|
طلعات جوية رمضانية قاصدة.....!!!
|
عندما فشل ذلك السلطان الرعديد في ربط قيم السماء بالارض كما كان يشيع في المدنية عبر ابواقه الاعلامية قرر ربط قيم الارض بالارض وخلط الماء بالتراب وضخ كل ذلك المحلول عبر شبكة المياه حتي يشرب الشعب لا يروي
|
|
|
|
|
|
|
|
Re: طلعات جوية رمضانية قاصدة.....!!! (Re: معاوية عبيد الصائم)
|
** السمى ود الأمين أحمد "كيكى"..** جُمعتك مُباركه , ومساءك حير..
## مبروك إطلاق السراح وعودتك لنبش الكراكير وفضح الذى يحاولون جعله مستورا ,, وينسبون فسادهم وسوء إدارتهم لشؤون البلاد والعباد للقدر ولآخرون يناصبون بلوفات المياه العداء بإغلاقها وصب الطمى فى صهاريج المياه.. (ودام الود بيننا) (ابو محمد فؤاد) - الماكيكى..
| |
|
|
|
|
|
|
Re: طلعات جوية رمضانية قاصدة.....!!! (Re: محمد الجيلى)
|
Quote: رمضان كريم يا هندسة
و واصل في مقتطفاتكـ المُعبّرة:
علّها تشفي غيظ قلوبنا ...
بين العكورة والسكر والخضار ... الله لينا بس |
هلا يا محمد الجيلي ورمضان كريم ياااخ والمزاج اتفتح للسفر والتحليق صوب بني كوز ودولتهم الضلالية ولكن ياااخ الباصوريد مرة اخري عصلج ياااخ ولكن عبر الاتفاق الثنائي مع الانصاري محمد عبد الرحمن سنواصل حتي يفكها الله وببركة شيخي شكر الله ويعود ابوكدوس صحبي ياااخ وكل الود ----------------------- عبدالكريم الامين
| |
|
|
|
|
|
|
Re: طلعات جوية رمضانية قاصدة.....!!! (Re: نزار يوسف محمد)
|
Quote: " النفرة " و " النهضة " والعجورة البقت ب 3 ألف جنيه |
هلا يا كمرد ورمضانك كريم ياااخ وكل سنة وانت بالف خير... وايوووه لايزال في الجراب باقي حيث النفرة والنهضة والتاصيل والترشيد وهنالك مهابشة للحمة التي اصبحت اندر واغلي من لبن الطير في الباقير
-------------------- عبدالكريم الامين -------------
| |
|
|
|
|
|
|
Re: طلعات جوية رمضانية قاصدة.....!!! (Re: jini)
|
Quote: بتكتل ليك زول! ياخ شر البلية ما يضحك! يا خى شرطتنا شريط السنين |
هلا يا جني ورمضانك كريم ياااااخ وفعلا شر شرور البلية ما يضحك وبني كوز شرطونا بعمايلهم التي لا انزل الله مثلها من سلطان فقلنا نشرط روحنا زيادة وسجن سجن غرامة غرامة ----------------------------
عبد الكريم الامين (الكيكي)
| |
|
|
|
|
|
|
Re: طلعات جوية رمضانية قاصدة.....!!! (Re: عبدالكريم أحمد الامين)
|
Quote: مبروك إطلاق السراح وعودتك لنبش الكراكير وفضح الذى يحاولون جعله مستورا ,, وينسبون فسادهم وسوء إدارتهم لشؤون البلاد والعباد للقدر ولآخرون يناصبون بلوفات المياه العداء بإغلاقها وصب الطمى فى صهاريج المياه.. |
هلا يا ابومحمد ورمضانك كريم والف شكر علي الاتصال الذي رد الروح في رمضان الدوحة العالي العطش والخرم وتخيل يا ابو محمد بالامس نجحت في الدخول وغيرت الباصوريد ...والليلة الباصوريد الجديد ايضا ما اشتغل وحتي القديم جربتو فكانت كل دوائر الموقع مشغولة ولم اتمكن من الدخول.. ويبدو بان المنبر لا يزال يعاني ولكن رغم هذه العكورة الاسفيرية سنشارك الاخ محمد عبد الرحمن باصوريده ونواصل في ضرب ركب بني كوز التي ساحت من اثر الفساد والافساد في امور البلاد والعباد ---------- عبدالكريم الامين (الكيكي)
| |
|
|
|
|
|
|
Re: طلعات جوية رمضانية قاصدة.....!!! (Re: معاوية عبيد الصائم)
|
Quote: رمضان كريم ياخ....وشكرا ....العود احمدين |
سلامين ونص يا طوربيد وكل سنة وانت والاسرة بالف خير وبركة وعدنا يا طوربيد ولكن سرعان ما عصلجت الامور مرة اخري ودخلنا الدرابزين الاسفيري والباصوريد حلف بدينو وايمانو ما يشتغل -----------
عبدالكريم الامين
| |
|
|
|
|
|
|
Re: طلعات جوية رمضانية قاصدة.....!!! (Re: جلال عثمان)
|
Quote: حمدا لله على السلامة يا هندسة .... رمضان كريم رغم انف كل الرعاديد ونسأل الله ان يسهل لاهلنا صيامه وقيامه رغم "العكورة" الزايدة |
تحياتي وتقديري ويبدو انو الباصوريد السودانيزي غاب مرة اخري خلف كراكير الاسفير فها نحن نحييكم عبر باصوريد محمد عبد الرحمن حتي يشوف لينا بكري حلول للمشكلة العويصة دي.. ويبدو باننا نعاني من عكور اسفيري وكل الود
---------------------- عبد الكريم الامين
| |
|
|
|
|
|
|
Re: طلعات جوية رمضانية قاصدة.....!!! (Re: ود الباوقة)
|
بلادى بلادى بلادى بلادى .. لك حبى وفؤادى .. مصر ياام البلاد .. غايتى والمراد .. بلادى بلادى بلادى .. لك حبى وفؤادى ..
***
اسمع الباسوورد دا ماتعلموا الفتح الشديد دا ..انا معودو على سرعة 80 .. وانت عندك الجرى ..دحين دير بالك عليهو ..اااى ...اها ومن متين ركبت مكنة مثقفين الانمائية دى .؟ ...الشغل الممحق دا ..يازول نحن الحكاية ان مابقت كبيرة ومفصلة مابتقنعنا ..الكيزان ديل دايرين الحاجات الماهلة والكبيرة ..الياذه ..معلقة مثلا ..ثلاثية زى بتاعت نجيب محفوظ ديك .. الكلام المشحتف دا شيلو وامشى بيهو على ناس فيصل وابنوسة وعبد الجليل ومن لف لفهم ..
محمد عبدالرحمن ..سيد العدة .....
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
Quote: اسمع الباسوورد دا ماتعلموا الفتح الشديد دا ..انا معودو على سرعة 80 .. وانت عندك الجرى ..دحين دير بالك عليهو ..اااى ...اها ومن متين ركبت مكنة مثقفين الانمائية دى .؟ ...الشغل الممحق دا ..يازول نحن الحكاية ان مابقت كبيرة ومفصلة مابتقنعنا ..الكيزان ديل دايرين الحاجات الماهلة والكبيرة ..الياذه ..معلقة مثلا ..ثلاثية زى بتاعت نجيب محفوظ ديك .. الكلام المشحتف دا شيلو وامشى بيهو على ناس فيصل وابنوسة وعبد الجليل ومن لف لفهم ..
|
من يكتب باسم محمد عبد الرحمن
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
Quote: اسمع الباسوورد دا ماتعلموا الفتح الشديد دا |
لوووووووووول ويا زول باصوريدك ده تاني ما تشوفو الا في الكركبات ونقة المثقفاتية وطبعا في الفيرشن الجديد عدنا كمثقفاتية نوعيين وتاني شغل ونقة بتاعة رعاع مافي ليها سكة لو بالباصوريد بتاعك ده او بابو كدوس حين عودته الي العمل لووووول- -- وبعدين ياااخ المثل بقول الباصوريد الما باصوريد جر فيهو نقة المثقفاتية ونصوص اهل بلادي بلادي وركب بيهو مكنة فيصل عباس وناس ابنوسة ومارس النص القصير
والكيزان الشوت صوب ركبهم وضربها مفروض يكون من كل الزوايا في الملعب برا وبحرا وجوا ونصا قصير وموغل في القصر
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
اشهد بانك انجح مهندس صيدلاني !! لك قدرات مدهشة لوضع خلطة متقنة زاعفة وتجرعها للكيزان بسلاسة تحسد عليها بل ان البعض منهم اثناء التجرع بيعمل حاجات مش كويسة !
___________________ الاخيرة حقت السورية صاحبة السودانية وصلت ولا افكها هنا؟!!
| |
|
|
|
|
|
|
Re: طلعات جوية رمضانية قاصدة.....!!! (Re: الصادق اسماعيل)
|
Quote: لو على السفة هينة، الخوف تقوم تعمل لينا واحد (نداء وطن) وتخلي خشمنا ملح ملح |
بيني ويبنك دي فرصة الواحد يعلن فيها (الجهاد المدني) مرة اخري وباسم الامام يوقف المفاوضات مع الموتمر الوطني وادعو جماهير الانصار لارتدا جناح ام جكو والنزول فورا الي الشوارع
----------------- عبدالكريم الامين
| |
|
|
|
|
|
|
Re: طلعات جوية رمضانية قاصدة.....!!! (Re: khaleel)
|
Quote: اشهد بانك انجح مهندس صيدلاني !! لك قدرات مدهشة لوضع خلطة متقنة زاعفة وتجرعها للكيزان بسلاسة تحسد عليها بل ان البعض منهم اثناء التجرع بيعمل حاجات مش كويسة !
___________________ الاخيرة حقت السورية صاحبة السودانية وصلت ولا افكها هنا؟!! |
هلا يا خالد ورمضان كريم وحقت السورية وصلتني يااااخ وفاقعاني بالضحك لحدي حسسسع وخايف زاااتو علي رمضاني الصمتو السنة دي يقوم يتجرح كل ما اتذكرها لووووووووووول ورديت ليك الايميل بواااحدة بت لذينة بس شكلها سيرفر الشركة كبشرها ههههههههه --------------------------------------- وبني كوز يستحقون سلخ الجلد وسلخ فروة راسهم المدوقس ده فقد خربو البلاد واكلو اموال العباد وكل الود يا خالد
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
Quote: ترا دير بالك ياكيكى ..نحن اهل الراجل ..بكرة يجيك زول يقول ليك انا قريب محمد السلفك الباسوورد . |
لووووول او كما قالت النحريرة دينا خالد.. انا خايفك يا محمد بعد الكم مداخلة العملها ابو كدوس بباصوريدك ده تقوم تعمل فيها (عبد المجيد اخو كندورة) وتلبس ليك جينز وتشك فنيلة وتحوم في الطرقات وتقول للجمع الكريم (انا محمد عبدالرحمن الابو كدوس كتب بباصوريدي) هههههههههههههههههههههه -----------------
فعلا ياااخ عيال انصار مساخيت وتعرف الصعود ده انا عندي معاه قصة شهيرة جدا مع اهلي الانصار.. وعندما تسرب الي خالي الصعب المراس والانصاري الشرش (عمر ابو حديد) في نواحي المجلد وبالمناسبة لسسع (ساعة جيبو شغالة بالتوقيت قديم) تسرب ليهو عبر احد الجواسيس بان عبدالكريم قاعد يسف صعود (والكلام ده احنا كنا في سنة اولي جامعة) وطبعا كنت بسف قبل كده بكم سنة كده لكن كنت (داسي الكورة كويس جدا) وعامل ترتيبات امنية بت لذينة اها الجاسوس ده مرة لقاني في ساعة دقسة شانق سفة,,,ويبدو انو الجاسوس الرعديد ده عمل (ويكلس) وسرب الخبرية دي وبعد كم يوم كده خالي ده جاء للخرطوم لعدة اجندة وكان من اولها (حكاية سففاني للتمباك دي) وعينك ما تشوف الا النور المهم طلعتني كرعيني من ضرب غرائب ابل تمباكية ومن اليوم داك ولزمن طويل قبل كل (سفة) خالي ده يزازي لي في خيالي التمباكي الرعديد ههههههههههه
| |
|
|
|
|
|
|
Re: طلعات جوية رمضانية قاصدة.....!!! (Re: khaleel)
|
Quote: تبلع جقمة الشاي تلقا الحلاوة زاغت
تخت الحلاوة تلقا الجقمة زاغت |
هههههههههههه ابو جلال ده مع الحالة العجيبة دي ممكن يجيب الكباية بتاعة الشاي يلقي خشمو زاغ
-------------------- عبد الكريم (الكيكي)
| |
|
|
|
|
|
|
Re: طلعات جوية رمضانية قاصدة.....!!! (Re: khaleel)
|
Quote: والمزاج اتفتح للسفر والتحليق صوب بني كوز ودولتهم الضلالية ولكن ياااخ الباصوريد مرة اخري عصلج ياااخ |
الباسويرد دا إلاّ تزيتو بي نديهة جانوية لي شيخكـ أب كدوس
فهؤلاء المساخيت رمضان ما بربطهم
قالوا بربطوا المردة والعيال الكضابين ديل بخلوهم عشان ندقل بيهم
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
في البدء الشكر اجزله للاخ محمد عبدالرحمن ولبكري ابوبكر........شكري لمحمد عبدالرحمن جاء سابقاً لانه نجح في اكتتابك فله اجران اما بكري فانه حاول فاخفق وله اجر............ علي كل حال شكراً للاطلالة الرقيقة الرشيقة ولك سنة وانتم طيبQuote: بعد ان استنفذ ذلك السلطان كل الحبوب المنومة التي كان يعطيها لشعبه ليلا من امبريالية وصهوينة وكفار لم يلتفت كثيرا بل اسرع في صناعة حبوبة مدهشة التنويم اسماها (القدر).... ضخها في شبكة مياه الشعب |
الطريف ياكيكي كلما اتذكر ناكل مما نزرع ونلبس مما نصنع!!!!!!!!!أتأسي لضياع هذا الشعار الجميل!!!!!!!!!!الذي اصبح في نظر الشعب الذي استيقط ليس اكثر من تاريخ سئ لن يكرره لان الانسان اميل لتكرار التجارب السعيدة ........ فاذا ذهبت اليوم للبقالة لن تجد ماهو مصنوع في السودان حتي بسكويت كمبال قد ضاعت من الاسواق .. وكذا الشعيرية والسكسكانية......حتي الفول السوداني اصبح سنغالي تجميع سوداني بايادي مهمشة......... واني لذلك لمحزون رغم ان الحزن في مثل الاحوال مساهمة ########ة ولكن ماحيلتنا؟
| |
|
|
|
|
|
|
Re: طلعات جوية رمضانية قاصدة.....!!! (Re: ibrahim alnimma)
|
Quote: فاذا ذهبت اليوم للبقالة لن تجد ماهو مصنوع في السودان حتي بسكويت كمبال قد ضاعت من الاسواق .. وكذا الشعيرية والسكسكانية......حتي الفول السوداني اصبح سنغالي تجميع سوداني بايادي مهمشة......... |
هلا يا ابراهيم ورمضان كريم وتحياتي ليك وللاسرة والانقاذ مزقت كل شعاراتها التي رفعتها عند كما كانت نافشة ريشها... مزقت علي رؤوس الاشهاد والشعب السوداني الي كان يسمع هذه الشعارات ليلا ونهارا عبر الة الكيزان ذات الحلقوم الكبير... حس وحضر تمزيق هذه الشعارات عيانا وبيانا في ماكله وفي ملبسه وفي مشربه وفي مسكنه ايضا وده زمن الفرجة البلوشي يا ابراهيم في فيلم انتحار مشروع قيل في الاثر بانه حضاري.. وكل الود والتقدير
--------------- عبدالكريم الامين ونشكر معك محمد عبدالرحمن علي هذه المكرمة الرمضانية والشكر موصول للريس بكري وياريت يلحقنا ويفزعنا مرة اخري وسريعا حتي ما نحمل علي الانصاري ده
.......
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
Quote: دولة الانقاذ كانت احسن معمل في العالم اتاح للشخوص الاميبية وطحالب الشان ان تنمو في مجالات الصحافة والديبلوماسية وان كان رب البيت للجربندية راقص فشيمة اهل البيت في الصحافة والدبلوماسية والامر الميري العام الرقص.. |
| |
|
|
|
|
|
|
Re: طلعات جوية رمضانية قاصدة.....!!! (Re: عبدالكريم الامين احمد)
|
جمهورية البشير الثانية تواصل المسير في وسط الركام...ركام الجثث والاشلاء وركام الوطن الممزق المنتوف ريشه والمنهوك من الدواخل بفعل الفساد والمحسوبية واللصوصية الشديدة المفاجئة فهاهي البشائر الانقاذية تهطل عبر طائرات الانتنوف في اجساد البسطاء والغلابة وتواصل تقطيع الاوصال في دارفور وفي جنوب كردفان وفي النيل الازرق وفي كل ركن من اركان السودان بسادية ووحشية عالية فالي متي تصمت الانسانية عن هذا العار الكوني وحفلات الشواء التي تقام علي اجساد ابناء السودان
| |
|
|
|
|
|
|
Re: طلعات جوية رمضانية قاصدة.....!!! (Re: عبدالكريم الامين احمد)
|
,قبل السفر والنقة من الضروري القول المجد والخلود لتسربيات ويكلكس التي اظهرت تاكل وتصدع البنيان الداخلي لقوي تحالف السلطة في الموتمر الوطني ومن حوله من افندية وتجار وسماسرة سياسة في الزمن الزيف.. 1-علي قاقرين... 2- اسامة داوود --- دلالات التسريبات توضح تزمر وتضجر المقربين من بيت المرفعين وزلزال الثورة التي تراكمت هابشت عميقا في كل الجدارات التي كانت تتكي عليها الانقاذ..
| |
|
|
|
|
|
|
Re: طلعات جوية رمضانية قاصدة.....!!! (Re: عبدالكريم الامين احمد)
|
ثاني التسريبات الي توضح بجلاء تاكل وتهتك (بيت المرفعين الكيزاني) في حلقاته الضعفية هي تسريبات الخلافات في الجيش السوداني التي كانت تقال كدخان ياتي متسربا هنا وهناك.. ولكن ما ورد اخيرا يوضح وبجلاء بان الامر محسوس ... وهذه هي الحلقة الاهم في حلقات الانقاذ التي كانت دوما تعتمد علي الجانب العسكري في تدبير جرائمهم ووجودها الكوني
وسنتابع
| |
|
|
|
|
|
|
Re: طلعات جوية رمضانية قاصدة.....!!! (Re: محمد عبدالرحمن)
|
Quote: توهم أنه سيغطى ضوء الشمس بقطعة قماش بالية ..حملها ومضى بأتجاهها يهزىء بعبارات غير مفهومة ...ومضى ومضى حتى توارى عن الانظار ..واطلت الشمس فى صباح جديد كما كانت تطل كل صباح ... |
يا سسسسلام ياخ النص ده يحير فيصل عباس زاااتو واخرين.. يا زول انت بقيت مثقفاتي بورانا ولا اييييه..؟؟ ونصك موغل في التيه والدهشة.. وياتري الي اين ذهب ذلك الرجل..؟؟ وماهو الحواروالجدل في مخليته مابين تغطية الشمس وضرورة ذلك ومقدرته علي هذا الامر ومدي ايمانه بهذه المقدرة.. وهل تسرب الياس عندما طل الصباح واتت الشمس مرة اخري وهي تمشي الهويني ام عاود الركض خلف تلك القطع البالية من القماش..
عموما شكرا علي هيك دهشة
| |
|
|
|
|
|
|
|