|
|
|
 Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: سيف النصر محي الدين)
|
يا سيدى الامين العام لحزب بن على ذكر ان عضوية الحزب 2 ونصف مليون مواطن
وعدد المتفرغين فيه 15 الف شخص وعند قيام الثورة لم يخرج ولا بضع مئات من تلك العضوية
وامين عام الحزب الوطنى فى مصر ذكر ان عضوية الحزب 3 ونصف مليون شخص
وعند قيام الثورة لم يخرج ولا حتى بضع الآآآآف من تلك العضوية كفعل مضاد للثورة
جل ما يقال هضربة واحلااام نهارية تنمحى بمجرد تحرك الجماهير
ودعنا ننتظر لنرى اين هم هؤلاء ال 6 مليون او ال 600 شحص ؟؟؟؟
قاسم المهداوى
| |
  
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: قاسم المهداوى)
|
حتى لحظة سقوط الطاغية الفرعون
بلغت عضوية الحزب الحاكم في مصر اتنين مليون ونص بالتمام والكمال
ده في القاهرة بس !
42 عضوا بلجنة السياسات بالحزب الوطني الحاكم
يمتلكون وحدهم 200 مليار دولار أي أكثر من تريليون جنيه في البنوك الأوروبية.
احمد عز امين التنظيم تقدر ثروته بـ 60 مليار جنيه جمعها في 6 سنوات فقط .
فكم تبلغ اموال المتعافن التي جمعها بالحرام
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: قاسم المهداوى)
|
الاخ عمر سلام:
بعدين راجين بيهم شنو بتسمنو فيهم؟ مش تفتحو بيهم الانلدس ياخي؟
ولا تنصرو اخوانكم المسلمين في الصين ياخي ،لاحسن هم انضامو كثير ؟ ولا بس للاستعراض خلف قيقم وسيدنا الراعي "والرئس مبسوط مني"؟
وكل سنة وانت والانقاذ والجيش الاسلامي العرمرم بخير........
ــــــــــــــــــــــــــــــــــــ
خارج النص بصراحة ياعمر انا بعتبرك من ناس المؤتمر الوطني الموضوعين وبكل وضوح هالني ان تفتح بوست بهذا الشكل، بالله ياعمر انت مصدق الكلام ده؟ والله لو الكلام بتاعك ده صح لما احتاج الحزب لاي جهاز امن ولا لشرطة ولا دفاع شعبي ولا نفق كل ميزانيته علي رفاهية الشعب ...
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: محمد على حسن)
|
عضوية المؤتمر الوطنى تجاوزت 6 ملايين وهى تمثل 20% من مجموع السكان
يا عمر صديق
سلام
هذا الامر يمكن حسمه ديموقراطيا
مراجعةكشف 14 مليون ناخب سجل في انتخابات 2010
رجعو الاقاليم الخمسة واجروا انتخابات تكميلية لبطاقات 9و10و11و12 لحكومات اقاليم جديدة
وتكون الانتخابات تحت اشراف مباشر لامم المتحدة وليس لمفوضية بتاعة الاصم
مع فتح المنابر الحرة
وبعد داك تعال اتبججوا بالارقام هنا
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: Yassir Tayfour)
|
رمضان كريم
6 مليون = 20 % على أساس تعداد أهل السودان الشمالي 30 مليون موش كدا؟
لا حسابكم غلط الـ 6 مليون دي بتساوي 60 % لأنو الـ 6 مليون ديل كلهم راشدين باعتبار انهم أعضاء في حزب
لكن هل الـ 30 مليون ديل كلهم راشدين؟ بالطبع لا وممكن يكون منهم 12 مليون قُصّر (غير راشدين)
ولازم المقارنة تكون راشدين مقابل راشدين
السؤال المهم هل تستوعب عضوية المؤتمر الوطني كل أهل السودان؟
الجواب أكيد لا
طيب الباقين ديل موش من حقهم يشاركوا في الحكم والموارد وفي تطوير البلد ولا كيف يا جماعة؟
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: عبدالرحمن الحلاوي)
|
Quote: ?{? هل توافق على ان المؤتمر الوطني وقد تضاعفت عضويته قد اصبح في وضع متضخم ومترهل يستدعي اصلاحا شاملا ؟
اعتقد ان ظاهرة تضاعف العضوية تمثل ظاهرة صحية ومقارنة بكل دول العالم يمكن ان نشير الى عظم وكبر المنتمين للمؤتمر الوطني حيث نجد ان الاحزاب الحاكمة في معظم الدول تترواح نسبة عضويتها الى مجموع السكان بين 5 و10% وهذه النسبة تنطبق حتى على الحزب الشيوعي الصيني ولكن هنا في السودان نجد ان عضوية المؤتمر الوطني قد تجاوزت 6 ملايين من مجموع السكان البالغ حوالي 33 مليون وهي نسبة تقارب ال20% وهي نسبة كبيرة جدا وبالتالي يصعب استيعاب كل هذه العضوية في اجهزة الحزب ولكن يمكن ان تستوعب في الانشطة ومن اجل ذلك يجري النظر حاليا في امر مراجعة النظام الاساس للحزب مما يمكن من ايجاد فرص اوسع بحيث لايسمح للعضو بالجمع بين اكثر من وظيفة وسيتم تحديد اجال لشغل الوظائف التنظيمية بالحزب وستكون هنالك معايير دقيقة لتقييم الاداء وغيرها من التدابير اللازمة لمواكبة تطور العضوية والطفرة الكبيرة التي حدثت اثناء وبعد الانتخابات السابقة حيث دخلت اعدادا كبيرة في عضوية المؤتمر الوطني مما يستدعي الترتيب لاستيعابها ونحن نتوقع ان تكون هجرة المواطن السوداني من الاحزاب الاخرى للمؤتمر الوطني في ازدياد في المستقبل فضلا عن هجرة غير المنتمين حزبيا وذلك بسبب تنامي الشعور عند السودانيين بان وحدة الصف يمكن ان تدفع بهم الى الامام ولقد لمسنا ذلك من قطاعات واسعة ولعل المستقبل سيكشف عن صدق توقعات هذه الهجرة ان شاء الله |
المداخلات كلها في صميم الموضوع يا عمر.
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: سيف النصر محي الدين)
|
Quote: سلامات يا عمر
تقريبا بتكون دي نفس نسبة عضوية اللجان الشعبية في ليبيا من مجمل الشعب الليبي
و الحزب الوطني"البائد" في مصر قبل الثورة و حزب البعث السوري و الحزب الحاكم
في اليمن و هلمجرا...يعني الحال من بعضو. |
ياسيف رمضان كريم
والنسبة دي ذكرها الامين السياسي للمؤتمر وهوللعلم يعمل منذ اكثر من عشربن عاما استاذا بهندسة الخرطوم
وقد قال ان كل النسب في المنطقة وعالميا وحتي بالنسبة للحزب الشيوعي الصيني تتراوح بين 5 و10 %
مما يشير الي اختلافها عن كل ماذكرته
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: عمر صديق)
|
يا عمر سلامات ورمضان كريم .....
النبشرك .... عضوية الحزب الشيوعي السوفيتي كانت 30 مليون عضو .. و100 مليون شاب في اتحاد الشبيبة السوفيتي واقوي جهاز مخابرات في العالم ... واكبر ترسانة نووية واكبر جيش .... واكبر واكتر وعيييييييييييك وبرضو ارادة الجماهير انتصرت ...... مشكلة ناسكم ما بيقروا التاريخ ولو قروا التاريخ ما بيستوعبوه ...... يعني لا سمعوا بخبر الناس ديل ,... ولا شافوا الجيران الاقربين ...... غايتو السعيد بيشوف في غيره والشقي بيشوف في روحه ....
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: زهير الزناتي)
|
استاذ عمر سلام
رمضان كريم
طبعا
الاحصائيات دي ممكن تكون مكتوبة
بس لوسمحت ممكن تورينا نسبة
genuine and real suppoters for the Ingaz and not the political islam suppotes
يعني طلع لي منها نسبة
ناس
direct and indiect inteest
وديل بيشملو لي مثلا في قطاع الاطلاب
عشان الواحد يحصل على حقوقه في السكن ولا المواصلات المدعومة
عشان الواحد يضمن انه يتعين بعد داك
وعشان ما تتم محاربته في حياته اولا
ومعاشه ثانيا
في قطاع الخدمة المدنية او القطاع الخاص
ضمان الاستمرار في او الحصول على وظيفة
عشان يضمن الترقي
وعشان ما تم محاربته
واقالته للصالح العام و....
نفس السيناريو المصالح
في جهات اتخاذ القرار في السلطة التنفيذية والتشريعية
في السلك الدبوماسي
والشرطة
والجيش
وفي القضاء
وو و
اما
ناس المال الاقتصادي وشعب كل حكومة فهولاء ما اكثرهم
هنا اقصد اصحاب رؤوس الاموال
في الشركات الكبرى والصغرى وغيرها
ودي طبعا في حالة زواج كاثوليكي مع اي سلطة تجي
عشان تضمن مصالحهم و
mutual interest
قرارات وقوانين تصب في مصلحة اعمالهم/هن
وحتى في الاعلام
من اعلام مقروء وسمموع وانترنت
لضمان الاستمرارية وتدفق الاعلانات و و و
لخدمة مصالح فئة ميعنة
وقبل هذ وذاك
في تحليلي الخاص
عضوية المؤتمر الوطني
او من تمسك بالسلطة بعد المفاصلة
هم مجموعة
افراد يجمعهم حب/مصلحة السلطة والثروة
لا اقل ولا اكثر
تحياتي
خارج النص:
يا عمر
انت مع ياتم فيهم
مع انه البعرفوا انا ولا واحد
وتييييييييييييييييييب!!!!!!!!!!!!!!!!!!!!!!!!
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: محمد على حسن)
|
6 مليون كوز؟ ليه ياخي للدرجة دي الله ساخط علينا
هنا في الدمام بوزعوا للناس كروت عضوية المؤتمر اللاوطني بالمعارف، وبطرق ملتوية،
يعني أي زول عندو شلة أصدقاء شايف انهم فلوترز وما عندهم كبير غرض في ساس يسوس، بيصدر ليهم بطاقات ويجي يوزعها عليهم، والشعب السوداني بسيط، مجرد بطاقة تحمل صورتك ومعلوماتك ممكن تغريهو بإمتلاكها
واحد صاحبنا بلدينا محسي هلالابي على السكين، غشوهو قالوا ليهو بنعمل ليك بطاقة عضوية رابطة الهلال، شالو منو صورتو وجابوا ليهو بدلها بطاقة عضوية المؤتمر اللاوطني (عضو المؤتمر اللاطني القام بالشغلة دي موجود ومن إصدرت له البطاقة موجود) وهكذا وصل عددكم للـ6 مليون.
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: حذيفه ابراهيم الكباشي)
|
سته مليون فقط أيه التواضع ده ياأخى الأوضاع الإقتصادية على ما يرام والأسعار فى متناول
الجميع والكهرباء والمياه النظيفة متوفرة على نطاق الساعة وما شاء الله المشاريع الزراعية
المروى منها والمطرى تهز وترز وآلاف الأطنان من الأغذية ترسل الى أثيوبيا والصومال بعد أن
شبع أهل السودان وهرب الفقر من ديارهم الى الأبد وبعد كل هذه الحيثيات فلا بد أن تتجاوز
عضوية المؤتمر الوطنى ال20 مليون إنسان على الأقل.
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: جمال خضر)
|
| Quote: واحد صاحبنا بلدينا محسي هلالابي على السكين، غشوهو قالوا ليهو بنعمل ليك بطاقة عضوية رابطة الهلال، شالو منو صورتو وجابوا ليهو بدلها بطاقة عضوية المؤتمر اللاوطني (عضو المؤتمر اللاطني القام بالشغلة دي موجود ومن إصدرت له البطاقة موجود) وهكذا وصل عددكم للـ6 مليون. |
الظاهر فيها عمولة على كل عضو يستجلب ويسجل
ال 6 مليون عضو نسيتهم 20 % من تعدداد السكان
وهل ثروتهم أيضاً 20 % من ثروة بقية سكان السودان؟
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: نادر الفضلى)
|
Quote: يا عمر سلامات ورمضان كريم .....
النبشرك .... عضوية الحزب الشيوعي السوفيتي كانت 30 مليون عضو .. و100 مليون شاب في اتحاد الشبيبة السوفيتي واقوي جهاز مخابرات في العالم ... واكبر ترسانة نووية واكبر جيش .... واكبر واكتر وعيييييييييييك وبرضو ارادة الجماهير انتصرت ...... مشكلة ناسكم ما بيقروا التاريخ ولو قروا التاريخ ما بيستوعبوه ...... يعني لا سمعوا بخبر الناس ديل ,... ولا شافوا الجيران الاقربين ...... غايتو السعيد بيشوف في غيره والشقي بيشوف في روحه .... |
الأستاذ/ عمر - جعل الله ايامكم كلها اعياد
العضوية في المؤتمر الوطني .. عضوية تربية عقدية سماوية
منذ الصغر .. فهم ملتزمون عقديا .. هم ليسوا اتحاد اشتراكي أو شيوعيين
ولا علمانيين تحكمهم القوانين الوضعية .. وتقلبات سوق العرض والطلب
لذلك إذا اخذنا في الحسبان تاريخ الحركة الاسلامية في السودان.. فسنجد
إنهم أكثر منذ ذلك بكثير...
بعض الاخوة المتداخلين بيلفحوا العنوان وبس
وهذه هي مشكلة كتير من مناضلي الكيبورد
الله المستعان
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: زهير الزناتي)
|
Quote: يا عمر سلامات ورمضان كريم .....
النبشرك .... عضوية الحزب الشيوعي السوفيتي كانت 30 مليون عضو .. و100 مليون شاب في اتحاد الشبيبة السوفيتي واقوي جهاز مخابرات في العالم ... واكبر ترسانة نووية واكبر جيش .... واكبر واكتر وعيييييييييييك وبرضو ارادة الجماهير انتصرت ...... مشكلة ناسكم ما بيقروا التاريخ ولو قروا التاريخ ما بيستوعبوه ...... يعني لا سمعوا بخبر الناس ديل ,... ولا شافوا الجيران الاقربين ...... غايتو السعيد بيشوف في غيره والشقي بيشوف في روحه .... |
سلامات يا زهير وكل سنة وانت طيب
والاتحاد السوفيتي لم يسقط من ضعف ولكنه كان محاربا لله فقصمه
ونحن نعتمد علي حول الله ونؤمن باقداره
ورغم هذه العضوية فان مشيئة الله هي النافذة
ويعطي الملك لمن يشاء
وينزعه نزعا ممن يشاء
فتعالي الله احكم الحاكمين
| |
|
|
|
|
|
|
|
|
|
Re: عضوية المؤتمر الوطنى تجاوزت 6 ملايين وهى تمثل 20% من مجموع السكان (Re: طارق ميرغني)
|
عمر صديق السلام عليكم
حكى لي صديق عزيز لا يهتم بالسياسة ولم يكن ينتمي لأي حزب
أوصله علمه وجهده وخبرته إلى منصب مدير إدارة بإحدى الوزارات
حكى له أنه وقبل الانتخابات الأخيرة جيء له بأورنيك عضوية المؤتمر الوطني
وخير بين تعبئة الأورنيك وتوقيعه وبين تركه لوظيفته
لم يكن له خيار سوى التوقيع
المهم على قول تبارك
أنا بقترح على الحكومة أن تطلب من أعضاء المؤتمر الوطني الأماجد
وهم قد تجاوزوا الستة ملايين أن يتبرع كل منهم بمائة جنيه
لصالح صندوق إنقاذ السودان
وستجدنا لهم من الشاكرين
| |
|
|
|
|
|
|
| |
عمر صديق
سيف النصر محي الدين
قاسم المهداوى
خالد العبيد
ibrahim alnimma
omer osman
Elbagir Osman
محمد على حسن
adil amin
Yassir Tayfour
حمد عبد الغفار عمر
عبدالرحمن الحلاوي
زهير الزناتي
Safia Mohamed
حذيفه ابراهيم الكباشي
جمال خضر
نادر الفضلى
محمد أبوالعزائم أبوالريش
جعفر محي الدين
فيس بوك
تويتر
انستقرام
يوتيوب
بنتيريست