|
|
 مريخ الصفوة .. وقاهر المستحيلات .. بجدة لملاقاة أتحاد جدة
|
قررت اللجنة الموافقة لنادى المريخ بآداء مباراة ودية دولية أمام نادي الإتحاد جدة السعودي يوم الثالث والعشرين من أغسطس الجاري بالمملكة العربية السعودية.
وافقت اللجنة علي مشاركة نجوم المريخ الدوليين في المنتخب الوطني في مباراة إتحاد جدة بشرط موافقة الجهاز الفني للمنتخب الوطني الأول لكرة القدم علي مشاركة اللاعبين في المباراة. من جهة ثانية قام الإتحاد السوداني لكرة القدم بمخاطبة وزارة الشباب والرياضة الإتحادية للموافقة على سفر بعثة نادى المريخ للمملكة العربية السعودية وآداء مباراة ودية مع نادى الإتحاد جدة يوم الثالث والعشرين من أغسطس الجاري.
المصدر صحيفة الرأى العام السودانية اليوم الخميس 18 رمضان 1432هـ
|
|
 
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: Abdulrahman Gorashi)
|
والله انا خايف مريخكم دا يمرمط سمعمة الكرة السودانية
الأتحاد نارو ملهلبة حمراء اليومين ديل
شاهدت مباراتو مع الهلال السعودي فى المملكة ومسح بيهو الواطة
أطالب إتحاد الكرة للتدخل لوقف سفر المريخ للسعودية حماية لسمعة الكرة السودانية
ضرورى بالله
مانى شمتان لكنى خايف ليس على المريخ لكن شفقان من لسان السعوديين على ( الزول) الكلمة التى يحبون إطلاقها على السودانيين هناك
ما ح يفرقوا لا بين مريخابى لا هلالابى
بس أى زول لابس طاقية ح يفولو ليهو " سبعة بالله يازول؟؟ إنتو ما عندكم كورة فى السودان؟؟؟؟؟)
اللهم لا نسألك رد القضاء ولكن نسألك اللطف فى عدد الأهداف
إنتو الجابكم شنو؟ قروش وجمال الوالى ما مقصر معاكم !!!!
بس عايزين أى حاجة تمسحوا بيها موقفكم مع الدورى الافريقى أو منافسة سيكافا الدفعتو فيها دم قلبكم
الليييييييييييييلة !
الله يستر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: تاج السر محمد حامد)
|
عزيزى تاج السر
سلام
أمنياتى لكم بسهرة رمضانية جميلة فى لقاء الزعيم والعميد
هو لقاء يجب ان يتجدد كلما سنحت الفرصة، فرياضة كرة القدم
دخلت السعودية عبر بوابة جدة من السودان .. رحمة الله على
لاعب المريخ ألأسبق عبدالله أبوهيوت وزملائه الذين أثروا نشاط
كرة القدم بالسعودية .. وفى العهد القريب رمح المنتخب السعودى
والنصر السعودى الهداف ماجد سمى ماجد أبوجنزير هداف السودان
والمريخ، وعماد خوجلى (معتمد) ... هى علاقة قائمة لا تنقطع،
وصدرت السعودية للدورى السودانى من أبناء الجالية السودانية
سعيد السعودى وعبدالحميد السعودى وغيرهم.
تقدمت الكرة فى السعودية وتفوقت على السودان، والدورى السعودى
من الدوريات القوية الجديرة بمشاهدة مبارياتها .. لينا نستفيد
من تجربة وخبرات أشقائنا فى السعودية لتطوير الكرة فى السودان
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: نادر الفضلى)
|
Quote: تقدمت الكرة فى السعودية وتفوقت على السودان، والدورى السعودى
من الدوريات القوية الجديرة بمشاهدة مبارياتها .. لينا نستفيد
من تجربة وخبرات أشقائنا فى السعودية لتطوير الكرة فى السودان |
الأخ العزيز نادر
تحية وأحترام وتقدير
شكرا جزيلا لمداخلتك الثرة ولاسلوبك المتميز .. وبالفعل كل ماذكرته
وحملته سطورك صحيحا .. وكل عام وأنت ومن معك بألف خير متمنين
لمريخنا الانتصار ورفع أسم السودان عاليا .. مودتى ..
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: haroon diyab)
|
Quote: الحبيب تاج السر
افطار شهي
وبالتوفيق للاحمر الوهاج
وهو يمثل قمة السودان امام الاتي
ونتمني لكم سهرة ممتعة .
تحياتي |
سلام تاج السر و هارون دياب
و الله انا الشئ الممغسني ولدي الطيب طلع مريخابي و الغايظني اكثر مشي السودان و اشتري ليه فنلة مريخ وامس بسأل فيهو انت لسع مريخابي و لا غيرت مشي غرفتو وجاب لي الفنلة و الدينا رمضان
تسلموا و رمضان كريم و ربنا ينصر ليكم مريخكم
لطفي هلالابي قديم
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: haroon diyab)
|
Quote: الحبيب تاج السر
افطار شهي
وبالتوفيق للاحمر الوهاج
وهو يمثل قمة السودان امام الاتي
ونتمني لكم سهرة ممتعة .
تحياتي |
الأخ والصديق الودود والمريخابى الاصيل
هارون دياب
تحية وتقدير وأحترام ،،
كان بودنا أن تكون معنا فى هذه السهرة الكروية لكن
ما باليد حيله .. ويكفى شعوركم وقلوبكم الطيبه سوف
تكون حاضرة بإذن الله .. أمنياتنا وأمنيات جميع الصفوة
بأن يرفع المارد الوهاج روؤسنا عاليه كما يفعل دائما
تحيتى وتقديرى ،،
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: صبري طه)
|
قال أخونا تاج السر؛
بعدغدا الاثنين بمشئة الله ستهبط طائرة الصفوة .. مريخ العجب .. وقاهر
المستحيلات فى مطار الملك عبدالعزيز بجدة .. وهى تحمل تماسيح الدميرة
لملاقاة أتحاد جده فى سهرة كروية سودانية سعودية مساء يوم الثلاثاء
تحية وتقدير .. وأخيرا مودتى لكل مريخابى أصيل ..
تاج السر
ياراجل...... قاهر المستحيلات عديل كدة، والله الا يكون فريق النسور ولا هلال كادوقلي ديل من المستحيلات.
تماسيح الدميرة والله الا يكون في بركة الفريق الحبشي بتاع سيكافا داك،
عزيزي تاج السر جميل الانسان يشجع فريقة لكن كمان ماقدر دا، وحاتك لاشوفنا قاهر مستحيلات ولا ورل غابة.
أتمني فوز القاهر انشاء الله في مبارة الاتحاد.
| |
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: خالد درق)
|
الاخ الصفوة تاج السر
مسكاقمي
شهر مبارك وكل سنة وانت طيب
الف مرحب بتماسيح السودان في ارض الحرمين
هذه المباراة ليست للفوز او الخسارة بل لزيادة وتنسيق علاقتنا المميزة بالجمهور الرياضي السعودي والاندية
فالمريخ هو السفير المتوج جوياً لتحسين صورة الوطن الرياضي
فيا مرحى ويا بخ عندما يتعانق نجوم السودان ونجوم السعودية في ملعب جدة
سهرة جديرة بالمشاهدة والمتابعة
ولذا
اجمتع الصفوة جمهور ومحبي نادي الكاسات المحمولة جواً في الرياض عاصمة الخير في لمة افطار يوم الجمعة الماضية باستراحة المروج مخرج 18
تحت مظلة ( ملتقى المريخ ) بقيادة البروفسير عثمان الحسن والقطب المريخي الجسور مهدي الصادق والصحفي اللامع ايهاب صالح والمحامي عبدالباقي
وتم تشكيل وفد للتحرك الى جدة وتمثيل ( الملتقى ) والمشاركة في تكريم واستقبال نجوم الوطن المريخ
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: حمزاوي)
|
Quote: اجمتع الصفوة جمهور ومحبي نادي الكاسات المحمولة جواً في الرياض عاصمة الخير في لمة افطار يوم الجمعة الماضية باستراحة المروج مخرج 18
تحت مظلة ( ملتقى المريخ ) بقيادة البروفسير عثمان الحسن والقطب المريخي الجسور مهدي الصادق والصحفي اللامع ايهاب صالح والمحامي عبدالباقي
وتم تشكيل وفد للتحرك الى جدة وتمثيل ( الملتقى ) والمشاركة في تكريم واستقبال نجوم الوطن المريخ
|
العزيز الغالى حمزاوى
كيفنك يارائع
فترة طويلة ونحن مشتاقوون لحروفك الدافئة التى تنزل علينا بردا وسلاما
من صفوة الى صفوة .. لك التحية أنت ومن معك من الاخوة الكرام حاملى
نجمة السعد فى حدقات العيون .. لهم جميعا تحيتى وتقديرى وأحترامى .
هؤلاء هم فتية المريخ تجدهم أينما كانوا روحهم وقلوبهم مع هذا الاحمر
الوهاج .. فلهم منى ومن كل مريخابى أصيل التحية والتبريكات بفرحتى
قدوم المريخ للاراضى المقدسة وإستقبال العيد السعيد ووداع شهر الخير والبركة
فهل هنالك أجمل من هذا ..
أرجو من رابطة المريخ العملاقة بمدينة جدة التنسيق مع صفوة أهل الرياض
لوضع أياديهم مع بعضهم البعض لملاقاة قاهر المستحيلات وأسقباله أستقبالا
يليق بأهل المريخ وصفوة الوهاج ( سيد البلد) وبرضو الماعجبو يشرب من نهر
النيل .. تحية وأحترام للجميع
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: خالد درق)
|
Quote: الصفوة تاج السر .. سلام
ورمضان كريم
ونتمنا لكم الاستمتاع مع الزعيم وقضاء سهرة كروية ممتعة ان شاء الله
بس ورونا منقول على اى قناة ..
بالتوفبق الاحمر الوهاج ...
مودتى .. |
الأخ الحبيب والمريخابى الماخمج
خالد درق
تحية وتقدير وأحترام
يكفى تلك الكلمات الرائعة والتى لاتأتى إلا من الرائعون حقا
فالتحية للمريخ وابناء المريخ أينما وجدوا .. وتأكد أخى حالد
وجميع الاخوة المريخاب خارج جدة بأنكم ستظلون معنا خطوة خطوة
وستتمتعون بالخبر اليقين عن هذا المارد الوهاج وبإذن الله ستكون
سهرة كروية بين عمالقى الكرة ( السودانية والسعودية) والماعاجبو
يشرب من نهر المسسسبى .. وعاش المريخ ( سيد البلد )
وكل عام وأنت ومن معك أخى خالد بألف خير ..
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: تاج السر محمد حامد)
|
عزيزي تاج
انا طبعا مريخابي
ولكنني اشجع الهلال خارجيا بنفس القوة التي اشجع بها المريح
واستغرب كيف يتمني البعض الهزيمة لفريق من بلادهم
النصر للمريخ باذن الله وان انهزم فيكفيه انه قد
ساهم في توطيد الاخوه بين الشعبين الشقيقين
كما نتمنى آن يفوز الهلال بالكآس الافريقية حتى يلحق بصنوه المريخ في هذا الصدد
وهذا سيشجع المريخ قطعا للعودة الى حمل الكاسات المحمولة جوا
وعاش السودان آولا!!!!!!
تحياتي
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: Elmosley)
|
Quote: عزيزي تاج
انا طبعا مريخابي
ولكنني اشجع الهلال خارجيا بنفس القوة التي اشجع بها المريح
|
الأخ الأستاذ الموصلى
صاحب الأدب الجم والذوق الرفيع
تحيتى وتقديرى وأحترامى
يكفينا هذا الدرس من أستاذ بقامة وهامة الموصلى لك التحية
وأنت تعانق وطننا العزيز بتلك الكلمات الطيبات وفى أيام مباركات
سائلين الله النصر لكل فريق سودانى يمثل قمة هذا الوطن خارجيا
لك التحية أيها المريخابى الاصيل .. وكل عام وأنت بألف خير .
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: تاج السر محمد حامد)
|
Quote: عزيزي تاج
انا طبعا مريخابي
ولكنني اشجع الهلال خارجيا بنفس القوة التي اشجع بها المريح
واستغرب كيف يتمني البعض الهزيمة لفريق من بلادهم
النصر للمريخ باذن الله وان انهزم فيكفيه انه قد
ساهم في توطيد الاخوه بين الشعبين الشقيقين
كما نتمنى آن يفوز الهلال بالكآس الافريقية حتى يلحق بصنوه المريخ في هذا الصدد
وهذا سيشجع المريخ قطعا للعودة الى حمل الكاسات المحمولة جوا
وعاش السودان آولا!!!!!!
تحياتي |
يا أستاذ يوسف رمضان كريم
أنا هلالابى
انا ما خايف عشان المريخ
انا خايف من لسان السعوديين بكرة فى المكاتب على السودانيين
فريق الاتحاد دا خترى خلاس
لكم التحايا
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: محمد النيل)
|
Quote: يا أستاذ يوسف رمضان كريم
أنا هلالابى
انا ما خايف عشان المريخ
انا خايف من لسان السعوديين بكرة فى المكاتب على السودانيين
فريق الاتحاد دا خترى خلاس
لكم التحايا |
الحبيب محمد رمضان كريم
الكلام ماكان ليك والله ولكن للموجه العاتيه
في كل المواقع
نعم انه يمكن ان نكون هلالاب ومريخاب ونكايد بعض هناك في مباريتنا الداخليه
ولكن في المباريات الخارجيه لا
اما المباريات الوديه فيتفترض انها فرصه للمدربين لتجريب الخطط واللاعبين
الجدد بل والقدامي ولا حسابات لهزيمه آو نصر فيها
كم مرة شاهدنا فريق البرازيل ينال الهزائم في مبارياته الودية في آوروبا
ثم ياتي ويلحق بهذه شر الهزائم الا فيما ندر
الحبيب محمد اما مكايدات السعوديين فعلاجها وعينا بفوائد التجريب
تقبل محبتي الاخويه وانا حتى لو المريخاب زعلوا مني فانني مع الهلال
في كل محاولاته الرائعة لنيل كآس آفريقيا
انت امش شجع المريخ عشان خاطر الزينا بشجعوا الهلال والنصر من عند الله
كل الود
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: الفاتح شلبي)
|
| Quote: عليه وزعوا لينا فنايل مريخية نلبسها ليكم لغاية ما المريخ يرجع الخرطوم منتصراً بإذن الله. |
لك التحية والتقدير أخونا الهلالابى الفاتح شلبى .. وشكرا جزيلا
لكلماتك الجميلة الزاهية كالون المريخ الذهبى المرصع بالذهب الذى
لايصدأ .. وحبابك وأنت ترتدى فنيلة المريخ ودائما إنشاء الله ..
تحياتى وتقديرى ،،
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: محمد النيل)
|
Quote: انا خايف من لسان السعوديين بكرة فى المكاتب على السودانيين
فريق الاتحاد دا خترى خلاس
|
الأخ محمد النيل
تحية طيبة
ضع فى بطنك بطيخه صيفى ده المريخ قاهر المستحيلات وسيد البلد
وقول بسم الله ..
وكل عام وأنت ومن معك بألف خير .. وتحية خاصة من أسد البرارى
وسيد البلد والمارد الوهاج لاخونا محمد النيل ..
تاج السر
| |
|
|
|
|
|
|
|
|
|
Re: مريخ الصفوة .. وقاهر المستحيلات .. بجدة لملاقاة أتحاد جدة (Re: محمد النيل)
|
Quote: اسد البرارى دا حق فريق برى شيخ الفرق
وسيد البلد بتاع الهلال وزعيمها
|
الحبيب محمد النيل
تحية وأحترام
المريخ يامحمد أخوى بقى يحمل كل الالقاب .. أما عن سيد البلد
وجب عليكم أن تسترجعوا هذا اللقب الى مكانه الطبيعى .. وطبعا
أنت عارف مكانه .. مريخ العجب .. وسيد البلد .. وبكره تشوف
تحياتى مرة أخرى ..
تاج السر
| |
|
|
|
|
|
|
| |
تاج السر محمد حامد
محمد النيل
وليد عبد اللطيف
نادر الفضلى
haroon diyab
جمال الباقر
Elmosley
الفاتح شلبي
فيس بوك
تويتر
انستقرام
يوتيوب
بنتيريست