|
|
 صـهـيـل عـيـنيـك ...
|
صهيل عينيك
مدن تشهق نسايم الليل
وخاطر رف في حلم المناهو إجيها
مشاوير الصدى الريَّانة منِّها فيها
تشد ساعد مراكب الشوق
وتفرح بالمُنى الراجيها
صهيل عينيك
حنين بِلْداتنا لي عفرت صباح سيَّار
وحنين شتلاتنا لي التِعل البصب هَدَّار
دعاش الليل رابط عزو بي بهرج بريق عينيك
لهيب ضواي
بقود شوق المسافة إليك
وإدس وجع رجع الصهيل جواي
صهيل عينيك
حُجا الحبوبة لي فرحاً بِقالا وليف
تناجي صِغارا في جلسات ليالي الصيف
وحلم الطيف إفر من تالا وإمشيلم
وانز فرح الصغار عَمْران
وتتجمَّل ليالهم
صهيل عينيك
انادي الكان عبير رقاش
وإنادي الماش
وقدلة شوقنا لي زولاً
صهيل عينيو وجع نواش
صهيل عينك
حد الموجة لي ساحل العِشم مشتاق
تشيلو الموجة تقلد بيهو
لي غيم السما الدفاق
صهيل عينيك
وجع جواني بتمدد مع صرخة صدى الآهات
صدى النظرات ، صدى الحسرات تفتش ليك
وتفتش ليك ...
مدن مشدوهة من نسمات صهيل عينيك
وخاطر رف في حلم المناهو إجيك
إقيف راجيك
مرابط في مضارب الحي
طالق للسمع رسنو
عشان إسمع صهيل عينيك ...
عروة علي موسى ،،،
|
|
 
|
|
|
|
بدر الدين محمد
فيس بوك
تويتر
انستقرام
يوتيوب
بنتيريست