|
|
 قصص يومية قصيرة جداً......
|
قصص يومية قصيرة جداً......
هذأ الكتاب الذى سوف يؤرخ لمصادفات، خواطر أو اى "هطرشة" ممكن أن تمر بخاطر احدكم و تحكى بكل ما يجول بالنفس من مواقف أو ذكريات أو فكرة و أو خيال بعيد من السياسة أو قريب منها، ما يفرق، بس لازم تكون قصة قصيرة و معبرة و خفيفة حتى نستعيد بعض عافية هذأ البراح الذى صار يدور فى فلك المجاملات و المنابذات و المعافرات والمقاتلات و فوق كل ذلك التهكيرات حتى ظننا انه يملكه!!!!!!
هذه الدعوة مفتوحة لكل من يرغب فى كتابة الكتابة من آجل الخاطر ووتنزيل الهم عن كاهل راس بلا عقل و لا عينان و لا لسان "بس كيبورد" و فكرة تاتئ ثم تذهب قبل أنت تكتمل.....
اكتبوأ هنا...بس عليكم الله مافى زول يجينى و يقوول ليك بالله "حبوبتك" حالها كيف؟ ماتت و لا لسع؟ و مرتك ولدت و لا لسع؟ و جابوليك شنو؟ و لا كلام "فاضى" من هسعى قلته ليكم أكتبوا آيتها "هترشة أو هطرشة أو دندشة" بس من غير زعل......أو "فرملة"...
صديق القاعد بعيد
|
|
  
|
|
|
|
|
|
|
 Re: قصص يومية قصيرة جداً...... (Re: Siddig A. Omer)
|
واحد سخيف "ضاربلى " تلفون الساعة 3:30 ظهراً و فى عز رمضان و بعد أن رجعت من الشغل مباشرةً و ســـالنى:
تعرف يا صديق أنا ضاربليك ليه؟
أنا: لا و الله إنشاء الله خير؟؟؟
هو: تعال صوتك نائم، معقولة فى زول ينوم ذى الوقت دها؟
أنا: ابداً و الله كنته عايز انوم بس لسع شوية!!!
هو: كويس ما عرفته أنا ضربليك ليه لهسع؟
أنا: ابداً و الله إنشاء خير.
هو: بالله عليك ياصديق دى صورة تختها لينا فى سودانيزونلاين...و الله شكلك تشبه على عبد الله صالح بعد ما "فجرهوا".....
و ضحك باعلى صوته: هاهاهاهاهاهاهاهاهاهاهاها
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
صديقى زول "منحوس" باحلامه التى يرويها بتفاصيل مملة و هذه بعض تنبؤاته الحلمية "النومية"..
كان عندما يأكل فول محمد العربى دائماً ما ياتينا فى اليوم التالى بأحلام "الحمير"..فكان يروى حلمه اليوم الذى بعده...
والله حلمته بحمارة ود الرضى "الرمادية" لونها بقى ابيض وود الرضى يقف فوقها و هو يحمل سيف من الذهب الخالص و هو يلوح به كمن فتح "عمورية"...فنضحك من ذالكم الحلم الغريب...و بعدها بايام "يفلس" ود الرضى الذى كان من اغنى اغنياء قريتنا و بعدها بايام تموت حمارته "الرمادية" غير مأسوفٍ على شبابها...
ومنذ طفولتنا هكذأ هو الحال...حتى افترقنا و تفرقت بنا السبل و التقينا فى العام 1989 فى فترة الديمقراطية الثالثة و هى فى عزها......و بعد اسئلة كثيرة معتادة...صاح باعلى صوته و الله ياجماعة امبارح حلمته ليكم حلم عجيب، فسالناه بصوت واحد إنشاء الله خير، فقال:
و الله حلمته السودان بقى ذى المانيا......فضحكنا و قولنا الزول دها "حلموا "فكه"
فئذ بعدها بايام.....سمعنا البيان الآول لثورة الانقاذ الوطنى.....
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
[red]"الفشخرة"
جلسن فى بيت العزاء وهن فى "قمة" تبرجهن، شئ حنة و شئ دخان و شئ سرتية و شئ محلبية و فوقهن كمية لا آحد يدركها من الارياح الباريسية المبالغ فى اسعارها الرومانسية....وفوقهن "ستهن"...."الخمرة" الما "خمج"...
الكلام:
تعرفى ياست الدار..ابو الاولاد جاب لى طقم بتاع دهب ب 30 مليون (بالجنيه الميت) و قلته ليهو ياخى دها ما عجبنى رجعو و جيب لى "التشريفات"، قام مشى جاب لى "رئيس الجمهورية".
التانية: رئيس الجمهورية دها شنو؟، و الله أنا راجلى مشى جاب لى طقم دهب من الامارات و الله ما عجبنى و سافر رجعوا تانى.
تعرفى فى الآخر اشترى لى شنو؟
لا شنو؟
الحرس الجمهورى......
فسمعتهن زوجة الميت التى كانت تسترق السمع من بعد، فصاحت باعلى صوتها:
ووووووووووب على يا ود الارباب و ياحليلك الكنتها بتاكلنى الكباب و بتلبسنى التياب الماخباب
ووووووووووب على يا ود الارباب و ياحليلك الكنتها بتاكلنى القريدس و بتركبنى "المرسيدس"
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
قصص سودانيزونلاين دى اصلها ما حا تنتهى..من يوم ماالواحد اتحكر هنا...بقى يشوف العجب العجاب و يسمع ما لايطاق و خاصة قصص يا فلان أدينى بوست على وزن ادينى رصيد، و تلفون من واحد فى نص الليل: عليك الله ارفع لى البوست بتاعى و هسع لانو ناس أمريكا عايزين يشوفوهو فى الصفحة الآولى، كويس ما ترفعوأ انته و تخلينى انوم(اقلها فى سرى)، ياخى ما تخلى حركاتك البايخة دى و ارفع لينا البوست بكلامك المهبب دها. أوكى خلاص حاارفعوليك (ياجماعة رمضان كريم و ما تاخذونا فى الالفاظ و الكلام فى سياق البوست).
المهم واحدة بتكتب بإسم حبوبتها و خاته فى البروفايل صورة بت جارته و بعد دها كلو التقول بتكتب كلام الواحد يفهمو، ناهيك عن أن يستفيد منو " يا حبيبتى كلك زووووووووووق"، " عليك الله فلانة عرست، و الله تستاهل الصابرة البايرة" و كلام كتير بس رمضان شوية "حامينى".
أما بتاعين لوووووووووووووووووووووووول ديك خليهم ساكت...و ساكت كلمة تقال و هى تعنى خاوى من اى مضمون.
أما من تصيح و باعلى صوتها "أوووووووووووووووب على" و ذلك عندما يموت احداً لا يعرفه أى عضو أو حتى زائر لسودانيزهكرلاين، يضيع عليناقراءة موضوع مهم يحكى عن اقتصادنا المهكر و المتهاوى و سياسة حكومتنا العرجاء و بلادنا"البقت سنغتوتة" و التى تهوى الى الحضيض بسرعة البرق "الخاطف"...حلوة مش كدها...لووووووووووووووول!!!!
تخريمة ليها قيمة:
أى واحدة طرف السوط "هبشا" تجى تختو هنــــا و تمشى براها لانو أنا عندى "زار" قائم علىٍ!!!!
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: sumah)
|
| Quote: تابع القصص الحكاوى |
المخرج التلفزيونى "السابق" و المشتت فى المنافى و القوافى و المنافى صديقى الاستاذ إسماعيل محمد الحسن...
أنا و الليل مساهرين
نحكى للافلاك...مسافرين
لا كملت حكاوينا..و لا لقينا البداوينا
طبعاً أنا عارف و لخبطت قصيدة الشاعر الجميل التيجانى حاج موسى و عن قصد!!!
بس أنا مهاجر
يا اسماعين تعرف انت الوحيد الذى يطلق عليه المخرج "السابق".....على وزن الرئيس سابق...بالرغم أن المخرجون لا يمكن أن يكونوأ سابقين إلا فى جمهورية السودان، لان المخرج لا يموت و لا بفوت...و لا يُشتت إلا فى بلدى....
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
واحد صاحبنا شديد و طيب بس عيبو انو "كوز متسلق".....تعرفوا ليه....لانو مغلوب على امر حياته و اسرته و بيته و غده...فتسمعه دائماً ما يقول:
"ياخى عيش و انسى و بكرة ليها حَلال"....
فماتت ابنته الكبرة بحقنة ملاريا "فاسدة".......
فجن.....و لم يعش غده و لم يجد حلالهو!!!!
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
قبل بداية الاسبوع
لماذا تذكرته حالنا قبل الانقاذ و بعدها...اذكر حينما كنا نعود من المدرسة بعد منتصف النهار، نتوافد لكى نلتقى "جميعاً" على صينية الغداء و كان الوالد "رحمه الله و احسن اليه" يتوسطنا وكنا نتقامز ونلعب باعيننا و نحن اطفال زغب، ابداً لم يتخاطر لنا بأننا سوف نتشتت و نصبح "كالخواجات"...نرى بعضنا كل 5 سنوات مرة و بالصدفة و ربما لم نلتقى منذ سنوات طوال.....تخاطر الى بالى السؤال:
لماذا ترك السودانيين بيوتهم و بلدهم ووطنهم و تشتتوأ فى كل الاصقاع التى لم نكن نحلم حتى برؤيتها فى التفلزيون ...لماذأ.....يا مسلمين...لماذا....؟؟؟؟
خاطرة المت بى و أنا اتذكر اختى الكبرى التى لم اراها منذ 10 سنوات وامى التى لم اراها منذ 3 سنوات و اخوانى و ابناءهم. أختى اكثر من المنى فراقه فهى تعيش فى الشتات البعـــــــــــــــــيد و لم يخطر ببالى انها سوف تترك الشارع الذى نعيش فيه منذ أن وُلدنا.......
اجيبونى يا آهل......."الُدنى" لعلى اطيب......
ياخى اى فتوى تكفى...إن وجدت!!!!!
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
عندى الكتابة متعة اتشارك بها زكريات و خواطر و مرات كتيرة افكار و فضح الحكومات الفاسدة و المهترية من الداخل "كما قال القذافى...و أمريكا تعرف كل حاجة!!!".
اتمتع جدا حين اقرأ ما كتبت فى اليوم التالى، و لكننى ابداً لا اقرأ ما اكتب فى حينه، ربما هذأ التزامن يستوجب الجرئ وراء الفكرة...مهما تكن.....
فاعذرونى اذا اصبت أولم اصب، فانا اكتب من راسى الى سودانيزهكرلاين و مباشرة......و ليس من كراسى....
بالمناسبة....زمان كنا بتشارك و نحنا 3 فى بوست واحد وكان يستمر شهور، لكننى لا ادرى اين ذهب المجانين، ربما الدنيا صارت اكثر ضيقاً فذهبوأ بافكارهم الى السماء.....ربما لا ادرى...
لكننى سوف أكتب لنفسى حين اقراءها اليوم التالى....استمتع بها كأن احداً غيرى قد كتبها......
صديق القاعد بعيد
تخريمة:
فى واحدة بهناك عايزة قطعةارض فى الوادى الاخضر و بفتش عليها فى سودانيزهكرلاين، عليكم الله ساعدوها، احسن مما تقرؤا الكلام المهبب دها.
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
الشقى قى الكبدة يلقى ليهو "عضم"
تعرفوا الشقى ....تعرفوأ الشقى دها منو؟؟؟؟
قالوأ ليهو: منو ياخى؟ ما تقولينا و تريحنا...
يا جماعة ما تصبروأ الصبر الببل الابرى ما عندكم!!!!
الشقى دها ياجماعة ماالشعب السودانى "الفضل"...كل ما تظهر فى الافق غيمة آمل "تشتت" حتى و لو فى الاحلام.
يجئ الاستقلال يتقلب عليهو "عبود"
يجئ الصادق المهدى يتقلب عليهو "النميرى"
يجئ تانى الصادق المهدى يتقلب عليهو "البشير"
أها يقرب يجئ "قرنق" تتقلب عليهو "الطيارة".......
هسع فى ناس فى الدنيا عندهم الخير دها كلو و ما قادرين ياكلوا و لا يشربوا غير السودانيين....الشقيانين.....التعبانين.....ديل...
قالوليهو ابداً ابداً بصوت واحد.......و الله كلامك كلو صاح....
قال ليهم "كويس" القصة دى نهاية "كيف"؟؟؟
واحد مسطول قاعد بعيد منهم شوية، قال ليهم بصوت خافض:
"كلموا الميرغنى عشان يقلبها ليكم...و يكون حصل المستحيل"
و نام فى مكانه....
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
اذكر عندما كنت اعمل فى ديوان الذكاة و الضرائب ( دى تجئ كيف؟ ذكاة و ضرائب..و الله..ما عارف!!!!) فى العام 1988 و بمكتب ضرائب السجانة، سالنى مديرى بزيارة دكان مذكور باحد الملفات. ذهبت لزيارة الدكان فى احد احياء حى السجانة الشهير ووجدته مغلقاً بل يبدو عليه انه لم يفتح من العام 1956 (اى عند استقلال السودان و بداية الانهيارات).
طرقت على باب المنزل الذى يقع فيه الدكان و انتظرت لخمس دقائق ليست حباً فى الانتظار و لكن لاننى اسمع صوت حركة خفيفة تجاه الباب من الداخل، و انفتح الباب و اذ أمامى امراة تجاوزت السبعين و هى تسير على عصاة، سالتها: اين الحاج احمد و كان هذأ اسم صاحب الدكان، فقالت: الحاج احمد منو يا ولدى؟. قلته: "بتاع الدكان البره دها يا والدة". قالت بصوت عكس كثير من حزنها: تعيش انت ياولدى، الحاج احمد مات من تلات سنين".فقلت لها: ربنا يرحمو و يغفر ليهو و يصبركم، بس الدكان دها هسع فيهو شنو؟ و الله يا ولدى من حاج احمد مات مافى زول فتحو و لا شفنا فيهو شنو، بس هو زاتو قبل مما يموت حاج احمد ما كان فيهو حاجه غير حلاوة كرملة و و بسكويت كوكو....
خلاص يا حاجة مع السلامة..مافى مشكلة انا ماشى.....زقلتها و تراجعت للخلف لكى اذهب..فصاحت:
تعال يا ولدى انت منو؟
قلته ليها: أنا بتاع الضرائب...
و ياليتنى لم اقلها!!!
إضربك الضريب شقاق العنقاريب....أمشوا... يا حرامية...
انتوا القتلتو الحاج...انتو القتلتو الحاج....
لم ادرى معنى قولها أو ردت فعلها إلا بعد أن راجعت ملف الحاج احمد فئذ باخر زيارة مسجله فى الفائل كانت قبل ثلاث سنوات و قبل يوم من وفاته.....
و كانت الضريبة المقدرة عليه الف جنيه "و التى تسوى مليون بنقود هذأ الزمن" و عندما زرنا الدكان بعد يومين من لجنة مكونة من اربعة اعضاء لم نجد فيه غير راديو قديم و عنقريب جلد و كرتونة بسكويت كوكو و كرتونة حلاوة كرملة و بعض زيت السمسم و بعض البالونات التى صنعت عندما خرج الانجليز من السودان....بلد المحن.
ضرائب قال ضرائب......
اى و الله ..نحنا القتلنا الحاج!!!
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Mutwali Malik)
|
يا متولى....[green]رمضان كريم..علينا و عليك و على كل الآهل..من هم فى الداخل أو الشتات...
Quote: سالته : كنت بتعرف زولة قبلي
اجابها : وانتي كنتي بتعرفي زول قبلي |
ياخى زكرتنى لمن كنا صغار بنلعب فى التراب...امى لبستنى الجزمة و الشراب....مشيت للافندى ادانى كراس...كتبت العربى و نسيت الحساب....(طبعاً انت دفعة بتتذكر الكلام دها)
ياخى ناس هسعى ديل لا بسالوا و لا حاجة....بقوموا سدارى.....
صديق القاعد بعيد
| |
|
|
|
|
|
|
|
|
 Re: قصص يومية قصيرة جداً...... (Re: Siddig A. Omer)
|
فى العام الفائت كان لنا لقاء فى الغربة مع ابداع المرأة السودانية و عطاءاها الممتد و فى دار الثقافة السودانية بالدوحة و التابع للسفارة السودانية كان هناك اجتماعنا نحنا المغتربين سابقاً ( والمتعايشين حاليا) فى اجمل ايام غربتنا كان المعرض الآول لمنتجات الاسر السودانية فى الدوحة....و كانت الروعة.
وهنا فى الدوحة يبدأ هذا المعرض الثانى بإذن الله يوم الجمعة الموافق 19 أغسطس و من الساعة الثامنة الى الثانية عشر ليلاً ويمتد الى السبت الموافق 20 أغسطس و فى نفس المواعيد.
كل ملابس العيدالرجالية و مستلزماتها و المخبوزات السودانية و بذات النكهة لكنها اجمل لانها تعطرت بالغربة البعيدة فى جو منالآهل و السودان الجميل.
موعدنا هناك....حيث ابداع المرأة السودانية....
شكراً رابطة المرأة السودانية (ســوأ) التى جعلت هذأ الابداع ممكناً
صديق القاعد بعيد
| |
|
|
|
|
|
|
|
|
 Re: قصص يومية قصيرة جداً...... (Re: Siddig A. Omer)
|
Quote: راحة البــــال....و سترة الحــــال.....و البعــــد محنة....و الريد قتلنا...يا آهلنـــا.....يا جمـــال دنيـــانا يا جمالَ....و الحبيب و ايانا....
|
يعني قاعد ليك فوق رائ ممتاز
لو الحكاية دي حلوة ياخ قولينا
ياخي ما تجي عمرة في رمضان دا
ونحن نجي نعيد معاكم
سلم على الجماعة المعاك وخاصة ناس المعهد
.
.
تحياتي وتقديري
| |
|
|
|
|
|
|
|
|
|
Re: قصص يومية قصيرة جداً...... (Re: عبدالله ود البوش)
|
يا زول القيامة قربت...
استفيد من فرصة وجودك فى السعودية واعمل ليك حجة سريعة...و تلات ..اربعة "عمرات"...قبل ما الحكاية "تجوط
"....والناس تفتش للكعبة ما تلقاها....
بالله عليك اهدى لينا تلاتة.... اربعة "عمرات" لاخوك..لانو مقروض شديد...و الحكاية دى شكلها "مطرشقة" من هسع...
و ما فى آمل......و لا سعاد...
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
بدر كتب
الله الوطن العلم النصر
وامل ما كتبت وما وجدت القلم وبكت
بدر وجد القلم وهتف
القلم القلم يا امل
امل فرحت وكتبت
الله الوطن العلم النصر
.
.
اها بدر عرس امل وجابو ولد سموهو عشا البايتات
انتهت القصة
ركن الاطفال يقدمه عمكم مختار
نكتتتتتتتته
| |
|
|
|
|
|
|
|
|
|
Re: قصص يومية قصيرة جداً...... (Re: عبدالله ود البوش)
|
الآمية ياخى عندنا بتزيد
صديقى اعرفه منذ ان علمنا باننا بشر و فى بواكير طفولتنا، لايعرف غير السخرية و الدرب الطويل فهو لا يعرف "اللف و لا الدوران"..اتصلتها عليه و أنا اريد ان اسمع راياً محايداً...اريد ان اسمع الحقيقة و لا شئ غير الحقيقة......
سالته:
بالله الامور عندكم كيف قالوا بايظة جداً....
قال بهدؤه المعروف: بايظة الحبة دى....ياخى دى بلد منتهية و ذاهب للقاع بسرعة كبيرة.
قاطعته: ياخى الناس ديل ما بفهموا و لا شنو؟
قال: يفهموأ شنو يا صديق ياخى ..إنت بتحلم.....ياخى فى زمن العولمة و مسح الآمية فى كل العالم.....
الآمية عندنا زادت...ياخى شفتك ليك بلد فى الدنيا "هسع" الآمية فيها بتزيد....ياخى معقـــول....هاهاهاهاهههاه
و ضحك حتى احسست بطعم البكاء فى حلقه....فقطعت الخط....فى صمت....و عرفت الحقيقة المرة....
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
الآمية ياخى عندنا بتزيد(2)
اتصلتها علي صديقى مرة آخرى و سالته: ياخى ما فاهم كيف الآمية دى بتزيد فى بلد فيه "توجه حضارى"؟
ضحك و الله انت زول "ســاكت"، قالها لى بسخريته المعهودة، ثم اضاف: تعرف ياصديق الاسر المتوسطة الحال زامن، الآن ياكلون وجبة واحدة و الآب الذى لديه خمسة اولاد، يخرج اربعة منهم من المدارس لعدم قدرته على تحمل مصاريف الدراسة و لكى يساعدوهو ا فى تحمل نفقات الآخرين و الاسرة و يبذل جهده لكى يُنجح واحداً منهم....هكذأ زادت الآمية فى بلد كالسودان...
عليك الله تخيل...عليك الله تخيل و ضحك بصوتاً عالياً....احسست فيه" هذه المرة بطعم الضياع القادم...و السودان الذاهب الى ذاكرة التاريخ.
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
منقول من احدى مداخلاتى القديمة...جداً..جداً
المجنون
ذاك الانسان...العميق الفكرة
تراه....تحسبه اتىء من عالم آخر...
يتعذب......لانه
لم يجد من يفهم فكرته
و يالهــا من فكرة
فوق طاقة البشر
فعاش عالمه....لوحده
وانا معه
صديق - الدوحة
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
منقول من احدى مداخلاتى القديمة...جداً..جداً
المثل الاعلى
قال أبو القاسم الشابى فى قصيتده المثل الآعلى:
ما قدس المثل الاعــلى
وجمله فى أعين الناس ....
الأ أنه...حلـــــــــم
لو سار بينهموأ
لرموه...وقالوأ
أنه صنـــم.....
يا..لتعاســــــــــتكم....كيف تقتلون الله؟؟.......
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
أنا من صغير بكره "الحقارة"، لانو الحقارة الاتحقرأ الواحد فى حياتو ممكن براها تتدخلوأ الجنة...عديل كدها....و هناك أمثلة كتيرة و ما عندها عد.....
بس خلونا فى الشوية ديـــــل:
الواحد اتحقر لمن ولدوهو.....لانو ولدوهو فى بلد اسمو السودان....و دى زاتها حقارة...
و فى طفولته الاولى عندما كان يحبو فلم يتعلم إلا بالحقارة...معنى الحياة......فتجد الطفل السودانى معتدى بطبعه.
و فى المدرســــة الابتدائية، كانوا يضربوننا كالحمير.
فى الثانوية العامة كان الطلبة و الاساتذة يحتقروننا...و الطلبة الاكبر سناً يحقروننا و يضربوننا و يرسلونا الى
مراسليهم....لذلك نشاءنا فى بئية عدائية جداً فاصبحنا...سريعى الغضب و العصبية!!!!
ترجع البيت ناس الحلة يضربوك وناس البيت يضربوك...و كمان ناس الشارع بضربوك....
استمر الحال بنا الى تزوجنا، فاصبح زوجاتنا يضربوننا..." ودها احر ضرب".....
و الله ما فضل إلا الاولاد يضربونا....ياخى ما يجوأ يضربونا و يرحونـــــــا
أماالحكومات فضربتنا و ضربت كل الضربونا فى فى كل الازمان...و الامكان و طفشت كل الشعوب، فعرفنا السر
لماذأ يضربوننا الذين يأتون فى الترتيب بُعيد الحيكومات.....لانهم نفسهم مضربون!!!!
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
Quote: اما اخونا الاخ القائد الآممى و ملك ملوك افريقيا و كبير "مصاقيع" القارة الاقريقية فلن يتنازل على القيادة حتى يدخل ثوار ليبيا الى بيته و يجدونه يصيح لوحده:
اقتلوهم، شردوهم، سوف نفتتهم شارع شارع، و بيت بيت، و دار دار ( والله ما عارف الفرق بس القائد بقولة كدها!!!)، و زنقة زنقة، و فرد فرد....وحتى الرمق الآخير من حياته العامرة بسفك الدماء.
|
عليكم الله مش كلامى طلع صـــــأح؟
العاقبة على البقية....و اولهم سيدهم "أبو طاقية"....مش عرفتوهو.....
مافى رئيس بلبس طاقية؟ إلا رئيس جزر القمر.....وزولنا!!!
و رئيس جزر القمر دها زول "ساكت"......
عرفتوهو....لالالالا...ما عرفاناهوا.....!!!
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
Quote: هنالك شكوى من المواطنين جراء ارتفاع الأسعار وعدم تدخل الدولة للحد من تأثيرات ذلك؟
= ارتفاع الأسعار ارتفاع عالمي، فأضرب لك مثالا بالسكر قبل أربع سنين كان سعر الطن الواحد أقل من مائتي دولار الآن وصل سعره ألف دولار.
*هل تتابع أوضاع السوق عبر التقارير الرسمية أم بشكل شخصي ومباشر؟
= أنا عايش وسط المجتمع، وعندي أهلى فقراء، ولكن واحد من المشاكل التى نخشى وقوعها حديث البعض عن تدخل الدولة لدعم الأسعار، وهذا أسوأ حاجة يمكن أن تعملها الدولة وهذا يعني الدعم غير المباشر وأنا أعتبره ظلما للفقراء وظلما للدولة لأنك تدعم الاستهلاك والمستهلكين هم أصحاب الدخل العالي. أنا مثلا لو دعمت البنزين، فالذي يستخدمه هم أصحاب السيارات من المستطيعين على حساب الفقراء. وإذا دعمت السكر من الذي يستخدم السكر أكثر الفقير أم الغني. |
يا رئيسنا ما تتدعم السكر و لا البنزين!!!...ياخى ادعم مجانية التعليم و الصحة.....و خلى الغنى و الفقير يتعالجوأ و يقرؤ....المشكلة شنو؟؟؟
أذا حزبك دعمك للترشح للرئاسة الجمهورية بمبلغ 26 مليار جنيه"بعضمة لسانك"، فمن باب آولى ان يدعم الحزب الذى يحكمنا ببناء المراكز الصحية و التعليمية و بذلك يوفر وظائف لكل طبيب و ممرض و مدرس و فراشين...
عليك الله احسب ياسيادة الرئيس ....و أنا زاتى بحسب....
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
باسبورت أميريكى
ياخى قدوا...لينا راسنا الاصلو مقدود
واحد عندو جواز بريطانى[/B/RED]...
شابكنى ليك كل ما الاقينى:
" و الله سودانكم دها"!!!!......]" و الله سودانكم دها"!!!! ح اتفرتق...
و نحنــــا>>>>>>>>>>>>>>>
"والله نحنا ماشين لامنا!!".....
امكم منو؟؟؟؟ دها أنا المسكين ابو جوازاً آخضر و قلباً ابيض، اسال بسذاجة شديدة
أمنــــــا الملـــــكة!!!!![/B/BLUE]
و نحنا نمشى وين؟؟؟؟؟
تمشوا لسودانكم.....الحار داااااااااااك......
**************************
واحد تانى عندو جواز أمريكى[/B/RED]...
شابكنى ليك كل ما الاقينى:
يا مان....انت من اى واحد سوادن.....SOUTH OR NORTH
يا مان.....انت "جنوبى" و لا "شمالى"...يسالنى!!!
اسألوا: و انت من وين يا لخو؟؟؟
يجابونى: ريفير سايت يا فريندFrom River Side Man
اساله: من هو أول رئيس فى أمريكــا؟؟
يجابونى: اوباما... يا مان ...اوباما....يا مان...انت ماعارف؟؟؟
اجوابه: No...No....I don't know.....you are right
يسالنى: انت قلته ليه من وين جنوبى و لا شمالى...
اجاوبه: لا ...أنا مع عمر البشير......
يجابونى: اه..اه...ارهابى يعنى......يسس...ارهابى...انتا يا مان....
نعم أنا ارهابى.....ارهابى...لكنى برضو "سودانـــــــى"
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
باسبورت أميريكى
ياخى قدوا...لينا راسنا الاصلو مقدود
واحد عندو جواز بريطانى...............
شابكنى ليك كل ما الاقينى:
[red]" و الله سودانكم دها"!!!!......" و الله سودانكم دها"!!!! ح اتفرتق...
و نحنــــا........ "والله نحنا ماشين لامنا!!".....
امكم منو؟؟؟؟ دها أنا المسكين ابو جوازاً آخضر و قلباً ابيض، اسال بسذاجة شديدة
أمنــــــا الملـــــكة...يا وهم، يجابونى
و نحنا نمشى وين؟؟؟؟؟...أساله انا الوهم....
تمشوا لسودانكم.....الحار داااااااااااك......يجابونى كانه قادم من "المريخ"
**************************
واحد تانى عندو جواز أمريكى
شابكنى ليك كل ما الاقينى:
يا مان....انت من اى واحد سوادن.....SOUTH OR NORTH
يا مان.....انت "جنوبى" و لا "شمالى"...يسالنى!!!
اسألوا: و انت من وين يا لخو؟؟؟
يجابونى: ريفير سايت يا فريندFrom River Side Man
اساله: من هو أول رئيس فى أمريكــا؟؟
يجابونى: اوباما... يا مان ...اوباما....يا مان...انت ماعارف؟؟؟
اجوابه: No...No....I don't know.....you are right
يسالنى: انت قلته ليه من وين جنوبى و لا شمالى...
اجاوبه: لا ...أنا مع عمر البشير......
يجابونى: اه..اه...ارهابى يعنى......يسس...ارهابى...انتا يا مان....
نعم أنا ارهابى.....ارهابى...لكنى برضو "سودانـــــــى"
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
تعرفوا المحيرنى شنو؟
القذافى...دها مجنون...و لا بتجنن....و لا مالوا؟؟؟؟
عارف على عبد الله صالح داك بضرب الغات قام طلع ليهو فى راسو...لكن صحبى القذافى الجماعة جوهوا جو البيت و لسع "بكوريك" ذى الديك...
عالم ما "تختشيش"....
آخر تعليق لحسن مبارك فى سجنه...متكل و مرتاححححححححححححححححح يا فردة
مصرى اصـــــلى
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
صديق الساكن بعيد
صاحبك دة لو صحي ساكن في Riverside يبقي
الزول دة كي جارنا عليك اللة اسالوا ساكين وين من بيت Iran
راجلها اسمة Rafael
لكن لو بقصد River Side
يبقي ما امريكى ولا حاجة
هو انتوا طوالي غاشنكم
دى حلة صغيرة قريبة من سنجة
| |
|
|
|
|
|
|
|
|
|
Re: قصص يومية قصيرة جداً...... (Re: Huda AbdelMoniem)
|
و الله يا هدى نحنا لا مساكين و لا حاجة ...مساكين ناس الجوازات البجونا فى الخليج هنـــا ويقوليك بطول حسوأ و من غير خجلة:
أنا لازم اشتغل أنا عندى جواز أمريكى.....
أها....ذى دها بنفكوا عكس الهواء لمن يعرف حاجة.....و الجواز لا يشغل آحداً بل الكفاءة و الاجتهاد و العلم و الخبرة.
أمامن يحاول أن يقلل من شانك لمجرد انك تعمل بجواز سفر سودانى....فهذأ يكره اليوم الذى غير فيهو جوازه....و جواز مرتو كمان....
دائماً ما اذكر المبدع الروائى الراحل الطيب صالح عندما كانوأ يسالونه عن لماذأ لم يغير جنسيته الى الآن، بالرغم من الانجليز كانوا يتمنون أن يلبس الطيب صالح ثوبهم و لكنه قالها بالصوت الواحد و العالى:
أنا سودانــــى و مرتاح كدها لماذا اغير جوازى و جلدى و سودانيوتى......
نعم هؤلاء نحن....
صديق القاعد بعيد
تخريمة ليها قيمة:
3 ارباع اعضاء الحكومة السودانية الحالية و السابقة جوازاتهم اجنبيــة....من اين اتئ هؤلاء؟؟؟؟؟؟
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
كلما فكرت أن أعتزل السُلطة
نزار قباني
كلما فكرت أن أعتزل السُلطة..
ينهاني ضميري
من ترى يحكم بعدي هؤلاء الطيبين؟
من سيشفي بعدي الأعرج
والأبرص
والأعمى
ومن يحيي عظام الميتين؟
من ترى يخرج من معطفه ضوء القمر؟
من ترى يرسل للناس المطر؟
من ترى يجلدهم تسعين جلدة؟
من ترى يصلبهم فوق الشجر؟
من ترى يرغمهم أن يعيشوا كالبقر؟
ويموتوا كالبقر؟
كلما فكرت أن أتركهم
فاضت دموعي كغمــــامة
وتوكلت على الله
وقررت أن أركب الشعب
من الآن الى يوم القيامة
مجرد تبادل خواطر.....
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
الناس "كيمان""""كيمان"""""
الكوم الآول....."كومة التمكين"
الكوم الثانى...."كوم ما عارفين"
الكوم الثالث...."كوم المتسلقين"
الكوم الرابع....و الخامس والسادس....و الثمانين.....
كوم الكادحين.........."منعول ابوكى بلد"...
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
اها.....الحل....شنو؟
سالنى صديقى؟
اجبته: أول الحل...ان يحكم السودان بِى أخلاقنا...
ثانياً: لا للايدولجيات السياسية التى تعبنا منها و التى اصبحت لا تتطعم ناقة و لا جمل!!
ثالثاً: نتفق على حكم السودان من غير عسكر، لانهم اسباب تخلفنا..
رابعاً: أن نعيد السودان الى زمن الاستقلال....
فضحك....حتى وقع على قفاه...ثم صاح بآعلى صوته:....
انسسسسسسسسسسسسسسسسسى.....
فضحكت معه، بكل ما املك من قوة، حتى دمعت عينانا... و صحنا بصوت واحد: انسسسسسسسسسسسسسسسسسسسسسسسسى.
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
سؤال: كيف تفكر حكومة الآنقاذ؟؟؟؟؟
لماذأ تعيش حكومة الآنقاذ على "فكرة" الحرب؟
لمذأ لا يجلسون على الآرض...و يفكرون فى إستغلال...خيرات وطن...ملئ بالخيرات.....و يعممومون خيراته على كل الشعب؟
لماذأ يفكرون مثل "الجرذ" القذافى الذى حكم....ثم ذهب الى "مزبلة التاريخ"؟
لماذأ؟
هل من مجيب؟؟؟
نعم...أنا....
لانهم سوف يذهبون الى "مزبلة التاريخ"
صديق القاعد بعيد
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
بالمناسبة...هذأ الموضوع سوف يذهب الى الآرشيف....
لكن كلمة حق.......
لابد أن تُقال......
أنا اكتب لنفسى....التى لم اعرفها.....
يوماً......ما!!!!
هنيئاً....لى.....
أما من عرفوأ انفسهم.....هنيئاً لهم....فلقد...عرفوأ السعادة ...و راحة البآل....
صديق القاعد بعيد....
تخريمة:
صديقى ذكرنى بأن سوداننا...الاسفيرى....لا يعرف...الحدود...بل يعرف الاصدقاء.....
مكسب..على الآقل نصنع "عشرة"...من الآصدقاء.....و نفقد "مئة"....
لكننا نصنع "الحقيقة"...بدون "رتوش"
| |
|
|
|
|
|
|
|
|
|
Re: قصص يومية قصيرة جداً...... (Re: Siddig A. Omer)
|
قبل الآرشفة.....يا ريت كملت حكاوينا...و لقينا البداوينا.....
ذهب العندليب الآسمر....و هو فى قمة العطاء و البهاء و ترك...ارثه...لكل الآجيال....الحالية...والسابقة و القادمة....
رحمه الله رحمة و اسعة و احسن اليه......و إنا لله و إنا اليه راجعون...
صدق الله العظيم
| |
|
|
|
|
|
|
| |
Siddig A. Omer
محمد البشرى الخضر
sumah
Mutwali Malik
عبدالله ود البوش
فيس بوك
تويتر
انستقرام
يوتيوب
بنتيريست