|
|
|
 Re: ماعندكم حق...!! (Re: Balla Musa)
|
سلام يا حاتم،
البوست الذي تتكلم فيه عن تهكير سودانيز أون لاين مافي زول شافو أصلاً
وبعدين الشكر لي شنو؟ ما الناس دي كلها أدانت هذا العمل التخريبي في
الفيسبوك، وحتى ناس أدانتو في المنبر المهكر نفسه، وزد على ذلك بكري
أبوبكر نفسه ما هبب لي زول، ولا حتى خرج من صمته وطلع لينا بي توضيح
أو بيان لما يجري.
تحياتي
| |
  
|
|
|
|
|
|
|
|
Re: ماعندكم حق...!! (Re: الصادق اسماعيل)
|
عصام جبر الله بتاع ..كنيسة الشهيدين*
تتجرا وتخاطبنى بهذه الطريقة ؟؟...دون أن تنتبه للمسافة الثقافية والفكرية بيننا ودون أن تعرف من تخاطبه.. ولكن ماذا يمكن أن نرد به على مثل هذه العبارات أنها بلاشك ضريبة من ضرائب العمل وسط الجماهير..
النزير حجازى..دا البوست والمقصود هو بوست للأخت تراجى قالت فيهو مادافعوا عنى أردت فقط ان انتزع صوت شكر من تراجى خصوصاً وأنو سجلى النضالى عندها تعبان
بله موسى..سلامات على الحضور..
http://sudaneseonline.com/forum/viewtopic.php?t...04cde925c40f92c54ec2
* الشهيدين كنيسة بامدرمان أو امستردام لاأدرى
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
حاتم الياس
ههههههههههههههه
| Quote: تتجرا وتخاطبنى بهذه الطريقة ؟؟...دون أن تنتبه للمسافة الثقافية والفكرية بيننا ودون أن تعرف من تخاطبه.. ولكن ماذا يمكن أن نرد به على مثل هذه العبارات أنها بلاشك ضريبة من ضرائب العمل وسط الجماهير.. |
ريحتني في حناني ذاتو ياخ! (معليش دي لغتنا هنا في سودانيزاونلاين! عارفنها ما بترقى لسماواتكم لكن في النهاية الزول بعبر بما عندو من لغة)
ايوة بالله بالهتة الفيها الهديدة بلا شهيد بلا فيسبوك!
لكن بيني وبنك يا حاتم عصرت شديد على طه جعفر و بهلتها بغير وجه حق مع مازن لدرجة انه ساورتني افكار افتح بوست هنا بعنوان
"مزونة العندو نونة.... قال الرعاع بالونة وطرشقت!" لكن خفت اجيب لنفسي عداوة مع زول ما بعرفه.
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
Quote:
ياقيقراوى...ماف فرق أبداً كلها فضاءات واحده المهم هو مضمون الكتابة لكن البعض هنا نصب منصة دائمة لقذف فور أول دون سبب
|
معليش يا حاتم ما في حاجة بدون سبب
أو ... برضو المنصة من بي هناك قاعد تفك راجماتها و كدايسا برا سبب طيب!؟
--------------
مرحب بيك ياخ في وسط البتامى و ابناء السبيل و شماشة الاسافير
غايتو نعتبرو تواضع منك ساي دا
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
يا رااااجل!!
ياخي الهلالاب كرهتهم في الدنيا بعد قصة عدم الكاسات الخارجية الجاكة الفاكينها المريخاب في روحهم انهم "صفوة"
خليك من قصة بكري بسوق البقر البحر لكن ما بقدر يجبره على الشراب و غيرها وغيرها
تقول لي بدون سبب برضك
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
حاتم الياس
اها النستثمر الفرصة النادرة للتثاقف معاك
قصتك دي
| Quote: وللحقيقة ذكرنى زميل دراسة لى فى خامسة ابتدائى زول هادى ومسكين وبعيد عن حلقات الشغب المدرسى قمت بمحاوله للتنمر عليه فى الفصل...تصدق الزول دا شكلتو معاى استمرت لغاية سنة تانيه ثانوى عالى كل مايقابلنى فى ملف نترادم ونتخامش وانا مستغرب فى حكاية هذه الخصومة الجبارة وسر طولها كانت اطول مشاجرة فى التاريخ..المزعج فيها كان اختلاف نمؤنا الجسدى فاحيانا كان هو يفوقنى طولا وعضلات ومرات انا أفوته..والبتفكنى منو شنو مالقيتها |
حصلت معاي يا حاتم لكني كنت المظلوم في سنة لرابعة ابتدائي كان جاري في الكنبة و احد اسمه شهاب عثمان (سمعت انه توفي رحمه الله) و كان عندنا استاذ عربي و ابو فصلنا اسمه حولي و كان صعب شديد ولو دخل الفصل و اي واحد ما وقف على حيله الله قال بقوله اليوم داك
يوم جاء الفصل و صاحبي غير منتبه وقفنا كلنا لكني اردت تنبيه شهاب فلكزته وفعلا وقف على حيله و الحكاية مرت على خير لكن شهاب مشي لاستاذ الرياضيات-ودا كان زول حاقد جدا و بضرب بالحتة الفيها الحديدة- وقال ليه بدرالدين "همزني"!
عند نهاية اليوم الدراسي جيت طالع من الفصل قام شهاب قال لي استاذ عبدالقادر عايزك
مشيت لقيت ليك الاستاذ محضر اربعة للشد و عدد من فروع النيم غايتو انجلدت جلدة لهسع في جرحة في يدي اليمين بطول سنتمتر وعرض تقريبا نصف سنتمتر
اتخرجتنا من الابتدائي ويوم عيد-كنا دايما بنمشي يوم العيد سينما الحارة الرابعة- بعد الفلم طلعنا و مشينا مزيرة الطابونة واذا بشهاب بجلالة قدره هناك و من غير خجلة يقول لي يا بدرالدين ازيك
طلعت القاش بتاعي ووقعت في الزول دا ضرب في اي حتة في جسمه و الناس مشدوهة لغاية في النهاية هو واصحابه جرو عديل كدة
شفت يا حاتم الزعلة بتجي لما تجيك الحكاية ممن لا تتوقعها منه
يا حاتم, انا قريت تقريبا كل روايات المرحوم الطيب صالح-لما كانت بتنشر في مجلة الدوحة, غالبا انت كنت سعنتوتي جدا وقتها- وعندي راي, والله لو الناس كسروا رقابهم ما بخليه, انه موسم الهجرة للشمال رواية "قلة ادب و بذاءة". واعدت قرايتها وانا في الجامعة وايضا لم استسيغها,
لكن "قلة الادب و السفاهة" في الفن ما عيب! يعني شعر ابو نواس يعتبر من اجمل الشعر, و روايات الكساندر دوماس كلها بذاءة لكن من عيون الادب الفرنسي.
فلو طه جعفر ادخل بعض عناصر تاريخية في روايته فما فروض الناس تجرده من ملكة كتابة الرواية, بل يجب ان تؤخذ كجزء من الحبكة. و هسع انا بقرا في رواية اسمها كاتالينا ريدل Catilina's Riddle وكاتبها اسمه استيفن سيلور Steven Saylor و فيها ما فيها عن تاريخ الرومان القدماء و مافي اي انسان حايجرده من اي حوائز ا و غيره لان فيها ما قد لا يعجب الاخرين.
الادب يا حاتم شئ قائم بذاته. و كتاب الرواية ممكن يحبكوا رواية تاريخية و لا يطالبهم احد بانهم فقط يذكروا الحقائق التاريخية كما وقعت, لان ذلك يجعل كتابتهم كتاب تاريخ. لكن يسمح لهم باضافة الخيالي و المجرد و خلطه بالوقائع لانتاج ادب.
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
بدر الدين دقيقة يازول ..انت قريت فى مدرسة حسن عبد الباسط (الحارة التاسعة)..وشهاب عثمان الله يرحمو اتوفى فى الجنوب وأستاذ الرياضيات دا (أستاذ أبراهيم الكان بيقول خادم الله) وأستاذ عبدالقادر بتاع العربى... يازول مابتتذكر زول كان فى الكنبه الأخيره بلييد كدا اسمو حاتم الياس ..الخمسة وأربعين كانت حقتو من غير منازع..دفعتنا ناس علاء الدين وأحمد يوسف وعرابى وسيف الدوله وعلام وأولاد مرزوق الكانو بيربطو حميرهم فى الخور (الناس يقولو ليك العاصمة اتريفت هى من يومها مريفة)..تم الباقى
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
تعرف يا "خليفتنا" حاتم الموضوع ده كنت مقرر ما أدخل فيهو الآن, استناهو لحدى ما يروق و متابعو في كل حته ممكنه, و دخلتى دى غيظه منك لأنك غياظ, غياظ جد ما عوارة و مكاواة و مسخره زى ملاسي ء اسه يجى ويكاكى هنا "لو لم أغظك ليه ماسك سيرتى" ...
خلينا في المهم, الحوارات دى غنيه جدآ, صحيح اكثر الكتابات تصلح لدراسات التحليل النفسي منها للأدب و النقد الأدبي - بما فيها افتتاحيتك - لكن العاوز حاجات حول أشياء كثيرة بلقاها و "هو المافي شنو؟" كما يردد قيقتنا المجافينا حن علينا
كالعاده مصيبة هذه الحوارات ليست الأطراف التى تدخلها عن أصاله, أيآ كان موقعهم و موقفهم و مساهماتهم, مصيبتها في المشجعين و الجمهور و حاملى الطارات و "البوق". النوبه عندهم من قواعد الصراع انو المحل البتصارعو فيهو لازم يتنضف من الشوك و الضريسه و الحجار و أى حاجه ممكن تأثر على النتيجه, للأسف ده ما الحال هنا, و للأسف تتم الاستعانه - بوعى او بدون وعى - بالضريسه و الشوك بل و بالعوير أحيانآ أو يتم فتح مجال لها أو التغاضي عنها و أثرها. الباقي لى قدام ...
زى ما كتبت في حته تانيه موضوع الرعاع و فركه و موقف و طريقة طه في ادارته لكل الحوار- كجزء من الشمطه المدوره - أنا راخيهو لى قدام, بعد السوق يروق و يتم حصر الجرحي و الموتى و يرفعو الفراش ....
و للعلم - و بي رعاع و لا من غيرها - أنا من أصحاب الزول مازن مصطفي و من معجبي الكاتب مازن مصطفي بنزقه و تفلتاته و في تقديري و قناعتى أن الصداقه الحقه تقتضي و تلزم بقول الحقيقه ... و هذا ما سأفعل
| |
|
|
|
|
|
|
|
|
|
Re: ماعندكم حق...!! (Re: esam gabralla)
|
Quote:
خلينا في المهم, الحوارات دى غنيه جدآ, صحيح اكثر الكتابات تصلح لدراسات التحليل النفسي منها للأدب و النقد الأدبي - بما فيها افتتاحيتك - لكن العاوز حاجات حول أشياء كثيرة بلقاها و "هو المافي شنو؟" كما يردد قيقتنا المجافينا حن علينا
|
و الله كلو في يا حنين
الحاصل دا اثار جدل واسع في اسافير الله الواسعة عموم
و سنتابع ...
على قولة الصادق اسماعيل
-----------------
يا عمك الشهيد.. قيقتكم بي وين!؟ .. داير تعمل لي اشانة سمعة انت مش!؟
ابراء ذمة ..
الزول دا انا ما عارف اسمو منو ذاتو!!
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
تعرف يا حاتم و عصام برضو ذكرتوني في باكستان كان في تنظيم بتاع اتحاديين جناح الهندي و بس، و الجماعة كانو مستأسدين بالساحة. جاهم واحد ما معروف من وين بوزع في منشورات باسم الاتحاديين جناح الميرغني و بعلن عن تأسيس تنظيم جناح الميرغي الجديد.
اتحاديين جناح الهندي لاقو الزول ده شايل منشوراتو في نص سوق كراتشي و في الزحمة العجيبة ديك دقوه لحدي وقع الواطة لا يلوي على شي. بي عين مطفية ووش نازف دم و بآخر حروف استطاع نطقها قال ليهم: عيب عليكم اسة الباكستانيين الفي السوق ديل كلهم عرفوا انو الاتحاديين مختلفين.
**
بالغتو اسة الاسافير كلها عرفت انو الشيوعيين مختلفين**
**
حاتم:
كتاب مازن طلع ما رواية
منتظرين العنوان الجديد للبوست البهناك ههه
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
بدر الشميت
ما دام عذابي بريحك أنا ليك اتعذب كلو يوم
دى أغنيه من كلماتى و ألحانى و أدائي كمان ... شان تآمن
ياخى الشهيد في شهادتو و قبرو و ماسك خشمو و كفنو عليهو ليهو زمن يجرجروهو و يبهدلوهو كده؟ المستشهد ليها شنو أنا ما دام اخرتا مرمطه عابره للبوردات, الناس ده لا بتحترم حرمة الموت و لا قرو شعار البعثيين داك "الشهداء أكرم منا جميعآ"!!!
| |
|
|
|
|
|
|
|
|
|
Re: ماعندكم حق...!! (Re: esam gabralla)
|
| Quote: المميز شنو في فور اوول!؟ |
إنت لسه وحلان هنا؟ ياخى هم قالو مميزين, المزعلك شنو؟ أعمل موقع و سميهو أميز المميزين, أنادى ليك أساسي يصوطا معاك؟ معقول قصة فورأول بل و كل سودنة الانترنت المدوره دى حتظل حاقصه لينا كده, أما آن الآوان نمرق من مربع واحد و نص ده؟ بي هناك الشهداء و الجبجبه و بي هنا مميز و ليه و رفدوهو, ما يخص فورأول ده جفت الأقلام و جمعو الورق و كل زول وصل لاستنتاجاتو و خلاصاتو و بس
| Quote: دا بنظام الكديسة الما لقت اللبن ؤ كدي |
انتى اتقدمت و رفضو ليك؟ و نايم بيها زى ملاسي .... كاااااااك
| Quote: داير تعمل لي اشانة سمعة انت مش!؟ |
لوووولز ....انادى ليك الهكر, ياخى سمعتك شاقه ضهارى السايبر سبيس و خشت حلال الأسافير كلها يا نمس انت يا ميه من تحت تبن
| |
|
|
|
|
|
|
|
|
|
Re: ماعندكم حق...!! (Re: esam gabralla)
|
Quote: يا رااااجل!!
ياخي الهلالاب كرهتهم في الدنيا بعد قصة عدم الكاسات الخارجية الجاكة الفاكينها المريخاب في روحهم انهم "صفوة"
خليك من قصة بكري بسوق البقر البحر لكن ما بقدر يجبره على الشراب و غيرها وغيرها
تقول لي بدون سبب برضك |
أهااااا, شوف زى ده, و تقول لى ما رعاع؟ و عريبي كمان
| |
|
|
|
|
|
|
|
|
|
Re: ماعندكم حق...!! (Re: esam gabralla)
|
| Quote: أهااااا, شوف زى ده, و تقول لى ما رعاع؟ و عريبي كمان |
ود جبر الله ... كيفك
عريبي أي نعم معاك فيهاو سيد لبن كمان
لكن رعاع, لسة ما وصلت المرحلة دي اريتني ابقى رعاع ياخ
رعاع دي حسب التصنيف الاخير الناس البقروا - او البحاولوا يقروا - روايات/خواطر راكب فيل/كتابة ابداعية أو يا كان اسمها المهم كتابة مقعرة و مشكلة و السلام وما بفهموها
ويجوا يتفلسفوا على سيدها أن انت بتكتب لمنو ناس اسياد اللبن ما بفهموك
ياخوي اسياد اللبن ديل ما بنقرا اصلا , والقارين ليها شنو يعني كان قرينا احنا البخش كور الهلال يكورك ورا ناس بشة وكرنقو منو؟
و البكاكي في بوردات زي دي منو؟ يمين انا محل ما القى الكتابة المشكلة بتوتر و بقلب الصفحة طوالي اللهم إلا القرآن الكريم
فيا عصام يا عزيزي الرعاع هنا هم انتم الضعيف الما حتشتغل بي ضعفه القافلة انتم نحنا قافلتكم دي خالص ما فيها
فا شدوا حيلكم يا خوي و ادوا كل الدم للمعمل للفحص و اقعدوا كدا ما عندكم دم لغاية النتيجة تطلع ههههههه
| |
|
|
|
|
|
|
|
|
|
Re: ماعندكم حق...!! (Re: esam gabralla)
|
Quote:
إنت لسه وحلان هنا؟ ياخى هم قالو مميزين, المزعلك شنو؟ أعمل موقع و سميهو أميز المميزين
|
لوووووووب
من القال زعلان اسي!؟
الزعلان كلّمو يقع الخزان ..
الخزان لو بعيد ..
عربات الديش في الطريق ياخ!
Quote:
ما يخص فورأول ده جفت الأقلام و جمعو الورق و كل زول وصل لاستنتاجاتو و خلاصاتو و بس
|
منو القال!؟
قال الراوي ( الحكيم ) و ليس قيقا راوي :
Quote:
يا زميل المشكلة في كتابة الاسافير تكمن في ان كل شئ يظل محفوظا لأبد الآبدين في بطن هذه الحواسيب الجهنمية. و من يكتب مثقال ذرة خيرا او شرا يشيل شيلته!
|
-------
Quote:
انتى اتقدمت و رفضو ليك؟ و نايم بيها زى ملاسي .... كاااااااك
|
ديل الرعاع البتقدموا ديل لكن الزينا ديا ..
Re: إهداء خاص لقيقراوي
ما سمعت بخطتنا الشماشية انا و الفردة طبارك الذي ليس بيده مكتبة انت؟
هو ح يكب الراندوق بالكرباوي .. و انا اشيل البيض ؤ اعمل حاوي
قيقا حاوي
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
آفة النقد: المجاملة
تداخل الاجناس الادبية لا يشمل الرواية،
الاجناس الادبية كلها تتداخل كما شاء لها التداخل،
لكن التداخل يقيف في عتبة الرواية ويكتب في الباب حضرنا و لن نجدكم الرواية رواية..
بعدين ياخي الاجناس الادبية كم جنس؟
ماياها الشعر بانواعه والقصة باحجاما و الرواية بسردها و حكيها، موت الكاتب او حضوره لا يقصم ضهر الرواية.
أها كتاب مازن ده شنو؟
خواطر؟ سيرة ذاتية؟ مفكرتي اليومية؟ محاولات؟
كلها ممكن تتداخل مع القصة و الحكي والشعر.
لكن مع الرواية! يطرشنا!!
فـٍـٍ و حاة الله العلاك علينا(وانعم عليك دون الناس جميعا الكتابة بي هناك)كلامك ده يتوارى لي مجاملة مجاملة
| |
|
|
|
|
|
|
|
|
|
Re: ماعندكم حق...!! (Re: mutwakil toum)
|
| Quote: عيب عليكم اسة الباكستانيين الفي السوق ديل كلهم عرفوا انو الاتحاديين مختلفين. |
مبالغه .... ياخى بطل اللبدان البتسوى فيهو ده
بي كده الواحد يمشي ينوم سعيد.
تعرف قصة انو الهيصه دى ما فيها تقسيم سياسي داخلى أو خارجي واضح مجهجهه ناس كتار بطريقه مضحكه رغم المحاولات من هنا و هناك لجرجرتها , ما عارفين يلقو "ملكه" فيها .... كل زول كايس غبينه ينحشر بيها
| |
|
|
|
|
|
|
|
|
|
Re: ماعندكم حق...!! (Re: esam gabralla)
|
حاتم الياس
ازيك ياخ?
| Quote: بدر الدين دقيقة يازول ..انت قريت فى مدرسة حسن عبد الباسط (الحارة التاسعة)..وشهاب عثمان الله يرحمو اتوفى فى الجنوب وأستاذ الرياضيات دا (أستاذ أبراهيم الكان بيقول خادم الله) وأستاذ عبدالقادر بتاع العربى... يازول مابتتذكر زول كان فى الكنبه الأخيره بلييد كدا كان اسمو حاتم الياس ..الخمسة وأربعين كانت حقتو من غير منازع (شفته جبت لينا الهوى وبوشت حتت ثقافة دى )..دفعتنا ناس علاء الدين ود.أحمد يوسف (الأن فى أمريكا)وعرابى وسيف الدوله وعلام وخالد حسن أحمد وأولاد مرزوق الكانو بيربطو حميرهم فى الخور (الناس يقولو ليك العاصمة اتريفت هى من يومها مريفة)..تم الباقى ماتنسى استاذ البنا..والغانى الكان بجو يغنوها لينا ناس حمورى وعصام توفيق (أماه لاتحزنى فالحافظ الله) |
يا حاتم ياخ بتبالغ ياخ
انا قريت في مدرسة الحارة السادسة الابتدائية ياخ, و كنا من اوائل الناس السكنو مدينة الثورة-الحارة السابعة- تقريبا سنة 1968. و كنا لما نمشي دكان مكي كان عرب مرزوق ببقرهم و جمالهم والحارة التاسعة بتاعتك دي ما كانت موجودة ذاتو!كانت كلها سنمكة و شوك و كرب!
وحتي مدرسة الحارة السابعة ما بنوها لغاية ما انا بقيت في سنة خامسة ابتدائي.
بعدين يا حاتم, عايز تساوي كتفك بكتفي و تعملني دفعتك? ياخ انا لما كنت بشوفك في محطة شقلبان جمب اكشاك الجرايد, كنت بتحير الشافع دا البخليه يقرا جرايد شنو?
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
يابدر الدين ياخ فى زول تانى بكتب باسم بدر الدين مجهجنا وبعدين فى البروفايل اكتب ساكن جنب ناس (جعجع ومتولى وقله) واضيف كلية الزراعة دى ماشايفه مكتوبه
وبعدين انا كنت قايل ناس اب شريعة اقدم ناس فى السابعة...
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
حاتم الياس
ازيك
| Quote: وبعدين انا كنت قايل ناس اب شريعة اقدم ناس فى السابعة... |
ياخ ناس اللمين ابو شريعة لما سكنوا نحنا كنا لينا سنوات و لو ما خايف الكضب نزلنا معاهم عفشهم
انا و اللمين كنا الشحمة و النار وفي النهاية بقى كوز و الحكاية تمت ههههههه
نحنا قبلهم بكتير! لكن اول ناس ناس خالتي عشة بياعة الكسرة-وهي خالتي اخت امي لزم و جيران ناس متولي بالزاوية- و بعدهم ادريس-دكان ادريس- ثم هاشم شيخ الحارة و نحنا و ناس محمد عباس-المقاول الله يرحمه و جارنا بالحيطة عديل- سكنا في نفس الاسبوع, بعد داك جاء مكي بتاع بقالة مكي.
ولو عايز تتاكد من اللمين اسالوا ما لقوا ناس حبوبة-دي امي-قبلهم في السابعة!
ايوة ناس جعجع جيرانا و متولي-مرات بكتب هنا-بيتهم مننا شارع واحد و لو مشيت عديل بين البيوت فرقنا بيتين-ناس عبدالمنعم اسحق و نصرالدين رشدي.
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
عندما يكتب حاتم الياس برعوعيه :-
| Quote: بدر الدين دقيقة يازول ..انت قريت فى مدرسة حسن عبد الباسط (الحارة التاسعة)..وشهاب عثمان الله يرحمو اتوفى فى الجنوب وأستاذ الرياضيات دا (أستاذ أبراهيم الكان بيقول خادم الله) وأستاذ عبدالقادر بتاع العربى... يازول مابتتذكر زول كان فى الكنبه الأخيره بلييد كدا اسمو حاتم الياس ..الخمسة وأربعين كانت حقتو من غير منازع..دفعتنا ناس علاء الدين وأحمد يوسف وعرابى وسيف الدوله وعلام وأولاد مرزوق الكانو بيربطو حميرهم فى الخور (الناس يقولو ليك العاصمة اتريفت هى من يومها مريفة)..تم الباقى |
وكمان يكرره مرتين زيو زي اي تعلمجي كمبيوتر !!!!
في تستمر المساجلة ساااااكت طلقيبه كدا :-
Quote:
يا حاتم ياخ بتبالغ ياخ
انا قريت في مدرسة الحارة السادسة الابتدائية ياخ, و كنا من اوائل الناس السكنو مدينة الثورة-الحارة السابعة- تقريبا سنة 1968. و كنا لما نمشي دكان مكي كان عرب مرزوق ببقرهم و جمالهم والحارة التاسعة بتاعتك دي ما كانت موجودة ذاتو!كانت كلها سنمكة و شوك و كرب!
وحتي مدرسة الحارة السابعة ما بنوها لغاية ما انا بقيت في سنة خامسة ابتدائي.
بعدين يا حاتم, عايز تساوي كتفك بكتفي و تعملني دفعتك? ياخ انا لما كنت بشوفك في محطة شقلبان جمب اكشاك الجرايد, كنت بتحير الشافع دا البخليه يقرا جرايد شنو? |
و حاتم طبعا (معاهو الحق) يستمر :-
Quote: يابدر الدين ياخ فى زول تانى بكتب باسم بدر الدين مجهجنا وبعدين فى البروفايل اكتب ساكن جنب ناس (جعجع ومتولى وقله) واضيف كلية الزراعة دى ماشايفه مكتوبه
وبعدين انا كنت قايل ناس اب شريعة اقدم ناس فى السابعة... |
وبدر الدين ما رعاع ساااااكت وليهو حق يرد:-
Quote:
ياخ ناس اللمين ابو شريعة لما سكنوا نحنا كنا لينا سنوات و لو ما خايف الكضب نزلنا معاهم عفشهم
انا و اللمين كنا الشحمة و النار وفي النهاية بقى كوز و الحكاية تمت ههههههه
نحنا قبلهم بكتير! لكن اول ناس ناس خالتي عشة بياعة الكسرة-وهي خالتي اخت امي لزم و جيران ناس متولي بالزاوية- و بعدهم ادريس-دكان ادريس- ثم هاشم شيخ الحارة و نحنا و ناس محمد عباس-المقاول الله يرحمه و جارنا بالحيطة عديل- سكنا في نفس الاسبوع, بعد داك جاء مكي بتاع بقالة مكي.
ولو عايز تتاكد من اللمين اسالوا ما لقوا ناس حبوبة-دي امي-قبلهم في السابعة!
ايوة ناس جعجع جيرانا و متولي-مرات بكتب هنا-بيتهم مننا شارع واحد و لو مشيت عديل بين البيوت فرقنا بيتين-ناس عبدالمنعم اسحق و نصرالدين رشدي. |
اها يا عصام جبر الله و بقية الشهدا الما بيكتلكم شنو !!!!!؟
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
Quote:
قيقراوى (حوسبة الثورات دى لقيتها كيف)
|
في السلك *
يا حاتم ياخ ما تتوسط لي ياخ نجيكم بهناك نتباحث المسائل الفلسفية العميغة دي ياخ
يعني مثلاً اسي ازمتنا مع ( حوسبة ) و ( ثورة ) و ماشاكلها .. و أشكل على الرعاع
هي ازمة ( مفهوم ) ام ( مصطلح )؟
وين الحساب هنا اسي؟ ... و معلوم بالضرورة انو الحساب ولد و بت مش!؟
و متين بتسمى ( الثورة ) ثورة؟
-----------
ما شماشي كمان ياخ!
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
سفيان نابري يا صفوة
| Quote: اها يا عصام جبر الله و بقية الشهدا الما بيكتلكم شنو !!!!!؟ |
ياخ بطل حقد و خلينا نتونس انا حاتم الياس دا ياخ
اتخيل زول يقوم يجيب ليك اسماء اولاد حلتكم وليك خمستاشر سنة منهم حاتعمل شنو?
بعدين يا سفيان ميزة سودانيز دي انها زي القطر القشاش بتاع صعيد مصر داك; تركب بجدادك و بطك و برسيمك و تقعد تتونس بين العربات!
مرة ركبت القطر القشاش من اسوان و فجاة في محطة دخل واحد بعدد كبير من البط و توش ختاهم في الرف البفوق راسي ,اها دي حالتنا انا وود الياس الليلة.
المشكلة حاتم الياس يرجع بهناك يلقى نفسه شطبو لانه بتونس مع الرعاع
بعدين عصام جبرالله دا. والله حسن موسى حيرني عديل كدة لما جاب اسمه حيث لا مناسبة, شغل تشفي عديل كدة!
اتخيل اول ما قريت اسمه و بعد ما ثبت نفسي في الكرسي عشان ما اقع من الضحك, طوالي جا في بالي البوست بتاعه عن مجلة احترام!
غايتو الله في!
| |
|
|
|
|
|
|
|
|
|
Re: ماعندكم حق...!! (Re: سفيان بشير نابرى)
|
بدرنا العالي قدرو
Quote:
بعدين عصام جبرالله دا. والله حسن موسى حيرني عديل كدة لما جاب اسمه حيث لا مناسبة, شغل تشفي عديل كدة!
|
ما قلنا ليكم مباراة كسر الله دي بتوردكم موارد شماشة الاسافير الحاتلين في مطعم الباشا للماكولات الشعبية دا ياخ!
ما بتسمع الكلام كلو كلو .. جبتوا لينا الكدايس ياخ
الجاب سيرة عصام - بدون مناسبة - هو صاحبك ..
Quote:
يلا ارفدينا لحقينا عصام جبر الله
|
--------
هو بالله الجرح دا عمرو ستة سنين عاشم الحب هو!؟
طيب مالو بنتح لي يوم الليلة
عفيتو منو حبيبي و سيدي قدس الله سره
متوفر و لاذع في السنة الشعب زي ريق الحمضيات
كاااك
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
Quote:
رعاع دي حسب التصنيف الاخير الناس البقروا - او البحاولوا يقروا - روايات/خواطر راكب فيل/كتابة ابداعية أو يا كان اسمها المهم كتابة مقعرة و مشكلة و السلام وما بفهموها
ويجوا يتفلسفوا على سيدها أن انت بتكتب لمنو ناس اسياد اللبن ما بفهموك
ياخوي اسياد اللبن ديل ما بنقرا اصلا , والقارين ليها شنو يعني كان قرينا احنا البخش كور الهلال يكورك ورا ناس بشة وكرنقو منو؟
|
انا برضو يا ود البشري ما رعاع
ياخ وضعي الاممي* ما بسمح لي ابقى رعاع ذاتو
رايك شنو نكتب عريضة نوقف الناس البتكلموا بي اسمنا ديل انو ينقطونا بسكاتم ..
و نعمل ليهم جائزة شبال بي صلعة البروف زعيم الرعاع ..
و هذا الاخير - بصفتو خالاً لحمور - ممكن يمثلوهوا و قيل يمثلوا بيهو عديييل في محافل فور سيزونس السغافية العاليا دي ، ؤ عااااادي جداً كمان ..
المافي شنو هو!؟
لكن نحن يتكلموا باسمنا مش؟
---------------
* كقائد قوات حلف شمال الضهرة ( نيدو )
| |
|
|
|
|
|
|
|
|
|
Re: ماعندكم حق...!! (Re: Rawia)
|
والله ياراوية عارف حوجتكم لى..وساحاول مره مره أجيكم رغم المشاغل والهموم وسفيان نابرى...كمان ناس متوكل توم وعصام جبرالله وقيقراوى ديل فيهم أشراقات واعده والله
---
انا لوبيسمعوا كلامى يسمو سودانيز اون لاين دا (نجوم الغد)
| |
|
|
|
|
|
|
|
|
|
Re: ماعندكم حق...!! (Re: بدر الدين احمد موسى)
|
Quote:
انا لوبيسمعوا كلامى يسمو سودانيز اون لاين دا (نجوم الغد)
|
كاااااك
اربعة فصول في السنة ..
يمروا عبر الازمنة ..
الصيف ..
و الصيف ..
و الصيف ..
و الصيف ؤ خرييييييييف
ها هي دنيتنا الجمييييييييلا .. شوفوا دنيتنا الجميييييييلا
اللخ اللخ ...
هاك الفورسيزونس دي يا درفة*
-------
ؤ ( درفة ) هي ( فردة ) بلغة الراندوق المخصصة لغير رعاع الشماشة
و دي تقرا بتقنيات الكربتولجي ( التعمية و التشفير )/ الشماشي ..
الفصيل الاسفيري الثورنجي - قطاع مطعم الباشا
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
.
حاتم البأس ..
أما آن لك ولصاحبك أن تتخلصا وللأبد من قفطان السدانة لذلك الموقع/ لتلك المقبرة!
أخشى عليكما، إن جرى لذلك الموقع شيئا "لا قدر ملاكه" أن تروحا في شربة مية، وقيل في حق الله
بعدين ..
شنو الطيبة دي، والتواضع ده، والسبهللية
.
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
Quote:
..المهم اقعد معانا لكن ماتتكلم اٍلا نقول ليك..
|
ما بقدر كلو كلو ..
ياخ كان بقدر، كان اسي يكون معاكم بهناك عدييل
و ان ذاتي كان سويت غاني في ( عود ) كان خدّر ملا الواطة
و ما كان ...
ؤ من ن ن ن مرحلة المعاينات ذااااتو قليك!!
و ذلك لعدم اللياقة البدنية إقرأ ( الهشاشة ) ..
و إن شئت يمكنك ان تضيف ( الثقافية ) كما اضيفت من قبل- ذات حملة اسقاط نجومية- من قبيل :
جرذان الثقافة .. و الطحالب الثقافية
كلو الا فحص الدم كاملاً بدمنا كاملاً .. دا إن وجد ذاتو!!
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
يعنى ود الصايم دا.. كيسو فاضى..واضح...واضح..وا
---
ياقيقراوى والله جاتك اشادة كبيره خلاص من الروائى مازن مصطفى طلب منى سعادته (ودا كلام بالجد) ابلغك أعجابه بكتاباتك الساخرة..(افرح بالكلام دا لغاية ماأجيب ليك بركه ساكن ومحمد الصادق الحاج)
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
Quote:
ياقيقراوى والله جاتك اشادة كبيره خلاص من الروائى مازن مصطفى طلب منى سعادته (ودا كلام بالجد) ابلغك أعجابه بكتاباتك الساخرة..(افرح بالكلام دا لغاية ماأجيب ليك بركه ساكن ومحمد الصادق الحاج)
|
ديشااااك!!
انت متاكد انو مزونة همسلف الاشاد دا!؟
يا ناظم انت في ود سنار؟
باكمبا كان بغير مشيتو بعد كل قون ياخً!
اها الوصية بالمهلة يا شباب مطعم الباشا دا :
من الليلة لن ارد على اي مداخلة موجهة لسعادتي - واخدين بال حضراتكم - تكون بغير المبادئة: يا استاذ قيقاراوي
و لو خليتوها ( الاستاذ ) سليقة ساي يكون احسن
قيقراوي - مع انو اسم بقى اجنبي اعتباراً من 9 يوليو - لكن ما برضو وجواج ؤ كدا ..
---------
للضمان كدا امكن الزول دا يغير رأيو .. يقوم يرعرنا تاني
انستثمر اللحظة دي :
من انتم!؟
| |
|
|
|
|
|
|
|
|
 Re: ماعندكم حق...!! (Re: قيقراوي)
|
قيقا .. يا قيقا .. أقعد في واطة الله دي مع أخوكـ!!!
عشان ما تجيكـ صدمة حضارية وفورسيزونية!!
_
يا أخوانا .. واحد يتبرع يفتح لينا بوست بهناكـ:
قيقراوي وود الصايم على بابكم .. تفتحوا ولّ نكمّل غدانا!!
_
أفضل كتابة اسم قيقراوي في الأول .. احتمال تصدق!!
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
.
| Quote: ثم ياسيف فى كم حته أنا قريت ليك كلام فيهو تعريض بالناس |
يا حاتم الياس ...
أنا فعلا شايل عصايتي وشبشي كمان .. و(الوصية بالمهلة)
لكن حكاية قريت لي كلام فيهو تعريض بالناس دي محض فرية!
أعرف أن تحب سودان فورال
وتحب السدانة
والقفطان
والسبهللية ..
وإلا لما طاب لكم المبيت هناك على شفا جرف من مقبرة السيدة حسكنيت،
فهنيئا ..
.
| |
|
|
|
|
|
|
|
|
|
Re: ماعندكم حق...!! (Re: سيف اليزل الماحي)
|
عليك الله ياسيف ماتزهجنا ياخ....وخلينى استمتع بونستى مع الرعاع ديل لمن افكر اسيب سودان فور أول بعدين بكلمك..تشوف لينا خور من الخيران الفكوك فيها دى لكن لغاية هسع أنا مبسوط بهناك..
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
.
يا حاتم اليأس ..
إستمتع يازول بالونسة مع الرعاع، ولمن ترجع اتشطف،
ولدعم حالة إستمتاعك بونسة الرعاع ، نتجاوز ما كتبته في سطرك الثاني!
مزيدا من الرعاع .. يارب
.
| |
|
|
|
|
|
|
|
|
|
Re: ماعندكم حق...!! (Re: تبارك شيخ الدين جبريل)
|
Quote:
والما عندو عضوية في الفورسيزون
|
يتصرف .. الشغلة مهارات فردية ؤ كدا يا درفة
مافي غير ننجز يا عمك ..
نبقى على خطتنا ديك
مافي ( بلان بي ) .. النصر او الشهادة بس!
---------------
في تأصيل الخطة الشماشية :
قليك انو شماشة قرايبنا كدا مشوا يضهبوا في عرس ما عندهم أيتوها علاقة بيهو..
اها الجوعة حاصلة، و البطون طاقاها الفوفاية ..
كشفوا كدا .. قروا المسرح كويييس ..
لاحظو ليك واحد شمس بهناك يشيل ليك في البيض و يدس في جيبو سااااي ..
الفقري فيهم رسم الخط ة كالاتي .. :
كب الراندوق بالكرباوي .. و انا بشيل البيض و بعمل حاوي ..
مشى ليك لناس العرس مثل ليهم فيها حاويي .. قال ليه :
م انا بدخّل البيضة دي في جيبي و بطلّّعا ليكم من جيب الوهم الواقف هناااك داك ..
اثار اهتمامم .. فوافقوا ..
فعلن دخل البيضة في جيبوا .. و الجماعة لقوها ليك في جيب الزول القالو داك
فانبسط الجميع .. الا واحد طبعاً ..
ما مهم ....
كلمة ( الجميع ) دي مرات مرات ما بتعني ( الجميع ) بالضبط
لكن ايه رايك :
خطة بسيطة مش؟
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
قيقرا غايتو تعبان ساي عشان عضوية الفور سيزونز ياخوي قول ادوك ياها نعلّك ماش هناك تسوي سواتك دي و تملى ليهم المداخلات بالوشوش و الاقتباسات
الناس ديل ابوي جنهم وجن الزول البستلم بوستات الناس ياخي ملاسي زهج من الحركة دي
اسي الله يسألك بتعرف تكتب " بين مزدوجين" ههههههههههه بين مزدوجين دي انا لاقتني مرة لا يوم الليلة بضحك فيها
بعدين ياقيقرا شوف عيني دي تلحق تكتب "سم سانين" دي هناك المعلم حسن بمسكك الباب و يديك ليها ووشوشك ومعاها كاريكاتيرك في يدك
فياخوي خلك في الملجة دي ارعى - وقيل ترعرع - بي مهلة هنا السايقة ما بتصل وكان وصلت بتعمل رايحة
| |
|
|
|
|
|
|
|
|
|
Re: ماعندكم حق...!! (Re: محمد البشرى الخضر)
|
ود البشرى
ما عرفتك و الله!؟
شن عرّف العرب بغسيل الصابون كمان!؟
من متين انت بقيت خبير بشئون الفورسيزونس ..
و تفضيلات سكان الفورسيزونس يا اخوي!؟
سم سانين :
Quote:
الناس ديل ابوي جنهم وجن الزول البستلم بوستات الناس ياخي ملاسي زهج من الحركة دي
|
ملاسي دافع حاجة في المطعم دا!؟
و الله تمحنوا الحليم كلو كلو!!
منبر عام .. و ما دافعين .. و شابكننا بوستي و بوستك!!
و الاضايا عامة!!؟؟
دا ما ياهو ذاتو البخلي الواحد يكاكي هنا و يمش يفتش ليو جمبة تانية يبيض فيهاياخ!
| |
|
|
|
|
|
|
|
|
|
Re: ماعندكم حق...!! (Re: حاتم الياس)
|
حاتمنا ... تسلم يابا,
عجبنى حضورك ... أكثر من موضوعك, { بس ما تحردو }
وييين عماد عبدالله وكوجان وتلك ال... ,
طلعت فصيح ونصيح وما لديح ... فشيل شيلتك.
مشتاقووون يا زول ... ورأس السنة ما بعيد.
| |
|
|
|
|
|
|
|
|
|
Re: ماعندكم حق...!! (Re: المسافر)
|
Quote:
قصدتنى عديييييييييييل ياقيقراوى بقصة تكاكى هنا وتبيض هناك
|
لا قصدت الناس القاعد تكاكي فعلن ياخ!
انت اسي - في البوست دا - كتبت ( كااااااك ) دي!؟
ياخ الا نجسر ليكم ياخ!؟
انقر الفرق بيني و بين مزونة شنو غير شناة/ سماحة الاسم!؟
ياخ مازن روائي .. و انا محض راوي ساي ..
لكن راوي سوبر .. قيقا راوي .. ما يعادل 1024 راوي مما تعدون
يا سيد اللبن .. بالعربي يا عربي
انا لا اكتب الرواية .. الرواية هي التي تكتبني
فااا شنو؟
الما بفهم كتاباتي - حلوة مش؟ - ينتحر بس ..
راجي شنو!؟
اصلو التفاؤل دا حدو وين!!؟
بعد الراندوق يكتبوا - الرعاع يقروها ( يجسروا ) - ليكم كيف يا شماشة انتو تاني!؟
-------
اسمع انت اشتكيتني لي ود البشرى دا!؟
يا زول ابتسم انت في مطعم الباشا ..
كلو في يا حنين .. المافي شنو!؟
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
قيقرا رمضان كريم تصوم وتفطر على خير إن شاء الله | Quote: يا سيد اللبن .. بالعربي يا عربي |
اظنك تخاطبني وحتى لو ما كنت فطاقية سيد اللبن دي تناسبني تماما لذا ادّرعها ليك بمزاج لا الوي على شيئ
اها ابوي قلت لي Quote: الما بفهم كتاباتي - حلوة مش؟ - ينتحر بس ..
راجي شنو!؟
اصلو التفاؤل دا حدو وين!!؟ |
هي نان قالولك المشكلة في فهم كتابتك! لا لا يابا كتابتك وااااضحة ومبسطة و سهلة حتى للعرب المتلي و متل اخوي الكاشف
ودي ميزة النصيحة ليك يا الله لكّنها ايضا قد تعيق بلان a و بي و سي إن وجدت في مشروع الفرولة
فمن المهم إنك كمشروع مفرول تعسّم الكتابة لمّن تغلبها القومة
ما علينا ياقولك شن عرّف العرب بصابون اللوكس و اكل الفنادق
خلينا في قصة فهم كتابتك, زي ما قلت ليك الكتابة مفهوووومة إلاّ مسيييييخة و مملة ومكرورة - يا قول مازن - و التكرار دا مهلك للأعصاب يا قيقرا النكلّمك عاد
اها النبي كان تجي تتماسخ تقول لي البوديك تقرها شنو ما تفطّها وخلاس
اسوّي شنو يا قيقرا محل ما امش بلقاها بقت لي مشرورة زي نكتة الروب الإنكشح
بلة يا بلة رمضان مبارك و يعود عليك بالخير
النصيحة ما بناباها حتى كان ما فرزناها ففالك طيب اخوي, حاضرين نلم ليك الكورة لم كمال عبد الوهاب بس
| |
|
|
|
|
|
|
|
|
|
Re: ماعندكم حق...!! (Re: سفيان بشير نابرى)
|
Quote:
خلينا في قصة فهم كتابتك, زي ما قلت ليك الكتابة مفهوووومة إلاّ مسيييييخة و مملة ومكرورة - يا قول مازن - و التكرار دا مهلك للأعصاب يا قيقرا النكلّمك عاد
اها النبي كان تجي تتماسخ تقول لي البوديك تقرها شنو ما تفطّها وخلاس
اسوّي شنو يا قيقرا محل ما امش بلقاها بقت لي مشرورة زي نكتة الروب الإنكشح
|
خلاس احكم فينا بالداااااايرو ..
بس ورينا شنو هي [ المكرورة ] دي!؟
يعني شنو!؟
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
قيقرا.. قيقرا.. قيقرا..
يعني الجملة الإعتراضية " يا قول مازن" دي ما كافية للتدليل على اني قريت تعليق محسن في سودانيات
لابد من اللينك و الاقتباس و الوش الضاحك
اسي دا ما أخير منو شرح العنقريب يا قيقرا يا خوي
_______________________
النبي كان تجيب رابط واقتباس لـ "شرح العنقريب" الناس دي جت رعاعاب على عرب على ناس سفيان ديل كلهم عارفنها
| |
|
|
|
|
|
|
|
|
|
Re: ماعندكم حق...!! (Re: محمد البشرى الخضر)
|
Quote:
فمن المهم إنك كمشروع مفرول تعسّم الكتابة لمّن تغلبها القومة
|
منو القال كدا!؟
يا زول تاني انا ما بشتغل الا بكلام جبار سينغ همسلف ..
عشان هو قدوتنا ؤ كدي
باقي الرعاع ما عندي شغلة بيهم كلو كلو
سم ياخ كدي كشف هنا و حدد لي العسمة وين في البوست دا :
http://sudaneseonline.com/forum/viewforum.php?f...cdc4c9e5104648effc21
مثلاً ..
شايف عدد مشاهداتو 47374
و لّ قرايتك انت وحدك لا شريك لك هي المعتمدة!؟
سم سانين : منو القليك انا مستعد ابقى حربوية، او اغير اي حاجة عشان خاطر اي حاجة!؟
------------------
فلم " شرح العنقريب " ما خاشيهو و الله
لكن كان داير تخشننا ليو فاعلم سعادتكم انه لا مانع لدينا ..
المافي شنو!؟
كل سنة و انت طيب يا حبيب
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
Quote:
يعني الجملة الإعتراضية " يا قول مازن" دي ما كافية للتدليل على اني قريت تعليق محسن في سودانيات
لابد من اللينك و الاقتباس و الوش الضاحك
اسي دا ما أخير منو شرح العنقريب يا قيقرا يا خوي
|
هاك الوش دا
علي بالحلال ما تقول حاجة ..
ياخ انت ما شايف انك اطريت نفسك اكتر من اللازم!؟
منو هو القال ليك انا كاتب ليك انت!؟
تفاؤل شديد و الله!!
ما ممكن اكون عاوز ارسل رسالة لمزونة همسلف!؟
و تكون انت مجرد سبورة (او) تختة ساي [ يا عملات بشاشا ]؟
------
لو عاوز تحكي " شرح العنقريب " اتفضل طوالي ياخ ..
وحياتك ما تعاند قولا ..
انت في مطعم الباشا ياخ! ..
كلو شئ في .. المافي شنو يا حنين!؟
| |
|
|
|
|
|
|
|
|
|
Re: ماعندكم حق...!! (Re: قيقراوي)
|
يا قيقا يا اخي
بقى لعبك خشن النصيحة
وشنو
كدا (ماعندكم حق...!!)
يعني في سبيل نظرة من عيونك
تقوم تكرفس الوداد البيضاوي كلو
وتديهو الصقيعة
عيب عليك
أهجس
نصيبك حيصيبك يا اخي
ود البشرى
أفرمو بالله
لا بواكي عليه
وبالمناسبة رمضان كريم يا عمك
وتصوم وتفطر علي خير
أنت والأسرة
| |
|
|
|
|
|
|
|
|
|
Re: ماعندكم حق...!! (Re: بله محمد الفاضل)
|
دا شنو يا قيقرا؟ يعني عامل لي كلامي اقتباس بعد خرتمية يوم ومعلق عليه وتقول ما يمكن خاتيك تختة !!
ياخ اخير كان تقول لي فطها الخسمتك بالنبي ما تقولها لي
ثم تشيل تعليق محسن في سودانيات ديييييك على كلام مازن في الفورسيزونز الهناااااك داك تختو رد في اقتباس لي كلامي في الملجة هنا
لا حولا لا قوة, اللفة الطويلة دي لزومها شنو؟
يا معلم مالي احس بنبرة زعل في كلامك دا
يا قيقرا كل شي ولا زعلك. ما تشتغل بكلامي في زول يتطلع للفرولة يراعي لكلام العرب
خلاص يا معلم ليك علي اكون اول المهنئين بنجاح اي من مشروعيك
بس انت شد حيلك
بلة يا بلة رمضان كريم وتصوم وتفطر على خير
فرم شنو يا بلة ياخ الله يرضى عليك
اهو بنتونس و ناخد لينا خشم خشمين
| |
|
|
|
|
|
|
|
|
|
Re: ماعندكم حق...!! (Re: محمد البشرى الخضر)
|
Quote:
يا معلم مالي احس بنبرة زعل في كلامك دا
يا قيقرا كل شي ولا زعلك. ما تشتغل بكلامي في زول يتطلع للفرولة يراعي لكلام العرب
خلاص يا معلم ليك علي اكون اول المهنئين بنجاح اي من مشروعيك
بس انت شد حيلك
|
اكتر من الشوش دي يعملوا ليكم شنو يا شباب مطعم الباشا انتو عشان تعرفوا اني ما قاعد ازعل!؟
مسلي لا يوصف بـ ( زعلان ) و ما ما زعلان!!
كلامكم دا تقولوهو لزول ما جرّب الشهادة!!**
ياخ انا بصفتي الاممية زول قائد مشروع ..
فما في فرصة لاخذ المسائل السغافية البي الجسامة دي بمعيار زعلان/ ما زعلان ..
الحرد مافي في قاموسنا ..
و غالباً يكون دا الاجابة على السؤال الاثير : المافي شنو!؟
مافي حرد .. شفت كيف؟
ام الحردان ما معان ياخ!
----------
* كفيلد مارشال قيقا راعي قائداً لقوات حلف اللبن ..
و انت بصفتك مجرد( بيدق ) ؤ سيد لبن ساي
دي فوارق سغافية مهمة .. مما يقودني لسانين ( الاثيرة ) الموسومة بـ **
STAY TUNED
| |
|
|
|
|
|
|
| |
حاتم الياس
Balla Musa
النذير حجازي
الصادق اسماعيل
قيقراوي
بدر الدين احمد موسى
محمد البشرى الخضر
سفيان بشير نابرى
خدر
Rawia
محمد عبد الماجد الصايم
ناظم ابراهيم
تبارك شيخ الدين جبريل
HAYDER GASIM
المسافر
بله محمد الفاضل
فيس بوك
تويتر
انستقرام
يوتيوب
بنتيريست