقاط هؤلاء المجرمين
| |
|
|
|
|
|
|
Re: اسلامية الدستور (Re: تبارك شيخ الدين جبريل)
|
دستور أسلامي..دستور علماني..دستور حمورابي..دا ما مهم كتير!!-مع أني بفضل الفي النص!...لأنو ما خاشة في راسي حكاية دستور أسلامي دي! (اللهم إلا بدل كلمة رئيس تقول أمير المؤمنين!!!) المهم انو الناس تلتزم بيو يا عمر صديق.. هي المشكلة في القوانين و الدساتير المكتوبة وللا الاتزام بيها...ما هسي البلد فيها دستور و قانون..الشغال بيو منو؟؟ من زماااان من الديمقراطية كانت في و الناس قامت ركبت دبابات و انقلبت على الدستور..كان المشكلة في الدستور المكتوب؟ لمن انقلاب رمضان حصل و حل المجلس الوطني بليل,,,كانت المشكلة في الدستور المكتوب؟ لمن اعضاء في المجلس الوطني يضربوا و يمنعوا من دخول مجلس الشعب - ايام الفترة الانتقالية...و يصادر حق الناس في التظاهر السلمي المنصوص عليو في الدستور...المشكلة كانت في الدستور المكتوب؟؟ لمن القانون يمشي على الغلبان و كان عندك ضهر وللا قرن تتضرب على بطنك...المشلكة في القانون وللا الدستور المكتوبين؟؟ وللا المشكلة في الناس الماخدة الموضوع بالقوة و كلامهم هو القانون و الدستور برغم كل ما يكتب لا يسوى عندهم المداد الذي كتب به!! ... ما فارقة يا أخوي عمر..دستور اسلامي علماني هلالابي مريخابي...صدقني النتيجة واااااحدة.... الله يستر على الفضل من السودان
| |
|
|
|
|
|
|
|