|
|
|
 Re: سودانيز اون لاين تستحق منّا ذلك (Re: صبري طه)
|
حسناً
يعرف الجميع ما حدث من خلاف هنا قبل فترة
خلافٌ قرر على اثره عددٌ مقدر من عضوية المنبر _ انا منهم _ التوقف عن الكتابة بشكل جماعي
كان إلتزاماً قطعناهو على انفسنا إلى ان نجد حلاً لإشكالنا مع ادارة هذا المنبر
و ما زال الحال على ما هو عليه .
و لكن ...
و كما جاء في عنوان موضوعي هذا
فإن سودانيز اون لاين " تستحق " منّا ذلك _ احب ان استخدم صيغة المؤنث في الحديث عن سودانيز اون لاين .
على رغم من موقفنا الذي نرى انه موضوعيّ ، و على الرغم من التزامنا به ، ولكننا _ هنا اعنيني و البعض معي _ نرى ان ما تمر به
سودانيز اون لاين في هذه الايام يستحق وقفة تضامنية من الجميع ، وقفة تعيدها لسابق عدها الذي تركناها عليه ، وقفة متمثلة بعودتنا للكتابة في هذه الفترة حتى يستعيد المنبر قراءه و مكانته التي اوصلته إليها اقلام العديد من المتوقفين عن الكتابة .
انا من هنا ادعوهم للعودة المؤقتة ، على ان نعود لمقاطعتنا بعد ان يسترد المنبر عافيته .
| |
 
|
|
|
|
|
|
|
|
Re: سودانيز اون لاين تستحق منّا ذلك (Re: صبري طه)
|
Quote: سلام ... ويا سلام يا سلمى ...
والخيل الأصيلة بتجي في اللّفة ... |
صديقي صبري طه
ازيك ؟؟
ما اتاحته لنا سودانيز اون لاين من علاقات جميلة
مع اناس رائعين مثلكم يجبرنا على اكثر من ذلك
لن نبخل عليها بما نقدر عليه
شكرا على مرورك
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: سلمى تاور)
|
Quote:
وفي إنتظار البقية
لي عودة
سلمى تاور
موقعة على عريضة معاً للمحافظة على منبر سودانيز اون لاين
|
يا سلام يا سلوم ياخ!
شوفتك شفاء و حردكم يشفقك ( وش باسم ذو انياب باينة بينونة كبرى )
فرحت جد و الله
اصيلة يا تفيدة ...
اصيلة و الله
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: الصادق ضرار)
|
Quote: السلام عليكم
تحيه لكل احرار بلادي
اولا مبروك للجميع انفصال الجنوب
وليزهب الجنوب الي الجحيم
وما عايزين فلسفه ووطنيه وقلبي علي الوطن
كلكم معفنين ومتاجرين بالقضيه
عشان كدا ما اسمع ولا كلمه في الموقع دا
يلا في امان الله وتمنياتي بالتوفيق لصاحب الموقع
وربنا يفك ازمتو |
كون أن الموقع تم تهكيره من قبل الكيزان دي ما دايرة درس عصر ولا عصر دماغ فيهو حتة من جدول واحد
منو الفي السودان اللي لما يعجز عن الراي بيركب الدبابة أو يشيل السيخ أو يغدر ويتغول على حق الآخرين في حرية التعبير غير الكيزان
منو البقى عندو حجر الرأي والتعالي وعدم الإعتارف بالآخر هو القاعدة غير الكيزان وحزبهم المؤتمر الوطني
ومنو الإنفصالي في السودان غير الكيزان
Quote: اولا مبروك للجميع انفصال الجنوب
|
ومن البيستخدم لغة العنف وفعل العنف مع أخوانا الجنوبيين غير الكيزان
Quote:
وليزهب الجنوب الي الجحيم |
ومين البيتهم الآخرين في وطنيتهم عند أول زنقة غير الكيزان
Quote: وما عايزين فلسفه ووطنيه وقلبي علي الوطن
كلكم معفنين ومتاجرين بالقضيه
|
ومين البتكلم بتعالى وغرور على الآخرين وويلغي الآخر ورايه وموقفه ويضيق به ذرعاً ويعمل فيها الآمر الناهي بدون اي حيثيات فكرية أو منهجية أو منطق بسيط وكأن السودان بيت أشباح كبير غير الكيزان
Quote: عشان كدا ما اسمع ولا كلمه في الموقع دا
|
ومين البيخرب الشي ذاتا ويعمل ويخادع الله بالأمنيات الكاذبة وهو لا يخدع غير نفسه غير الكيزان
Quote: يلا في امان الله وتمنياتي بالتوفيق لصاحب الموقع
وربنا يفك ازمتو |
غني عن القول إن كل المرات التي شهد فيها الموقع تهكيراً لأكثر من يوم كانت في لحظات يواجه فيها النظام أوقاتاً عصيبة يريد فيها أن تسود وجهة نظر واحدة هي لغة المؤتمر الوطني/ الكيزان الرسمية
وأنظروا لكلمات الهكر عن الإنفصال واستعداء الجنوبيين واتهام الآخرين في وطنيتهم وكأنهم لم يكونوا بالأمس شركاء النظام ومن يمرر شريط أخبار مسجل عن أيام الشراكة يقتنع أن الشعب السوداني - في نظر الكيزان - هو شعب بدون ذاكرة.
وكل موقع للرأي والرأي الآخر في نظر الكيزان هو سيرفر بدون دومين.
لكن كما ان مداخلاتنا مكتوبة في الوجدان فإن مرارات الشعب السوداني مكتوبة في ملامح كل وجه أغبش ومنقوشة في كل ضمير حي لا تغيب عنها الشمس إلا لتشرق من جديد وهي أشد وهجاً وأكثر ألقاً وأبهى نوراً من كل ظلام دامس.
| |
|
|
|
|
|
|
|
|
Re: سودانيز اون لاين تستحق منّا ذلك (Re: طارق جبريل)
|
هنا وطن بحجم السماء ,,, نثرنا فى محرابه وجدنا المقيم
عنما ضاقت بنا رحاب الارض وتمزقت اشلاء
هنا وطن شيدناه و تشكلت ملامحه بكل الاراء والسحنات والدنيانات ,,,,
هنا سارت بنا السفينه -ومازالت- مع التيار وعكسه ,,,,
من قال ان الشمس قد ذهبت وان البدر فى ريغان رونقه بدا يهبط ؟؟؟
نحن وانت مانزال ياسلمى نحكى اسطورة العشق لهذا المكان ,,,,,
وليبق الاختلاف فى مثل ادبك الجم وفكرك الاصيل
دمتى بسلام
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: غباشي)
|
Quote: Up
حتى تعود للمنبر سيرته الاولى |
غباشي
نتمنى فعلا ان تعود للمنبر سيرته الاولى
الاولى تلك ، التي اختلفنا مع ادارته لأجلها
عندما كان فعلا وطن من لا وطن له ، و عندما كان يسع الجميع
شكرا لك يا صديقي
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: Elawad Eltayeb)
|
| Quote: لكن كما ان مداخلاتنا مكتوبة في الوجدان فإن مرارات الشعب السوداني مكتوبة في ملامح كل وجه أغبش ومنقوشة في كل ضمير حي لا تغيب عنها الشمس إلا لتشرق من جديد وهي أشد وهجاً وأكثر ألقاً وأبهى نوراً من كل ظلام دامس. |
مرحبا العوض الطيب
اشكرك على مداخلتك الدسمة
كن بخير
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: د.يوسف محمد طاهر)
|
| Quote: عين وأصابت المنبر ... التحية للباشمهندس بكري ولجميع الأعضاء ونقول ليهم الجاتكم في منبركم سامحتكم ... سلام سلمى ... كيف أخبار الأهل ؟ |
أهليـــــــــــــــــن دكتور يوسف
كيف صحتك ؟؟ إن شاء الله انت كويس ؟؟
و فعلا المنبر الجاتو المرة دي قوية خلاااااص
بلاي ترفع ليهو فاتحة كااااربة كدة يا راجل يا طيب
ربنا يفك كربته
تحياتي لأستاذة سلوى و البنات و د . حافظ
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: سلمى تاور)
|
Quote: كون أن الموقع تم تهكيره من قبل الكيزان دي ما دايرة درس عصر ولا عصر دماغ فيهو حتة من جدول واحد
منو الفي السودان اللي لما يعجز عن الراي بيركب الدبابة أو يشيل السيخ أو يغدر ويتغول على حق الآخرين في حرية التعبير غير الكيزان
|
كامل التضامن ..فليذهب هولاء السفلة للجحيم
سلام سلمى
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: معاوية عبيد الصائم)
|
بت تاور سلام
لو الحوت بتحمل من البحر نص ليله بتحمل انا فراق سودانيز او لاين
لا اكتب ولكن اقرأ لا حرمنا الله من التنفس برئه المنبر و انتم لا تحرمونا اوكسجينكم
طالما تملكون ما نحتاج فنرجو ان نكون الاولى من حاجات رفعت اقلامكم وجعلت صحف منبرنا تفتقدكم
| |
|
|
|
|
|
|
|
|
|
Re: سودانيز اون لاين تستحق منّا ذلك (Re: موسي الراجل)
|
وطن النجوم أنا هنا ،، فعلا يحتاج منا سودانيز أون لاين للوقف حوله ومنع هذه الأيادي القاشمة من تخريبه . لك التحية أختي سلمي تاور على هذا البوست الذي اعتبره أسترداد لبعض اراضي سودانيز التي فقدت اخيراً وأتمنى أن يرجع المنبر كما هو وتعود لنا الحياة معه فما لينا غيره حياة .. والتحية للباش مهندس بكري ابوبكر على ما يبذله من جهد من اجل التلاقي هنا ..
تحياتي : ياسر العيلفون
| |
|
|
|
|
|
|
|
|
 Re: سودانيز اون لاين تستحق منّا ذلك (Re: ياسر السر)
|
سودانيز اون لآين زي شارع النيل نتنسم فوقه عبير الوطن،
تطل علينا بحري من الجهة الجنوبية، وعلي شمالنا أمدرمان
مدينة السرآب والحنين، وعلي يميننا بري حلآوة والزول
طرآوة. إنه الوطن بعينه وهو مِلك للجميع.
تحياتي...
| |
|
|
|
|
|
|
| |
سلمى تاور
saadeldin abdelrahman
سارة علي
سلمى الشيخ سلامة
محمد البشرى الخضر
سيف بخيت موسي
قيقراوي
abas
الامين محمد علي
Mohamed Foto7li
الصادق ضرار
Elawad Eltayeb
غباشي
حبيب نورة
عثمان رضوان
محمد عبد الماجد الصايم
ادهم عبد الرحمن نصر
طارق جبريل
Frankly
أيمن التوم حسن
ادم شحوتاي
Mohamed Abdelgaleel
طارق زروق
د.يوسف محمد طاهر
ياسر السر
معاوية المدير
فيس بوك
تويتر
انستقرام
يوتيوب
بنتيريست