|
لماذا لاتأكل البوساتات الدينية عيش في هذا المنبر
|
بالرغم من حاجة بعض الاعضاء الي "دربات" دينية مركزة من خطل ما يؤمنون ويسوقون من كتابات , وبالمقابل البوستات المتنطعة الزنديقة تجد من الرواج ما يدهش لم اجد للامر تشبيها سوي التفاف الذباب والدود حول الجيفة النتنة , بعض الاعضاء من خطل ما يكتبون ويجتهدون في تسوقيه الواحد منهم "يحننك" ويقطع نياط قلبك من ترديه . هذا المنبر بحاجة ماسة الي غرفة انعاش دينية تبدأ من سنن وفرائض التيمم والوضو مرورا غسل جنابة يشمل الكتابات , علها تطهر العقول الموجودة وتجعلها "تفرز" علي الاقل - ما بين الاسلام واصوله وقواعده وما بين بعض التجارب السياسية التي البست ثوب الدين .
|
|
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: اساسي)
|
Quote: وبالمقابل البوستات المتنطعة الزنديقة تجد من الرواج ما يدهش لم اجد للامر تشبيها سوي التفاف الذباب والدود حول الجيفة النتنة , بعض الاعضاء من خطل ما يكتبون ويجتهدون في تسوقيه الواحد منهم "يحننك" ويقطع نياط قلبك من ترديه . |
اهو البركه فيك برضوا ممكن تصلح لينا الاسلوب فى المنبر بس تفتكر باسلوبك ده الناس ح تنتبه ليك لبوست دينى ولا غيره ونادى بالتى هى احسن ياخ حقيقه ان الكثيرين بيتابعوا البوستات الدينيه بس من غير ما يقولو بغم.فاكتب عن الدين من غير ما تسىء لاحد ورمضان كريم
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: اساسي)
|
الأخ أساسي
تشكر على فتح هذا الموضوع وإن كنت قد اختلف معك في تعبيرك في العنوان ، فهي تؤدي دورها وجزى الله خيراً من يقوم بفتحها وهو ماكل عيش بلا شك وبوستيه لما دخلوه إلا اثنين أكل عيش وشبع .. لكن الما بياكل عيش هو من يهجرها وهو بحاجة إليها !! هذا هو غير الموفق .. فعلاً البعض يجهل أشياء في أصول دينه ولا يعلم ما تصح به صلاته أو صيامه أو زكاته وغيرها من الأحكام والبعض قد يجهل أموراً عقدية أو ما يتعلق بتفسير القرآن ولكنه منصرف لأشياء أخرى ... لا تخفى علي ولا عليك
Quote: وبالمقابل البوستات المتنطعة الزنديقة تجد من الرواج ما يدهش لم اجد للامر تشبيها سوي التفاف الذباب والدود حول الجيفة النتنة |
كل إناء بما فيه ينضح ... ومن أعجب شيء اهتم به !!!
Quote: بعض الاعضاء من خطل ما يكتبون ويجتهدون في تسوقيه الواحد منهم "يحننك" ويقطع نياط قلبك من ترديه .
|
بهذا المنبر وجدنا (ملاحدة) يوردون آيات وأحاديث وأحكام شرعية لمحاكمتها وهم يجهلون جهلاً مركباً ، فلا الآية تكتب بصورة صحيحة ، ويأتون بأحاديث موضوعة ومختلقة ، ولا يفرق بين (رواه) البخاري في صحيحه أو (رواه) ابن عثيمين في كتاب أحكام الصيام !!! شيء عجيب ، وضحك على بعض المخمومين ... وبالمناسبة وثقت شيئاً من ذلك مع أنه لا يحصر إلا بكلفة !!!
Quote: هذا المنبر بحاجة ماسة الي غرفة انعاش دينية تبدأ من سنن وفرائض التيمم والوضو مرورا غسل جنابة يشمل الكتابات |
هذه ذكرى طيبة ونسأل الله أن يوفق إليها من يستطيع ذلك ، وعن نفسي كلما دخلت أجد ما هو بحاجة لتعليق فأعلق وينقضي الوقت ، ولذلك فما أفتحه من بوستات فهو قليل ولا يتناسب مع الطموح فالغرض الأساسي الإفادة والاستفادة من الدخول هنا
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: عارف الركابي)
|
Quote: اساسي انت قايل الدين دا كله تحانيس ودلع و حلاوة لسان , يا ود زكريا احيانا ما لا ينزع بالقران ينزع بالسلطان , بعدين طوال عمر الدعوة بالتي هي احسن كان يرافقها السيف والجهاد |
شنو هو البتنزع بالقوه وما ادراك؟ كويس امش سنن سيفك واعلن الجهاد على من لا يتوضائ بالطريقه الصحيحه ياخ بالقوه والعنف ما بتقدر توصل ايمان لانه الايمان بالقناعه يعنى بالعقل ادعوا الى سبيل ربك بالموعظه الحسنه وجادلهم بالتى هى احسن
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: محمد زكريا)
|
تقول لي حصة دين يا اساسي اها مع اخونا هشام امين بتاع الحصر ده حصة الدين البحضرا ليك منو او كما قالت لك راوية قوم لف هشام ده خليهو يقيس ويحصر هشام ورينا عليك بسرعة قبل رمضان ده ما يخلص عشان لو ما حصرتنا مع جماعة المسلمين ما نضيع نهاراتنا في العطش والجوع وحصة اساسي بتاعة الدين دي
بعدين يا هشام ديل منو في الملل
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: محمد البشرى الخضر)
|
Quote: علي اليمين يا هشام امين بالغت في التصنيفات دي يعني المسلمين لا شيوعيين لا جمهوريين لا علمانيين لا لادينيين لا ملحدين لا "وسنيين" أوكي لكن كمان مفكرين دي بالغت فيها |
يا محمد المبالغة فى شنو عليك الله ما كل واحد جاى بيحارب فى الاسلام والمسلمين وبيدعو
لمحاربة الدين والشريعة واى واحد تهبشة ولا تقرا ليهو كلام تلقاهو لو ما من الملل دى من ملة تانية ,,
وبعدين حكاية المفكرين المحيرك فيها شنو عليك الله ؟؟ شكلك كدة يا الطيب ما متابع البورد دة والبيتكتب فية
"المفكرين مذكورين فى قوانين المنبر " يا عمك
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: الرفاعي عبدالعاطي حجر)
|
Quote: المواقع الإباحية تأتي في المرتبة الأولى من حيث الارتياد في السودان..؟!
2011 04:32 PM بينما كنت أطالع ترتيب المواقع في السودان عبر موقع أليكسا Alexa.com أثار دهشتي تقدم صفحة الحجب الخاصة بالهيئة القومية للإتصالات والتي تحمل العنوان 196.1.237.210 ، حيث تأتي في المرتبة الأولى متصدراً كافة المواقع السودانية والعربية ..!
وبحسب المعلومات الواردة في أليكسا فإن الوصول لصفحة الحجب تتم بنسبة 15% من محركات البحث بمعدل تصفح 2.3 صفحة في اليوم، وإن صفحة الحجب تتقدم بمعدل يقارب 44% (أي أن 44% من الزيارات تكون من عرض الصفحة مرة واحدة).
كما أشارت المعلومات إلى أن زوار الموقع هم من المرحلة الجامعية، وذوي الدخل المحدود، والمحرومين من الرجال، وأطفال المدارس. تقوم الهيئة القومية للإتصالات بحجب بعض مواقع الانترنت بهدف حماية العقيدة وإشاعة قيم العفاف والأخلاق الحميدة في المجتمع - وبخاصة الشباب السوداني - ، وقد أنشأت لذلك وحدة خاصة لحجب المواقع معتمدة على ما يحتويه الموقع من مادة ...
إن تقدم ترتيب صفحة الحجب يدل على ارتياد المستخدم السوداني للإنترنت على هذه المواقع بصورة ملفتة للنظر.. بينما تأتي المواقع الحكومية والبوابات الشاملة مثل موقع الراكوبة وسودانيز أون لاين والنيلين في مراتب متاخرة نسبياً .. فإلى ماذا نعزي سبب ارتياد السودانيون على مثل هذه المواقع؟ هل إلى ضعف الوازع الديني؟ أم يعزى إلى ظاهرة الفراغ ؟ أم أن هناك سبباً آخر ؟ وهل نحن بحاجة إلى تكثيف الرقابة الأبوية على أبناءنا لحمايتهم من مثل هذه المواقع والحد من انتشار الرذيلة والقيم الدخيلة على مجتمعنا ؟ أم نعمل بمبدأ احترام الخصوصية والاستقلالية ؟ إن تطور وسائل الاتصال في السودان، وسهولة الاتصال بالانترنت زادت عدد مستخدمي الانترنت في السودان بصورة كبيرة حيث بلغ عددهم أربعة مليون ومائتان مستخدم ، بحسب إحصائيات موقع http://www.internetworldstats.com لعام 2009م.. بمعدل نمو 13.9% مقارنة باحصائيات عام 2000م، حيث كان عددهم 30.000 مستخدم، ومن المؤكد إن عدد المستخدمين في ازدياد مضطرد، نسبة لتوفر سبل الاتصال بالانترنت. كذلك يلعب عامل الفئة العمرية لمستخدمي الانترنت في السودان، حيث تظهر هيمنة الشباب في هذا المجال ... مما قد يشكل مؤشراً لكثافة ارتياد المواقع المحجوبة. وما موقع الفيس بوك إلا خير دليل حيث أن معظم مستخدميه من الشباب. وحتى نصل إلى حل لهذه المشكلة فنحن بحاجة إلى تكثيف الجهود للعمل على فئة الشباب والتي تمثل عماد المجتمع وحاضره ومستقبله ... والتركيز على مواضيع هادفة تصرف الشباب من الجلوس طويلاً على الانترنت، كذلك العمل على نشر ثقافة الاستخدامات المفيدة والمثلى للشبكة العنكبوتية ..
النيلين - حمودة |
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Wasil Ali)
|
Quote: المواقع الإباحية تأتي في المرتبة الأولى من حيث الارتياد في السودان..؟! |
تزكية المجتمع وانزال قيم السماء ودولة المدينة وولاية القوي الامين ولا لدنيا قد عملنا والمشروع الحضاري والمواقع الإباحية تأتي في المرتبة الأولى من حيث الارتياد في السودان..!!!!!!!!!!!!!!!!!!!!! والاخ اساسي يتحدث عن البوستات الدينية في موقع سوداني المرض عام والعلاج صعب لكن مستحيل مع نظام الانقاذ الفاسد
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Wasil Ali)
|
Quote: Quote: المواقع الإباحية تأتي في المرتبة الأولى من حيث الارتياد في السودان..؟!
2011 04:32 PM بينما كنت أطالع ترتيب المواقع في السودان عبر موقع أليكسا Alexa.com أثار دهشتي تقدم صفحة الحجب الخاصة بالهيئة القومية للإتصالات والتي تحمل العنوان 196.1.237.210 ، حيث تأتي في المرتبة الأولى متصدراً كافة المواقع السودانية والعربية ..!
وبحسب المعلومات الواردة في أليكسا فإن الوصول لصفحة الحجب تتم بنسبة 15% من محركات البحث بمعدل تصفح 2.3 صفحة في اليوم، وإن صفحة الحجب تتقدم بمعدل يقارب 44% (أي أن 44% من الزيارات تكون من عرض الصفحة مرة واحدة).
|
يظهر ان كاتب هذا الموضوع يفتقر للطرق المستخدمة في حجب مواقع الانترنت ... ... فكلامه اعلاه يقوم على اساس خاطئ لذا وصل لفهم غير صحيح .....
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: الرفاعي عبدالعاطي حجر)
|
شكرا اساسينا رمضان كريم الاشكال في اعتقادي يكمن في موضوع البوست وصاحبه نفسه تجد هنا بعض الاعضاء يبتدرون بوستات ولايحتملون آراء محاوريهم لمجرد الاختلاف في توجهاتهم الفكرية وقد يصل البعض - احيانا - الى مرحلة الشتائم والسباب جراء التنميط السائد في المنبر (سلفي - متطرف - كوز - علماني - ملحد) شخصيا استفدت كثيرا من البوستات التي يتداخل فيها اخوان اجلاء من امثال الركابي وعماد موسى ومحمد E سليمان وكمال عباس لطول (نفسهم) في النقاش
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: AMNA MUKHTAR)
|
Quote: بالرغم من حاجة بعض الاعضاء الي "دربات" دينية مركزة من خطل ما يؤمنون ويسوقون من كتابات , وبالمقابل البوستات المتنطعة الزنديقة تجد من الرواج ما يدهش لم اجد للامر تشبيها سوي التفاف الذباب والدود حول الجيفة النتنة |
Quote: انت قايل الدين دا كله تحانيس ودلع و حلاوة لسان , يا ود زكريا احيانا ما لا ينزع بالقران ينزع بالسلطان , بعدين طوال عمر الدعوة بالتي هي احسن كان يرافقها السيف والجهاد |
يبدو لي إنو اساسي قايم سداري
يا عبدو رووق
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: معاوية المدير)
|
أساسي ازيك رمضان كريم
بعيدا عن موضوع البوست
Quote: العلمانيين
الجمهورين
الشيوعيين
الوسنيين
المفكرين
اللادينيون
مقارنة بالمسلمون |
!!!!!
الوسنيين؟؟؟ بالمسلمون؟؟؟؟ الباء دة مش بجر لام جر
ولماذا كلهم منصوبات الا اللادينيون مش مفروض يكونو كلهم متماثلات مرفوعات او منصوبات على حسب موقعهم في الجملة
مع اني ما بعرف عربي خالص لكن استغربت في حرف البا الما بجر وعدم تماثل المفردات والوثنيين البقوا وسنيين
الأغرب التصنيفات وسؤالي هل يمكن اجتماع صفتين لدى احدهم /احداهن يعني يكون مسلم ومفكر او جمهوري وعلماني او وثني وعلماني او اي اتنين او حتة تلاتة اربعة صفات يعني يكون شيوعي ومفكر ومسلم وعلماني المهم
اللهم اني صائمة
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Safia Mohamed)
|
ناس الطقي ديل خشو خلوة ولاشنو..؟؟؟ هلا يا اساسي وانا عبدالكريم الامين متسلسل اسفيريا باصوريد محمد عبدالرحمن..
ويا سبحان الله اوكما قال شيخي ابو ضفيرة الرمضان الفات فقدت الاخوة اصحاب الخطاب الديني فكان البوست اعلاه ... ومشكلة التناول الديني سوي كان اسلامي او مسيحي في سودانيز انو في تناوله تتداخل العديد من الاشياء (من صراع سياسي) وصراعات اسفيرية ولدتها المعارك الفكرية ما بين اقطاب التيارات الفكرية سوي كان فكرية او عقائدية او سياسية عشان كده ما ان طل تنوير ديني صرف(ديني صرف ) دي انا بقصد بيها تثقيف في اساسيات الدين من فرائض والعقيدة الصرفةحتي تتداخل وتتشابك الامور وتلحق غنم زهرة في النقاش ويروح البوست شمار في مرقة...وما ان طل اجتهاد في مناحي الدين يغرد ولو قليلا خارج الفهم العام للدين حتي استلت السيوف واصتكت الرماح سودانيز عموما كارض وفضاء لنقاش (معافي) حكايتها متوكة والنقاش الايجابي بطلع بعد خراج روح من وسط جبال وتلال الشخصنة والخلاف السياسي الحاد والتنميط...!!! ---------- عبدالكريم الامن احمد
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: محمد عبدالرحمن)
|
الاحظ يوميا أن الكثير من الاخوان وضوهم غير صحيح واذا كان الوضء غير صحيح فالصلاة غير صحيحة لان الوضء شرط من شروط صحة الصلاة
وألاحظ الكثيرين الواحد يركع ركعة والامام يكون استوى قائما وهذ الركعة غير صحيحة والصلاة غير صحيحة
وألاحظ كثير من الاخوان يعبث بجسمه اثناء الصلاة بحركات أكثر من ثلااث حركات وهذه تبطل الصلاة وهو لا يشعر
وألاحظ الكثيرين لم يأتي بالركوع بل ينحنى انحناء خفيفة وليس به داء فصلاته غير صحيحة باااطلة
اما داخل الحمام فيقيني ان الكثير جدا لا يعرف شروط قضاء الحاجة ولا يعرف الفرق بين الاستنجاء والاستبراء والاستجمار ولا يعرف كيف يغسل محل النجاسة
وكذلك الغسل وكذلك اركان الصلاة ومبطلاتها
وشروط صحتها وماستقبال القبلة وستر العورة والعورة المغلظة والفرق بينها وبين العورة الاخرى وشروط عورة الامة والحرة
وعييييييييييييييييييييك
يا اخوانا الفقه دا بحر بحر عميييق وفيه مسائل تشييب الراس اسي عليكم الله امشو فتشو اديتكم اربعة يوم جيبو لي حل للسؤال دا كيف يحرم الخنثى مشكل ؟؟؟؟
والسؤال الثاني من وجد خالته تباع في السوق واشتراها هل تعتق مطلقا ام بشروط وما هي هذه الشروط ؟
ومن تزوج امة ما ذا يفعل لها حتى يرحلها من بيتها ؟
يا اخوانا الفقه والدين دا فيهو مسائل قل من يشرحها من لاى العلماء في ه ذا الزمان
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: المكاشفي الخضر الطاهر)
|
Quote: يا اخوانا الفقه والدين دا فيهو مسائل قل من يشرحها من لاى العلماء في ه ذا الزمان |
صدقت والله يا المكاشفي صدقت مافي زول بيشرحها طالما كانت مشاكل المسلمين في هذا العصر على شاكلة :/
Quote: من وجد خالته تباع في السوق واشتراها هل تعتق مطلقا ام بشروط وما هي هذه الشروط ؟
|
Quote: ومن تزوج امة ما ذا يفعل لها حتى يرحلها من بيتها ؟
|
بالله انت عايش وين يا المكاشفي؟ يآخ قصة امة وجارية وعبـد والكلام دا انتهي من نهايات القرن التاسع عشر للميلاد المجيد القرن الثاني عشر للهجرة النبويـة الشريفة..!!
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Safia Mohamed)
|
صفية الله يقبل صيامنا وصيامك قولى امين
الوسنيين دى ما صلحناها فوق لمحمد على وقلنا (وثنيين).
والباء بتجر جر غريب فالكل اصبح ضد الاسلام ولهذا وضعنا الفصائل فى جهة
والاسلام فى جهة اخرى.
اما بخصوص غرابة التصنيفات فدعينى اقول لك اذا روج الاخرون الى وجود اسلام متحضر غير الذى نعرفة
فصدقى عندما تجديها تجمع وتطرح وتقسم وتضرب حتى تناسب المعروض.
اللهم انى صائم
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Rawia)
|
Quote: قبيل كنت مستعجلة هشام أمين كل سنة وإنت طيب
عاوزنا نعمل ليك لست جااااهزة ونديك ليهن في أيدك صرة فـ خيت لاحولا ولا قوة الا بالله من شنو دا؟ |
لا لا ما عاوزك تعملى لا دة ولا دة
بس اقيفى مع ناسك وحملة افكارك لا اكثر ولا اقل
وبالمناسبة وانتى طيبة يا راوية
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Hisham Amin)
|
التحية لصاحب البوست والضيوف .. ورمضان كريم لاحظت من زمان .. (وفي الغالب).. إنو البوستات الماشة والليها رواج في المنبر دا نوعين 1. سياسي وفيه شتيمة وتطاول الناس على بعضهم .. 2. غمز ولمز وشمارات واتنين فاهمين الحكاية والبقية راكبين الطرورة وعاملين فيها خاشين في الموضوع مع احترامي للجميع والله أعلم
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: نادر النور آدم)
|
اساسي ...سلامات ...
ناس جات السلطة باسم الاسلام في السودان وحكمونا وكذبوا علينا باسمه ونهبوا البلد وخيراته باسمه وقتلوا وعذبوا واغتصبوا وهم مسلمون وقتلوا الابرياء باسم الجهاد الاسلامي ..دي كلها حاجات خلت الناس تبعد عن الدين مادام الدين دي صوره االمعكوسة ...انا يااساسي لمن يجي سوداني يتكلم عن الدين والله بغير القناة طوالي خاصة اسلامي النظام ...شغال بالكتب بس ... هسه اى كوز هنا ده يقول قال الله فكرك اصدقه ؟!!! اصدقه كيف وهو يساند نظام قاتل وسارق ..ده نفاق وكذب اخير منه الواحد يعيش على الفطرة والتيمم ..
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Hisham Amin)
|
والله الواحد عارف إنك ما ها ترد عليهو .. لكن أهو بنعمل الخير ونجدعو البحر ........ (بخت السمك)
Quote: لماذا لاتأكل البوساتات الدينية عيش في هذا المنبر |
أعتقد السبب الرئيس هو طريقة الطرح .. والأسلوب يعني عادي زي الزول البقول ليك أفرز ليك المسلم من المفكر دا أقرا ليهو بوست ديني كيف ؟؟
ورمضان كريم
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Hisham Amin)
|
Quote: والسؤال الثاني من وجد خالته تباع في السوق واشتراها هل تعتق مطلقا ام بشروط وما هي هذه الشروط ؟
|
بيبعو فيها وين يا مكاشفي في السوق العربي ولا سوق ليبيا؟ ولا يمكن معروضة في ebay
اساسي عاجبك كدة ؟ واحد عندو تصنيفوميتر والتاني ما شاء لله في غيبوبة وقايل روحو عايش زمن نورالدين زنكي او ايا كان اسمه
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: حمد عبد الغفار عمر)
|
Quote: لماذا لاتأكل البوساتات الدينية عيش في هذا المنبر
|
لانها بوستات دينية ..
بس ( بفتح الباء )
دي اسي دايرة ليها درس عصر و لّ يفتحوا ليها بوست راسو عديييل!!
هو ( الدين ) دا حاجة واحدة؟ كلو عندو دين .. كلو عندو رأي
سم سانين ياخ قديمن قيل : المعرفة ترقد في بطون الكتب .. ما قالوا في ( البوستات )! الاولى لا بتغلط عليك لا بت###### يديك بي مشاتمة كيبوردية فارغة ساي!
اقول قولي هذا و استغفر الله لي و لكم
---------
يا عمك المحاسبين الجمعة البعد دي .. تعال و معك آخرون .. و كل زول مترو معاو .. سمح!؟
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: قيقراوي)
|
يا هشام المحيرني في مفكرين انك ختيتها في كفة ومسلمين في كفة اي لا يجتمعان زيها وزي كفار ملحدين الخ
Quote: شكلك كدة يا الطيب ما متابع البورد دة والبيتكتب فية
"المفكرين مذكورين فى قوانين المنبر " يا عمك |
طيب يا هشام انت متابع البورد اديني اسم اسمين من الجماعة ديل Quote: الجماعة المعتقدين فى عبادة الشمس والنار والانهار والملوك + القوة |
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: محمد البشرى الخضر)
|
Quote: يا اخوانا الفقه دا بحر بحر عميييق وفيه مسائل تشييب الراس اسي عليكم الله امشو فتشو اديتكم اربعة يوم جيبو لي حل للسؤال دا كيف يحرم الخنثى مشكل ؟؟؟؟
والسؤال الثاني من وجد خالته تباع في السوق واشتراها هل تعتق مطلقا ام بشروط وما هي هذه الشروط ؟
ومن تزوج امة ما ذا يفعل لها حتى يرحلها من بيتها ؟
|
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: عبدالله احيمر)
|
Quote: شخصيا استفدت كثيرا من البوستات التي يتداخل فيها اخوان اجلاء من امثال الركابي وعماد موسى ومحمد E سليمان وكمال عباس لطول (نفسهم) في النقاش |
الأخ حيدر حسن ميرغني .. لك التحية وشهادة أعتز بها من شخصك الكريم .. وأتمنى أن نوفق لما أتينا من أجله واقتطعنا له من أوقاتنا من إفادة واستفادة مع احترام متبادل .. ولك مودتي ..
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: عبدالله احيمر)
|
Quote: انت قايل الدين دا كله تحانيس ودلع و حلاوة لسان , يا ود زكريا احيانا ما لا ينزع بالقران ينزع بالسلطان , بعدين طوال عمر الدعوة بالتي هي احسن كان يرافقها السيف والجهاد |
السيف؟
يا زول انت متأكد انك ما قاصد Dirty Bomb ولاّ حزام ناسف؟
السيف؟
ياخي خليك معاصر جاملنا شوية ... انشالله بى كلاشنكوف ...
السيف؟
انت مجاهد ولاّ هدندوي؟
... المهم ....
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Hisham Amin)
|
Quote: امشى تابع المكتوب كلة واعرف منو المفكرين المقصودين وهل سبب ايراد الكلمة يتوافق مع المضمون ولا لا. |
انا المستغرب ليهو ... انت خاتّي "لا دينيين" في كفة و "مسلمين" في كفة ... والله حيرتني عديل كدا ..
المعروف أنو الدين هو المؤسسة التي تقوم على معتقد معّين ... وليس المعتقد نفسه ...
والمعروف أن الإسلام تحرير وانعتاق عن "الدين" ... و "إسلام" للواحد الأحد بدل "تديّن" بدين ...
أي أن "الدين" عند الله "الإسلام" (بمعنى اللادين) ... يعني عشان تكون مسلم ... بالضرورة تكون لاديني ... ومأمور بالتفكّر .. وعلماني تكفر بالطاغوت (السلطة الدينية) وشيوعي على طريقة أبي موسى الأشعري التي أحياها في القرن العشرين المفكر الأستاذ محمود محمد طه رائد الفكرة الجمهورية ...
فبالله نحن - بالإضافة لإرهاب أساسي - ما فهمنا خروج "الإسلام" عن ملة إبراهيم حنيفاً ودخوله في "الدين" ... فأشرح لينا بى شوية طولة بال ...
(بعدين الإحصاءات داير بيها شنو؟)
... المهم ....
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: تبارك شيخ الدين جبريل)
|
Quote: اها يا judge محمد ابراهيم على |
هسي يا هشام في ذمتك القاضي فينا منو ؟ انت قلت اول حاجة عايز تحصر وتصنف الناس الهنا في حوش بكري ديل وتقسمهم اكوام قبل كل شي حتى بعد داك اساسي يجي يدينا حصة الدين طيب حتحصر الناس وتصنفهم على اي اساس ؟ مش ياهو رايك انت وفكرتك تجاهو اعمل حسابك ربنا قال انو لا يؤمن مكره والقلوب بين اصبعيه يقلبها صباح مساء فاحتمال قبل ما تكمل لستتك دي ربنا يقلب ليك واحد شمال يمين او يمين شمال اها بعد داك نبقى في التعديل
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: محمد إبراهيم علي)
|
Quote: الجماعة المعتقدين فى عبادة الشمس والنار والانهار والملوك + القوة
عرفتهم ولا لا ؟؟
صيامك مقبول انشاء الله |
هشام امين تحياتي الطيبة ورمضان كريم
تعرف ان شاء الله تكتب مثلما وضحتها انا لك
ولا تقترن النون مع الشين
اساسي
تحية طيبة
او احسن اقول لك السلام عليكم ورحمة الله وتعالي وبركاته
وكمان زيادة رمضان كريم
وقولي ان النبي الكريم قال من عمل بما علم اورثه الله ما لا يعلم
فخلي كل زول يعمل بما علم لانتظار وراثة الله لغير المعلوم
هسي المنبر ده غير كترت دعوات رجال الدين عبر السنين فيه ايه
وتوجد مجموعة تفضح في استغلال رجال الدين عبر السنين للعالمين
تحياتي الطيبة
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Hisham Amin)
|
Quote: بالله انت عايش وين يا المكاشفي؟ يآخ قصة امة وجارية وعبـد والكلام دا انتهي من نهايات القرن التاسع عشر للميلاد المجيد القرن الثاني عشر للهجرة النبويـة الشريفة..!! |
حيدر الزين رمضان كريم هذا الكلام موجود الى ان يرث الله الارض ومن عليها وما بقي هذا الكتاب يتلى آناء الليل واطراف النهار
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Balla Musa)
|
الاخوين اساسي وبلة موسي السلام عليكم ورحمة الله وبركاته. وتقبل الله منكم ومنا في هذا الشهر الكريم شهر الرحمة . الاخ اساسي السؤال في محله وهو سؤال كبير من كبير. نجيبك بما نظن انه السبب او الاسباب بعد رمضان ان شاء الله.
Quote: ياخى تاكل عيش من وين؟
إذا كان الواحد يدخل المنبر إمام جامع وينتهى به المقام كاتب رواية؟ |
دكتور افرز .. (ديجانقو افرز)
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: عبدالعزيز الفاضلابى)
|
منتهى الانحطاط الفكري والسطحية وعدم الموضوع وعدم الادب من ادعياء الاستنارة الجهلة من لا هدف لهم في هذه الحياة ابدا سوى اشباع رغباتهم بهذه التراهات الترفيهية ، هؤلاء لا يريدون لهذا الدين ان يكون قوي بل جروا وراء ملذات الدنيا الفانية واصبحوا يقولون ما لا يفعلون ، جل وقتهم في الترفيه والتنزه على حساب الغير ،، الجاهل عدو للمتعلم والسخرية هي الوسيلة التى يهاجم بها لا عقل له ولا نقل يستند على عقل ،، غايتو مصيبتنا كبيرة مع من اغفل الله قلبه واتبع هواه وكان امره فرطا
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: المكاشفي الخضر الطاهر)
|
Quote: منتهى الانحطاط الفكري والسطحية وعدم الموضوع وعدم الادب من ادعياء الاستنارة الجهلة من لا هدف لهم في هذه الحياة ابدا سوى اشباع رغباتهم بهذه التراهات الترفيهية ، هؤلاء لا يريدون لهذا الدين ان يكون قوي بل جروا وراء ملذات الدنيا الفانية واصبحوا يقولون ما لا يفعلون ، جل وقتهم في الترفيه والتنزه على حساب الغير ،، الجاهل عدو للمتعلم والسخرية هي الوسيلة التى يهاجم بها لا عقل له ولا نقل يستند على عقل ،، غايتو مصيبتنا كبيرة مع من اغفل الله قلبه واتبع هواه وكان امره فرطا |
هسى طلع سبب فشل البوستات الدينية هو هؤلاء الجهلة أدعياء الإستنارة؟
سن سيفك يا أساسي - والبيجي بى سيف دا بيكون أتى لحوار "قطع" شك - وانا بجهّز ليك لستة بتاعة ادعياء استنارة جهاليل درجة أولى ...
(انا ما بسألك جبت السيف من وين ... انت ما تسألني عرفتهم جهاليل كيف!)
... المهم ....
| |
|
|
|
|
|
|
Re: لماذا لاتأكل البوساتات الدينية عيش في هذا المنبر (Re: Balla Musa)
|
Quote: اما داخل الحمام فيقيني ان الكثير جدا لا يعرف شروط قضاء الحاجة ولا يعرف الفرق بين الاستنجاء والاستبراء والاستجمار ولا يعرف كيف يغسل محل النجاسة
وكذلك الغسل وكذلك اركان الصلاة ومبطلاتها
وشروط صحتها وماستقبال القبلة وستر العورة والعورة المغلظة والفرق بينها وبين العورة الاخرى وشروط عورة الامة والحرة
وعييييييييييييييييييييك
يا اخوانا الفقه دا بحر بحر عميييق وفيه مسائل تشييب الراس اسي عليكم الله امشو فتشو اديتكم اربعة يوم جيبو لي حل للسؤال دا كيف يحرم الخنثى مشكل ؟؟؟؟
والسؤال الثاني من وجد خالته تباع في السوق واشتراها هل تعتق مطلقا ام بشروط وما هي هذه الشروط ؟
ومن تزوج امة ما ذا يفعل لها حتى يرحلها من بيتها ؟
يا اخوانا الفقه والدين دا فيهو مسائل قل من يشرحها من لاى العلماء في ه ذا الزمان |
آوت أوف ديت ..
هسه يعنى نحنا كمسلمين نعيش فى هذا العصر ..دا نوع من الفتاوى العايزنها !!
شنو امة وشنو حرة ..وشنو خالة تباع فى السوق وواحد يعرس أمة..
أرحمونا يا أخوانا يا مسلمين ..
؛؛؛؛؛؛؛؛؛؛؛؛؛
غايتو يا أساسى بوستك دا لذيذ لذاذة ..
| |
|
|
|
|
|
|
|