|
يا والى الخرطوم شعب ميدان جاكسون داير بنطون
|
بوستات مطرة امبارح ما قصرته فيها يا بورداب ولكن ماساتى انا يمين حارة ورغم المطرة الفيه الخير شفو عينى النا س عايمة والعبد الله كان فى شارع الحرية وناس كتار الى ميدان جاكسون زاحفة وفجأة شوية سحابة عابرة لقت ناس جاكسون الطافشة وكبت علينا طق طططق طططططوهاك يا هوى اوووووووووووووالشجر سسسسسسسسسسسسسس والكرعين فرررررررررررررررررررررررر المهم اول كافتريا انا والمعاى جو الجك بس المشكلة لقينا الكراسى فاضية وهاك يا ركلسة بعد شوية اولاد الحبش المابعرفوا الخجل جونا يا تشرب حاجة او تمشى تعوم فى المطرة النازلة المشكلة موية الخرطوم البنعاين ليه بالعين المجردة بنخاف نشربه كمان يجبوها لينا عصير عملت نايم ولمن الكلام كتر قلته يا زول انا صايم الحكاية مرت وناس تانين شالوا الجزم والشربات ام شبابيك دخلت مكان المناديل وهاك يا جرى فرشششششششششششششششششششششششش قرشششششششششششششششششش بس ماساتى انا خفته على النعال واتذكرته عم عبد الرحيم الشاله القطر وخفته يشلينى خيران والى الخرطوم على الله اتوكلته وببوز الجزمة فى الجيب حقرته المهم مرات عوم عديل بالبنطلون ودوس لحاجات جو الموية اسفنجية وحاجات تانى ما بدور اذكره وصلته الى ترعة ميدان جاكسون المكسورة وتحول شنط البنات حملات جزم وجزم الرجالة شماسى مطر وفجأة سمعته اىىىىىىىىىىىىىىىىىىىىىىىىىىىىى واىىىىىىىىىىىىىىى وسجمىىىىىىىىىىىىى واحد تانى بكوريك احسن ليكم تروح الجزمة ولا موية جاكسون البجيب الصدمة شايفين يا ناس البت ده كراعه انشرطت والحاجة فلة البيسى فيها مسكت . بينى وبينكم جبنته وخفته وفى نعالى ركبته وطوية البنطون فردته وعديل فى موية جاكسون جاهدته وكانت النتيجة الجزمة بقت بنطون والبنطلون شارلستون
وانا راكب الحافلة هتفته يا والى الخرطوم الشعب يريد بنطون
|
|
|
|
|
|
|
|
Re: يا والى الخرطوم شعب ميدان جاكسون داير بنطون (Re: بلدى يا حبوب)
|
يابلد ياحبوب أنت طالع من بيتكم ليه ؟؟؟ لا تزعجوا المسئولين فإنها جريمة يعاقب عليها مدثر الرشيد .... الوالي ما فاضي مشغول بهموم العباد والبلاد الجسام ... فتك بعافية يابلدي ... ألزموا بيوتكم من هنا لغاية شهر 10 وكل شيء بجيكم في عقر داركم حسب الوالي ... الشفيع
| |
|
|
|
|
|
|
Re: يا والى الخرطوم شعب ميدان جاكسون داير بنطون (Re: حسبو عكاشة)
|
الاخ/ الشفيع نعم لا لازعاج المسلولين فما اكثرهم فى سنتر الخرطوم ورايك شنو نجارى الاغنية الهابطة ستنر الخرطوم بس بالحكاوى سنتر الخرطوم هو ذاته وين حسه زمان البنعرفه كان جار الفكى المغوار ابوجنزير محروس بحيرانه وصدقات نسوانه وعربات الخرطوم كانت ياما حوله تحوم بركاتك يا شيخ ابوجنزير الميدان بقى ميدانك لا كافتريات ولمة جكس واولاد ضريح الشيخ بعده كله عاملين حمامات شوف عينى بستحموا فيها الشماسيات وناس كل حاجة بجنيه وحتى بنات الفكس الصينيات حولن المسيد الى فكس واكسورات لكن شيخ ابو جنزير شال جنزيره وهاك يا سك حرم بوليس النجدة والعمليات القاعدين قدامه كبوا الزوقة والان االشيخ راقد فى مسيده والميدان سيده .... مدد سا شيخنا كده الحقنا فى ميدان جاكسون خلى جماعتك يدخلوا الغابة على الاقل نلقى لينا موقف مواصلات مافيه شمس ولا رشاش مطر . ميدان جاكسون يا احباب ما لقى حتى فى وصف اغنية العربية الما خلت صحافات ولا امتداد عشان الناس زهجانه منه لكن شوف عزة ميدان ابوجنزير غنوا ليه البنات فى الحفلات وسنتر الخرطوم الماعرفه هو ميدان مواصلات ابوجنزير المحترم , كل ما تضربنى فيه مطرة لا فقدته فيه نعال ولا كفت بنطون جرت وساخات .... لسه النعال والبنطلون حراق على احساسى وكمان بقول
ميدان جاكسون الفقدته فيه نعالى ما جلد لا صينى لا تيوانى ايطالى عديل ياما شحدوه منى صحبانى اصلو النعال هدية مغترب ضاقت عليه كرعينه والبنطلون سودانى لا جيب بندقية ولا شارى يا رب كريم كتر علينا امطارك خلى القعده فى البيت لمن ينزل علينا رشاشك يمين تانى ميدان جاكسون باقى الخريف ماشايفه على بصات الوالى حتى لو وقافى تحياتى
| |
|
|
|
|
|
|
|