كتب الكاتب الفاتح جبرا المتوفرة بمعرض الدوحة
|
|
 سنتان من الفرفره الاسفيرية في الاونلاين!!
|
الكتابة في الاونلاين حلم يراود معظم السودانيين
ولا انكر أنني كنت أحدهم ..
تلعب الصدفة والشهرة والعلاقة مع بكري احياناً
دوراً كبيراً في امكانية انضمامك لهذا الموقع الرقم
اليوم اكملت سنتين من الفرفرة الاسفيرية في سودانيز اونلاين
بالرغم من انضمامي المتأخر للموقع بسبب تجاهل بكري لطلبات الانضمام للموقع
لم يساورني شك في أنني سوف أكون أحد كتابه يوماً ما
ظللت اطالب بعضوية المنبر العام منذ العام 2003
الا أن الريس بكري ظل يرمي بكل طلباتي الى سلة المهملات
..
..
__
يتبع
|
|
  
|
|
|
|
|
|
|
 Re: سنتان من الفرفره الاسفيرية في الاونلاين!! (Re: الامين موسى البشاري)
|
رغم حرصي على الانضمام لموقع سودانيز اونلاين
الا أنني لم اسعى يوماً لكي اوسط احدا لكي يطلب لي عضوية
وذلك حتى لا يحملني وزر جميل يطوق به عنقي
كنت اكتب بعض المقالات في صفحة المقالات احياناً
وفي نفس الوقت كانت طلبات الانضمام تترى وحدانا وزرافات
على ايميل بكري ، وبكري سادي دي بطينة والتانية بعجينة
والله صحي
..
..
__
يتبع
| |
|
|
|
|
|
|
|
|
|
Re: سنتان من الفرفره الاسفيرية في الاونلاين!! (Re: معاوية عبيد الصائم)
|
في مثل هذا اليوم منذ سنتين مضت وصلني ايميل
من بكري يفيد بحصولي على عضوية في المنبر العام
ظللت لفترة اتأمل الايميل بين مصدق ومكذب للخبر
لم ادخل للمنبر العام مباشرة وطفقت اتذكر السنوات
التي قضيتها وانا اراسل بكري لكي يتعطف ويمنحني عضوية
جهزت البدلة والكرفته وصورة البروفايل لكي اظهر في الاونلاين 
بينما تتجاذبني مشاعر الاقدام والاحجام في الدخول
سألت بعض الاخوة اعضاء المنبر وهل بريد بكري حقيقة
أم انها مجرد مزحة ثقيلة من أحد الاصدقاء
..
..
__
يتبع
| |
|
|
|
|
|
|
|
|
|
Re: سنتان من الفرفره الاسفيرية في الاونلاين!! (Re: الامين موسى البشاري)
|
توكلت على الحي الذي لا يموت
وسجلت دخول في المنبر العام
بحكم مهنتي وخبرتي لم اجد صعوبة في التعامل
مع المنبر العام وحتى انني اذكر وفي اول بوست للترحيب بي
كتبت العبارة التالية " على جنب كده شكرا يا بكري"
اذكر حينها وقد علق أحدهم باين عليك برلوم تفتيحة
وبينما نحن نتلمس خطواتنا الأولى
كان اول المرحبين بي هو محمد عبد الماجد الصايم
نالنا نصيب من التهكم والتريقة من بعض الاعضاء القدماء
ولا زلت أذكر مداخلة لعزام حسن فرح
يقول فيها نرحب بيكم على شنو ؟
ومن يومها اصبحت أقرأ لعزام كل ما يكتب تقريباً
قلت الولد دا منقطها تب
ولكنني مع الاسف لم أقرأ لعزام اية جملة مفيدة
أو بوست أتذكره به غير العنصرية التى تلون حرفه
والتهاتر الذي يزين كتاباته وحاله بين عضو وعضو مفصول من المنبر
..
..
__
يتبع
| |
|
|
|
|
|
|
|
|
 Re: سنتان من الفرفره الاسفيرية في الاونلاين!! (Re: الامين موسى البشاري)
|
Quote: يقول فيها نرحب بيكم على شنو ؟
ومن يومها اصبحت أقرأ لعزام كل ما يكتب تقريباً
قلت الولد دا منقطها تب
ولكنني مع الاسف لم أقرأ لعزام اية جملة مفيدة
أو بوست أتذكره به غير العنصرية التى تلون حرفه
والتهاتر الذي يزين كتاباته وحاله بين عضو وعضو مفصول من المنبر |
إن شاء الله بكري يرجعو.
حسادة مِني بس.
يا عريس يا قديم رمضان كريم، وعُقبال تبقى منقطها.
الظاهر علينا أولآد دُفعة...
| |
|
|
|
|
|
|
|
|
|
Re: سنتان من الفرفره الاسفيرية في الاونلاين!! (Re: معاوية المدير)
|
Quote: إن شاء الله بكري يرجعو.
حسادة مِني بس. |
معاوية يا دفعة ما تحرش باللاي 
يااااخ الايام ديك السناير مارسوا علينا جنس اضطهاد
تكتب بوست ولا يشتغلوا بيك الشغلة
تتداخل كتير يقولوا ليك دا شنو البرلوم الشليق دا ههههههههههه
يعني هم خلاص وحاتك منقطنها تب ...
مع دا كلو ما رديت لعزام ولا تداخلت معاهو كتير
وعلى فكرة هو ما وجه لي الكلام مباشرة لي
قاله في سياق عام بتاع بوست برالمة ومن يومها صاريها ليهو
يا ريت يرجع بس يبطل البعمل فيهو زمان دا (التهاتر مع بريمة وآخرين)
كامل الاحترام والتقدير له
تحياتي
| |
|
|
|
|
|
|
|
|
|
Re: سنتان من الفرفره الاسفيرية في الاونلاين!! (Re: الامين موسى البشاري)
|
ود البشارى سيد التوب العشارى
السلام عليكم جاتنى فرصه الى عندى حتى اقول فيك قولى
يعلم الله اننا اكتشفنا فيك صفات الاخو الذى ينسعى لى قدام
بكل ماتحمل الكلمه من معانى كتار يصعب ان افصل فيها
هذه المعانى ولكن عندما تقول الزول صديق لى الطويله
اوووووك ...... ربنا يخليك وعقبال سنين عددا
تحياتى
| |
|
|
|
|
|
|
|
|
|
Re: سنتان من الفرفره الاسفيرية في الاونلاين!! (Re: خالد المحرب)
|
Quote: يعلم الله اننا اكتشفنا فيك صفات الاخو الذى ينسعى لى قدام
بكل ماتحمل الكلمه من معانى كتار يصعب ان افصل فيها
هذه المعانى ولكن عندما تقول الزول صديق لى الطويله
اوووووك ...... ربنا يخليك وعقبال سنين عددا |
شيخ العرب ود المحرب
رمضان كريم ... وانت احد من اعتز بمعرفتهم
بل امتدت المعرفة لتصبح علاقة عائلية متينة الجذور
تحياتي لك وللاسرة الكريمة
| |
|
|
|
|
|
|
| |
الامين موسى البشاري
معاوية عبيد الصائم
معاوية المدير
خالد المحرب
فيس بوك
تويتر
انستقرام
يوتيوب
بنتيريست