|
قطع اليد من مفصل الكف
|
اصدرت جنايات النصر برئاسة مولانا د.اسامة احمد عبدالله حكما يقضي فيه بقطع اليد اليمنى من مفصل الكف لمتهم يواجه تهمة تحت المادة 175 من القانون الجنائي ، السرقة الحدية والذي اقدم على كسر باب احد المنازل وسرقة جهاز تلفاز LG واقمشة (ملايات) بالاضافة الى مقاطع اقمشة اخرى وذلك بمنطقة مايو الخرطوم. وتعود التفاصيل الى ان المتهم ذهب لمنزل الشاكية في غيابها وقام بكسر الباب والسرقة. وعند القبض عليه واستجوابه امام المحكمة ومعه متهم آخر اقر بارتكابه الجريمة ، وذكر ان المتهم الثاني اشترى منه جهاز التلفاز بينما انكر المتهم الثاني علمه بالسرقة. وبعد السماع للشهود الذين اكدوا ان الشاكية تملك تلك المسروقات ، وبعد تقييم المعروضات والتي زادت عن الحد المعروف وهو الف وخمسة جنيه (حيث بلغت قيمة المسروقات الف وتسعمائة وخمسين جنيه) ، وبعد الاطلاع على ارشيف المتهم والتي تعدت بلاغات السرقة فيه 9 بلاغات في مناطق مختلفة في الخرطوم اصدرت المحكمة قرارها السابق.
المصدر: صحيفة ألوان العدد 4649 بتاريخ الاربعاء 27/07/2011
|
|
|
|
|
|
|
|
Re: قطع اليد من مفصل الكف (Re: Ahmed Yousif Abu Harira)
|
. . . تعرف يا أبو حريره زمان زمن العداله الناجزه أو كما كانت تسمى
يحكى أن المكاشفى طه الكباشى ، حكم على متهم سرق ليه مسجل ، حد السرقه كانت وقتها 100 جنيه ، قيموا المسجل ب 95 ج ، يعنى الحد ناقص 5 جنيه ، قاليهم شوفوا المسجل فيه شريط ، قالوا ليه نعم فيه شريط ، قاليهم الشريط سعره 5 جنيه ، يله قطع يد . . . كيف يقيموا الحدود التى عطلها الخليفه عمر فى عام الرماده ، والله السودان حسع فى عام الرماده مرفوع للقوه مليون، ومع وجود حراميه بيسرقوا بالمليار. . .
حسبنا الله ونعم الوكيل... . .. .. .
| |
|
|
|
|
|
|
Re: قطع اليد من مفصل الكف (Re: Ahmed Yousif Abu Harira)
|
Quote: يتساوى سارق الملايات مع سارق المليارات... امام القانون. |
وين وين تلقو زى دا انا عارفك فتحت هذا البوست يا احمد يا ولدى وعندك راى انو خلاص يعنى جات على المسيكين دا ما الناس سفت لمن شبعت مافى زول اقام عليهم الحد مو كدى
| |
|
|
|
|
|
|
Re: قطع اليد من مفصل الكف (Re: خالد المحرب)
|
Quote: خلاص يعنى جات على المسيكين دا ما الناس سفت لمن شبعت مافى زول اقام عليهم الحد مو كدى |
بالظبط كده يا اب احمد اذا كان لابد ، نحن عايزين زي ده
Quote: انما أهلك من كان قبلكم إذا سرق فيهم الشريف تركوه وإذا سرق الضعيف أقاموا عليه الحد ، وايم الله .. لو أن فاطمة بنت محمد سرقت لقطعت يدها .
|
| |
|
|
|
|
|
|
Re: قطع اليد من مفصل الكف (Re: Haitham Elsiddiq)
|
Quote: الحد المعروف وهو الف وخمسة جنيه[/QUOTE
يعني في السودان كل البيسرق ألف وخمسمائة بيقطعوا يدو؟
يعني البيسرق ملايين بقطعوا جسموا كلو؟
لو كدة كان الناس الحاكمين ديل ما فضلت فيهم حتة
الباقر موسى
| |
|
|
|
|
|
|
Re: قطع اليد من مفصل الكف (Re: Mannan)
|
حليلك بتسرق سفنجة وملاية وغيرك بيسرق خروف السماية وفي واحد لو تصدق بيسرق ولاية ودا اصل الحكاية ...
_____________________________________________________________ سلامات يا ابا حريرة.
| |
|
|
|
|
|
|
| |