|
يـااااا أنيقـــه
|
يا أنيقه .. وفيك تفاصيلنا الدقيقه .. إنتي يا صدق الملامح
للأرض مطراً مسامح و للنجوم الفوق ..
صديقه
نيلنا .. حيلنا ..
ولون جروفنا والرحابه الفي كفوفنا منك الضو البفتّــح نور بصيرتنا و شوفنا يا عتيقه..
عامره أرضك بالمحبه يا أمان نسانا خوفنا يا رحيق في الورده تب وعطر انغامنا ودفوفنا يا حديقه ..
فيك عراقه نبتة ظاهره قصة الطابيه ونضالنا يا عفيفة الروح وطاهره عزك الماليك طالنا يا رحيبه
فيك ليل أم در وبحري يا صباح خرطومنا بيك نيلك الدفاق بيجري منقسم نيلين عليك يا حبيبه
فينا ريدك نبضو حي يا وطن مالينا ضي النخيل الفيك بشيل عزو من عزك دليل ومن سماحك أبهي زي يا حبيبه .
فــاروق أبوحوه أبوظبـــي 09/08/2011
|
|
|
|
|
|