|
|
 جلسة طارئة لمجلس الوزراء لمناقشة امر المدينة الرياضية بعد فوز الهلال
|
الرئيس : السلام عليكم والف مبروك للهلال والله كيفنا جنس كيف
الوزراء كلهم وبتاعين التسجيل البقعدوا ورا : الله يبارك فيك يا ريس فعلا ما قصروا ربنا يديهم العافية
الرئيس : طيب وبالمناسبة دي نحن عايزين نقدم لامم افريقيا ، اها خبر المدينة الرياضية شنو
نائب الرئيس : قلت شنو يا ريس ؟!!
الرئيس : قلت المدينة الرياضية خبرها شنو
وزير 14: اييييييييييييييك مش دي الكان بدا فيها العميد يوسف عبد الفتاح قبل 20 سنة
الرئيس : بالحيل
وزير 22: ما دي يا ريس اتلحست
الرئيس: شنو؟!!
وزير 89 : قصدو يا ريس دي يعني في الحقيقة واصلوا طبعا نحن محاربين اقتصاديا
وزير33: ايوة يا ريس الحصار الاقتصادي الكان مفروض على السودان حتم
وزير 99: فما كان الا انو ناخد الميزانية بتاعة المدينة ونجهز بيها الدفاع الشعبي
الريس : طيب الفواتير وين ؟!!
مساعد رئيس : هههههههه يا ريس بتبالغ انت ما عارف دي لله ما فيها فواتير
الرئيس : ههههههههه تتخيل الصيام اثر فيني ، طيب هسة الوضع كيف ، الحب وانتهت ايام البترول ما بنيتوها ليه
وزير 1: يا ريس انت عارف قروش البترول كلها صرفناها في السلام الداخلي وترضيات للحركات المسلحة
الرئيس : ايوة لكن ما فضل اي حاجة كدة ان شاء الله بنبني بيه ميدان طايرة
وزير77: والله يا ريس لا طايرة لا راكة
الرئيس: يعني هسة الواطة قاعدة خلا ؟
وزير3: لا يا ريس الاراضي بتاعتها اشتريناها نحن
الرئيس : اشتريتوها؟!!
وزير 3: لا اصلو اقصد انو الحكومة باعتها بالعملة الصعبة عشان تغذي الخزينة
الرئيس : بالله الحكومة باعتها وبالدولار ؟ّ طيب كويس
وزير 5 : ( مبتهجا) ابوة والله يبا ريس الحكومة باعتها وبي قروشها عملنا مؤتمر الدوحة
الرئيس : بس مؤتمر الدعوة ده مدعوم
وزير 100: يا مدعوم يا تقوم ههههههههههه
المجلس كلو : ههههههههههههههههههههههه
|
|
 
|
|
|
|
|
| |
د.محمد حسن
أمير فتحي
mayada kamal
فيس بوك
تويتر
انستقرام
يوتيوب
بنتيريست