|
|
 عاجل : بخصوص بوست (معهد جوته) المرفوع اعلى المنبر ..
|
بصفه اجبارية وبالغصب مفروض يدخلو كل من اشترك فى تصوير
المسلسل السودانى البجيبو فى قناة النيل الازرق بعد الفطور
فى هذا الكورس او الورشة او ايا كان اسمها ..
ياخ دا تصوير مباااااالغه ..
احلف قسم انو الناس ديل بصوروا من راس البيت .. !!
ــــــــــــــــــ
بعدين يجو يقوليك انتو مستلبين ومفروض تشوفوا المحلى
وتخلوا نجدت انزور !! معقول ياخ تصوروا المسلسل من راس البيت ّ!!
والمخرج ما حاسى بكمية التكلف والتمثيل فى التمثيل دا ؟؟
طبعا ما منهم .. الغلط من البتفرجوا الزينا ديل ..
|
|
  
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
Quote: تقدم سودان فيلم فاكتوري برعاية معهد جوته بالسودان الفرصة للشباب والشابات لتعلم مهارات صناعة الأفلام المختلفة عبر ورشة عمل مكثفة يتم فيها التدريب على العناصر التاليه:
الكتابة، التصوير، الإضاءة، التسجيل الصوتي، الإخراج والمونتاج؛ سيكون التدريب على مستويين:
أساسي ومتقدم بجانب التدريب ستقوم الورشة بإنتاج عدد من الأفلام تعرض مع نهاية الفترة التدريبية، كما ستحتوي الورشه على أنشطة مصاحبة وسمنارات حول السينما وفنونها
تاريخ الورشة:
تبدا الورشة في أول أكتوبر 2011؛ بمعدل ستة أيام في الأسبوع. العطل يوم الجمعة فقط.
الوقت: من 10:00 صباحاً إلى 6:00 مساء (قد تستمر في بعض الأيام مدة أطول من ذلك).
مدة الورشة:
ستة أسابيع
الجهة المنظمة:
سودان فيلم فاكتوري.
المكان:
مركز راشد دياب للثقافة والفنون.
عدد المشاركين: 25.
المدربون:
مجموعة من صناع الأفلام المحترفين من جمهورية مصر العربية.
لغات التدريس: العربية.
الرسوم:
لن يتقاضى "سودان فيلم فاكتوري" أية رسوم مقابل المشاركة في الورشة. الأولوية : لمن هم دون الخامسة والثلاثين كيفية التقدم بطلب المشاركة: 1. آخر سيرة ذاتية، أو قائمة شاملة بالأفلام التي شاركت بالعمل فيها.
2. ثلاث قصص قصيرة مستوحاة من خبراتك في الحياة (لا تزيد على 250 كلمة لكل قصة) باللغة العربية أو الإنجليزية.
3. ملء إستمارة المشاركة يرجى إرسال طلب المشاركة والوثائق المذكورة أعلاه عن طريق البريد الالكتروني إلى العنوان التالي
: [email protected]،
كما يرجى أن تكون الرسالة معنونة كما يلي:
الموضوع:
ورشة صناعة الأفلام.
آخر موعد لتقديم الطلبات: 31 أغسطس 2011 سيتم إعداد قائمة مختصرة بأسماء المرشحين المقبولين مبدئياً ودعوتهم للمقابلة الشخصية.
سيتم تبليغ المتقدمين المختارين للمشاركة
يرجى عدم التقدم
بطلب المشاركة ما لم تكن متأكداً من أنك قادر على الالتزام بحضور جلسات التدريب بدوام كامل لمدة ستة أسابيع. كما يرجى ملاحظة أن الطلبات الغير مكتملة لن يتم النظر فيها.
نرجو ملئ إستمارة الطلب المرفقة إستمارة طلب المشاركة
تحميل إستمارة الطلب
وإعادة إرسالها على العنوان الإلكتروني
[email protected]
|
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
والكارثه الفى الصوت . شكله المايك كان فى راس البيت مع الكاميرا
من الواضح جدا الكلفته فى التفاصيل وعدم الاهتمام او احترم المشاهد
بعض اسماء الممثلين مكرره فى المقدمه ( شكلو المخرج لحدى اسى ما شاف اى حلقه بثت)
شفت كم حلقه ( غصبا عنى) وحاولت افهم الموضوع شنو بس والله ماقدرت
رجاء ايقاف هذا العبث
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: Balla Musa)
|
معلوم فى السودان انو فن النقد متطور على
بقية الفنون ..
والناقدين المهره اكتر من الفنانين فى كافة ضروب الفن ..
ناقدين للدراما ممتازين ولا توجد دراما ...
موضوع الدراما فى الوقت العلينا دا حقوا ينسوهو ..
دعوة للذين ما شاهدوا المسلسل مشاهدتو اليوم
بس عشان يامنو ..
ـــــــــــــــــ
شايفاهم مركزين على المقدمة شديد
مقتنعين بانها بتكون احسن من الحلقة !
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
دينا خالد
رمضان كريم اختي
وضع الدراما في السودان بقي شي لا يطاق
نحول التعليق للمختصين استاذنا السني دفع الله وتماضر شيخ الدين والنقاد من بورداب المنبر الدراميين
انا شخصيا مريح نفسي من التلفزيون خالص خليتو لقصي ولدي وهاك يا اسبيس تون ونيكلوديان وبشاهد المشاهد من البورد هنا!
،،،،أبوقصي،،،،
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
الاستاذة دينا رمضان كريم والامنيات الطيبات لك بالصحة والرفاهية
تابعت عبر الاخبار وعن طريق بعض الاصدقاء الكورسات التي يقوم بها الاخوة بمعهد جوتة وأتمني ان تكون مثمرة وتفيد من يتطلعون
الي تعلم أو تطوير انفسهم في هذ المجال .
| Quote: كما ستحتوي الورشه على أنشطة مصاحبة وسمنارات حول السينما وفنونها |
قد يلتبس الامرعلي العمة من الناس ولكن لا اعتقد ان الاخوة بمعهد جوتة أو الاخوة الدارسين يمكن ان يمر عليهم هذا الامر
هذه الكورسات هي لتعليم فن الفيلم عبر الفيديو وهي وسيلة فعالة ومتاحة الي حد كبير في زماننا هذا ،،،، ما اريد قوله أن هذا الامر لا علاقة له بالسينما كفن قائم بذاته ،،، لكي اوضح أكثر قابلت عديد من الشباب وعند تعريفهم لانفسهم يذكر لك انه درس السينما او أخذ كورسات في السينما ،،،، أرجو ان اوضح ان دراسة السينما وممارستها شيء يختلف تماما عما يدور في هذه الكورسات وذلك دون تقليل من جدوي هذه الكورسات ولكن للأمانةيجب ان توضح انها كورسات صناعة الافلام بالفيديو،،،،، وجيه وليلي وجميعهم يعرفون هذا الامر
امنياتي بالتوفيق للجميع ودمتي
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: Abd-Elrhman sorkati)
|
Quote: هذه الكورسات هي لتعليم فن الفيلم عبر الفيديو وهي وسيلة فعالة ومتاحة الي حد كبير في زماننا هذا ،،،، ما اريد قوله أن هذا الامر لا علاقة له بالسينما كفن قائم بذاته ،،، لكي اوضح أكثر قابلت عديد من الشباب وعند تعريفهم لانفسهم يذكر لك انه درس السينما او أخذ كورسات في السينما ،،،، أرجو ان اوضح ان دراسة السينما وممارستها شيء يختلف تماما عما يدور في هذه الكورسات وذلك دون تقليل من جدوي هذه الكورسات ولكن للأمانةيجب ان توضح انها كورسات صناعة الافلام بالفيديو،،،،، وجيه وليلي وجميعهم يعرفون هذا الامر
|
العزيز سوركتى
شكرا لشرح الموضوع بالنسبة للاعلان ...
صاح نحن وناس الدراما وناس البلد دى كلهم ما فارزين شى
لكن كونوا الاعلان يخرج من ناس جوته بهذا الفهم المفلوط
فدا غلط فاضح وواضح وذى ما قلت ما فايت عليهم لكن بتعاملوا معانا
كناس ما فارزين ..
مفروط انهم جهة اعتباريه هدفها التنوير ورفع القدرات والتثقيف
كونو يدقسوا فى حاجة ذى دى ...
فالج ولا تعالج !!
شكرا لتنبيه تلك الجهة بانو السودان دا فيه ناس فارزين وصاحيين
شكرا سوركتى
ولو ان ان هذا البوست لم يات الا بتوضيحك دا ... برضو مكسب ..
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
Quote: والكارثه الفى الصوت . شكله المايك كان فى راس البيت مع الكاميرا
من الواضح جدا الكلفته فى التفاصيل وعدم الاهتمام او احترم المشاهد
بعض اسماء الممثلين مكرره فى المقدمه ( شكلو المخرج لحدى اسى ما شاف اى حلقه بثت)
شفت كم حلقه ( غصبا عنى) وحاولت افهم الموضوع شنو بس والله ماقدرت
رجاء ايقاف هذا العبث |
معتصم شفت بالله الكارثة دى ؟؟ انا لما شكيت فى روحى
واقول امكن انا الما جيت !!!
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: جعفر محي الدين)
|
| Quote: ايضا لم تفلح محاولاتهم المتعددة فى كلكلتنا بالضحك |
يخرب عقلك هي جابت ليها كلكلة
أنا غايتو مريح نفسي من الحتة دي لا حصل شاهدت مسلسل سوداني لا فلم سوداني
والأغاني إلا الفنانين القدام ناس وردي وصلاح بن البادية والكابلي وعثمان الشفيع وعثمان حسين والجابري وأحمد المصطفى وأما من الشباب فقط (نانسي عجاج)
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
الاخت دينا وضيوفها الاكارم سلام
شكرا لردك الوافي علي ردي
بوستك يحمل م
وضوع آخر غير الذي كتبت لك عنه وهو ما يخص المسلسل أياه ،،،،،
فهمت مما يجري ان الجماعة قصدو ان ينتجوا ضرب من ضروب الدراما التلفزيونية وهو النوع المسمي ( seat comedy )
ومن اشهر الامثلة هذا النوع هو مسلسل ( friends ) الشهير ،،، ولكن هملم يبلغوا الـ seat comedy )ولا حتي البطيخ
فأنتجوا مسخا لا ينتمي لا نوع من انواع الدراما
سأواصل لا حقا ،،،،،،، مودتي
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: دينا خالد)
|
ما عندي مانع أشوف لي ربع حلقة
إكراماً لرأس البيت وذكراه الحبيبة
دينا يا أخية وحاتك ما ناقص برنامج رمضان:
بنحاول أبو السريع نشوف المطروح في طاش وطاش
ونزور عمك وردي والحلنقي نظام نظرة نظرتين
وبعداك برنامج المواهب بتاع MBC4
وتاني التراويح
وتاني يمكن خُمس حلقة من أعاني وأعاني
والمحمود داك ناخد لينا شوية معاهو
أها ونختم البرنامج التلفزيوني بإيزل
والنوم ما استطعنا إلى ذلك سبيلا
فشنو يا ستي
ما تسوقي علينا الما عندو سوق
سمح
بالمناسبة يا اخي
رمضانك أبري
وبالعدم حلو مر
| |
|
|
|
|
|
|
|
|
|
Re: عاجل : بخصوص بوست (معهد جوته) المرفوع اعلى المنبر .. (Re: بله محمد الفاضل)
|
لوووووووووووووول يا ديناجيتينا في االلحم الحي
اها النسعلك قروشكم وينا عشان نصور ليكم مسلسل ما من راس البيت؟
االفن دا عايز صرف تقيل عشان كدا لازم تحي الناس دي لانها عايزة تحجز زقت لحاجة سودانية
"ابدن" سمعت برجل اعمال انتج مسلسل
الانتاج الدرامي دا سوق ما قاعد يخشوه السودانيين
اقول قولي هذا ويدي في ااالماء البارد التلفزيون السوداني ما بنشوفو في بلدنا دي
مع التحية يا اميرة
| |
|
|
|
|
|
|
| |
دينا خالد
حيدر حسن ميرغني
زهير الزناتي
محمد عوض السيد
محمد على طه الملك
تبارك شيخ الدين جبريل
Hussein Mallasi
حذيفه ابراهيم الكباشي
Mohamed Moatasim
ود الخليفه
الخير محمد عوض
فتحي الصديق
Balla Musa
مجدي عبدالرحيم فضل
Abd-Elrhman sorkati
خالد عبد الله محمود
داليا حافظ
جعفر محي الدين
Asim Fageary
عبدالرحيم أبراهيم العبيد
بله محمد الفاضل
فيس بوك
تويتر
انستقرام
يوتيوب
بنتيريست