|
|
 محـــادــثة هـــاتـــفــية مـع والــي الـخـرطـــوم
|
- الوووووووووووووو
- ايوة معاك
- والي الخرطوم ؟
- ايوة معاك الوالي
- ازيك يا اخ حقيقة تعبت كتير لحد ما لقيت رقمك
- الله يسلمك بس ما عرفت معاي منو
- معاك محمد حسن من الرياض السعودية
- والله ما عرفتك
- ياخ انا زميل ليك دكتور بيطري زيك
- اها اهلا وسهلا عايز حاجة يادكتور
- سلامتك ياخ ما عايز حاجة بس عايز اقول ليك شايفك مهتم بالاستثمار الصناعي وجايب ناس من بلاد برة عشان يستثمرو في الخرطوم صاح ؟
- ايوة عندنا خطة طموحة
- بالله يادوك خلينا من طموحة وكلامكم بتاع الاعلام ده انا ضربت ليك لموضوع مهم جدا
- خير في شنو
- هنا في الرياض الصحرا وفي قلب نجد حيث تعاني من شح المياه كيلو الطماطم المحلي المنتج في عز الحر بي تلاتة ريال تزعين ىهللة
- كم؟؟؟؟؟؟؟؟؟؟؟؟؟؟؟؟؟
- تلاتة ريال بس ، كيف وانت في الخرطوم بين تلاتة انهار كيلو الطماطم عندكم بي 17 ريال ريال
- ما اصلوا طماطمنا طبيعية
- ودي ياسعادة الوالى بلاستيك؟
- لا قصدي يعني احم في الحقيقة الاسعار عالميا مرتفعة وبعدين في طماطم حبشية
- حبشك الماضراك ، اسمع انت ما تبطل شغلة الوالي وتجي تشتغل هنا
- والله لو لقيت لي فيزا الحقني بيها بس ما تكون راعي
- خلاص اجيب ليك فيزا امير لكن درجة تانية كويسة معاك ؟
- كويسة جدا زاتي اتفك من ناس سودانيز اونلاين وناس الجمرة الخبيثة بتاعة الموية ياخ دي بلد انا ما عارف الناس قاعدين فيها كيف
-طيب انت قاعد كيف ؟
- والله يا دكتور محمد كان ما الغمتة البغمتا لينا البشير كل مرة كان المرة بدلت هدومي بالعدة
- والله ما قصر البشير اهو كان هسه هدومك تكون ورا جامع امدرمان تجي ماري تلقى واحد يقول ليك يا شاب المرحوم قدرك
- ههههههههههههههه والله يادكتور محمد ضحكتني لاني من ما بقيت والاي ماضحكت كل زول جاييني بي مشكلة الداير واطة والدايرة كشك ، والمعلمين داير مواهي ، جابو لي الجلا
- يازول الباياطرة لبعضيهم
|
|
 
|
|
|
|
|
|
|
|
Re: محـــادــثة هـــاتـــفــية مـع والــي الـخـرطـــوم (Re: د.محمد حسن)
|
- الو
- ايوة
- محمد حسن ؟
ايوة معاي منو ؟
- ده انا الوالي د. خضر
- اوووووووووووه ازيك يا دكترة
- الحمدلله بالف خير ، اها لقيت لي الفيزا
- يا دوك اصبر شوية اليومين ديل الصيفية والجماعة كلهم سافرووا ، شكلك متضايق
- هو داب ضيق ، والله وزير المالية قرا الميزانية ريقي نشف ، ياخ دي بايظة كلو كلو
- انت القال ليك ابقى والي منو
- انا كنت فاكره هينة شوية احتفالات تنتهي بي عرضة ونفرتق نمشي بيوتنا ونضرب الراحات ، اها قامو فصلو الجنوب ، ونحن اكلنا نيم
- طيب ما في بترول في الشمال اصبر شوية
- يازول بترول شنو هو لو في الحيطلعوا منو ، الجاز وعمل نايم ، نافع ما معروف حيعمل شنو
والبشير الناس كلهم خايفين يجي من الرياض يقلب حنانها
- يازول الحكاية بطالة
- عرفت كيف عشان كدة عايز اامن ضهري بالفيزا ، وبعدين يا محمد الناس ديل كلهم عندهم جوازات بريطانية وامريكية ، الا نحن ناس قريعتي راحت
- يعني لو جاطت حقك راح
- راح ساي ، هسي قالو في تقشف ، حيشيلو مننا الموبايلات عشان كدة ضيفني معاك في الفيس بوك عشان ما اكلف عليك
- يازول ولا يهمك انا حأرسل ليك شريحة موبايلي
- تمام والله تكون ماقصرت
- خلاص اول ما تظهر الفيز حارسل ليك
- شكرا ليك يا دوك وربنا ما يحرمنا منك ودعناك الله ، امير يا دوك ما راعي
- ههه عارف وصيناهم
| |
|
|
|
|
|
|
|
|
|
Re: محـــادــثة هـــاتـــفــية مـع والــي الـخـرطـــوم (Re: د.محمد حسن)
|
ألو ؟
في سره (لاحول الله الزول ده ماقفل هسع)
في جهره اها دوك
بهمس لا لا ما الدوك
طيب انت منو ؟
انت موش د محمد؟
اي ياخ انت منو
انا من ناس البتاع
بتاع ؟ بتاع منو ياخ وضارب من تلفون الوالي كيف ؟
بشرح ليك بس براحة ماترفع صوتك
اللهم طولك ياروح اها قول
نحن ناس البتاع البتاع
يازول انا يقفل
لا لا لا اوعك مابلقى فرصة انا من الجهاز
جهاز شنو ياخ
لاحول ولاقوة الله الجهاز الجي ها ز
اها !!! عرفت بس بتتكلم بتلفون الوالي كيف ؟
دي قصة طويلة انا دخلت من هنا انا مسئول عن مراقبة التلفونات
يازول هو تراقب منو راقب زول
مقاطعاً لا ياخ ماتفهمني غلط انا بحكم التكليف سمعت المحادثة
طيب والمطلوب
المطلوب يعني لو ممكن ... تخليهم فيزتين ...
تووت تووت تووت
| |
|
|
|
|
|
| |
د.محمد حسن
الشفيع وراق عبد الرحمن
فايزودالقاضي
ادريس خليفة علم الهدي
Ahmed musa
فيس بوك
تويتر
انستقرام
يوتيوب
بنتيريست