|
|
 سودانيزاونلاين والسالب والموجب
|
الاحبة اعضاء وزوار هذا الموقع اجمل التحايا ورمضان كريم. تصوموا وتفطروا على بركة الله
انتهز فرصة الشهر الكريم وازف لكم جميعا اجمل الامانى وفى نفس الوقت قلت اهى فرصة
الشواطين مربطين اقوم اقول الفى خاطرى بقلب جامد..يعنى مافى زول ولا زولاية يجى ناطى
لى فى حلقى..
كان حلما لى ان اشترك فى سودانيزاونلاين لمكانة الموقع المميزة وانه من اضخم المواقع
على الشبكة العنكبوتية وتقريبا اكثر من تسعين فى المائة من السودانيين يقرأون هذا الموقع
حكومة ومعارضة وناس مساكين زى حالتى انا..المؤلم فعلا ان يكون موقع بهذا الحجم
وتلك المكانة ولا يجد تقديرا ولا احتراما عند بعض اعضائه..يعنى اذا قدر لك ان تتشرف
بعضوية سودانيزاونلاين ..فمن الضرورة بمكان وضع خوذة على راسك وانت داخل المنتدى
او تجى شايل \شايلة ليك قفة مليانة حجار تحسبا لاى طارىء...الشتائم والشتائم المضادة
والمكايدات والمطاعانات هى السمة السائدة..ليه كدا بس؟؟؟وزى ماقال قيقا المـــــــــــــافى شنو؟؟؟
فى ناس بتكتب والله تدخل البوست كانك داخل حديقة.. وفى ناس اللهم لا تمحننا لا تبلينا
يا ربى تجعل كلامى حفيف عليهم\عليهن
ورمضـــــــــــــــــــــــــــــــــان كريــــــــــــــــــــم
|
|
 
|
|
|
|
|
|
|
 Re: سودانيزاونلاين والسالب والموجب (Re: قاسم المهداوى)
|
| Quote: فى ناس بتكتب والله تدخل البوست كانك داخل حديقة.. وفى ناس اللهم لا تمحننا لا تبلينا |
ادخلي الحدائق دي ومتعي نفسك يا أمنية ...
ابعدي من البلاوي وريحي نفسك من الهم والغم والضغط والسكري وشلل الاطفال
رمضان كريم وتصومي وتفطري علي خير
| |
|
|
|
|
|
|
|
|
|
Re: سودانيزاونلاين والسالب والموجب (Re: نوفل عبد الرحيم حسن)
|
تحية طيبة اختي امينة
هنا المنبر يعبر عن حال السودان تعبير حقيقي
تعرفي بعض الاعضاء رجال ونساء ترفعوا عن الكتابة وللعلم
وجودهم\ن اكثر اهمية لان الشتيمة وغيرها موجودة في مفاصل المجتمع المختلفة
اذا عددت لك هنا من لا يشتم ولم تشتم هم هن كثر
بس صوت الشتيمة عالي وبوستاتها سوقو مطلوب
اذهبي شوفي بوستات هادفة جدا تجدي القراء والتعليق لا يقارن ببوستات اخري
زي الاغنية المدورة الان مثل
لا حولا جنسو شنو وساكن وين واسمو منو كتمتو نفسو
اها انا اسمعها واضحك واعتبر ان لها جمهور عريض
تختلف عن الصباح الباهي لونك وضاحة يا شمس المشارق
توقف عدد مفيد من الكتاب وعند سؤالي يقولون رجال او نساء
المنبر اصبح غير جميل كلو شتيمة
مع العلم يوجد قراء لا ذنب لهم لهن بمقاطعة الكاتب عن متابعتهم له بحجة ان الشتيمة هي السبب
يوجد القتل والمصادرة للافكار والتكفير واستهداف النساء الناشطات للاقلاع عن الكتابة بحجة مفهوم جزء كبير هو له فكر العداء للمراة
الموضوع كبير
شاركت لاول مرة معك وساعود
تخيلي انا اتعرض للشتيمة 5 سنوات والتكفير والاستهزاء من قوي اليمين وبعض اهل اليسار
لكن لا ابادل الشتيمة بمثلها والا لاصبحت من الشاتمين
عموما خليتك بعافية وسلام
| |
|
|
|
|
|
|
|
|
|
Re: سودانيزاونلاين والسالب والموجب (Re: امينة عيسى)
|
اخى العزيز صبرى الشريف سعدت بمشاركتك الشحمانة جدا
طالما هناك الكثيرون متفقون على ان الشتائم والشتائم المضادة
تخصم من وجه المنتدى بشكل عام ومن وجه سودانيتنا بشكل خاص
فيبقى على الجميع تقع مسرلية محاربة هذه العادة الضارة
وليتفق الجميع على ان العنف اللفظى لا يولد عير عنف ولن يحل قضية
اقولك شىء قبل اسبوعين مررنا نحن المقيمين بمملكة النرويج بايام عصيبة وسيئة جدا
واكيد سمعت بسفاح النرويج الذى روع البلد فى يوم كان مزاجه حنضل قال هذا السفاح
فى اول تحقيق معه { ما فعلته مؤلم وقاسى ولكنه كان ضروريا..اردت ان ارسل رسالة
للحزب الحاكم لان ما فعله من سياسيات هذا هو تمنها} يعنى باختصار كان غرضه
يرد على سياسية الحزب الحاكم بهذه الطريقة العنيفة البشعة..ولكن لو سمعت اخى صبرى
رد عليه رئيس الوزراء رئيس الحزب الحاكم بــــ { مزيد من الديمقراطية مزيد من الحرية}
وقال ولى العهد امام اضخم حشد تشهده المدينة فى تاريخها سنقابل العنف بالحب وستمتلىء
شوارعنا بالزهور...
اوردت هذه القصة لانها فى نظرى درس مهم للديمقراطية وتقبل الاخر وان تألمنا منه
هذه هى الطريقة الوحيدة للعلاج
اسفة للاطالة ولكن سعدت بمداخلتك
| |
|
|
|
|
|
|
|
|
|
Re: سودانيزاونلاين والسالب والموجب (Re: امينة عيسى)
|
سودانيز أونلاين يعكس حال شعبنا وتنوعه بخيرهـ وشرهـ وشتى ثقافاته
شئنا أم أبينا فهذا هو مُجتمعنا وما نقوم به بكل تفاصيله
لا شيء دخيل ( كُل إناءٍ بما فيه ينضحُ ) ...
رمضان كريم وتصوموا وتفطروا على خير إن شاء الله :)
| |
|
|
|
|
|
|
|
|
|
Re: سودانيزاونلاين والسالب والموجب (Re: امينة عيسى)
|
اخى الكريم محمد الجيلى سلامات ورمضان كريم تصوم وتفطر على خير
حكاية انه دى صورة لمجتمعنا السودانى دى والله مع احترامى لرايك
ولراى من سبقوك اصلها ما واقعة لى كلو كلو
ولو سلمنا انها صورة للمجتمع { المجتمع دا مافى حاجة تنظمه وتحسن سلوك افراده}
ما قلنا دايرين يوتويبا بس حد ادنى من الاحترام والتقدير لبعضنا البعض وان اختلفنا
الله يصلح الحال
سعدت بمروركم من هنا
| |
|
|
|
|
|
|
|
|
|
Re: سودانيزاونلاين والسالب والموجب (Re: امينة عيسى)
|
الأخت أمينة
أوردت ليكـ عيارة : ( كُل إناءٍ بما فيه ينضحُ ) تعبيراً عن سلوكـ الأفراد
أي مُجتمع بتتحكم فيه قوانين ومُثُل ... ولكن لكُل قاعدة شواذ
أي لفظ أو إسلوب بيحدث داخل سودانيز أونلاين يوجد له مُقابل في الشارع السوداني
لا نستطيع الحكم على إسلوب أو ردة فعل لفرد كأنها تُعبّر عن حال المجموعة بأكملها ...
إحترامي
| |
|
|
|
|
|
|
|
|
|
Re: سودانيزاونلاين والسالب والموجب (Re: محمد الجيلى)
|
اخى الكريم محمد الجيلى
وانا فى معرض حديثى لم اقل الكل ولم اقل المجموعة
قلت بعضهم او الكثيرون يشتمون حتى اصبحت بوستات الشتائم سمة ملازمة للمنتدى
صحيح ان فى المجتمع اشخاص مثل ما هم موجودين هنا ..ولكن فى المجتمع العادى يمكن تفاديهم
ولكن فى منتديات الحوار لا تختار من يحاورك ولا تستطيع الهروب ممن يتقصدك
المجتمع له قواعد سلوك وسنن وقوانين تنظمه وكذلك المنتديات لها لوائح ومواثيق
ما اقصده ...حتى الانسان سىء السلوك لو وجد من يتناقش معه الحجة بالحجة اكيد ستتغير طريقته فى الحوار
ما اقصده هنا هو طريقة التحاور وليس سلوكيات الاشخاص او افكارهم او انتمائتهم المهم كيفية التحاور
والاختلاف بدون شتائم او على الاقل باقل قدر ممكن
مودتى واحترامى
| |
|
|
|
|
|
|
| |
امينة عيسى
قاسم المهداوى
نوفل عبد الرحيم حسن
طارق جبريل
محمد الجيلى
فيس بوك
تويتر
انستقرام
يوتيوب
بنتيريست