|
Re: لمدمنى صفحة " الحضور الان" (Re: النصرى أمين)
|
Quote: اعتقد انها الصفحة المفضلة للكثيرين هنا |
lol يا النصري
ديل ناس الشمارات ولا شنو ؟؟
أنا أول يوم جيت استغربت لمن لقيت ليك في نص الهوجة دي الناس بتسأل عن صفحة (الحضور الآن)
الواحد أظن ما يتخمخ و مزاجو ما يستعدل إلا لمن يتاوق في صفحة الحضور الآن
بالأنا شفتو ده غايتو أتوقع انو لو بكري شال صفحة الحضور دي فالمنبر ده قد يهجره الكثيرون إلى غير رجعة :)
عندي مرة واحد صاحبي عاوز يدلل على فضولية الشعب السوداني.. قال لي جيب ليك باص حمولة أبو خمسين راكب داك فاضي، ودخل فيهو عشرة أنفار وشوف العشرة أنفار ديل حا يعقدوا وين.. كلهم حا يجروا على الشبابيك :)
أهو ده يتخيل لي زي الحاصل عندنا في صفحة الحضور الآن دي
| |
|
|
|
|